ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-134580823558 %42 %
2019-11-141757522045 %55 %
2019-11-151421503066 %34 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقستان «سۇننەت» اقپاراتتارى

جولدانعان ۋاقىتى: 18:40 - 2019/11/03

اينۇر ءابدىراسىلقىزى: ءسىزدىڭ ۇستانىپ جۇرگەنىڭىز قاي ءدىن؟ – Sunna.kz

قر ءدىن ىستەرى جانە ازاماتتىق قوعام مينيسترلىگى ءدىن ىستەرى كوميتەتى دىن ماسەلەلەرى جونىندەگى عىلىمي-زەرتتەۋ جانە تالداۋ ورتالىعىنىڭ ديرەكتورى اينۇر ابدىراسىلقىزىمەن سۇحبات

– اينۇر ءابدىراسىلقىزى، سوڭعى جىلدارى سانگە اينالعان تاقىرىپ – ءداستۇرلى ەمەس اعىم وكىلدەرى ماسەلەسىنە تاعى ءبىر اينالىپ سوعاتىن كەز كەلگەن ءتارىزدى. قازىرگى كەزەڭدە وسى تاقىرىپتاعى قاي ماسەلەگە نازار اۋدارعاندى ءجون كورەر ەدىڭىز؟

– بۇل باۋىرلارىمىزدى رايىنان قايتارامىز دەپ الەك بولىپ، ءجيى ارالاسا باستاعالى جارىقتىقتاردىڭ جان دۇنيەسى الاقانداعىداي ايقىن كورىنە باستادى. سودان بولسا كەرەك، سوڭعى كەزدەرى ءداستۇرلى ەمەس اعىم وكىلدەرىن كورگەندە مەنىڭ كوكەيىمە: ء«سىزدىڭ ۇستانىپ جۇرگەنىڭىز قاي ءدىن؟» دەپ ساۋال ءجيى ورالىپ ءجۇر. جۇرەگى جاتسىنۋعا تولى، زايىرلىلىقتى مويىندامايتىن، زاڭ دەسە توبە شاشى تىك تۇراتىن، ءوز جاماعاتىنان باسقانى مۇسىلمان ساناتىنا قوسپايتىن، ايەل اتاۋلىعا «انا»، «قىز»، «قارىنداس» دەپ ەمەس، «ايەل» دەپ قانا قارايتىن، ۇلكەنگە – قۇرمەت، كىشىگە ىزەتى جوق، تۇلا بويى اگرەسسياعا تۇنىپ تۇرعان تۇلعالاردى تاربيەلەيتىن بۇل ءوزى قانداي ءدىن؟ قاي ءدىن وسىنداي شاپشۋلى، شاۋىپ الۋعا دايىن تۇراتىن بەيادەپ مىنەزگە تاربيەلەيدى ەكەن؟ الەم دىندەرىنىڭ بىرەۋىندە بار ما ەكەن مۇنداي مىنەز؟! ال يسلامدا شە؟ «يسلام دەگەنىمىز نە؟» دەگەن ساۋالعا پايعامبارىمىز: «يسلام دەگەنىمىز – كوركەم مىنەز-قۇلىق» دەپ جاۋاپ بەرمەپ پە ەدى؟! «مۇسىلمان دەگەنىمىز كىم؟» دەگەندە: «مۇسىلمان دەگەنىمىز – وزگە مۇسىلمانعا قولىمەن جانە تىلىمەن زيان كەلتىرمەگەن ادام» دەگەندى دە سول پايعامبارىمىز ايتقان جوق پا؟! ءوزىنىڭ جارىق دۇنيەگە جىبەرىلۋدەگى ماقساتىن: «مەن كوركەم مىنەز-قۇلىقتى كەمەلدەندىرۋ ءۇشىن جىبەرىلگەنمىن» دەپ ايگىلەگەن سول حاق پايعامبار ەمەس پە ەدى؟! «شىندىعىندا سەن كوركەم مىنەز-قۇلىق يەسىسىڭ» دەپ سول پايعامبارعا ماداق ايتىلماۋشى ما ەدى قۇراندا؟! ء«بىز سەنى الەمدەرگە راحمەت ەتىپ جىبەردىك» دەپ، تاعى دا سول قۇراندا پايعامبارلىق ميسسياسىنىڭ ءمان-ماعىناسى ايشىقتالماۋشى ما ەدى؟! ءبىز ء«اربىر مۇسىلمان تۇنىپ تۇرعان كوركەم مىنەزدىڭ كورىنىسى بولۋعا مىندەتتى» دەۋدەن اۋلاقپىز، ءبىراق ءداستۇرلى ەمەس اعىم وكىلدەرى وزدەرىن «تازا يسلامدى ۇستانىپ جۇرگەن شىنايى مۇسىلماندارمىز» دەپ سانايدى ەمەس پە؟! سوندا ولار يسلامدا جوق مىنەزدى قايدان الدى؟! ولاردىڭ تازالىعى قاي تازالىق؟! ولاردىڭ يسلامى قاي يسلام؟! ولاردىڭ ءدىنى قاي ءدىن؟ يمانىنا كۇمان كەلتىرمەك ويىم جوق، ءبىراق قىلىعىنا قاراي كوكەيگە كەلگەن وسىنداي ساۋالداردى كولدەنەڭ تارتپاسقا شارا تاعى جوق.

