ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-181794515640 %60 %
2019-11-192440715839 %61 %
2019-11-201459466644 %56 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقستان «سۇننەت» اقپاراتتارى

جولدانعان ۋاقىتى: 16:10 - 2019/11/01

رۋحانيات. رەنەسسانس. رەسپەكت… – Sunna.kz

رۋحاني قۇندىلىق – ادامزات بالاسىن پاراسات پەن پروگرەسسكە، وركەندەۋ مەن كوركەم مىنەزگە، يگىلىك پەن ىزگىلىككە باستايتىن قۋاتتى كۇش. ال رۋحانياتتىڭ قايناركوزى يسلام – ەشقاشان عاسىر سوڭىندا قالمايتىن، زاماندى ءوز سوڭىنا جەتەلەيتىن وركەنيەتتىڭ، عىلىم مەن ءبىلىمنىڭ ءدىنى.   تىرشىلىك پەن قۇلشىلىق – قۇستىڭ قوس قاناتتى ىسپەتتى ەگىز ۇعىم. باعزى زاماننان باقىتىن بەيبىتشىلىك پەن بىرلىكتەن تاپقان قازاق حالقى ىزگىلىكتى ءومىرىنىڭ رۋحاني تىرەگى ەتكەن.  

ىزگىلەردىڭ ءىزىن باسقان ۇرپاق اتا سالتىن ساقتاپ، ءداستۇرلى ءدىننىڭ قۇندىلىقتارىن ءومىرىنىڭ تەمىرقازىعى ەتپەك. يماندىلىق باستاۋى بولعان ۇيات، ار-نامىس، وبال، ساۋاپ، ۇلكەنگە – قۇرمەت، كىشىگە – ىزەت سىندى ۇعىمدار حالقىمىزدىڭ ءومىر سالتىندا عيبراتتى عۇرىپقا اينالدى. ەگەمەن ەلدىڭ بۇگىنگى ازاماتتارىنا جۇكتەلگەن مىندەت – بىرلىككە ۇيىعان ۇلتقا قىزمەت ەتۋ، ءبىلىم الىپ، ەڭبەك ەتۋ، يماندىلىقتان ءنار الىپ، ادىلدىك ءپرينتسيپىن ۇستانۋ. 

 

مۇفتيات وسىمەن ءۇشىنشى رەت رەسپۋبليكالىق يمامدار فورۋمىن وتكىزىپ، قوعامعا رۋحاني قۇندىلىقتاردى ناسيحاتتاۋدىڭ جولىن تالقىلاپ، ونى جۇمىس جوسپارىنا ەنگىزدى. ماقسات – حالىقتىڭ رۋحاني دامۋىنا ۇلەس قوسۋ. فورۋمدا «جەتى رۋحاني قازىق» تۇعىرناماسى، ء«دىني راسىمدەر ءتىزىلىمى» قۇجاتى قابىلداندى.

حالقىمىزدىڭ داستۇرىندە، وزىنە ءتان ءومىر ءسۇرۋ سالتىندا جەتى قازىنا قانداي قاستەرلى بولسا، «جەتى رۋحاني قازىق» تۇعىرناماسى مۇسىلمان قاۋىمىنىڭ قۇلشىلىعى مەن تىرشىلىگىنىڭ شامشىراعىنا اينالسا دەگەن يگى تىلەكتەر ايتىلدى. قاي زاماندا دا بىرلىك پەن ەلدىكتىڭ، رۋحانياتىمىزدىڭ ناسيحاتشىسى مەن جاناشىرى بولعان يمامدار تۇعىرنامانىڭ تالىمدىك ۇستىندارىن حالىققا، جاماعات جۇرەگىنە ۇيالاتا بەرمەك.  

كەزىندە عۇلاما-ويشىل ءابۋ ناسىر ءال-فارابي بىلاي دەگەن ەكەن: «ادام بالاسى سياقتى مەملەكەت تە ومىرىندە ەكى عۇمىرلىق بوساعانى اتتايدى. ءبىرىنشىسى – جارىق دۇنيەنىڭ ەسىگىن اشۋ، ەكىنشىسى – ەرەسەك ءومىردىڭ تابالدىرىعىن باسۋ. ەكەۋى دە قايتالانباس، قاستەرلى مەزەتتەر». قادامىن قاز-قاز باسقان قازاق ەلى وسىنداي قايتالانباس قاستەرلى مەزەتتى، سىندارلى ءساتتى باستان وتكەرىپ كەلەدى. ءبىز ءۇشىن تاۋەلسىزدىگىمىزدىڭ العاشقى جىلدارى، ءال-فارابي بابامىز ايتقانداي، جارىق دۇنيەنىڭ ەسىگىن اشقانمەن بىردەي بولسا، ءقازىر ەرەسەك ءومىردىڭ تابالدىرىعىن باسىپ وتىرمىز.  

