ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-101398437443 %57 %
2019-11-111849557649 %51 %
2019-11-121313344840 %60 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقستان «سۇننەت» اقپاراتتارى

جولدانعان ۋاقىتى: 22:50 - 2019/11/07

اعايىندى ەكەۋ مەن التىن – Sunna.kz

الەمنىڭ اگىلى ويشىل-جازۋشىسى لەۆ تولستويدىڭ عيبىراتقا تولى “اعايىندى ەكەۋ مەن التىن” اڭگىمەسىن ۇسىنامىز.
 

ەرتە زاماندا قۇدىس شاھارىندا اپاناس پەن يوان ەسىمدى اعايىندىلار ءومىر ءسۇرىپتى. ولار قالادان جىراقتا، تاۋ ەتەگىندەگى لاشىقتا تۇرادى ەكەن. ەكەۋى بار عۇمىرىن كەدەي-كەپشىككە كومەكتەسۋگە ارنايمىز دەپ سەرتتەسىپتى. كۇندە قالاعا كەلىپ، قارتتارعا، ناۋقاستار مەن مۇگەدەكتەرگە، جەتىم مەن جەسىرلەرگە كومەكتەسىپ جۇرەدى. كەشكە دەيىن ولاردىڭ قاستارىندا بولىپ، جاردەم بەرەدى. ەڭبەگىنە بىردە-بىر اقى الماپتى. كەشكە ۇيلەرىنە ورالىپ، بىر-بىرىمەن ساعىنىسا كورىسەدى ەكەن. كۇنى بويى ىستەگەن ىستەرىن ايتىپ، كوڭىلدەرىن ماحاببات كەرنەپتى. كوكتەگى پەرىشتەلەر بۇلاردىڭ كۇندەگى اڭگىمەسىن تىڭداۋ ءۇشىن لاشىقتان سىعالاپ تۇرادى ەكەن.
بىر كۇنى ادەتتەگىدەي ەكەۋى قالاعا شىعادى. ءبىر-بىرىن قيماي قوشتاسىپ، ەكى تاراپقا ساپار شەگەدى. ءبىر كەزدە اعاسى ارتىنا بۇرىلىپ، ىنىسىنە قاراماق بولادى. ءىنىسى كوك شوپكە قادالا قاراپ، ءمىز باقپاي تۇر ەكەن. اعاسى تۇسىنبەي «بۇل نەعىپ تۇر ءوزى» دەپ ويلايدى. ايتىپ اۋىز جيعانشا، ءىنىسى جىلان كورگەندەي شورشىپ ءتۇسىپ، قاشا جونەلەدى. اعاسى سەلك ەتە قالىپ، «بۇعان نە كورىندى، ەي» دەپ جايلاپ الگى جەرگە جاقىندايدى. قاراسا جالت-جۇلت ەتىپ، كوزگە شاعىلىسقان ءبىر زاتتى بايقايدى. سويتسە بۇل التىن ەكەن. مولشەرى ەكى ۋىستاي بولادى. اپاناس ونى ۇستاپ كورىپ، راسىمەن التىن ەكەنىنە كوزى جەتەدى. شاماسى بىرەۋ ءتۇسىرىپ العان سياقتى. ول قۋانىپ كەتەدى. ۇستىندەگى كويلەگىن شەشىپ، بارلىق التىندى سوعان توگەدى. ىشىنەن «مەنىڭ ءىنىم دە اقىماق-اۋ. التىننان قاشقانى نەسى؟ جارلى بەيشارا قۇدايدىڭ اپ-ساتتە بەرگەن داۋلەتىن كوتەرە الماي ەسىنەن اداستى-اۋ» دەپ ويلايدى. التىندى تۇيىنشىك ەتىپ وراپ ارقاسىنا سالىپ الادى دا قالاعا قاراي بەت الادى.
جولدا كەلە جاتىپ تا تاعى ويعا تۇسەدى. «التىندا كۇنا جوق، كۇنا ادامدا بار. مىسالى، مىنا التىنمەن جاقسىلىق تا، جاماندىق تا ىستەۋگە بولادى. ءبىراق، جاماندىق ىستەپ كۇنانى التىنعا ارتا سالۋعا بولمايدى عوي. مەن بۇل التىندا الىپ جەتىم مەن جەسىردى تاماقتاندىرامىن، كيىندىرەمىن، ءتىپتى ناۋقاستاردى ەمدەيمىن. ياون مەنىڭ ىستەگەن جومارتىعىما قىزىعا قارايتىن شىعار. ءبىراق، التىننان قاشقان وزىنەن كورسىن،» — دەپ ويلايدى.