– ءسوزىڭىز اۋزىڭىزدا، ولاردىڭ وزدەرىنە دە وسى ساۋالدى قويعان بولارسىز؟

– قويعاندا قانداي! جاۋاپ سول باياعى – اگرەسسيا. ايتارعا دالەلى جوق، كورسەتەرگە مىنەزى دايىن. بۇل ماسەلەنىڭ ەكىنشى جاعى تاعى بار. وسى اگرەسسياشىل مىنەز بەن ۋىتقا تولى ۋاعىزدار جاستاردى نەگە باۋراپ الۋدا؟ مەن وسىعان دەيىن مىناداي تۇجىرىمدى ءجيى ايتىپ كەلدىم: «ەگەر يسلام قازاق دالاسىنا قازىرگى ءداستۇرلى ەمەس اعىم وكىلدەرى ايتىپ جۇرگەندەي ء«داستۇرىڭدى دىنسىزدىك دەپ تانيسىڭ، مادەنيەتىڭە بالتا شاباسىڭ، وتكەنىڭنەن تامىرىڭدى ۇزەسىڭ، تاريحىڭ مەنەن باستالادى» دەگەن ۇردا-جىق ۇستانىمدارمەن كەلگەن بولسا، اتالارىمىز مۇنداي ءدىندى ەشقاشان قابىلداماس ەدى. يسلام قازاق دالاسىنا ءوزىنىڭ شىنايى بولمىسىمەن – كەڭدىگىمەن، بەيبىتسۇيگىشتىگىمەن، مامىلەگەرلىگىمەن، تازالىعىمەن، پاراساتتىلىعىمەن كەلدى. سوندىقتان ۇلتىمىزدىڭ بولمىسىنا ءسىڭىپ، مادەنيەتىن قۇراعان دىنگە اينالدى». دەگەنمەن قازىرگى ۇلتتىق مەنتاليتەتىمىز بۇرىنعىدان بولەك. ول وزگەرىسكە ۇشىراي باستادى. دۇرىسى، كەيىنگى بۋىننىڭ مەنتاليتەتى ۇلتتىق بولمىستان جاتتانا باستادى. وعان  ەكرانىمىز بار، عالامتورىمىز بار، اقپاراتىمىز بار، ادامىمىز بار – جابىلىپ «ۇلەس قوسىپ» جاتىرمىز. بۇل ءۇردىس سوناۋ توقسانىنشى جىلداردان باستاپ ەلىمىزگە اعىلىپ كەلە باستاعان باتىستىق كوبىكتى وپەرا – تەلەسەريالداردىڭ جوپشەندىنى جۇلىپ جەۋگە دايىن تۇراتىن بەيباستاق مىنەزدەردى دارىپتەۋىنەن باستالدى. ويتكەنى ولاردىڭ نەگىزگى كەيىپكەرلەرى ەڭ الدىمەن وسىنداي اگرەسسياشىل مىنەزدەرىمەن ەرەكشەلەنەتىن، ال كوكىرەگىندە اقشادان باسقا قۇندىلىق بولمايتىن. ەكىنشى ورىنعا ەنتەلەي جەتىپ، عالامتور شىقتى. بەتى جارنامادان كورىنبەيتىن جارىقتىقتىڭ ساۋداسىن قىزدىراتىن ەلپ ەتپە ەلىككىش مىنەزدىلەر بولعان سوڭ، قۇنسىز «قۇندىلىقتاردى» دارىپتەۋ ارقىلى سولارعا قول جەتكىزۋ ءۇشىن ەشتەڭەدەن تايىنبايتىن توبىرلىق تيپتەردى توپىرلاتىپ قالىپتاستىرۋ باستالدى. سوڭعى ونجىلدىقتا بۇل سايىسقا ءداستۇرلى ەمەس اعىم وكىلدەرى كەلىپ قوسىلدى. ءبىر ەرەكشەلىگى، ءدىننىڭ اپاتى جالعىز ءداستۇرلى ەمەس يسلام وكىلدەرى عانا ەمەس بولعانىمەن، وزگە دىندەردىڭ ۋاعىزشىلارى سىبىزعىداي سىزىلىپ تۇرادى دا، ال ءداستۇرلى ەمەس يسلام وكىلدەرىنە كەلسەڭىز، وق جىلانداي اتىلىپ تۇرعانى… «جۇرتتىڭ ىبىرايى – ىبىراي، ءبىزدىڭ ىبىراي – سۇمىراي» دەگەن ايتقىش اتالاردىڭ ءسوزى ەسكە ءتۇسىپ، ەرىكسىز جاعاڭدى ۇستايسىڭ سوسىن…

