نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى

ءتۇرى: قازاقستان «سۇننەت» اقپاراتتارى

جولدانعان ۋاقىتى: 09:30 - 2021/02/18

Нақты Көзі: https://sunna.kz/2021/02/18/1021802/

جان ازىعى - Sunna.kz

ادامنىڭ  ءوز  عۇمىرىندا  قول  جەتكىزگەن  ەڭ  اسقاق جەتىستىكتەرىنىڭ ءبىرى – كىتاپ وقۋعا داعدىلانىپ، پاي-دالى  نارسەلەرمەن  سانانى  دامىتۋ.  كىتاپ  ومىرلىك تاجىريبەلەردى بويىنا جيناقتاعان، كونەدەن سىر شەرتىپ، بولاشاققا  باعدار  ۇسىناتىن  داناگوي  قاريا  ىسپەتتى.

كىتاپ جايلى ونىڭ ءقادىرىن بىلگەندەردىڭ ءبىرى كىتاپقۇمار شىعىستىق ءال-جاحيز دەگەن جازۋشى: «كىتاپ – اينىماس دوس، جالىقتىرمايتىن سەرىك، اقى سۇرامايتىن كەڭەسشى، سالماق سالمايتىن كورشى. ءارى سەنەن ەش نارسەڭدى العىسى كەلمەيتىن دوس، الدامايدى، ەكىجۇزدىلىك تانىتپايدى، اي-لاسىن اسىرىپ تا كەتپەيدى» دەگەن. شەكسپير: «كىتاپ ماعان تاقتان دا قىمبات» دەسە، باۋست: «نادانمەن قاس بولعانشا، كىتاپپەن دوس بول» دەگەن ەكەن. فرانتسۋز جازۋشىسى گيۋگو دا ءوز كەزەگىندە:«كىتاپ – اسىپ-تا-سپايتىن اسىل دوسىمىز» دەپ وي تۇيەدى.

كىتاپقا قاراساڭ كوزىڭ تويمايدى، جىگەرىڭدى قايراپ، ءتىلىڭدى  بايىتادى.  سونىمەن  قاتار  جان  دۇنيەڭدى تەبىرەنتىپ،  شەشەندىككە  باۋليدى.  ورەڭدى  كەڭىتىپ، ساناڭدى  دامىتادى.  كىتاپ  ارقىلى  ادام  باسقالاردى قۇرمەتتەۋدى  ۇيرەنەدى.  كوپ  ادامدار  بىلمەيتىن نارسەلەرگە قول جەتكىزەسىڭ. ءارى الدانىپ قالۋدان امان، باسقا بىرەۋدىڭ ەسىگىندە تۇرىپ تەلمىرىپ ءبىلىم الۋدان اۋلاق بولاسىڭ. وزىڭنەن مىنەزى ناشار بىرەۋمەن بىرگە وتىرۋدان، جاماندارمەن ارالاسۋدان، باي-ماناپتارمەن بايلانىس ورناتىپ، ولارعا جالتاڭداپ تاۋەلدى بولۋدان ۇتىلاسىڭ.

كىتاپ كۇندىز ساعان قالاي بويسۇنسا، تۇندە دە سولاي بويسۇنادى. ساپاردا دا، جاي ۋاقىتتا دا جانىڭنان تا-بىلادى. ۇيقىسىراپ السىزدىك تانىتپايدى. سەن وعان ەشتەڭە بەرمەسەڭ دە ول ساعان پايداسىن بەرۋىن ءبىر ءسات تە توقتاتپايتىن ۇستاز. قانشالىقتى ونىمەن بىرگە بولساڭ دا جالىقتىرمايدى. ونى سورەڭنەن الىپ تاستامايىن-شا، ساعان ىزگىلىكتىڭ نۇرىن توگە بەرەدى.

كىتاپقا ۇزاق ۋاقىت بايلانۋ ادامدى پايداسىز نارسەگە قاراۋدان، بوس سويلەۋدەن، مىنەزى جامان كىسىلەرمەن ارالاسىپ، جاعىمسىز قاسيەتتەرىن جۇقتىرۋدان امان ساقتايدى. سونىمەن قاتار اقيقاتتى تانىپ، ودان پايدا الۋعا جاردەمدەسەدى، ولاي بولماسا دا بوس قيالداردان قورعاپ، جالقاۋلىققا جار بەرۋدەن، ويىن-ساۋىققا ادەتتەنۋدەن الىستاتادى.

كىتاپ ءوز يەسى ءۇشىن اسا ۇلكەن نىعمەتتەرگە جەتەلەپ، بولاشاققا جول سىلتەيدى. سونىمەن، كۇندى بوس كۇلكىمەن، ءتۇندى وي-ىنمەن وتكىزگەننەن ابزال نارسە، ول – كىتاپ وقۋ. ءومىرىن بوس، ءمانسىز، ىزگىلىكتەن ماقۇرىم وتكىزگىسى كەلگەندەر ءۇشىن كىتاپ  ەشقانداي  پايدا  بەرمەيتىندەي،  ءتىپتى  اقىلىنا اقىل، تاجىريبەسىنە تاجىريبە قوسپايتىن سەكىلدى كورىنەدى.

