ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-181794515640 %60 %
2019-11-192440715839 %61 %
2019-11-201590511344 %56 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقستان «سۇننەت» اقپاراتتارى

جولدانعان ۋاقىتى: 11:10 - 2019/11/05

ناۋرىزباي قاجى تاعانۇلى: ۇلت رۋحانياتى – ۇلى مۇرات – Sunna.kz

ناۋرىزباي قاجى تاعانۇلى،

قازاقستان مۇسىلماندارى

دىني باسقارماسىنىڭ نايب ءمۇفتيى.

التى الاشتىڭ ارمانى بولعان تاۋەلسىزدىكتى تۇعىرىنا قوندىرىپ، جيىرما التى جىل مىعىم ۇستاعان قازاقستاننىڭ بولاشاققا باعىتتالعان ناقتى  جوسپارى مەن ماقسات-مۇراتى ەلباسىمىزدىڭ «بولاشاققا باعدار: رۋحاني جاڭعىرۋ» اتتى ماقالاسىنان كەزەكتى رەت ايقىن كورىنىس تاپتى.

ەلباسىمىز نۇرسۇلتان نازارباەۆ جىل سايىن رەسپۋبليكا حالقىنا جولداۋ جاساپ، ەل دامۋىنىڭ دەڭگەيى، باعىت-باعدارى تۋرالى كەڭىنەن بايانداپ كەلەدى. يگى ءۇردىس مەملەكەت باسشىسىنىڭ بيىلعى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىندا جالعاستى. وندا قازاقستان پرەزيدەنتى ەلىمىز ءۇشىن ايرىقشا ەكى پروتسەستى – ساياسي رەفورما مەن ەكونوميكالىق جاڭعىرۋدى باستى ماقسات ەتىپ قويدى. ەلباسىمىز ايتقانداي، بۇگىنگى قازاقستاننىڭ العا قويعان ماقساتى ايقىن، باعىتى بەلگىلى، الەمنىڭ دامىعان 30 ەلىنىڭ قاتارىنا قوسىلۋ. مەملەكەت باسشىسى ەلىمىزدىڭ ەرتەڭى ءۇشىن بۇگىن قابىلدانعان قۇجاتتارداعى ماقسات-مىندەتتەردى اتقارۋدىڭ مۇمكىندىكتەرى مول ەكەنىن اتاپ كورسەتتى. وسى رەتتە مۇنى تولىقتىراتىن كۇش – قازاقستان ازاماتتارىنىڭ ىس-ارەكەتتەن وي-ساناسى وزىق ءجۇرۋى ەكەنىن ەرەكشە ەسكەرتىپ وتىر.

يا، رۋحاني جاڭعىرۋ دا، راسىندا، بۇگىنگى كۇنمەن باستالماسى بەلگىلى. ەلباسىمىزدىڭ ەرەن ەڭبەگى مەن ساليقالى ساياساتىنىڭ ارقاسىندا بۇل باعىتتا تاۋەلسىزدىك جىلدارىندا وراسان زور جۇمىستار جۇزەگە استى. حالقىمىز ءۇشىن اسا ماڭىزدى تاريحي-مادەني ەسكەرتكىش-نىساندار «مادەني مۇرا» باعدارلاماسى اياسىندا قايتا جاڭعىردى. «حالىق – تاريح تولقىنىندا» باعدارلاماسى ءتول تاريحىمىزعا قاتىستى قۇجاتتاردى جۇيەلەۋگە جول سالدى. مەملەكەت باسشىسى «بولاشاققا باعدار: رۋحاني جاڭعىرۋ» ماقالاسىندا وسى سىندى سالماعى اۋىر، جاۋاپكەرشىلىگى جوعارى ىرگەلى جۇمىستاردىڭ اۋقىمى ارتا تۇسەتىنىن باسا ايتتى. بۇل رەتتەگى جۇمىس ناتيجەسى مەملەكەتىمىزدىڭ مىقتى، حالقىمىزدىڭ ءبىرتۇتاس ۇلت بولىپ قالۋى ءۇشىن بولاشاققا باستار قادامىمىز بەن قاۋقارىمىزدىڭ قانداي بولارىنا بايلانىستى ەكەنىن ايتىپ، بۇقارالىق سانانى وزگەرتۋ تۋرالى تۇششىمدى كوزقاراستارىن ورتاعا سالدى.