مەملەكەتتىڭ وركەندەۋى ونىڭ ەكونوميكاسىنىڭ دامۋىمەن، حالىقتىڭ ءال-اۋقاتىنىڭ ارتۋىمەن عانا ولشەنبەيدى. مەملەكەتتى قۇرايتىن ۇلت بولسا، سول ۇلتتىڭ جان-جاقتى ءبىلىمى، جان دۇنيەسىنىڭ تازالىعى، رۋحاني بايلىعى – اسا ماڭىزدى ماسەلە. ايگىلى ويشىل رۋداكيدىڭ:

«ومىر – تەڭىز،

جۇزەم وندا دەمەڭىز،

ىزگىلىكتەن جاسالماسا كەمەڭىز»، – دەگەن سوزىندە ۇلكەن ءمان جاتىر.

مەملەكەت باسشىسى قاسىم-جومارت توقاەۆ يمامدار فورۋمىنا جولداعان قۇتتىقتاۋ حاتىندا وسىناۋ پاراساتتىلىق، وتانسۇيگىشتىك، ادامگەرشىلىك قاسيەتتەرىن حالىقتىڭ ساناسىنا ءسىڭىرۋ – ساۋابى مول ابىرويلى ميسسيا ەكەندىگىن اتاپ ءوتتى.

«بارشاڭىزدى يگى داستۇرگە اينالعان يمامدار فورۋمىنىڭ اشىلۋىمەن شىن جۇرەكتەن قۇتتىقتايمىن! يسلام ءدىنىنىڭ وسىنداي ىزگى قۇندىلىقتارى ەلىمىزدەگى مۇسىلماندار قاۋىمىن بىرىكتىرىپ، ىنتىماعىن ارتتىرىپ وتىر.  

وسى ورايدا، يمامدارىمىز حالىق اراسىندا رۋحاني-اعارتۋشىلىق جۇمىستارىن ۇدايى جۇرگىزىپ، جاس ۇرپاقتىڭ بويىنا يماندىلىقتى دارىتۋعا اتسالىسۋى ماڭىزدى. بيىلعى قازاقستان حالقىنا جولداۋىمدا حالقىمىزدىڭ ۇلى پەرزەنتتەرى – ءال-فارابي، اباي جانە باسقا دا ويشىلدارىمىزدىڭ ەڭبەكتەرىن كەڭىنەن دارىپتەۋ قاجەتتىگىن ەرەكشە اتاپ ءوتتىم.  سوندىقتان قوعامداعى تاتۋلىق پەن كەلىسىمدى نىعايتۋ ارقىلى قازاقستان حالقىنىڭ تۇتاستىعىن ساقتاپ، ۇلتتىق بولمىسىمىزدى ايشىقتاۋ – بارىمىزگە ورتاق پارىز.  بۇل جيىن قازاقستان مۇسىلماندارى ءدىني باسقارماسىنىڭ جۇمىسىنا جانە ەلىمىزدەگى ءدىن وكىلدەرىنىڭ رۋحاني باستامالارىنا تىڭ سەرپىن بەرەدى دەپ سەنەمىن»، – دەلىنگەن پرەزيدەنتتىڭ قۇتتىقتاۋ حاتىندا. راسىندا، بۇل – فورۋمنىڭ ءمانى مەن مازمۇنىن ارتتىرعان اقجولتاي جاڭالىق بولدى.  

فورۋمدا العاش ءسوز العان قازاقستان رەسپۋبليكاسى پرەزيدەنتى اكىمشىلىگىنىڭ باسشىسى ەرلان قوشانوۆ ءمۇفتياتتىڭ قوعامداعى ورنى مەن ءرولىن ايرىقشا اتاپ ءوتتى.

