ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-181794515640 %60 %
2019-11-192440715839 %61 %
2019-11-201459466644 %56 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقستان «سۇننەت» اقپاراتتارى

جولدانعان ۋاقىتى: 00:30 - 2019/11/04

قمدب وكىلى: بۇل قاجىلىق بۇرىنعىدان وزگەرەك بولايىن دەپ تۇر – Sunna.kz

ساناۋلى كۇندەردەن سوڭ مۇسىلماننىڭ بەس پارىزىنىڭ ءبىرى ۇلكەن قاجىلىق باستالادى. بيىل دا بۇل قاسيەتتى ساپارعا نيەت ەتكەن قازاقستاندىقتار سانى وراسان. سايكەسىنشە قاجىلىق ساپارىنا وراي قازاقستان مۇسىلماندارى ءدىني باسقارماسى دا، باسقا تۋريستىك كومپانيالار دا بيىل جاڭاشا باستامالار كوتەرىپ وتىر. مۇنىڭ بارلىعى قاجى اتانسام دەگەن جاماعاتتىڭ جاعدايىن جاساپ، ساپاردى بارىنشا جەڭىل ەتۋگە باعىتتالماق. سونىمەن قاتار، ساۋد ارابياسى قازاقستان مۇسىلماندارىنا ارناپ 2500 كۆوتا بولگەن. وسى جانە باسقا دا بيىلعى قاجىلىققا قاتىستى يگى جاڭالىقتار مەن سونى اقپاراتتاردى ەستۋ ءۇشىن، قاسيەتتى ساپار قارساڭىندا قمدب قاجىلىق ءبولىمىنىڭ مەڭگەرۋشىسى، قاجىلىق ميسسياسىنىڭ جەتەكشىسى بەيبىت مىرزاگەلديەۆپەن پىكىرلەسكەن ەدىك.

ساناۋلى كۇندەردەن كەيىن ەلىمىزدىڭ مۇسىلمان قاۋىمى ۇلكەن قاجىلىققا اتتانادى. بيىل ءوزىڭىز قاجىلىق ميسسياسىنا جەتەكشىلىك ەتەدى ەكەنسىز. قاجىلىققا قاتىستى كۇرمەۋگە كەلمەي جاتقان كۇردەلى ماسەلەلەر بار ما؟ جالپى دايىندىقتارىڭىز قالاي؟

  • اللاعا شۇكىر، دايىندىق جۇمىستارى قىزۋ ءجۇرىپ جاتىر. قاجىلىققا جاۋاپتى قىزمەتكەرلەر ۋاقىتپەن ساناسپاي، وزىنە بەرىلگەن تاپسىرمالاردى ورىنداپ جاتىر. اللا قالاسا، باس ءمۇفتيىمىز ەرجان قاجى مالعاجىۇلىنىڭ شەشىمىمەن 13 ادام قاجىلىق ميسسياسىمەن بارادى. ونىڭ قۇرامىندا بىلىكتى، تاجىريبەلى ءدىن عالىمدارى، دارىگەرلەر، جۋرناليستەر بار. ميسسيادا ۋاعىز-ناسيحات، دارىگەرلىك كومەك، ۇيلەستىرۋ-ۇيىمداستىرۋ، اقپاراتتىق-ناسيحات توپتارى جۇمىس ىستەيدى. ولار وزدەرىنە قاتىستى جۇمىس جوسپارلارىن بەكىتىپ، قاجەتتى شارالاردى جۇزەگە اسىرۋدا. بۇدان بولەك، حالىقارالىق دەڭگەيدەگى كەلىسسوزدەر مەن كەلىسىمشارتتار جۇرگىزىلىپ، ەكى تاراپقا ءتيىستى ماسەلەلەر بارىنشا پىسىقتالۋدا. قاجىلىق ميسسياسى قابىلەتتى دەپ تانىعان 16 تۋرفيرما مەن ءمۇفتيات اراسىندا كەلىسىمشارت جاسالدى. ولارعا قويىلار مىندەتتەمەلەر مەن تالاپتار ناقتى كورسەتىلدى.