ەلباسى بۇگىنگى دوڭلەگەنگەن ءدۇبىرلى دۇنيەدە قوعامدا قالىپتاسقان، سانا-سەزىمىمىز بەن دۇنيەتانىمىزعا ءسىڭىپ قالعان تاپتاۋرىن قاعيدالاردان ارىلۋعا ماڭىز اۋداردى. ونسىز باستى باعدارىمىزعا قول جەتكىزىپ، كوش باسىنداعى ەلدەرمەن تەرەزە تەڭەستىرىپ، يىق ءتۇيىستىرۋ مۇمكىن ەمەستىگى دە انىق. ول ءۇشىن زامان اعىمىنا يكەمدەلىپ، جاڭا ءداۋىردىڭ جاعىمدى جاڭالىعىن الىپ، يگىلىكتەرىن ءسىڭىرۋ دە قاجەتتى قادام. قازاقستان پرەزيدەنتى وسى ورايدا حح عاسىرداعى باتىستىق جاڭعىرۋ ۇلگىسىنىڭ بۇگىنگى زاماننىڭ بولمىسىنا ساي كەلمەۋىنىڭ سىرىنا وزگەشە ءۇڭىلىپ، سونى پىكىر ءبىلدىردى: «مەنىڭشە، باستى كەمشىلىگى – ولاردىڭ وزدەرىنە عانا ءتان قالىبى مەن تاجىريبەسىن باسقا حالىقتار مەن وركەنيەتتەردىڭ ەرەكشەلىكتەرىن ەسكەرمەي، بارىنە جاپپاي ەرىكسىز تاڭۋىندا. اجەپتاۋىر جاڭعىرعان قوعامنىڭ ءوزىنىڭ تامىرى تاريحىنىڭ تەرەڭىنەن باستاۋ الاتىن رۋحاني كودى بولادى. جاڭا تۇرپاتتى جاڭعىرۋدىڭ ەڭ باستى شارتى – سول ۇلتتىق كودىڭدى ساقتاي ءبىلۋ. ونسىز جاڭعىرۋ دەگەنىڭىزدىڭ قۇر جاڭعىرىققا اينالۋى وپ-وڭاي.   ءبىراق، ۇلتتىق كودىمدى ساقتايمىن دەپ بويىڭداعى جاقسى مەن جاماننىڭ ءبارىن، ياعني بولاشاققا سەنىمدى نىعايتىپ، العا باستايتىن قاسيەتتەردى دە، كەجەگەسى كەرى تارتىپ تۇراتىن، اياقتان شالاتىن ادەتتەردى دە ۇلتتىق سانانىڭ اياسىندا سۇرلەپ قويۋعا بولمايتىنى ايدان انىق.   جاڭعىرۋ اتاۋلى بۇرىنعىداي تاريحي تاجىريبە مەن ۇلتتىق داستۇرلەرگە شەكەدەن قاراماۋعا ءتيىس. كەرىسىنشە، زامانا سىنىنان سۇرىنبەي وتكەن وزىق  داستۇرلەردى تابىستى جاڭعىرۋدىڭ ماڭىزدى العىشارتتارىنا اينالدىرا ءبىلۋ قاجەت» دەپ، ەلباسى جاڭعىرۋ ءۇردىسى ۇلتتىڭ رۋحاني تامىرىنان ءنار الۋىن شارت قويدى. ونسىز اداسۋ دا وپ-وڭاي. حالقىمىزدىڭ تاعىلىمدى تاريحى مەن ىقىلىم زاماننان ۇزىلمەي كەلگەن ۇلتتىق سالت-داستۇرلەرى قازاقستاننىڭ بولاشاققا سەنىممەن قادام باسۋى ءۇشىن ۇلكەن وركەنيەت دىڭگەگى ىسپەتتەس. ەلباسى وسىعان سەنىم ارتتى.