مىنبەردە ەرلان جاقانۇلى: «بۇگىنگى فورۋم قازاقستان مۇسىلماندارى ءدىني باسقارماسىنىڭ ۇيىمداستىرۋشىلىق-اعارتۋشىلىق قىزمەتىن جاڭا ءبىر بەلەسكە كوتەرىپ، ءدىن سالاسىنداعى جاڭا باستامالارعا تىڭ رۋحاني سەرپىن بەرەتىنىنە سەنىمدىمىن. قازاقستان مۇسىلماندارى ءدىني باسقارماسى – ەلىمىزدە حالىقتىڭ كوڭىلىنەن شىعاتىن يماندى ارەكەتتەرگە ۇيىتقى بولىپ، قوعامدا ءوز ورنىن تابا ءبىلدى.  بۇگىنگى مەشىت يمامدارىنىڭ حالىق اراسىندا جۇرگىزەتىن اۋقىمدى ىستەرى قازاقستان مۇسىلماندارىنىڭ رۋحاني سۇرانىسىنا قالتقىسىز قىزمەت ەتۋدىڭ جارقىن كورىنىسىنە اينالدى.  سونىمەن قاتار، قوعامداعى بىرلىك پەن كەلىسىمدى، تاتۋلىق پەن بەيبىتشىلىكتى نىعايتۋعا دا ايانباي ۇلەستەرىن قوسۋدا»، – دەپ يگى تىلەگىن جەتكىزدى.  

يگى باسقوسۋدا قر پرەمەر-مينيستر ورىنباسارى بەردىبەك ساپارباەۆ ادامزاتتىڭ ءومىر ءسۇرۋ سالتىنداعى رۋحاني قۇندىلىقتاردىڭ رولىنە ايرىقشا توقتالدى.
 

«قاي قوعامدا بولسىن تۇراقتىلىق، بىرلىك، يماندىلىق سىندى قۇندىلىقتار سالتانات قۇرماسا، ول ەلدە ەشقانداي دامۋ بولمايدى. سوندىقتان قازاقستان مۇسىلماندارى ءدىني باسقارماسىنىڭ يمامداردىڭ باسىن جيىپ، رۋحاني قۇندىلىقتار تۋرالى ماسەلەنى تالقىلاۋى – وتە ورىندى باستاما. راسىندا، ءبىزدىڭ كۇندەلىكتى تىرشىلىگىمىزدە ءدىن قىزمەتكەرىنىڭ ورنى ەرەكشە. سىزدەر مۇسىلمان بالاسى دۇنيە ەسىگىن اشقان ۋاقىتتان باستاپ، دۇنيە سالعان ساتكە دەيىنگى ارالىقتا ونىڭ ورىنداۋى ءتيىس ءدىني راسىمدەرىن اتقارىپ بەرەسىزدەر. سوندىقتان، يمام مارتەبەسىن ءبىز ءوزىمىز كوتەرۋىمىز كەرەك»، – دەيدى بەردىبەك ماشبەكۇلى.  

يا، جۇرتتى جاقسىلىققا ۇندەپ، ناسيحات سوزىمەن ۇمىتىنە ۇنەمى قانات ءبىتىرىپ، كۇيزەلگەندە رۋحاني دەمەۋ بولىپ جۇرەتىن يمام قىزمەتى اسا ماڭىزدى. ءدىني سالاداعى ءدىن قىزمەتكەرلەرىنىڭ وسىنداي جانقيارلىق جۇمىستارىن ءبىرى بىلسە، ءبىرى بىلمەي جاتادى… ارينە، ءدىن اماناتىن ارقالاعان كىسى ادامنىڭ ريزالىعى ءۇشىن ەمەس، اللانىڭ رازىلىعى مەن ەلدىڭ يگىلىگى ءۇشىن قىزمەت ەتە بەرەدى…

فورۋمدا نەگىزگى بايانداماشى بولعان باس ءمۇفتي سەرىكباي قاجى وراز ادامزات بالاسىن رۋحاني داعدارىسقا دۋشار ەتكەن ماسەلەلەر مەن ساناعا ساۋلە، جۇرەككە ءۇمىت ۇيالاتار قۇندىلىقتارعا توقتالدى.