كىتاپتىڭ  ارتىقشىلىعى  جايلى  تومەندەگى مالىمەتتەردى ۇسىنا كەتەيىك:ابۋ  ۇبايدانىڭ  ايتۋىنشا،  ءالمۋلاھھاب  دەگەن كىسى  بالالارىنا:  ء«اي،  بالالارىم!  بازاردا  تەك  قانا ءبىلىم  الۋعا  قاجەتتى  زاتتاردى  ساتۋدان  باسقا  ىسپەن اينالىسپاڭدار» دەپ وسيەت قالدىرعان ەكەن.

بىر دوسىم ماعان بىلاي دەدى: «شام ەلىنەن كەلگەن ءبىر  عالىمنىڭ  قاسىندا  بولىپ،  كىتاپ  وقىدىم،  ودان كوپتەگەن اسەر الدىم. ول كىسى: «بۇكىل كوركەمدىك كىتاپتا عانا قالدى» دەدى. ءال-حاسان ءلۋلۋيدىڭ: «قىرىق جىل بويى جاتسام دا، تۇرسام دا، وتىرسام دا قولتىعىمنان كىتاپتى تاستاعان ەمەسپىن» دەگەنىن ەستىدىم.

يبن  ءال-جاھم  بىلاي  دەگەن:  «ۇيىقتايتىن ۋاقىتتان باسقا كەزدە كوزىم ءىلىنىپ، قالعىسام دانالىق كىتاپتارىنىڭ ءبىرىن قولىما الاتىنمىن. ءسويتىپ ودان ءوزىمدى  وياتىپ،  ۇيقىمدى  اشاتىن  نارسە  تاباتىنمىن. وسىلاي جۇرەگىمە قۋانىش ۇيالايتىن». يبن ءال-جاھم تاعى ءبىر سوزىندە بىلاي دەگەن: «ەگەر ءبىر كىتاپ جايلى وتە جاقسى ەكەن دەپ ەستىسەم، ونى ىزدەپ تاۋىپ الاتىنمىن جانە ودان پايدا الۋعا تىرىساتىنمىن. ءبىتىپ قالماسا ەكەن دەپ ونىڭ پاراعى قانشالىقتى قالعانىنا قايتا-قايتا قارايتىنمىن. ال، قۇراننىڭ پاراعى قانشالىقتى كوپ  بولسا،  مەنىڭ  دە  ءومىرىم  سونشالىقتى  كامىل  ءارى قۋانىشتى».

ال-ۋتبي كەيبىر عالىمداردىڭ كىتابىنا بايلانى-ستى بىلاي دەگەن: «ەگەر كىتاپ قالىڭ ءارى پاراقتارى كوپ بولماسا، ونى قايتا كوشىرەتىن ەدىم».

حاكىم  اباي: «ارتىق  عىلىم  كىتاپتا،  ەرىنبە وقىپ  كورۋگە»  دەسە، احمەت  بايتۇرسىنوۆ:  «وقۋسىز حالىق قانشا باي بولسا دا ءبىراز جىلداردان كەيىن ونىڭ بايلىعى  ونەرلى  حالىقتاردىڭ  قولىنا  كوشەدى»  دەپ كوشتەن قالماۋعا شاقىرعان.

كىتاپتىڭ ماڭىزىن جاقسى تۇسىنگەن م. گوركي: «ەگەر مەن باي بولسام، تەك قانا كىتاپ ساتىپ الار ەم»،«كىتاپ الەمدەگى قۇپيالى ۇلى عاجايىپتاردىڭ  ءبىرى»  دەپ  ءسوز  قالدىرعان. سەركە قوجامقۇلوۆ: «كىتاپ – ءومىر ۇستازى. سوندىقتان جاستار كىتاپ وقۋدى كۇندەلىكتى ادەت قىلۋى ءتيىس. كىتاپ وقىماي ءومىردى ءبىلۋ، ءبىلىم الۋ مۇمكىن ەمەس»، – دەپ جاستاردى كىتاپ وقۋعا شاقىرعان.

