ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-07-14457388527 %73 %
2019-07-15525205545 %55 %
2019-07-1610134834 %66 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقستان «سۇننەت» اقپاراتتارى

جولدانعان ۋاقىتى: 21:20 - 2019/07/06

«تامۇقتان» ورالعان قىز - Sunna.kz

«تامۇقتان» ورالعان قىز نەبارى 25 جاستاعى بالجان – توزاقتىڭ ورتاسىنان ورالعان ادام. سيريا جەرىنەن ءبىر ەمەس، ەكى بالاسىن ومىرگە اكەلگەن بالجان ەندى ءۇشىنشى ءسابيىن كۇتىپ ءجۇر. ء«بۇلدىرشىنىمدى ءوز ەلىمدە ومىرگە اكەلەتىنىمە قۋانامىن. مەن ءۇشىن اللانىڭ ەڭ ۇلىق سىيى – وسى» دەيدى بالجان كوزىنە جاس الىپ… «جۋسان-2» وپەراتسياسى اياسىندا ەلگە ورالعان بالجان قاندى قاساپ ورتاسىندا وتكەرگەن بەس جىلىنىڭ ازاپقا قۇرىلعان بەس عاسىرداي بولعانىن ايتادى.

اۋەلى ەگيپەت، سوسىن سيريا

«مەن ءوزى ورالدىڭ قىزىمىن. 16 جاسىمدا قۇلسارى قالاسىنىڭ (اتىراۋ وبلىسى) جىگىتىنە تۇرمىسقا شىقتىم. ۇيدە تويدىڭ ىرىمى جاسالدى. وزگە قالىڭدىقتار سياقتى اق كويلەك كيمەدىم. ۇلكەن تويدىڭ جاسالۋىنا جولداسىم قارسى بولدى. سەبەبى، ەكەۋمىز دە ول كەزدە توي جاساۋدى حارام دەپ تۇسىنەتىنبىز. كۇيەۋىم ەكەۋمىز باستاپقىدا قۇلسارىدا ونىڭ شاڭىراعىندا تۇرا باستادىق. كەيىن اتىراۋ قالاسىنا كوشىپ كەلدىك. كۇيەۋىم – ءۇيىنىڭ تۇڭعىشى. بەس بالانىڭ ۇلكەنى بولاتىن. ءارى مەنەن جەتى جاسقا ۇلكەندىگى بار. كوللەدجدى، كەيىن ينستيتۋتتى ۇزدىك ديپلوممەن بىتىرگەن ول وتە ساۋاتتى جىگىت ەدى. تەڭىز قالاشىعىندا جۇمىس ىستەپ ءجۇردى. سوندىقتان، مەن كۇيەۋىمنىڭ ءدىني باعىتتا قاتەلەسىپ جۇرگەنىن بىلمەدىم. ءوزىمدى دە تۋرا جولدامىن دەپ ويلايتىنمىن.

كەيىن سيريادا جۇرگەنىمىزدە ءبىلدىم. كۇيەۋىم اتىراۋدان جاسىرىن تۇردە ابدۋل ۋاحابتىڭ (تەرىس اعىمنىڭ نەگىزىن قالاۋشى) ء«ۇش نەگىز» كىتابى بويىنشا ءبىلىم العان ەكەن. تۇرعىن ۇيلەردىڭ بىرىندە جاسىرىن ساباق العان كۇيەۋىمنىڭ الدىمەن ەگيپەت، كەيىن سيرياعا بەت الۋىنا وسى جاعداي سەبەپ بولعان.  ەگيپەتتىڭ استاناسى كايردە جولداسىم جەكە ورتالىقتان ساباق الىپ ءجۇردى. مەن ايەلدەرگە ارنالعان ماركازداردىڭ بىرىندە وقىدىم. ءسويتىپ، اراب ءتىلىن ۇيرەنە باستادىم.

ول كەزدە ارينە، وقۋدى اياقتاعان سوڭ ەلگە اۋدارماشى مامان رەتىندە ورالامىن دەپ ويلادىم. ءبىراق، ارادا سەگىز اي وتكەندە كۇيەۋىم  سيرياعا بارىپ، حاليفات ورناتۋ جولىندا كۇرەسەتىنىمىزدى ايتتى. بۇل 2013 جىلدىڭ ءساۋىرى بولاتىن. وسىلايشا، مەنىڭ ومىرىمدەگى ەڭ ۇلكەن قاتەلىك ساعاتى باستالدى» دەگەن بالجان ۇزاق ءۇنسىز وتىرىپ قالدى.