وز ويىمەن شالقىپ كەلە جاتىپ قالاعا قالاي جەتكەنىن دە سەزبەي قالادى. قالاعا كەلگەن سوڭ، «الدىمەن ءوزىم تويىپ تاماقتانىپ الايىن» دەپ ويلايدى. ءسويتىپ قوناق ۇيدەن ورىن الىپ، ابدەن تويعانشا تاماقتانادى. ىشكە تاماق بارعان سوڭ، وزىنە جاقسى ءبىر كيىم ساتىپ العىسى كەلەدى. ونى العان سوڭ، «وسى قاشانعى جامان لاشىقتا تۇرا بەرەمىز. قالادان ءۇي الىپ، قالعان اقشانى كەدەي-كەپشىككە تاراتسا دا جەتەدى ەمەس پە؟» دەپ تاعى ءبىر ويعا بەرىلەدى. وسىلاي قوناق ءۇيدىڭ قۇس جاستىعىندا ءوز ويىمەن ارپالىسىپ وتىرعاندا، كوز الدىنا ءىنىسىنىڭ بەينەسى كەلەدى. ەكەۋىنىڭ جۇرتقا جاردەم بەرىپ وتەمىز دەگەن سەرتتەرى تۇسەدى. سول ساتتە ول دەرەۋ ويىنان اينىپ، قوناق ۇيدەن اتىپ شىعادى.
بازارعا بارىپ كوپەستەردەن جەر ساتىپ الدى. كىرپىش ءتۇسىردى، اعاش الدى. جۇمىسشىلاردى جالداپ، قالادان ءۇش ءۇي سوعا باستادى. ءبىرىنشىسىن – جەتىمدەر مەن جەسىرلەرگە ارناپ سوعادى. ەكىنشىسىن – ناۋقاستار مەن مۇگەدەكتەردى ەمدەيتىن اۋرۋحانا ەتەدى. ءۇشىنشى ءۇي – پاقىر، مىسكىندەر ءۇشىن سالىنادى. ءوزى تۇرعىزعان ۇيلەردى كورىپ، «وسى ءۇش ءۇيدى باسقاراتىن دا ادام كەرەك. وسىعان باسشى بولسام قايتەدى» دەپ ويلايدى. سول ساتتە كوز الدىنا تاعى دا ءىنىسىڭ بەينەسى ەلەستەيدى. باياعى انتى ەسىنە تۇسەدى. ول تاعى دەرەۋ ويىنان قايتادى. قالادان «قۇداي» دەگەن ءۇش قاريانى تاۋىپ الىپ، ۇشەۋىن ءۇش ۇيگە مەڭگەرۋشى ەتىپ قويادى. باياعى تاپقان التىنىنان 3000 تەڭگە عانا قالعان ەكەن. ونى دا ءۇش قارياعا ءبولىپ بەرەدى. سالىنعان ۇيلەرى دە بىرتە-بىرتە ادامعا تولا باستايدى. ولار اپاناستى ماقتاي باستايدى. بۇعان دا ماقتاعان جاعىپ، كوڭىلى وسە تۇسەدى. ءتىپتى قالادان كەتكىسى كەلمەي قالدى. ءبىر كەزدە كوز الدىنا تاعى دا ءىنىسىنىڭ بەينەسى تۇسەدى. اپاناس باۋىرىن جاقسى كورەتىن ەدى. باۋىرىن ويلاعاندا جۇرەگى جىلىپ سالا بەرەتىن. ىنىسىنە دەگەن ساعىنىشى ويانىپ، ۇيىنە قايتپاق بولادى. ەلمەن قوشتاسىپ ۇيىنە قاراي بەت الادى.
جولدا كەلە جاتىپ تا، قالانى قيماي ۇزاق قارايدى. ابدەن باۋىر باسىپ قالىپتى. ءوزى تاۋىپ الىپ، ەل-جۇرتقا تاراتىپ بەرگەن التىندى ويلايدى. «قالاي عانا تاراتىپ بەردىم دەسەيشى، مەنەن وتكەن جومارت جوق شىعار. ءبۇيتىپ ەشكىم ەرلىك ىستەي الماس» دەيدى ىشتەي. «ەگەر، وسى ىستەگەن ءىسىمدى ىنىمە ايتسام، ول ءوزىنىڭ التىننان قالاي قاشىپ كەتكەنىن ەسىنە ءتۇسىرىپ، وكىنەتىن شىعار،» — دەپ تە ويلاپ قويدى.