«كىسىنىڭ ادامگەرشىلىك كەلبەتىن قالىپتاستىراتىن فاكتور – ادام دەنەسىنىڭ پاتشاسى – جۇرەك. مەيىرىم، ىنساپ، ار مەن ۇيات، جىلۋلىق جۇرەكتەن تارايدى. ادامنىڭ جۇدىرىقتاي جۇرەگى ونىڭ تۇلابويىنداعى ءاربىر اعزاعا اسەر ەتەدى.  اللا ەلشىسىنىڭ: «راسىندا، دەنەدە ءبىر كەسەك ەت بار، ول ءتۇزۋ بولسا، قالعان دەنە بۇتىندەي تۇزەلەدى، ول بۇزىلسا، قالعان دەنە تۇگەلىمەن بۇزىلادى. ول – جۇرەك»، – دەگەن ءحاديس-شاريفىنىڭ ءپالساپالىق ءمانى وسى.  

ويشىل عالىم ءابۋ حاميد ءال-عازالي: «جۇرەك اۋىرسا، وزىنە قاتىستى امالدى ورىنداۋدان ماقۇرىم قالادى. جۇرەكتىڭ ورىنداۋى ءتيىس امالى: ءبىلىم الۋ، حيكمەت ۇيرەنۋ…» – دەگەن ەكەن. ال ابايدىڭ قارا سوزىندە كەلەتىن عىلىمنىڭ: «…مەن جۇرەكتى جاقتادىم. قۇدايشىلىق سوندا، قالپىڭدى تازا ساقتا، قۇداي تاعالا قالپىڭا ءاردايىم قارايدى»، – دەگەنى بار. سايىپ كەلگەندە، ىشكى رۋحاني جان-دۇنيەنىڭ تازالىعى جۇرەك دەرتىن ەمدەۋمەن تىكەلەي بايلانىستى»، – دەدى سەرىكباي ساتىبالدىۇلى.

باس ءمۇفتي ءوز بايانداماسىندا اتاپ وتكەندەي، ادام ءوز ويىن جات پىكىرگە تولتىرسا، سانا سونىڭ ىقپالىنان شىعا الماي قالادى. ءبىز كوپ جاعدايدا ەرتەڭ بولاتىن يگى ءىستىڭ ءدال ءقازىر جۇزەگە اسقانىن قالايمىز. وسىلايشا، جاراتقاننىڭ ءوز زاڭىن ۇمىتىپ كەتەمىز. ءار نارسە ءوز ۋاقىتىندا بولادى. بولاشاقتان ءۇمىت كۇتكەن ادام اۋەلى پروبلەمالاردى ويلامايدى، كەرىسىنشە مۇمكىندىكتەردى قاراستىرادى.  

 پسيحولوگيادا «ىنساپسىز مەنتاليتەت» دەگەن تۇجىرىم بار، – دەدى باس ءمۇفتي. – مۇنىڭ ماعىناسى «ومىردەگى ساتسىزدىكتەردى وزگەدەن كورۋ» دەگەن ۇعىمدى بىلدىرەدى. اينالاداعى ادامداردىڭ عيبراتتى عۇمىرىنان شابىت الا بىلەتىن كىسىدە «پاراساتتى ويلاۋ» پسيحولوگياسى قالىپتاسادى. بەينەلەپ ايتقاندا، بىرەۋدىڭ مەرەيى تاسىپ جاتقاندا، جىگەرى قۇم بولىپ، سەرگەلدەڭگە استە تۇسپەيدى. ونى «نەگە؟» دەگەن ساۋالدان بۇرىن «نەگە بولماسقا؟» دەگەن ويلار ۇمىتىنە قانات بىتىرەدى. كۇردەلى ماسەلەلەردى شەشۋدىڭ ءبىر عانا قۋاتتى جولى – رۋحى بيىك سانانىڭ قالىپتاسۋى دەپ اتار ەدىم. سانا تۇزەلسە – ادام تۇزەلەدى. ادام تۇزەلسە – قوعام تۇزەلەدى. پەندەنىڭ بويىنداعى يمان-سەنىم – بارشا جاماندىقتىڭ قالقانى. ءبىز وسى باعىتتا جۇدىرىقتاي جۇمىلىپ، كوبىرەك جۇمىس ىستەۋىمىز كەرەك.