– «داۋدىڭ باسى – دايرابايدىڭ كوك سيىرى» دەمەكشى، پالە باسى يدەولوگيادا جاتقان جوق پا، قالاي ويلايسىز؟

– ارينە، يدەولوگيامەن دە ءبىراز نارسە بايلانىستى. كەزىندە كەڭەس ۇكىمەتىن قۇرۋ جولىنداعى يدەولوگيالىق كۇرەس كىلەڭ توڭكەرىسشىل تۇلعالاردى قالىپتاستىرىپ ەدى عوي. دامۋ جولىن ەمەس، توڭكەرىس جولىن تاڭداعاندا ەرىكسىز وسىلاي بولىپ شىعادى. توڭكەرىس جولى – تىنىشتىق جولى ەمەس. «مەملەكەتكە باعىنامىز» دەگەندى اۋىزبەن عانا ايتاتىن ءداستۇرلى ەمەس اعىم وكىلدەرىنىڭ اياق استىنان تەراكتىلەرگە ارالاسىپ كەتە بەرەتىنى سول زاڭدىلىقتىڭ سالدارى. «بىزدىكى عانا دۇرىس، باسقانىكى – تەرىس» دەپ باعالايتىن اعىم وكىلدەرى ەشقاشان مىلتىقسىز مايدانمەن شەكتەلگەن ەمەس. سوندىقتان بۇل تىنىشتىق – داۋىل الدىنداعى تىنىشتىق، ال قازىرگى يدەولوگيالىق مايدان – الداعى قارۋلى قاقتىعىستىڭ دايىندىعى بولۋى ابدەن مۇمكىن. ال ماقسات توڭكەرىسشىل ەمەس، ىلگەرىشىل بولسا، قۇرال دا، قۇلىق تا، قىلىق تا سوعان سايكەس بولار ەدى.

– سوڭعى كەزدەرى ءداستۇرلى ەمەس اعىمدارعا قاتىستى ءبىراز «يزمدەر» كەرى شەگىنىپ، «پسەۆدوسالافيزم» دەگەن جاڭا ۇعىم قولدانىسقا ەنە باستادى. مۇنىڭ ءمانىسى نەدە؟