مەملەكەت باسشىسى ۇلت ساناسىن جاڭعىرتۋدىڭ «باسەكەگە قابىلەتتىلىك»، «پراگماتيزم»، «ۇلتتىق بىرەگەيلىكتى ساقتاۋ»، ء«بىلىمنىڭ سالتانات قۇرۋى» جانە «قازاقستاننىڭ رەۆوليۋتسيالىق ەمەس، ەۆوليۋتسيالىق جولمەن دامۋى» سەكىلدى باستى باعىتتارىن اتاپ ءوتتى. جاھاندانۋ ۇدەرىسىنىڭ بۇكىل الەمدە جۇرۋىنە بايلانىستى قازاق حالقىنىڭ وسىناۋ كوشتەن ءوز وركەنيەتىنە پايدالىسىن الىپ، ەلدى دامىتۋدىڭ تەتىكتەرىن ىزدەۋى ءتيىستى ەكەنىن ەسكەرىپ، بۇل جولدا ءاربىر عىلىم، كاسىپ، ءار سالادا يىق تەڭەستىرىپ، وزىق تۇرۋعا قابىلەتتى بولۋعا شاقىرادى. ال ول ءۇشىن قانعا سىڭگەن كوپتەگەن داعدىلار مەن تاپتاۋرىن بولعان قاساڭ قاعيدالاردان ارىلۋ قاجەتتىگىن، ونسىز جاڭعىرۋدىڭ استە مۇمكىن ەمەستىگىن ەستە ۇستاعانىمىز ءجون. اتا-بابامىزدىڭ تالايعى عاسىر ۇلان-بايتاق جەرىمىزدى كوزدىڭ قاراشىعىنداي ۇستاپ، قادىرلەۋى، ونى ورىندى جۇمساي بىلگەن تەڭدەسسىز ەكولوگيالىق ءومىر سالتى بۇگىنگى ۇرپاققا ۇلكەن ۇلگى، وشپەس ونەگە. ەلباسى بابا ءداستۇرىن جاڭعىرتۋدىڭ وسىنداي جارقىن جولىنا نازار اۋدارتتى.

ۇلت تۇتاستىعىن، ياكي بىرەگەيلىگىن ساقتاۋ دا قازىرگى كۇندە اسا ماڭىزدى مىندەتتەردىڭ ءبىرى سانالادى. مەملەكەت باسشىنىڭ پايىمىنا تەرەڭدەي ۇڭىلسەك، بۇل باعىتتا ءبىزدىڭ الدىمىزدا ۇلتتىق سانا-سەزىم كوكجيەگىن كەڭەيتۋ جانە ۇلتتىق بولمىس-بوياۋمىزدى ساقتاي وتىرىپ، ءبىرقاتار سيپاتتاردى جەتىلدىرۋ العا شىعادى. بۇگىنگى تاڭدا سالتانات قۇرعان جاڭعىرۋ ۇلگىلەرىن جاپپاي يگەرۋ ۇلتىمىز ءۇشىن زياندى قادام ەكەنى انىق. بۇل رەتتە ءار مەملەكەتتىڭ ءوزىنىڭ دەربەس دامۋ ۇلگىسىن قالىپتاستىرۋى عانا العا قويعان ماقساتقا جەتەلەيدى. ول ءۇشىن ۇلتتىق ءسالت-داستۇر، ءتىل مەن ءدىل، ادەبيەت مەن مادەنيەت، جالپى ۇلتتىق رۋحانياتىمىزدى ساقتاۋعا دا كوڭىل قويىپ، باسا نازار اۋدارۋىمىز مىندەتتى بولماق.