وسى كەزدە الدىنان ءبىر پەرىشتە شىعادى. ونىڭ قاباعى قاتۋلى ەكەن. اپاناسقا جاقتىرماي قارايدى. اپاناس تا نۇرمەن شاعىلىسقان پەرىشتەنى كورىپ، ساسىپ قالدى.
— و قۇدايىم، سەن كىمسىڭ؟ مەنىڭ بۇگىنگى ىسىمە العىس ايتۋعا كەلگەن پەرىشتەمىسىڭ؟ — دەيدى تاڭىرقاپ. پەرىشتە:
— ءاي، اپاناس، التىندى الماي كەتكەن باۋىرىڭنان ءوزىڭدى ارتىقپىن دەپ سانايسىڭ با؟ التىندى ەلەمەي تاستاپ كەتكەن ءىنىڭ ساعان قاراعاندا مىڭ ەسە جومارت. ال، سەن التىندا العاندا قانشا رەت اۋرە-سارساڭعا ءتۇستىڭ. ارام ويعا بەرىلدىڭ. ويىڭ بۇزىلدى. جۇرەگىڭ قۇبىلدى. سول كەزدە ءۇش مارتە كەلىپ، ەسىڭە ءىنىڭدى سالىپ جاردەم بەرمەگەنىمدە بۇرىنعى ماقساتىڭنان اينىر ەدىڭ. سوندىقتان، ەرلىك ىستەدىم دەپ ماقتانبا. سەنىڭ ەرلىگىڭ التىندى كورىپ، ەكى ەزۋىڭ قۇلاققا جەتكەندە-اق بىتكەن. ال، سەنى جۇرەگىڭە تۇسكەن ءاربىر ويمەن كۇرەسىپ، سەنى دۇرىس جولعا بۇرىپ وتىرۋ، ءارى سايتانمەن ايقاسۋ ماعان وڭاي ءتيدى دەيمىسىڭ. كوزگە كورىنبەگەن سوڭ، ساعان ەشنارسە بىلىنبەيدى. ال، ارتىق اقشا پايدا بولعان كەزدە ءبىز سەنىڭ ەكى يىعىڭدا وتىرىپ سايتان ەكەۋمىز جان الىسىپ، جان بەرىسەمىز. سوندىقتان، ءوز جولىنان اينامىعان، بىزگە اۋىرلىق تۇسىرمەي، كولدەنەڭ تابىسقا قۇنىقپاعان ءىنىڭنىڭ ءىسى سەنەن الدەقايدا ارتىق، — دەدى.
اپاناس نە دەرىن بىلمەي قالدى. اقتالايىن دەسە اۋزىنا ءجونى ءتۇزۋ ءسوز تۇسپەدى. ارقاسى شىلقىلداپ تەرلەپ كەتتى. پەرىشتەنىڭ ايتقان ءسوزىنىڭ جانى بار. تالاي رەت اينىپ كەتپەك تە بولدى. قايتا دەر كەزىندە ەسىن جينادى. مۇنى ءوزىمنىڭ ەرلىگىم دەپ ماقتانىپتى. سويتسە، ءوزى ءۇشىن پەرىشتەنىڭ شىرىلداپ جان بەرىسكەنىن ءتۇسىندى.
پەرىشتە:
— ءاي، اپاناس-اي. ول التىندى قالدىرعان شايتان ەدى. ءىنىڭ ەكەۋىڭنىڭ ارالارىڭدى بۇزباق بولدى. قايتا قۇدايدىڭ كوزى سەندەرگە ءتۇزۋ بولىپ، امان قالدىڭدار، — دەدى.
سول كەزدە بارىپ اپاناس ۇيالىپ، ەكى بەتى نارتتاي بولىپ كەتتى. تۋرا جولدان ايني جازداعانىن ءتۇسىندى. قۇدايعا شۇكىرلىك ايتىپ، ءتاۋباسىنا كەلدى.
سول كەزدە بارىپ، پەرىشتە دە كۇلىمدەپ، جول بەردى. قاراسا جولدىڭ ارعى شەتىندە يوان تۇر ەكەن. اپاناس ءىنىسىن كورىپ بار ساعىنىشى سىرتقا شىقتى. اياعى جەرگە تيمەي، جۇگىرە جونەلدى. يوان دا اعاسىن كورىپ قۇشاق جايدى. ەكەۋى قاۋىشتى. ال پەرىشتە بولسا ەكەۋىنىڭ باۋىرمالدىعىن كورىپ، سىرتتاي قىزىعىپ قاراپ تۇردى.