جاقىندا ساۋد ارابياسىنىڭ قازاقستانعا 2500 قاجىلىق جولداماسىن سىيعا تارتقانى جاريا ەتىلدى. بۇرىن-سوڭدى جولداما دەگەندى ەستىمەيتىن ەدىك، بۇل قانداي باستاما جانە بۇل كەلىسىمگە قالاي قول جەتكىزىلدى؟

  • ساۋد ارابيا كورولدىگى (ساك) قاجىلىق مينيسترلىگى الەمنىڭ مۇسىلمان ەلدەرىنە حالىق سانىنىڭ كورسەتكىشىنە ساي، ارنايى كۆوتا، ياعني ورىن بولەدى. قمدب ءتوراعاسى ەرجان قاجى مالعاجىۇلىنىڭ ساۋد ارابياسىنا جاساعان ساپارىندا قاجىلىق مينيسترلىگى ءبىزدىڭ ەلگە 2500 ورىن ءبولدى. دەمەك، وسى كورسەتكىشتەن ارتىق ادام بارا المايدى دەگەن ءسوز. مۇنى قانداي دا سىيلىقپەن نەمەسە جولدامامەن شاتاستىرۋعا بولمايدى. ماسەلەن، تۇركيادا 80 ملن. مۇسىلمان بار. ولارعا جىل سايىن 80 مىڭ توڭىرەگىندە ورىن بولىنەدى. ساك قاجىلىق مينيسترلىگى تەك قازاقستان مۇسىلماندارى ءدىني باسقارماسىمەن عانا رەسمي كەلىسسوزدەر جۇرگىزەدى. وسى كەلىسىمنىڭ نەگىزىندە كۆوتا بەرىلەدى. كۆوتا دەگەنىمىز، جاڭا ايتقانىمداي، تەك قاجىلىققا باراتىن ادام نەمەسە ورىن سانى. بۇل سىيلىق نەمەسە جولداما ەمەس. كۆوتا – تەگىن جولداما ەمەس. ءدىني باسقارما وسى كۆوتانى قاجىلىق سالاسىندا كەمىندە 5 جىلدىق تاجىريبەسى بار، ءمۇفتيات تاراپىنان ەسكەرتۋ الماعان، قاجىلارعا قىزمەت كورسەتۋدە جاقسى كورسەتكىشكە يە بولعان تۋرفيرمالارعا ۇلەستىرەدى.

ال وسى تالاپتارعا جۇمىسى ساي بولماعان كومپانيالارعا قانداي دا ءتيىستى شارالار قولدانىلا ما؟

  • وتكەن جىلى قمدب تۋرفيرمالار اراسىندا اشىق كونكۋرس جاريالادى. كونكۋرس تالاپتارىنا ساي كەلگەن كومپانيالار ىرىكتەلىپ الىندى. وزىنە جۇكتەلگەن مىندەتتەردى دۇرىس ورىنداي الماعان تۋرفيرمالارعا ءتيىستى ەسكەرتۋلەر مەن شارالار قابىلدانادى. ودان ناتيجە شىقپاسا، قمدب ول فيرمامەن كەلەسى جىلى كەلىسىمشارت جاساماۋ ماسەلەسىن قاراستىرادى.

جالپى قاراپايىم مۇسىلمانعا قاجىلىققا بارۋ قانشاعا تۇسەدى؟

  • جوعارىدا اتاپ وتكەن 16 فيرمانىڭ پاكەتتەرى ءارتۇرلى. ماسەلەن، قمدب جانىنان اشىلعان «Tawaf travel» كومپانياسىنىڭ «ەكونوم» پاكەتىنىڭ باعاسى 3800 اقش دوللار. ال «ستاندارت» پاكەتتىڭ قۇنى – 4200 دوللار. بۇل باعاعا مەككە مەن ءماديناعا ۇشاق بيلەتتەرى، 2 مەزگىل ىستىق تاماق، 5 ليتر ءزام-زام سۋى، مينا مەن ارافاتتاعى جايلى شاتىرلار، قاسيەتتى جانە تاريحي ورىندارعا زيارات جاساۋ، ەرلەر مەن ايەلدەرگە ارنالعان قاجىلىق كيىمى، جول جانە قول سومكەلەرى كىرەدى.