تاۋەلسىز قازاقستاننىڭ رەۆوليۋتسيالىق ەمەس، ەۆوليۋتسيالىق دامۋى تۋراسىندا مەملەكەت باسشىسى ەلىمىز ءۇشىن ءبىرقاتار باعدارلامالار مەن جوبالاردى نەگىزگە الدى. وسىندا ايتىلعان «تۋعان جەر» باعدارلاماسى ءاربىر ازاماتتىڭ بويىندا وتانسۇيگىشتىك سەزىمىن نىق بەكىتىپ، مەملەكەتكە بەرىلگەن ەلجاندى تۇلعانى قالىپتاستىرۋ ءۇشىن ۇلكەن ماڭىزعا يە. سەبەبى، بۇتىندەي وتانعا دەگەن ماحاببات ادامنىڭ ءوز  وتباسىن، تۋىستارىن، تۋعان جەرىن جاقسى كورۋىنەن باستاۋ الادى. بۇعان قاتىستى اسىل شاريعاتىمىزدا «وتاندى ءسۇيۋ – يماننان» دەگەن ناقىل بار. ءدىن مەن ءداستۇردى ساباقتاستىرعان قازاق تانىمىندا وتاننىڭ، تۋعان جەردىڭ ءقادىرى جوعارى، باعاسى اسقاق. يماندىلىق سالتانات قۇرعان ۋاقىتتا قوعامنىڭ تۇتاستىعىن دا قامتاماسىز ەتەرىمىزگە تاريحتىڭ ءوزى كەپىل. تاريحىمىزداعى تۇلعالار يمانجۇرەكتى، ەلجاندى بولعانى بارشامىزعا بەلگىلى. يماندىلىق – بىرلىككە، بىرلىك – بارشا جۇرتتى جۇمىلا يگىلىكتەردى يگەرۋگە جەتەلەيدى. ءبىز اتادان ميراس وسى قۇندىلىقتاردى قايتا جاڭعىرتىپ، جاس ۇرپاق ساناسىنا ءسىڭىرۋدى ماڭىزدى دەپ بىلەمىز. بۇل رەتتە قازاقستان پرەزيدەنتى ەل جادىندا وتە ماڭىزدى – جالپىۇلتتىق قاسيەتتى ورىندار ۇعىمىن ءسىڭىرۋدى كوزدەدى. وسىنىڭ اياسىندا قامتىلعان «قازاقستانىڭ قاسيەتتى رۋحاني قۇندىلىقتارى» نەمەسە «قازاقستاننىڭ كيەلى جەرلەرىنىڭ گەوگرافياسى» جوبالارى، راسىندا، قازاق حالقىنىڭ قاسيەتتى تاريحىن ودان ءارى تەرەڭدەي تانۋعا، وركەنيەتىمىزدى كەلەر ۇرپاق جادىندا قايتا جاڭعىرتۋعا سەپتەسەدى. سەبەبى، كوپكە ءمالىم، قازاق – رۋحاني مۇرالارعا، تاريحقا اسا باي ەل. ءسوزسىز، وسىناۋ تاريحىمىزعا تيەسىلى كوركەم، رۋحاني، قاستەرلى جەرلەردى تانىتا تۇسەتىن بۇرىن-سوڭدى بولماعان ءبىرتۇتاس جەلى جاساۋ قاجەت ءىس. يگى يدەيانىڭ ءتۇپ توركىنى ۇلىتاۋ تورىندەگى جادىگەرلەر كەشەنى، تۇركىستانداعى قوجا احمەت ياساۋي كەسەنەسى، تارازداعى ەجەلگى ەسكەرتكىشتەر، كيەلى ماڭعىستاۋ اتىرابىنداعى بەكەت اتا كەسەنەسى، التايداعى كونە قورىمدار مەن جەتىسۋ جەرىندەگى قاسيەتتى ورىنداردى ساباقتاستىرا وتىرىپ، ۇلت رۋحانياتىن كوتەرۋگە ارنالعان ءبىرتۇتاس جۇيە قۇرۋعا باعىتتالعان.