– ۇعىمدار مەن قۇندىلىقتاردى كەزەڭ-كەزەڭىمەن قايتا ەكشەپ وتىرۋ – ءاربىر سالاۋاتتى قوعامعا ءتان قۇبىلىس. باستاپقىدا سالافيلىك اعىم وكىلدەرى ءوزىن وسىلاي اتايتىندىقتان قوعامدا «سالافي» اتاۋى قالىپتاسىپ كەتتى. دەگەنمەن بۇل ۇعىمنىڭ يسلامداعى «سالافۋس-ساليحين» اتالاتىن الدىڭعى ىزگى ءۇش بۋىنعا قاتىسى جوقتىعىن، تەك وزدەرىن سولاردىڭ جولىن جالعاستىرۋشىلار رەتىندە كورسەتۋگە تىرىساتىنىن ەسەپكە الا وتىرىپ، ءبىرقاتار زەرتتەۋشىلەر ولاردى «نەوسالافيلەر» دەپ اتاي باستادى. اعىم وكىلدەرى يدەولوگياسىنىڭ يسلام تاريحىنداعى حاريجيتتەر قوزعالىسىنىڭ يدەولوگياسىمەن توعىساتىن تۇستارى كوپ ەكەنىن نەگىزگە العان ەندىگى ءبىر توپ زەرتتەۋشىلەر ولارعا «نەوحاريجيتتەر» دەگەن اتاۋدى لايىق كوردى. سالىستىرمالى تاريحي زەرتتەۋلەردى فەنومەنولوگيالىق ادىستەرمەن بايىتا بىلگەن ءدىنتانۋشى عالىمدار بولسا، بۇل قۇبىلىستىڭ ۋاححابيلىكتىڭ كەيىنگى داۋىرلەردەگى اتى وزگەرگەن جالعاسى بولىپ تابىلاتىنىن تۇجىرىمدادى جانە سونىڭ نەگىزىندە «ۋاححابيلىك-سالافيلىك» دەگەن قوسارلى اتاۋدى دۇرىس دەپ تاپتى. ال سالافيلىككە فەنومەن رەتىندە ەمەس، يدەولوگيا رەتىندە كوز سالعاندا، ول نەگىزگە العان تاريحي اتاۋ مەن قازىرگى يدەولوگيالىق ۇستانىمداردىڭ مۇلدە قابىسپايتىنى بۇل اعىمدى «پسەۆدوسالافيلەر» دەپ اتاۋعا نەگىز بولىپ وتىر. ياعني بۇل جاڭا «يزم» وزگە «يزمدەردى» تەرىستەۋدەن ەمەس، يدەولوگيالىق باعدارعا سۇيەنۋدەن تۋىنداعان جانە سول سەبەپتەن مەملەكەتتىك ساياساتتا كەڭىرەك قولدانىلۋ مۇمكىندىگى باسىم.

– «ۋاححابيلىك-سالافيلىك» دەمەكشى، قاعبانىڭ كىلتىن ۇستاپ وتىرعان قاسيەتتى مەكەن يەلەرىنىڭ – ساۋد ارابياسى كورولدىگىنىڭ وسى اعىمدى ءدىن رەتىندە ۇستانىپ وتىرعانى قانشالىقتى شىندىق؟

