نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى

ءتۇرى: قازاقستان «سۇننەت» اقپاراتتارى

جولدانعان ۋاقىتى: 12:30 - 2021/02/19

Нақты Көзі: https://sunna.kz/2021/02/19/1021902/

رۋحاني دايىندىق ايى - Sunna.kz

قاسيەتتى قۇراندا: «اللانىڭ كوكتەر مەن جەردى جاراتقان كۇنى جازعان ۇكىمى (ورناتقان زاڭدىلىعى) بويىنشا ايلاردىڭ سانى – ون ەكى، ولاردىڭ تورتەۋى – حارام ايلار. مىنە، (ادامزاتتىڭ يگىلىگى ءۇشىن) ەڭ دۇرىس ءارى ءمىنسىز جۇيە – وسى. ەندەشە، بۇل ايلاردا (ياعني، قاسيەتتى ايلاردى قۇرمەت تۇتپاي نەمەسە ورنىن اۋىستىرۋ ارقىلى) وز-وزدەرىڭە قيانات جاساماڭدار»، – دەلىنگەن («تاۋبە» سۇرەسى، 36-ايات).

ارداقتى پايعامبارىمىز (وعان اللانىڭ سالاۋاتى مەن سالەمى بولسىن) وسى ايلارعا ەرەكشە كوڭىل بولەتىن، ونى قالاي وتكىزۋ كەرەكتىگى جونىندە ساحابالارعا كەڭەس ايتىپ وتىراتىن. سونداي-اق ەرەجەپ ايى باستالعان كەزدە: «ۋا، اللا! ەرەجەپ جانە شاعبان ايلارىندا بىزگە بەرەكە بەر، ءبىزدى رامازان ايىنا جەتكىزە گور!»  – دەپ دۇعا وقيتىن ء(بايھاقي).

ەرەجەپ ايىنىڭ مۇسىلماندار ءۇشىن ورنى بولەك. ونىڭ بىرنەشە سەبەبى بار.

«راجاب» ءسوزى ۇلىقتاۋ، قۇرمەتتەۋ دەگەن ماعىنانى بىلدىرەدى. اراب حالقى يسلام ءدىنى كەلمەي تۇرىپ بۇل ايدى ەرەكشە قادىرلەگەن. ءتىپتى وسى ۋاقىتتا جىلداپ جالعاسىپ كەلە جاتقان سوعىستار، ارازدىقتار توقتاعان. ەرەجەپ ايى – اللا تاعالانىڭ سوعىسۋعا، قان توگۋگە تىيىم سالعان (زۇلقاعدا، زۇلحيججا، مۇحاررام، راجاب) ايلارىنىڭ ءبىرى.

ەرەجەپ ايىندا ەلەۋلى تاريحي وقيعالار وتكەن. مىسالى، جەر بەتىن سۋ باسقاندا نۇح پايعامبار كەمەگە مىنگەن، مۇحاممەد (وعان اللانىڭ سالاۋاتى مەن سالەمى بولسىن) پايعامبارعا العاشقى ۋاحي تۇسە باستاعان، ميعراجعا (كوككە) كوتەرىلگەن.

ەرەجەپ – بەرەكەلى ءارى ۇلىق اي. ونداعى از عانا ىزگى ىسكە كوپتەگەن ساۋاپتار بەرىلەدى، قۇلشىلىقتار مەن دۇعالار قابىل بولادى. اللا ەلشىسى (وعان اللانىڭ سالاۋاتى مەن سالەمى بولسىن): «بەس ءتۇن بار، وندا دۇعالار كەرى قايتارىلمايدى. ولار – ەرەجەپ ايىنىڭ العاشقى ءتۇنى، شاعبان ايىنىڭ جارتىسىنداعى ءتۇن، جۇما ءتۇنى، ورازا جانە قۇربان ايت تۇندەرى»،– دەگەن (يبن اساكير).

ەرەجەپ ايىنىڭ العاشقى جۇماسىندا راعايىپ نامازىن وقۋ تۋرالى كەلگەن ءحاديستى كەيبىر عالىمدار نەگىزسىز دەپ ايتقان. دەگەنمەن اللا ەلشىسى ەرەجەپ ايىندا كوپ يستيعفار ايتۋعا (كەشىرىم تىلەۋگە) ۇندەگەن.