ەلباسى ەلەپ وتكەن، ەلىمىزدىڭ ەڭسەلى، دامىعان ەلدەرمەن تەڭ دارەجەگە جەتكىزۋ ماقساتىندا ۇسىنعان ىرگەلى جوبالارى بىزگە تەرەڭ وي سالدى، ۇلكەن جاۋاپكەرشىلىك جۇكتەدى. جاڭا جاھاندىق ۇدەرىستىڭ الەمگە جايىلۋى ءبىزدىڭ مەملەكەت ءۇشىن دە بولاشاققا باعدار جاساپ، ءوز باعدارلاماسىن بەكىتۋدى قاجەت ەتەدى. زامانعا سايكەس جاڭعىرۋ بۇگىندە بارشا مەملەكەتتىڭ الدىندا تۇرعان مىندەت. ەكى ءداۋىر توعىسقان سىندارلى كەزەڭدە ۇلتتىق نەگىزىمىزدى ساقتاي وتىرا، تۇبەگەيلى جاڭعىرۋ مەن رۋحاني وركەندەۋدىڭ، باياندى بولاشاققا ناقتى قادام جاساۋدىڭ تاريحي مۇمكىندىگىن مەملەكەت باسشىسى ايرىقشا انىقتاپ، حالىققا جولدادى. ءبىز ەلباسىمىزدىڭ رۋحاني جاڭعىرۋدىڭ بولاشاق باعدارىنا ارناعان وسىناۋ مەملەكەتتىك ماڭىزى ايرىقشا ۇلت جوسپارىن ءبىراۋىزدان قولداپ، جۇمىلا جۇمىس جاساۋىمىز مىندەت دەپ تۇسىنەمىز. ۇلت رۋحانياتىن ماڭگىلىك ەل يدەياسى نەگىزىندە ساقتاپ، كەلەشەككە كەمەل تۇردە جەتكىزۋ جولىندا بارشامىز جان ايانباي تەر توگىپ، ەڭبەك ەتۋىمىز ءلازىم. اللا تاعالا ەلىمىز بەن جەرىمىزدىڭ اماندىعى، حالقىمىزدىڭ باقىتتى دا باياندى عۇمىرى ءۇشىن ءومىرىن سارپ ەتىپ، قالتقىسىز قىزمەت ەتىپ جۇرگەن ەلباسىمىز باستاعان بارشا ازاماتتارعا جار بولسىن دەپ تىلەيمىز. اللا تاعالانىڭ تاعدىرىمىزعا جازعان تاۋەلسىزدىك اتتى تارتۋىن ساقتاۋ بارشا ازاماتقا اسىل مىندەت. اللا وسى تاۋەلسىزدىگىمىزدى تۇعىرلى، بولاشاعىمىزدى باياندى قىلعاي. ءامين.


كەلۋ قاينارى: http://www.elarna.net/koru.php?tur=18&id=1068073

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


سوزىلمالى وبسترۋكتيۆتى 4 مينوت
نۇرلان ونەرباەۆ «اباي ج 10 مينوت
ماسح (پروتيرانيە) نا نو 21 مينوت
جاھاندىق داعدارىس جاعدا 22 مينوت
中国哈萨克语广播网 22 مينوت
ءقادىر ءتۇنى وسى دۇعانى 1 ساعات
ۋەفا ەۋرو-2020 جەرەبەسى 1 ساعات
جەتىساي اۋدانىندا شىعار 1 ساعات
«اقتوبە» الەۋمەتتىك - ك 1 ساعات
قۇرانداعى پايعامبار بەي 1 ساعات
中国哈萨克语广播网 1 ساعات
قازاق بوكسشىسى توكيودا 1 ساعات
28 - كەزەكتى جۇڭگو جينج 1 ساعات
وزبەكستاندا كونە تۇرىك 1 ساعات
中国哈萨克语广播网 1 ساعات
مەملەكەتتىڭ ەكولوگيالىق 1 ساعات
«Junior Eurovision 2019 1 ساعات
قوعامدىق كاپيتالدى اۋىل 2 ساعات
ەلباسى كىتاپحاناسىندا « 2 ساعات
ۇلى دالا حالىقتارىنىڭ ق 2 ساعات
گونكونگتەگى قاقتىعىس:  2 ساعات
中国哈萨克语广播网 2 ساعات
مەملەكەت بويىنشا مەيمان 2 ساعات
2019-جىلى 11-ايدىڭ 20-ك 2 ساعات
قازاقستاندا 21 قاراشادا 2 ساعات
قاراعاندىلىق يمامداردىڭ 2 ساعات
اۋىلدا يگىلىك، جاڭالىق 2 ساعات
中国哈萨克语广播网 2 ساعات
ەلىمىزدە حالىقارالىق جۇ 2 ساعات
شىمكەنتتە باس دارىگەرى 3 ساعات