– وزىمىزدەن وزگە ەشكىم سەنبەيتىن قيال-عاجايىپ ەرتەگىلەرىمىزدىڭ ءبىرى – وسى. باسقانى بىلاي قويعاندا، ساۋد ارابياسى كورولدىگىنىڭ ساباعاتتىق كەڭەسىنىڭ (ماجليس اش-شۋرا) ۆيتسە-سپيكەرى مۋحامماد ال-جەفري 2016 جىلدىڭ قازان ايىندا بريۋسسەل قالاسىندا حالىقارالىق ىستەر جونىندەگى ەۋروپارلامەنت كوميتەتىنىڭ مۇشەلەرى الدىندا: ء«بىزدىڭ «ۋاححابيلىك» اتتى ءدىني قۇندىلىعىمىز جوق. ءبىزدىڭ ءبىر عانا ءدىنىمىز بار، ول – يسلام» دەپ مالىمدەمەپ پە ەدى؟ ەندەشە ءبىز نەگە وزگەنىڭ قاڭسىعىن تاڭسىق قىلىپ، ساۋدتىقتاردىڭ وزىنە كەرەك ەمەس ۋاححابيلىكتى ءدىن ساناماقپىز؟ 2017 جىلدىڭ 6 قازانىندا  ساۋد ارابياسىنىڭ كورولى سالمان بەن ابدەل ءازيز اس-ساۋد بۇكىلالەمدىك تەرروريزم مەن ەكسترەميزمگە قارسى كۇرەسۋ ماقساتىندا بۇۇ-مەن بىرىگىپ، يسلام مەملەكەتى مەن جاھاندىق تەرروريزمگە قارسى يسلام اسكەري كواليتسياسىن قۇردى. وسى شارا بارىسىندا ساۋدتىقتاردىڭ مۇراگەر حانزاداسى  مۇحاممەد بەن سالمان اس-ساۋد ەر-ريادتا وتانداستارىن كەزەكتى رەت يسلامداعى قالىپتى ورتا جولدى ۇستانۋعا شاقىردى. «بۇرىنعى قالپىمىزعا قايتا ورالامىز. بارلىق دىنگە جانە الەمگە اشىق قالىپتى، ورتا جولدى يسلام مەملەكەتىنە اينالامىز» دەپ الەم الدىندا ۋادە بەردى.  ال ورتا جولدان شىعىپ كەتكەندەر كىمدەر ەدى؟ ۋاححابيلىك-سالافيلىكتىڭ ءىزىن قۋىپ ءجۇرىپ، اعىمدار مەن ۇيىمدارعا ءبولىنىپ، لاڭكەستىككە ۇرىنىپ تىنعاندار ەمەس پە ەدى؟! ساۋدتىقتاردىڭ قازىرگى تاڭداعى ەكسترەميستىك يدەولوگياعا قارسى كۇرەسى، ونىڭ جەتەگىندە كەتكەندەردى وڭالتۋ جۇمىسى سول ءبىر باستاۋدان سۋ ىشكەن انتالاعان اعىمداردىڭ اداسقان مۇشەلەرىنە باعىتتالىپ وتىرعان جوق پا؟! سوندا ءبىز  ۋاححابيلىكتى كىمنىڭ ءدىنى دەمەكپىز؟! سونىمەن، كوزىمىزدى كەڭىرەك اشىپ، قايتا ءبىر ويلاناتىن كەزىمىز كەلىپ جەتكەن ءتارىزدى… ايتپاقشى، ءبىز ويلانۋعا دايىندالىپ وتىرعاندا ىرگەمىزدەگى ءبازبىر ەلدەر بۇل ماسەلە جونىندە ءباتۋاعا كەلىپ تە ۇلگەردى. 2016 جىلدىڭ اقپان ايىندا رەسەيدىڭ گروزنىي قالاسىندا وتكەن ىرگەلى باسقوسۋدا قاداريا-ناقشبانديا تاريقاتىنىڭ وكىلدەرى تىزە قوسىپ، پسەۆدوسالافيلىكتىڭ ۋاححابيلىكپەن ءبىر ەكەنىن تۇجىرىمداي وتىرىپ، ونى قاتاڭ ايىپتايتىن قارار قابىلدادى. قاراردا پسەۆدوسالافي-ۋاححابيلەر بارشا الەمدەگى مۇسىلمانداردىڭ بىرلىگىن السىرەتىپ، مۇسىلمان قوعامىندا الاۋىزدىق تۋدىرۋعا باعىتتالعان تەرروريستىك اعىم رەتىندە ايىپتالدى. يسلام الەمىنە زور ءقاۋىپ ءتوندىرىپ وتىرعان پسەۆدوسالافيلەردىڭ يسلامي نورمالارعا قاتىستى قابىلداعان شەشىمدەرى مويىندالمايتىنى، سىنعا الۋ ماقساتىندا بولماسا ولارمەن ەشبىر قارىم-قاتىناس ورناتىلمايتىنى، ولاردىڭ قاتارىنا ەنگەندەردىڭ قاتاڭ ايىپتالاتىنى، ت.ب. جايتتار قاراردا قاتاڭ قاعيدا رەتىندە بەكىتىلدى. ءسويتىپ، ىرگەلەس كورشىلەردىڭ ىرگەسىن نىقتاپ العان جايى بار…

