ءتۇرى: قازاقستان «سۇننەت» اقپاراتتارى
جولدانعان ۋاقىتى: 09:20 - 2021/02/17
اتاقتى ءتاپسىرشى، تاريحشى، حاديس ءىلىمىنىڭ مايتالمانى يمام يبن جارير ءات-تاباريدىڭ ءومىرى پەندە اتاۋلىعا ۇلكەن عيبرات. ول سەكىلدى ۋاقىتىن ۇنەمدەگەن ادام الەمدە كەمدە-كەم شىعار. قىرىق جىل بويى قاتارىنان كۇندەلىكتى قىرىق بەت ءىلىم جازۋ ونىڭ ادەتى بولاتىن.
ابۋ مۋحامماد ءال-فارعاني ء«سيلا» كىتابىندا مىنانداي دەرەكتى كەلتىرەدى:
«باليعات جاسىنان باستاپ قايتىس بولعانعا دەيىنگى ومىرىندە جازعان ەڭبەكتەرىن بولگەن كەزدە ءار كۇنى 14 پاراق ەڭبەك جازعان».
ول تۇسكە جاقىنداعان كەزدە تاماق ىشەتىن، سودان سوڭ كىشكەنە ۇيىقتاپ، بەسىن نامازىن ۇيىندە وقيتىن. ءسويتىپ، ەكىنتى نامازىنا دەيىن ىلىمگە دەن قوياتىن. ەكىنتى نامازى بولعاندا مەشىتكە بارىپ، جاماعاتپەن ناماز وقيتىن، نامازدان كەيىن شاكىرتتەرىنەن كەشەگى ساباقتى سۇراپ، جاتتاۋعا جاڭا ساباق بەرەتىن. اقشام نامازىنان كەيىن شاكىرتتەرىنە ءدارىس جۇرگىزەتىن. قۇپتان نامازىنان كەيىن ۇيىنە بارىپ، دىنىنە، وزىنە جانە ىلىمگە ۋاقىتىن بولەتىن.
اتاقتى عالىم ھيجرا جىل بويىنشا 224 جىلى تۋىلىپ، 310 جىلى 86 جاسىندا قايتىس بولعان. مۇسىلمان ۇممەتىنە 358 000 پاراقتى قامتيتىن وراسان زور ەڭبەك قالدىرعان.
sunna.kz