قانشاما قايعى-قاسىرەتكە ىشتەي تۇنشىققان كەيىپكەرىمىز ءوزىنىڭ جاستىققا ماس بولعانىنا وكىنەدى. «جاستىقتىڭ اسەرىنەن بولسا كەرەك، ءوزىمنىڭ تۋرا جولدا جۇرگەنىمە سەنىمدى بولدىم. ەكى ءسابيىمدى سول قاقتىعىس ورتاسىندا ومىرگە اكەلدىم. باستاپقىدا سيريادا سوعىس قيمىلدارى بولعان جوق. دەسە دە، اسكەري دايىندىق لاگەرلەرىنە الەمنىڭ ءار نۇكتەسىنەن شەتەلدىكتەر اعىلىپ كەلىپ جاتتى.

2014 جىلى ءبىزدىڭ لاگەرىمىزگە باشار اسادتىڭ اسكەريلەرى شابۋىلداي باستادى. سول كەزدە بىزگە شەگىنۋگە تۋرا كەلدى. وسى ۋاقىتتا دايش (قازاقستاندا تىيىم سالىنعان تەرروريستىك ۇيىم — اۆت) جەندەتتەرى «شاريعات زاڭدارىنان تۇراتىن مەملەكەت قۇرۋ» تۋرالى يدەيانى ايتىپ، شەتتەن كەلگەن كۇشتى تەك وزدەرىنە قىزمەت ەتۋگە شاقىردى.  وسىلايشا، بەلسەندى قيمىلدار ءبىز راككا قالاسىنا ەۆاكۋاتسيالانعاننان كەيىن باستالدى. ياعني، دايش قۇرامىنداعىلار جاقىن ماڭداعى شاگداد ەلدىمەكەنىن باسىپ الۋ جولىندا سوعىسىپ جاتتى. باسىپ الىنعان تەرريتورياعا مىندەتتى تۇردە ايەلدەر مەن بالالاردى ورنالاستىرىپ وتىردى. ءبىرىنشى رەيسپەن جەتكىزىلگەندەردىڭ اراسىندا مەن دە بولدىم.

سويتىپ، 2014 جىلدىڭ مامىرىندا تۇڭعىشىم ءىلياس سوعىس دالاسىندا ومىرگە كەلدى. كوپ ۇزاماي كۇيەۋىم جامباس سۇيەگىنەن اۋىر جارالانىپ قالدى. ارينە، جولداسىم تولىققاندى ەم الا العان جوق. وعان مەديتسينالىق وترياد قانا كومەك كورسەتتى. ياعني، بۇل وترياد امەريكا، اۆستراليا، فيليپپين، يندونەزيا سىندى ەلدەردەن جالعان يدەولوگياعا ۋلانىپ كەلگەن دارىگەرلەردىڭ توبى ەدى. ءبىر-بىرىمىزدىڭ ءتىلىمىزدى تۇسىنبەگەندىكتەن، ءوزارا ارابشا ۇعىنىسىپ جۇردىك.

وسىلايشا، سوعىس جالعاسىپ جاتتى. ارادا ەكى جىل وتكەندە شابۋىل كۇشەيدى. سول سەبەپتى، بىزدەر راككا قالاسىنا قايتا ەۆاكۋاتسيالاندىق. وسى جەردە مەن ەكىنشى ءسابيىمدى، ياعني، قىزىمدى ومىرگە اكەلدىم. قارشا جاۋعان وقتىڭ اراسىندا ءجۇرىپ، ءوزىمنىڭ وڭباي قاتەلەسكەنىمدى ءتۇسىندىم. ءبىراق، ءبارى دە كەش ەدى. كەرى قايتارعا جول جوق بولاتىن.