«بار كىتاپ ءبىر كىتاپتى ءتۇسىنۋ ءۇشىن وقىلادى» دەگەندەي، كىتاپتاردىڭ ىشىندەگى ەڭ ارداقتىسى مىنا كىتاپ:

 كِتَابٌ أُنزِلَ إِلَيْكَ فَلَا يَكُن فِي صَدْرِكَ حَرَجٌ مِّنْهُ لِتُنذِرَ بِهِ وَذِكْرَىٰ لِلْمُؤْمِنِينَ

«(ۋا، مۇحاممەد!): بۇل ساعان تۇسىرىلگەن كىتاپ. سوندىقتان كوڭىلىڭدە كىربىڭ بولماسىن. بۇل كىتاپ ساعان (اللاعا اسىلىق قىلعان ادامداردى) ەسكەرتۋىڭ جانە مۇمىندەرگە ناسيحات ايتىپ، راببىلارىنىڭ ولارعا  دەگەن  راقىمى  مەن  كەڭشىلىگىن  ەستەرىنە سالۋىڭ ءۇشىن ءتۇسىرىلدى» («اعراف» سۇرەسى، 2-ايات).

قورىتا ايتساق، كىتاپ وقۋدىڭ كوپتەگەن پايدالارى بار. ولار:

–  ءۋاسۋاسا مەن قايعىنى سەيىلتەدى;

–  جالعان سوزگە كىرىسىپ كەتۋدەن ساقتايدى;

–  جالعان ايتۋشىلارمەن ارالاسۋدان ساقتايدى;

–  ءتىلدى  ماشىقتاندىرادى،  قاتە  سويلەۋدەن ساقتايدى. شەشەندىككە باۋليدى;

–  اقىل داميدى، وي ۇشقىر جانە سانا تازا بولادى;

–  ءبىلىم دامىپ، تۇسىنىك كەڭەيەدى;

–  ادامداردىڭ تاجىريبەسىنەن جانە عالىمداردىڭ شەشىمىنەن پايدا الادى;

–  ءبىلىم-عىلىمدى  ساراپتاۋعا  جانە  ءارتۇرلى مادەنيەتتەردى  وقىپ،  ونىڭ  ومىردەگى  ماڭىزدىلىعىن تۇسىنۋگە ۇيرەتەدى.

يسلام جايلى كىتاپ بولسا، يماننىڭ ارتۋىنا سەبەپ بولادى. ويتكەنى كىتاپ كوركەم ۋاعىز، جاماندىقتان تى-يادى، جاقسىلىققا شاقىرادى.

سانانىڭ سان-ساققا كەتۋىنەن، جۇرەكتى مازاسىزدانۋ-دان، ۋاقىتتى بوسقا ولتىرۋدەن ساقتايدى.

سوزدى بايىپپەن تۇسىنۋگە، ءماتىندى تەرەڭ زەردەلەۋگە، ودان ماقسات ەتىلگەن نارسەنى تۇسىنۋگە، سونىمەن قاتار استارلى سوزدەردى تۇسىنۋگە كومەكتەسەدى.

«ۇمىت ساۋلەسى» كىتابىنان الىندى.

Sunna.kz


كەلۋ قاينارى: http://www.elarna.net/koru.php?tur=18&id=1356149

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


"توبىل" قازاق 1 مينوت
الماتىدا 8 ناۋرىز مەرەك 1 مينوت
گۇلدەنۋ ۇلى كۇشىن ۇيىست 10 مينوت
گۇلدەنۋ ۇلى كۇشىن ۇيىست 11 مينوت
حوككەي: «بارىس» پلەي-وف 12 مينوت
الماتىنىڭ ورتاسىنداعى ك 21 مينوت
جاۋاپكەرشىلىك. مەيىرىم. 21 مينوت
ارال اۋدانىنداعى شارۋال 21 مينوت
گويتي دازاەۆ ماسكەۋدە ج 21 مينوت
سالعىرت قۇرىلىسشىلارمەن 27 مينوت
شينجياڭنىڭ بولاشاعى، ءس 1 ساعات
العىس ايتۋ سەزىمىن جۇرە 1 ساعات
«توبىل» كلۋبى قازاقستان 1 ساعات
جانداربەك بەكشين كارانت 1 ساعات
العىس ايتۋ سەزىمىن جۇرە 1 ساعات
ىنتىماق، ورنىقتىلىق − ء 1 ساعات
13 - كەزەكتى مەملەكەتتى 1 ساعات
ەگيپەتتە تاكسي مەن جۇك 1 ساعات
اقمولادا بوراننان جۇزدە 1 ساعات
8 ناۋرىز كۇنى وقۋشىلار 1 ساعات
الماتىدا ماسكا كيۋ ءتار 1 ساعات
شقو-دا كارانتين تالاپتا 1 ساعات
حالىق ءۇشىن مىندەت اتقا 1 ساعات
13 - كەزەكتى مەملەكەتتى 1 ساعات
شورت-ترەكتەن الەم چەمپي 1 ساعات
ءبىر وتباسىندا 4 ادام ق 1 ساعات
مەن وقىعان ءبىر كىتاپ&# 1 ساعات
«شاحتەر» ماتچتارىن نۇر- 1 ساعات
ەلىمىزدىڭ 13 وڭىرىندە د 1 ساعات
اقىلى جولدار: جىل باسىن 1 ساعات