– ءيا، ال ءبىز ءالى مەكتەپتەگى حيجاب داۋىمەن الەكپىز. ايتقانداي، بۇل ماسەلەدە كورشىلەردىڭ نە جاڭالىعى بار ەكەن؟

– كورشىلەردىڭ كوپشىلىگىندە بۇل ماسەلە بويىنشا جاڭالىق بولماسقا كەتكەن، ويتكەنى ەسەبى، الدەقاشان شەشىلىپ قويعان ماسەلە عوي. شەشىمىن قايتا قارايتىن كوڭىلشەكتىك كورشىلەرگە ءتان بولماي تۇر. وزبەكستان، تۇركىمەنستان، قىرعىزستان، تاجىكستان، ءازىربايجان ەلدەرىندە مەكتەپ فورماسى الدەنەشە جىل بۇرىن بەكىتىلگەن قالپىندا ساقتاۋلى. رەسەيلىك اعايىندار موردوۆا مەن ستاۆروپول ولكەسىنەن باستاپ، فورما ءتارتىبىن ورنىقتىرىپ كەلەدى. پرەزيدەنت ۆ.پۋتين رەسەيدە فورما ماسەلەسىندە اۋىتقۋشىلىققا جول بەرىلمەيتىنىن اتاپ ايتتى. ەۆروپانى ءتىپتى مازالاماي-اق قويساق تا بولار. فرانتسيا، نورۆەگيا، شۆەتسيا، دانيا، چەحيا، كوسوۆو ەلدەرىنىڭ بارلىعى مەكتەپ فورماسىن مەملەكەتتىك دەڭگەيدەگى زاڭنامالارمەن بەكىتىپ، زايىرلىلىقتىڭ زاڭدى كورىنىسى، ىشكى تۇراقتىلىقتى ساقتاۋدىڭ ءبىر تەتىگى رەتىندە ورنىقتىرعان. مەملەكەت ءوز ساياساتىنا مىعىم بولعان جەردە كەز كەلگەن داۋ شەشىمىن تاباتىنىن ۋاقىت ءوزى دالەلدەپ وتىر.

– سۇحباتىڭىزعا راحمەت!

kazislam.kz


كەلۋ قاينارى: http://www.elarna.net/koru.php?tur=18&id=1067490

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


باكۋدەگى ءسامميتتىڭ تۇپ 3 مينوت
كوكشەتاۋدا وبلىستىق شىع 5 مينوت
باس مەشىتتە جاستارعا ار 9 مينوت
ازيانىڭ ەڭ ادەمى ارۋى ا 10 مينوت
ا ق ش - نىڭ كاليفورنيا 15 مينوت
اقبەرەننىڭ «Fantasmagor 15 مينوت
اعاجاي التاي تورى 15 مينوت
ءمانىزوروۆ پەن شپەكباەۆ 15 مينوت
قۋانىش دالەي. ىمىرت قىز 24 مينوت
حابارلاندىرۋ!!! – 25 مينوت
中国哈萨克语广播网 25 مينوت
JunÙ‰or EurovÙ‰sÙ‰on: ە 25 مينوت
فاريزا وڭعارسىنوۆانىڭ ۇ 1 ساعات
بالىقتىڭ ىشەك-قارنىنان 1 ساعات
اعاجاي التاي تورى 1 ساعات
قويان شارۋاشىلىعىنا سۇي 1 ساعات
ابزال قۇسپان: قوعامدىق 1 ساعات
رەسپۋبليكانسكي سەمينار 1 ساعات
گۆينەيادا قاقتىعىس كەزى 1 ساعات
ۇكىمەت زەينەتاقى اكتيۆت 1 ساعات
ەلوردا ورتالىعىندا كولى 1 ساعات
تۇركىستاندا كۋالىگى جوق 1 ساعات
شقو-دا 600-گە جۋىق مەمق 1 ساعات
ەرلان رىمبەك. اقبۇلاعىم 1 ساعات
ازيانىڭ ەڭ سۇلۋ ارۋى ان 1 ساعات
دەرت كەشكەندەر جاعالاۋى 1 ساعات
History of pizza – 1 ساعات
اعاجاي التاي تورى 1 ساعات
مەملەكەت باسشىسى ازيا د 1 ساعات
中国哈萨克语广播网 1 ساعات