كورشى وزبەكستاندا كوممۋنالدىق قارىزى بارلار قاجىلىققا اتتانا المايدى ەكەن. وسىعان ۇقساس قانداي دا ءبىر ەرەجە-تىيىمدار بىزدە دە ەنگىزىلۋى مۇمكىن بە؟

    ء
  • بىزدىڭ قازىرگى قولدانىستاعى زاڭناماعا ساي، قاجىلىققا تەك شەتەلگە شىعۋعا رۇقساتى جوق ازاماتتار عانا بارا المايدى. جالپى، قاجىدان العان بارلىق قارىزىن وتەپ، وتباسىن ازىق-تۇلىكپەن، قاجەتتى قاراجاتپەن، ەڭ باستىسى ولارعا كوركەم ناسيحات ايتىپ كەتۋى تالاپ ەتىلەدى. قاسيەتتى جەرگە قارىزسىز، تازا بارعان ابزال. اللا تازا بولعاندىقتان، تازا نارسەنى جاقسى كورەدى. قۇراندا وسى ماعىنادا كەلەتىن اياتتار بار. ال ءسىز ايتىپ وتىرعان كوممۋنالدىق قارىزى بار ادامداردى قاجىلىققا جىبەرمەۋ تۋرالى زاڭ تالاپتارى ءبىزدىڭ ەلىمىزدە قولدانىستا جوق. ونداي ەرەجەنى ەنگىزۋ بولاشاقتىڭ ءىسى دەپ بىلەمىز. قازىرگە بۇعان بايلانىستى ەشقانداي قاجەتتىلىكتى كورىپ وتىرعانىمىز جوق.

جالپى، ءدىني باسقارما ەلىمىزدەن قاجىلىققا بارۋشىلاردى ارنايى زەرتتەپ، تەكسەرە مە؟ كىمدەر تالاپقا ساي كەلمەۋى مۇمكىن، ماسەلەن؟

    ء
  • دىني باسقارما ەشبىر مۇسىلمانعا جاسىنا، ۇلتىنا، تىلىنە قاراپ، ولاردىڭ قاجىلىققا بارۋىنا شەكتەۋ نەمەسە تالاپ قويمايدى. اللا تاعالا شاماسى كەلگەن، ياعني قارجىلىق مۇمكىندىگى جەتكەن مۇسىلمانعا قاجىلىقتى پارىز ەتكەن. ارينە، قاجىلىققا بارام دەۋشەلىر اراسىندا جاسى 80-نەن اسقان قاريالارىمىز كوپ كەزدەسەدى. ولارعا ارنايى ءوزىنىڭ كۇتۋشىسىمەن، قامقور بولاتىن جاناشىر تۋىسىمەن بىرگە بارۋعا كەڭەس بەرەمىز. ويتكەنى، كۇننىڭ قاتتى ىستىعى مەن ادام ءنوپىرى كەز كەلگەن قارت ادامنىڭ دەنساۋلىعىنا اسەر ەتپەي قويمايدى. ەكىنشىدەن، دەنساۋلىعىنا بايلانىستى شاعىمى بار ازاماتتارعا دارىگەردىڭ كەڭەسىنەن كەيىن قاجىلىققا بارۋعا شەشىم قابىلداۋىن سۇرايمىز. ويتكەنى، قاجىلىق تەك قارجىنى عانا ەمەس، دەنساۋلىقتى دا تالاپ ەتەدى. ول جاقتا قاجىلار بىرنەشە شاقىرىمدى جاياۋ جۇرۋگە تۋرا كەلەدى. سوندىقتان، مەشىتتەرىمىزدە ءوتىپ جاتقان قاجىلىق ساۋات اشۋ كۋرستارىندا، الماتىداعى «قاجىلىق وقىتۋ ورتالىعىندا» وسى ايتىلعان كەڭەستەر مەن جاعدايلار جەرلەستىرىمىزگە ءجيى ەسكەرتىلىپ كەلەدى.

