ارداقتى اعايىن!

قازاقستان مۇسىلماندارى ءدىني باسقارماسى ەل تاۋەلسىزدىگىنىڭ 30 جىلدىعىنا وراي «ازاتتىق – بالالار كوزىمەن» اتتى بالالار اراسىندا كوركەم سۋرەت بايقاۋىن وتكىزەدى.

بايقاۋدىڭ ماقساتى:

جاس وركەننىڭ پاتريوتتىق سەزىمىن وياتۋ;

تۋعان جەرگە دەگەن ماحابباتىن ارتتىرۋ;

بالالاردىڭ قابىلەتىن دامىتىپ، تالابىن شىڭداۋ;

ازاتتىقتىڭ، ەركىندىكتىڭ قاسيەتىن ناسيحاتتاۋ;

بايقاۋ شارتتارى:

بايقاۋعا 7-12 جاس ارالىعىنداعى بالالار قاتىسا الادى;

بايقاۋ كارانتين تالاپتارىنا ساي قاشىقتان وتەدى;

بىر قاتىسۋشى ءبىر عانا سۋرەت جىبەرە الادى;

بايقاۋعا ا4 كولەمىندە سالىنعان سۋرەتتىڭ ءتۇپنۇسقاسى نەمەسە JPEG فورماتىندا سكانەردەن وتكەن سۋرەتتەر قابىلدانادى;

اربىر ۇمىتكەر سالعان سۋرەتتىڭ وڭ جاق بۇرىشىنداعى تومەنگى جاعىنا تولىق ءاتى-جونىن، مەكتەبى مەن سىنىبىن جانە قالا نەمەسە اۋىلىن جازۋ كەرەك;

قاتىسۋشاردىڭ جۇمىستارى 2021 جىلدىڭ 23 مامىرىنا دەيىن aqparat-qogam@mail.ru ەلەكتروندى مەكەن-جايىنا جىبەرىلىپ، اۆتوردىڭ ءاتى-جونى، تۋعان جىلى، وبلىسى، اۋدانى، قالاسى، اۋىلى جانە بايلانىس تەلەفونى كورسەتىلۋ قاجەت;

نۇر-سۇلتان قالاسى، 010000، قاراساز كوشەسi، 3 مەكەنجايىنا (قازاقستان مۇسىلماندارى ءدىني باسقارماسىنىڭ اقپارات جانە قوعاممەن بايلانىس ءبولىمى) سۋرەتتەردىڭ ءتۇپنۇسقاسىن جىبەرۋ سۇرالادى.

بايقاۋ جەڭىمپازدارى 1 ماۋسىم – حالىقارالىق بالالاردى قورعاۋ كۇنى قارساڭىندا ارنايى ديپلومدارمەن جانە باعالى سىيلىقتارمەن ماراپاتتالادى;

بايقاۋعا قويىلاتىن تالاپتار:

سالىنعان سۋرەت بايقاۋدىڭ تاقىرىبىنا ساي بولۋى;

وزىندىك ەرەكشەلىك پەن شىعارماشىلىق ىزدەنىستىڭ بولۋى.