بىر ادام پايعامبارىمىزعا (وعان اللانىڭ سالاۋاتى مەن سالەمى بولسىن) كەلىپ: ء«بىز جاھيلياتتا ەرەجەپ ايىندا (وسى ايدىڭ قۇرمەتىنە) قۇربان شالاتىن ەدىك. ەندى بىزگە نە بۇيىراسىز؟» – دەپ سۇرادى. اللا ەلشىسى: «اللانىڭ جولىندا قايسى ايدا بولسا دا قۇرباندىق شالا بەرىڭدەر. اللا ءۇشىن جاقسىلىق جاساڭدار. تاماقتاندىرىڭدار»،– دەدى ء(ابۋ ءداۋىت). سوندىقتان بۇل ايدا قايىرىمدىلىق ىستەرمەن دە اينالىسۋدى ۇمىتپاعان ءجون.

اللا ەلشىسى (وعان اللانىڭ سالاۋاتى مەن سالەمى بولسىن) ەرەجەپ ايىندا ورازا تۇتاتىن. ءجانناتتا سۋى سۇتتەن اق، بالدان ءتاتتى جانە مۇزدان سالقىن ءبىر جۇماق وزەن بار. ول ەرەجەپ دەپ اتالادى. بۇل ءمولدىر بۇلاقتان تەك ەرەجەپ ايىندا ورازا ۇستاعاندار عانا ىشەدى. الايدا بۇل ايدا ورازا تۇتۋ، تۇتپاۋ اركىمنىڭ ءوز ەركى بولۋى ءتيىس.

ەرەجەپ جەلگە، شاعبان بۇلتقا، رامازان جاڭبىرعا ۇقسايدى. ەرەجەپ ايىندا ءدان ەگىلمەسە، شاعبان ايىندا سۋارىلماسا، رامازان ايىندا ودان قانداي ەگىن كۇتۋگە بولادى. سول سەبەپتى بۇل ايدى بارىنشا پايدالى وتكىزىپ، عيبادات جاساپ، دۇعا ەتىپ، ارازداسقاندار بىر-بىرىمەن جاراسىپ، تاتۋلاسۋى كەرەك. قىسقاسى رامازان ايىنا دەگەن رۋحاني دايىندىقتى وسى ايدان باستاعان ۇتىمدى بولماق.

بيىل ەرەجەپ ايى 13 اقپان كۇنى باستالادى. اللا تاعالا دۇعامىز بەن عيباداتىمىزدى قابىل ەتىپ، قاسيەتتى ايدىڭ شاراپاتى مەن بەرەكەسىن ءناسىپ ەتكەي!

حاسان امانقۇل

«مۇنارا» گازەتى، №3، 2020 جىل


كەلۋ قاينارى: http://www.elarna.net/koru.php?tur=18&id=1357102

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


ءارتۇرلى تاقىرىپقا قاتى 1 مينوت
تۇركيادا تىكۇشاق اپاتقا 4 مينوت
تۇركيادا اسكەري تىكۇشاق 6 مينوت
ورتالىق كوميتەت ۇگىت ءب 6 مينوت
الماتى اۆتوپاركتەرى 400 6 مينوت
جىلۋعا قاتىستى جاڭاتاست 13 مينوت
ەلىمىزدەگى مەشىتتەر قاز 16 مينوت
شىمكەنتتە كوروناۆيرۋس ج 16 مينوت
ستەند اتۋدان قازاقستان 16 مينوت
ءاليحان بوكەيحان | ادە 16 مينوت
گۇل شوقتارىن قالاي تاڭد 26 مينوت
باتىس قازاقستانعا ەدىل 26 مينوت
پومپەونىڭ قاسكۇنەمدىگى 26 مينوت
فۋتبول: «اقجايىققا» جاڭ 1 ساعات
جاسىل ايماقتاعى مەشىتتە 1 ساعات
شابادان (اڭگىمە) | Dala 1 ساعات
تۇركىستان وبلىسىندا ۇشە 1 ساعات
ميانماداعى ماسقارانى تو 1 ساعات
يتاليالىق كومپانيا تۇرك 1 ساعات
وقۋ - اعارتۋداعى تابىس 1 ساعات
شقو. «ارمان» بالاباقشاس 1 ساعات
قازاقستاندىق بالۋاندار 1 ساعات
ورالدا بالالار مىنگەن 2 1 ساعات
الماتىدا COVID-19-عا قا 1 ساعات
الماتىداعى پەرزەنتحاناد 1 ساعات
يتاليانىڭ كومپانياسى تۇ 1 ساعات
مەكەمەلەرگە QR-كود ارقى 1 ساعات
جامبىلدا مۇعالىمدەرگە ك 1 ساعات
«بارىس» ۇتتى، ەسەپ تەڭە 1 ساعات
شقو-دا پەرزەنتحانالاردى 1 ساعات