قازاقستاندىقتاردىڭ قاجىلىق كەزىندە قاۋىپسىزدىگى ءۇشىن قانداي شارالار اتقارىلادى؟ بيىل دارىگەرلەر دە بىرگە بارادى دەپ وتىرسىز. جالپى ميسسيا تاعى باسقا قانداي جۇمىستاردى اتقارادى.

  • قازاقستان قاجىلىق ميسسياسىنىڭ مەككە مەن ءمادينا قالالارىنداعى ورتالىق شتابىندا ستاتسيونارلىق پۋنكت اشىلىپ، ول تاۋلىك بويى قاجىلارعا مەديتسينالىق كومەك كورسەتەتىن بولادى. ستاتسيونارلىق پۋنكت جۇمىسىن دارىگەر-تراۆماتولوگ رۋسلان ءىزباساروۆ جۇرگىزەدى. بۇل ازاماتىمىز وتكەن جىلى دا بارعان. جۇمىسىنا تياناقتى، تاجىريبەسى مول. دارىگەرلەر توبى ءوزىمىزدىڭ وتاندىق دارىلەردى بىرگە الىپ بارادى. ويتكەنى، ونىڭ اسەرى دە جاقسى بولماق. بۇدان بولەك ءاربىر تۋرفيرمامەن بىرگە ءبىر دارىگەر بارىپ، سول فيرما قاجىلارىنا العاشقى مەديتسينالىق كومەك كورسەتەدى. 13 ادامنان تۇراتىن ميسسيا مۇشەلەرى ەكى توپقا ءبولىنىپ، قاجىلار ورنالاسقان قوناقۇيلەردى بەلگىلەنگەن جوسپار بويىنشا ارالاپ، ونداعى تازالىق، ىستىق تاماقتىڭ ۋاقىتىندا بەرىلۋى، ۋاعىز-ناسيحات، تۇسىندىرمە جۇمىستارىنىڭ كەستەگە ساي جۇرگىزىلۋى، قاجىلاردان تۇسكەن شاعىمدار مەن وتىنىشتەر، ولاردىڭ كۇندەلىكتى مەديتسينالىق تەكسەرۋدەن ءوتۋى، ت.ب. ماسەلەلەر بويىنشا قاداعالاۋ، باقىلاۋ، تەكسەرۋ شارالارى جۇزەگە اسادى. بۇدان بولەك ءار فيرماعا بولىنگەن توپباسشىلار (گيد) جەرلەستەرىمىزگە جول قاۋىپسىزدىگىن ءجىتى ءتۇسىندىرىپ وتىرادى. قاجىلىق ماۋسىمىندا ءار سالاعا جاۋاپتى 55 ادامنىڭ ورتاق بايلىنىس جۇيەسى بولادى. ۋاعىز-ناسيحات توبىن شاريعات جانە ءپاتۋا ءبولىمىنىڭ باس مامانى باۋىرجان ءاليۇلى باستاپ بارادى. اتالعان توپ قاجىلار اراسىندا تۇسىندىرمە جۇمىستارىن جۇرگىزىپ، ۋاعىز-ناسيحات ايتىپ، ءتيىستى ساۋالدارعا جاۋاپ بەرەدى. قاجىلىقتىڭ پارىزدارى مەن شارتتارىن، ادەپتەرى مەن ۇكىمدەرىن تاپتىشتەپ ءتۇسىندىرۋ وسى ۋاعىز-ناسيحات توبىنىڭ نەگىزگى مىندەتى. ال اقپاراتتىق-ناسيحات توبىنىڭ مىندەتى – قاجىلىق ميسسياسىنىڭ جۇمىستارىن جاريالاۋ، وتاندىق اقپارات قۇرالدارىنا دەر كەزىندە مالىمەتتەر مەن رەسمي اقپارات جەتكىزۋ، ۇلىق ساپارداعى عيبراتتى وقيعالاردى باسىلىم بەتتەرىنە شىعارۋ. ميسسيانىڭ جالپى ۇيلەستىرۋ-ۇيىمداستىرۋ جۇمىستارىن قمدب «Tawaf travel» كومپانياسىنىڭ ديرەكتورى ءجاندىللا بەكجىگىتوۆ پەن قمدب قاجىلىق ءبولىمىنىڭ باس مامانى قانات بەكجانوۆ جۇرگىزەدى. جالپى بيىلعى قاجىلىق ماۋسىمىنا ءبىزدىڭ قىزمەتكەرلەرىمىز جان-جاقتى دايىندىقپەن بارماقشى. اللا بۇيىرسا، بۇل قاجىلىق بۇرىڭعى قاجىلىقتان وزگەرەك بولايىن دەپ تۇر. بيىلعى قاجىلىقتىڭ باستى جاڭالىعى رەتىندە جەرلەستەرىمىزدى وتاندىق اۋەكومپانيانىڭ تاسىمالداۋىن ايتۋعا بولادى. چارتەرلىك رەيس، اللانىڭ قالاۋىمەن، مەككە مەن ءماديناعا 4-5 ساعاتتا جەتەدى. بۇل – ۇلكەن جاڭالىق. وسىعان دەيىن قازاقستان ازاماتتارى تۇركيا، بىرىككەن اراب امىرلىكتەرى ارقىلى ۇشىپ، ونداعى اۋەجايلاردا 18-20 ساعات ايالداپ، ءبىر تاۋلىككە جۋىق ۋاقىتىن شىعىنداپ، ابدەن سارساڭعا تۇسەتىن.