دەسە دە، قازاقتا ء«ۇمىتسىز شايتان» دەگەن ءسوز بار عوي. ۇياتتىڭ بارلىعىن جيىپ قويىپ اپكەمە حابارلاستىم.  بۇل ءۇش جىل دەگەندە ءوز ەلىمە العاش رەت قوڭىراۋ شالۋىم ەدى. ءبىراق، اپكەم ماعان قاتتى اشۋلاندى. كومەكتەسۋدەن باس تارتتى. اكەمە حابارلاسۋعا ءداتىم بارمادى. بۇل دايش تەرريتورياسىنا شابۋىلدىڭ كۇشەيگەن شاعى ەدى. امەريكاندىق اسكەرلەر ءبىز بەكىنگەن لاگەرلەردە اق فوسفور قارۋىن سىناپ جاتتى. اق فوسفور بومباسى اۋاعا تاستالعان كەزدە، اپ-ساتتە اينالا ورتكە وراناتىن. وسىنداي سۇمدىقتىڭ ورتاسىندا ءجۇرىپ، 2017 جىلدىڭ اياعىنا قاراي قايتادان ەلگە قايتۋدىڭ جولىن تاعى دا ىزدەستىرە باستادىم. ءتىپتى، وسى كەزدە قاشۋعا بەكىنگەن توپ تا پايدا بولدى. نەگىزىنەن اتىراۋ، قۇلسارى قالاسىنان كەلگەن قازاقتار قاشۋدىڭ سىزباسىن دا دايىندادىق. قۇپيا توبىمىزدىڭ قۇرامىندا ون ءبىر ەر مەن ون التى ايەل بار ەدى. ءبىراق، ءبىرىنشى ارەكەتىمىز ءساتسىز اياقتالدى. ءبىزدىڭ توبىمىزدى قولعا تۇسىرگەن دايش جەندەتتەرى ارامىزداعى ەكى ادامدى ءولىم جازاسىنا كەستى.

$5000 ءۇشىن وپات بولعان نۇرجامالدىڭ وقيعاسى

ولار ادامدى ءولتىرۋدىڭ وزىنە «شىعارماشىلىق» جولمەن كەلەدى. قالاسا اتا سالادى، قالاماسا تاماعىن ورىپ جىبەرەدى. وسى وقيعادان كەيىن ءدايش-تىڭ ىشكى تەرريتورياسىندا سۇمدىق وقيعا بولدى. قازاقستاننىڭ ءۇش ايەلى وزدەرىنىڭ جەرلەستەرىن ءولتىردى. اقشا ءۇشىن!

ازاپپەن كوز جۇمعانداردىڭ اراسىندا مەنىڭ قۇربىم نۇرجامال دا بولدى. الگى جەردەن قاشىپ شىعۋى ءۇشىن نۇرجامالعا اكەسى ەلدەن 5 مىڭ اقش دوللارىن جىبەرگەن بولاتىن. بۇل اقپاراتتى ءبىلىپ قالعان الگى ايەلدەر نۇرجامالدى ءولتىرىپ، اقشاسىن ۇرلاپ، قاشىپ كەتپەك بولعان. ەكەۋى اقتوبەدەن، بىرەۋى تارازدان كەلگەن ايەلدەر بىرىگىپ، قىلمىس جاسايدى. وسىلايشا، 7 قىركۇيەك كۇنى ولار قۇربىم نۇرجامالدى، التىن اپانى جانە ونىڭ قىزىن جەر جاستاندىردى. ءبىراق، قىلمىستى بولعان ايەلدەردىڭ وزدەرى كوپ ۇزاماي اتىلىپ كەتتى.

نۇرجامالدىڭ ارتىندا ءتورت بالاسى اڭىراپ قالدى. سول قيىن-قىستاۋ كەزەڭدە بالالارعا نازگۇل ەسىمدى اتىراۋلىق كەلىنشەك قامقور بولىپ ءجۇردى. ونداعى سەبەپ — نازگۇلدىڭ مارقۇم بولعان نۇرجامالعا تۋىستىق قاتىناسى دا بار ەدى. ءقازىر شۇكىر بالالار «جۋسان-2» وپەراتسياسى اياسىندا ەلگە قايتارىلدى. بالالار اۋىلىنا ۋاقىتشا ورنالاستىرىلدى. بۇگىنگى ۋاقىتتا اسىراۋ قۇقىعىن يەمدەنۋ ماقساتىندا، بالالاردىڭ اتا-اجەسى  ءتيىستى قۇجاتتاردى جيناقتاۋدا. اكەلەرى تەرروريزم بابىمەن ەلدە جازاسىن وتەپ جاتىر. ايتەۋىر، ول سيريا اسقانداردىڭ قاتارىندا جوق.