مىنبەردە ءسوز العان قمدب ءتوراعاسىنىڭ ءبىرىنشى ورىنباسارى، نايب ءمۇفتي ناۋرىزباي قاجى تاعانۇلى «قازاقستان مۇسىلماندارى تۇعىرناماسى (جەتى رۋحاني قازىق)» تالىمدىك قۇجاتىن تانىستىردى. تۇعىرناما مۇسىلماننىڭ تۇلابويىندا تابىلۋى ءتيىس نەگىزگى جەتى كوركەم سيپاتتى قامتيدى. اتاپ ايتقاندا، يماندىلىق، وتانشىل بولۋ، ءبىلىم الۋ، بىرلىككە بولىسۋ، ەڭبەكقورلىق، مادەنيەتتى بولۋ جانە ادىلدىك ءپرينتسيپىن ۇستانۋ. بۇل – ادام بالاسىنىڭ كىسىلىك كەلبەتىن، كوركەم مىنەزىن قالىپتاستىرۋعا نەگىز بولاتىن جەتى رۋحاني قازىق.

«يمانىم – جيعانىم»، – دەپ باقىتىن يسلامنان ىزدەگەن بابالارىمىز سان عاسىردان بەرى سالت پەن سۇننەتتى ۇيلەستىرىپ، ونەگەلى ءومىر ساباقتاستىعىن قالىپتاستىردى. اللاعا شۇكىر، ىزگىلەردىڭ ءىزىن باسقان بۇگىنگى ۇرپاق اتا سالتىن ساقتاپ، ءداستۇرلى ءدىننىڭ قۇندىلىقتارىن ءومىرىنىڭ تەمىرقازىعى ەتتى. يماندىلىق باستاۋى بولعان ۇيات، ار، نامىس، وبال، ساۋاپ، ىزەت سىندى ۇعىمدار حالقىمىزدىڭ ءومىر سالتىندا يگى داستۇرگە اينالدى. تالىمدىك قۇجاتتىڭ العاشقى ۇستىنىندا يماندىلىقتىڭ كورىنىستەرى باياندالعان.

راسىندا، بۇگىندە بىزگە قاجەت قۇندىلىقتىڭ ءبىرى – ەلدىڭ يگىلىگىنە ۇلەس قوسۋ. ءاربىر ادام قوعامنىڭ دامۋىنا بەلسەندى ۇلەس قوسىپ، بەينەبىر «قازاقستان» اتتى الىپ عيماراتتىڭ ءبىر كىرپىشى بولىپ قالانۋى قاجەت.

وسى ورايدا الاشتىڭ ارداقتى ۇلدارىنىڭ ءبىرى احمەت بايتۇرسىنۇلىنىڭ:

«دەگەندەر: مەن جاقسىمىن، تولىپ جاتىر،

جاقسىلىق ءوز باسىنان ارتىلماعان.

…نە پايدا ونەرىڭ مەن بىلىمىڭنەن

تيىستى جەرلەرىنە سارپ ۇرماعان؟!..» دەگەن جالىندى جىرى ويعا ورالادى.

اللا تاعالا قۇراندا ء«الي-عيمران» سۇرەسىندە: «جاقسى كورگەن نارسەلەرىڭدى، (مىسالى دۇنيە-مۇلىك، كۇش-قۋات، اقىل، ءبىلىم، ت.ب.) اللا جولىندا جۇمسامايىنشا، شىنايى تۇردە جاقسىلىققا قول جەتكىزە المايسىڭدار»، – دەپ بايانداعان.

دەمەك، ءقازىر ءبىزدىڭ قوعامعا ءوز ءىسىنىڭ مايتالمان مامانى بولا بىلگەن يماندى، جاناشىر، ءداستۇرلى قۇندىلىقتاردى قۇرمەتتەيتىن پاراساتتى جاستار قاجەت. ءبىلىم مەن كوركەم مىنەزدى، ار مەن ۇياتتى ءوز بويىنا ۇيالاتقان ادام ەلىمىزدىڭ وركەندەۋىنە ۇلكەن ۇلەس قوسپاق. ءبىز جاستارىمىزدى وسىعان تاربيەلەۋىمىز كەرەك.