كوپ رەتتە قاجىلىققا بارىپ، ونىسىن الەۋمەتتىك جەلىدە جاريا ەتۋشىلەر قوعام تاراپىنان سىنعا ۇشىراپ جاتادى. ريا ەتتى دەپ كىنالايدى. جالپى، رۋحاني تۇرعىدان قانداي دا ءبىر قاتەلىككە ۇرىنباس ءۇشىن، ساپار الدىندا ولارعا ءتۇسىندىرۋ جۇمىستارى جۇرگىزىلە مە، الدە ءار ادام ءوز ءدىني ساۋاتىمەن بارىپ قايتا ما؟

  • ەستەرىڭىزدە بولسا، ءبىزدىڭ باس ءمۇفتيىمىز قۇربان ايت قارساڭىندا قۇرباندىققا شالىنىپ جاتقان مالدىڭ الدىندا سەلفيگە ءتۇسىپ، مۇسىلمانعا جات ارەكەتكە بارماۋدى ايتادى. بۇل سۇراعىڭىز دا وسىعان ۇقساس ماسەلە. ادام ءوزىنىڭ اللا اراسىنداعى قۇلشىلىعىن بارىنشا قۇپيا ۇستاسا ونىڭ ساۋابى دا ارتادى. دۇرىس، كەيدە كەيبىر نارسەلەردى وزگەلەر ءۇشىن عيبرات ماقساتىندا جاريالاۋعا بولادى. ماسەلەن، ساداقا جاريا امالداردى. ساداقا جاريا دەگەنىمىز – كوپشىلىكتىڭ يگىلىگى ءۇشىن اتقارىلعان ءىس-شارالار. ماسەلەن، كوپىر، جول سالۋ، مەكتەپ تۇرعىزۋ، مەشىت-مەدرەسە قۇرىلىسىنا كومەكتەسۋ، اۋىلعا سۋ قۇبىرىن تارتۋ، ت.ب. ال جەكە قۇلشىلىق امالداردى رياسىز جاساعان ۇنامدىراق. اللا ەلشىسى ءوزىنىڭ ءبىر حادىسىندە: «قابىل بولعان قاجىلىقتىڭ سىيى – ءجاننات»، – دەگەن. ال قاجىلىق رياسىز قۇلشىلىقتىڭ ارقاسىندا قابىل بولادى. قمدب جانىندا قاجىلىق ءبولىمى بار. بارلىق سۇراقتارعا وسى ءبولىمنىڭ قىزمەتكەرلەرى جاۋاپ بەرەدى. ودان بولەك وبلىستاعى مەشىتتەرىمىزدە قاجىلاردىڭ ساۋاتىن اشۋ ماقساتىندا ارنايى ساۋات اشۋ كۋرستارى ءوز جۇمىسىن باستاپ كەتتى. بۇدان بولەك، الماتىداعى ء«ال-مادينا» مەشىتى جانىنان اشىلعان ارنايى قاجىلىق ورتالىعى