قازاقستاندىقتاردىڭ ءبىر-بىرىن ولتىرۋگە دەيىن بارۋى ءدايش-تىڭ ءوز ىشىندە ءتارتىپتى كۇشەيتۋىمەن تىكەلەي بايلانىستى. ياعني، ولار بىرنەشە رەت قاشۋعا ارەكەتتەنگەنىمىز ءۇشىن بىزدەردى قاتتى قىسپاققا الدى. ۇردى، سوقتى، قورلادى. كۇيەۋىم جەندەتتەردىڭ جازالاۋ تۇرمەسىنە دە وتىرىپ شىقتى. تۇرمەدە ءتورت اي وتىرىپ شىققان كۇيەۋىم سول ۋاقىت ىشىندە دايش جەندەتتەرىنىڭ 400-گە جۋىق ەر ادامدى ازاپتاپ ولتىرگەنىن ايتتى» دەگەن بالجان تۇرمەدەن شىققان كۇيەۋىنىڭ ۇزاق ۋاقىت بويى جوندەپ سويلەي دە الماي، قينالعانىنا ەرەكشە توقتالدى.

كۇيەۋىنىڭ ءسوزىن كوزىنە جاس الىپ وتىرىپ ەسكە العان بالجان ونداعى ازاپتاۋ تاسىلدەرىنىڭ سۇمدىق بولعانىن ايتىپ بەردى.

«تۇرمەدە ەرلەردى تاۋلىكتەپ جارعا كىسەندەپ ءىلىپ قويىپ ۇراتىن.  وندا ءبىر كىسىلىك تە، بىرنەشە كىسىلىك تە كامەرا بولدى. بويدى جازىپ، تۇرىپ جۇرۋگە تىيىم سالاتىن. ءبىر كامەراعا 10-15 ادامنان وتىرعىزىپ، كەز كەلگەن كۇنى بىرەۋىن شىعارىپ الىپ، اتىپ تاستايتىن. بۇل – كەلەسى ولىك سەنسىڭ» دەگەندەي پسيحولوگيالىق شابۋىل ەدى» دەپ، تۇرمەدەگى كەزدەردى ەسكە العان كۇيەۋىم ۇزاق ۋاقىت اپاتيالىق جاعدايدا ءجۇردى» دەيدى بالجان.

ونىڭ ايتۋىنشا، دايش كەشە نەمەسە بۇگىن پايدا بولماعان.  «يراكتىڭ بۇرىنعى اسكەريلەرى تاراپىنان 2003 جىلى قۇرىلعان تەرروريستىك ۇيىم ساددام حۋسەيندى قۇلاتقاننان كەيىن كۇش الدى. جانە ۇزاق جىلدار بويى شەتتەن ادامداردى ارباپ اكەلۋمەن اينالىسقان. باستاپقىدا ءشول دالانى مەكەندەگەن بۇرىنعى اسكەريلەر امەريكادان كەك الۋدى كوزدەيدى. يسلامدى جامىلىپ ارەكەت ەتكەن ولاردىڭ ويرانداۋ وپەراتسياسى ۇزاق جىلدىق جوسپارلاۋدىڭ ناتيجەسى ەدى» دەگەن بالجان  ءدايش-تىڭ ءبىرازعا دەيىن بەرىلمەي، كۇش الىپ كەلۋىنىڭ دە سەبەبىن ايتىپ بەردى.          

«ولار قاي كەزدە دە جەردىڭ استىن مەكەندەپ كەلدى. ءشول دالانىڭ بارلىعىن بىردەي باقىلاۋدا ۇستاۋ مۇمكىن ەمەس قوي. ولار كەز كەلگەن جەردەن ۇڭگىر قازىپ، ۇزىندىعى 20-30 شاقىرىمدىق تۋنەل جاساي الادى. جەر استىندا الشاڭداپ ءومىر ءسۇرىپ، كەز كەلگەن باعىتتان جەردىڭ بەتىنە شىعىپ، شابۋىلداي بەرەدى. جانە ءبىر قىزىعى، ولاردا ەشقاشان قارۋ نەمەسە اقشا جەتىسپەگەن كۇن بولعان ەمەس. ولاردا كۆادروكوپتەردەن باستاپ، ۇشقىشسىز اپپارات، اۋىر ارتيللەريا ءبارى بولدى. بۇل قارۋلاردىڭ بارلىعى شەت ەلدەن ءۇزىلىسسىز جەتكىزىلىپ جاتتى» دەگەن بالجان سابيلەرىنىڭ الاڭسىز بالالىق شاعىن ۇرلاعانى ءۇشىن ءوزىن ءالى كۇنگە دەيىن كىنالايتىنىن ايتتى.