مەكتەپ ءمۇعالىمى بالاعا ساباق بەرۋمەن قاتار ونى ىزگىلىككە باۋلىسا، اتا-انا ۇلى مەن قىزىنىڭ تاربيەسىن ءجىتى قاداعالاسا، ءدىن قىزمەتكەرلەرى كوركەم ۋاعىزدارىمەن يماندىلىققا ۇيىتسا، قاريالارىمىز بەن زيالى اعالارىمىز ءتالىمىن ايتسا – بالا كورگەنى مەن ەستىگەنىنە امال ەتەدى. مۇنى ماقالمەن اسپەتتەسەك «بالاپان ۇيادا نە كورسە، ۇشقاندا سونى ىلەدى» دەگەن وي شىعادى.

سىندارلى ساتتە قورعان بولار قۇندىلىق – ءدىن، ءدىل، ءداستۇر، تاريح، عۇرىپ، تاعىسىن تاعىلار. رۋحاني ءھام ۇلتتىق قۇندىلىقتار جالقىنى ەمەس جالپىنى جاماندىقتان قۇتقاراتىن يممۋنيتەت ەكەنى ادامزات تاريحىندا دالەلدەنگەن. بۇل – دىڭگەك، جاماندىق اتاۋلىنىڭ ەمى. سانامەن سان رەت سارالايىق – بۇدان باسقا جول جوق. ويتكەنى، كۇللى جاراتىلىستىڭ ىشىندە ادام بالاسى ەرەكشە بەينەدە جاراتىلعان. ەندى «اتىمدى ادام قويعان سوڭ، قايتىپ نادان بولايىن…» (اباي).  

جات يدەولوگيالىق شابۋىل ۇدەي تۇسكەن وسىناۋ زاماندا سالتىن ساقتاپ، ءداستۇرىن دارىپتەگەن ەلدىڭ عانا مىلتىقسىز مايداننان امان قالارى ءسوزسىز. ويتكەنى، ۇلتتىڭ تاربيە مەن تاعىلىمعا تولى تاريحىنان، ادەت-عۇرپىنان، رۋحاني قۇندىلىعىنان سۋسىنداعان ۇرپاق سىندارلى ساتتە وزگەنىڭ قاڭسىعىن تاڭسىق كورمەيدى.

فورۋمعا قاتىسقان دەلەگاتتار وسىناۋ ىزگى ويلاردى كوكەيگە ءتۇيىپ تاراستى…

اعابەك قوناربايۇلى

(ماقالا «مۇنارا» گازەتىنەن الىندى) 


كەلۋ قاينارى: http://www.elarna.net/koru.php?tur=18&id=1066965

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


قۇرانداعى پايعامبار بەي 8 سەكوند
中国哈萨克语广播网 1 مينوت
قازاق بوكسشىسى توكيودا 7 مينوت
28 - كەزەكتى جۇڭگو جينج 11 مينوت
وزبەكستاندا كونە تۇرىك 13 مينوت
中国哈萨克语广播网 1 ساعات
مەملەكەتتىڭ ەكولوگيالىق 1 ساعات
«Junior Eurovision 2019 1 ساعات
قوعامدىق كاپيتالدى اۋىل 1 ساعات
ەلباسى كىتاپحاناسىندا « 1 ساعات
ۇلى دالا حالىقتارىنىڭ ق 1 ساعات
گونكونگتەگى قاقتىعىس:  1 ساعات
中国哈萨克语广播网 1 ساعات
مەملەكەت بويىنشا مەيمان 1 ساعات
2019-جىلى 11-ايدىڭ 20-ك 1 ساعات
قازاقستاندا 21 قاراشادا 1 ساعات
قاراعاندىلىق يمامداردىڭ 2 ساعات
اۋىلدا يگىلىك، جاڭالىق 2 ساعات
中国哈萨克语广播网 2 ساعات
ەلىمىزدە حالىقارالىق جۇ 2 ساعات
شىمكەنتتە باس دارىگەرى 2 ساعات
ەلباسى جوعارعى cوت ءتور 2 ساعات
تۇشكىرگەن كەزدە ايتىلات 2 ساعات
دومالاق انا ء(ى نۇسقا) 2 ساعات
بەنزين مەن ديزەل مايىنى 2 ساعات
«سارىارقا» گاز قۇبىرىن 2 ساعات
ءماجىلىس رۋحىن ۇيرەنىپ، 2 ساعات
قازاقستاندا 7 مىڭنان اس 2 ساعات
نۇر-سۇلتاندا كۇدىكتى QR 2 ساعات
ۆيتسە-مينيستر شىمكەنتتە 2 ساعات