اۋدارعان ءجۇرسىن كارىم


كەلۋ قاينارى: http://www.elarna.net/koru.php?tur=18&id=1069265

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


اقتوبەدەگى «التىن ادام» 9 مينوت
جايىقتىڭ سۋى ەكى ەسە از 10 مينوت
بەس جاستان اسپاعان بالا 10 مينوت
بقو-دا قوس قاباتتى كوتت 18 مينوت
ورالداعى قوقىس پوليگونى 20 مينوت
ء«دىني ءفاناتيزمنىڭ» تا 29 مينوت
موليتۆا، چتوبى ۋۆيدەت پ 29 مينوت
قازاقستان ەتنوستارى: گە 30 مينوت
سيريانىڭ شىعىس سولتۇستى 30 مينوت
دۇنيەجۇزىلىك روبوتتار و 1 ساعات
رەسەيدىڭ تۇمەن وبلىسىند 1 ساعات
«قوس 11» وتە دابىرالى ب 1 ساعات
وسى ارانى باسىپ كورىڭىز 1 ساعات
الماتىدا تاۋدا جوعالعان 1 ساعات
سينوپتيكتەر ءبىرقاتار و 1 ساعات
تۇركىستان وبلىسىندا كول 1 ساعات
ءدامدى كەكستەر - داستار 1 ساعات
قازاقستاندىق قوس سپورتش 1 ساعات
قازاقستاننىڭ تۇڭعىش پرە 1 ساعات
قازاقستان وليمپيادا ويى 1 ساعات
الماتىدا جەر سىلكىنىسىن 1 ساعات
ەلوردادا قۇرىلىسشى 3 اي 1 ساعات
شينجياڭداعى پرزۆالسكي ق 1 ساعات
نازارباەۆ سولتۇستىك كور 1 ساعات
وسى ارانى باسىپ كورىڭىز 1 ساعات
ديماش قۇدايبەرگەن "ازيا 2 ساعات
اسقار مامين حۆق قازاقست 2 ساعات
ناۋرىزباي قاجى تاعانۇلى 2 ساعات
ءدال ءقازىر ءساتى كەلىپ 2 ساعات
«Zhas Project» جوباسى ق 2 ساعات