تۇراقتى جۇمىس ىستەۋدە. ورتالىقتا بولاشاق قاجىلارعا تەوريالىق ءارى تاجىريبەلىك تۇرعىدا ءدارىس ۇيىمداستىرىلىپ، قاجىلىق امالدارى جان-جاقتى تۇسىندىرىلەدى. قاعبانى قالاي تاۋاپ جاساۋ قاجەت، يحرامدى (اق ماتانى) قالاي ورانۋ كەرەك، ت.ب. سۇراقتارعا پراكتيكا تۇرعىسىنان جاۋاپ بەرىلەدى. مۇمكىندىگى بار كىسىلەرگە وسى ورتالىقتان ارنايى ءدارىس تىڭداۋعا كەڭەس بەرەمىز.

baq.kz


كەلۋ قاينارى: http://www.elarna.net/koru.php?tur=18&id=1067527

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


قۇرانداعى پايعامبار بەي 8 سەكوند
中国哈萨克语广播网 1 مينوت
قازاق بوكسشىسى توكيودا 7 مينوت
28 - كەزەكتى جۇڭگو جينج 11 مينوت
وزبەكستاندا كونە تۇرىك 13 مينوت
中国哈萨克语广播网 1 ساعات
مەملەكەتتىڭ ەكولوگيالىق 1 ساعات
«Junior Eurovision 2019 1 ساعات
قوعامدىق كاپيتالدى اۋىل 1 ساعات
ەلباسى كىتاپحاناسىندا « 1 ساعات
ۇلى دالا حالىقتارىنىڭ ق 1 ساعات
گونكونگتەگى قاقتىعىس:  1 ساعات
中国哈萨克语广播网 1 ساعات
مەملەكەت بويىنشا مەيمان 1 ساعات
2019-جىلى 11-ايدىڭ 20-ك 1 ساعات
قازاقستاندا 21 قاراشادا 1 ساعات
قاراعاندىلىق يمامداردىڭ 2 ساعات
اۋىلدا يگىلىك، جاڭالىق 2 ساعات
中国哈萨克语广播网 2 ساعات
ەلىمىزدە حالىقارالىق جۇ 2 ساعات
شىمكەنتتە باس دارىگەرى 2 ساعات
ەلباسى جوعارعى cوت ءتور 2 ساعات
تۇشكىرگەن كەزدە ايتىلات 2 ساعات
دومالاق انا ء(ى نۇسقا) 2 ساعات
بەنزين مەن ديزەل مايىنى 2 ساعات
«سارىارقا» گاز قۇبىرىن 2 ساعات
ءماجىلىس رۋحىن ۇيرەنىپ، 2 ساعات
قازاقستاندا 7 مىڭنان اس 2 ساعات
نۇر-سۇلتاندا كۇدىكتى QR 2 ساعات
ۆيتسە-مينيستر شىمكەنتتە 2 ساعات