باسكەسەرلەر بالانى دا، ايەلدى دە اياۋسىز اتىپ جاتىر

«2018 جىل دا كەلدى. ءبىز ءار كۇنىمىزدى قاشۋعا ارنادىق. كۇن سايىن ءوزىمىز جاساعان سىزبامەن جولعا شىعاتىنبىز. يراكتىقتاردىڭ ءوز جولى بار. قاجەت كەزدە وزدەرى قۇپيا سىزبا ارقىلى شىعىپ وتىرادى. ءبىراق، ارينە جول تۋرالى اقپارات جاسىرىن ۇستالادى.

ونىڭ ۇستىنە، جولدىڭ بارلىعى مينالانعان. وقتىن-وقتىن وق اتىلىپ وتىرادى. دايش باسكەسەرلەرىنەن تۇراتىن سنايپەرلەر بالالاردى دا، ايەلدەردى دە شەتىنەن اتىپ جاتىر. كەيدە بالالار مينانىڭ ۇستىنەن باسىپ كەتىپ، كوز الدىمىزدا ءولىپ كەتەتىن. بالالارىمىزدىڭ كورەر كوزگە اش وتىرعانىنا قاراۋ دا سونداي قيىن ەدى. ءبىز ءتىپتى، ءبىر كۇندىك تاماعىمىزدى تاۋىپ ىشە المايتىن جاعدايعا جەتتىك. ەرتەڭدى ويلامايتىنبىز.

دايش جەندەتتەرى، سونىڭ ىشىندە يراكتىقتاردا مۇنداي پروبلەما بولعان جوق. سەبەبى، ولار كەز كەلگەن ۋاقىتتا شەكارادان شىعىپ، قالاعان تاماعىن ساتىپ الاتىن. ءبىراق، ارينە، ولار بىزگە تاماق بەرمەيتىن. ءسويتىپ، مەن سياقتى شەت ەلدەن كەلگەن ايەلدەر ءۇي-ۇيدى ارالاپ، جەرگىلىكتى تۇرعىنداردىڭ ەسىگىن قاعىپ، قايىر سۇراپ كەتتىك. سوڭعى كەزدەرى تاۋىققا ارنالعان جەمدى الىپ، تازالاپ، ساعاتتاپ قايناتىپ بالالارعا بەرۋىمە تۋرا كەلدى. جەردە قانداي ءشوپ وسەدى، سونىڭ بارلىعىن بالالارعا قايناتىپ بەرىپ جۇردىك. كەيىن تالعاجاۋ ەتەتىن كوك ءشوپ تە قالمادى.

كۇردتەردىڭ تەرريتورياسىنا وتەر كۇن جاقىنداعاندا دالادان مالعا بەرەتىن بيداي تاۋىپ العانىم ەسىمدە. التىنعا كەنەلگەندەي قۋانىپ، سول بيدايدى جۋىپ-تازالاپ، وتتا ءۇش ساعات قايناتقانىمدى ءالى كۇنگە ۇمىتا المايمىن.

سول جەمدى جەگەننەن كەيىن بالالارىم قاتتى اۋىردى. اسىرەسە، ىشتەرى كەتىپ، مازالارى بولمادى. ءبىراق، امال نەشىك. تالعاجاۋ قىلاتىن تۇك بولماعان سوڭ سۋعا قايناعان بىلامىقتى بەرۋگە ءماجبۇر بولدىم. كۇردتەردىڭ قولىنا تۇسكەننەن كەيىن، قانداي بولسا دا، ايتەۋىر بالالارعا تاماق تابىلعانىنا قۋاندىم» دەگەن بالجان سيريادا ايەلدەرگە دەگەن قارىم-قاتىناستىڭ ايۋاندىق دەڭگەيدە بولعانىن ايتىپ بەردى.

«دايش قوعامىندا ايەل ەشقانداي ءرول وينامايتىن. ماسەلەن، قازاقستاندا ايەلدەر تەڭ قۇقىلى، كەز كەلگەن قوعامدىق ورىندارعا ەمىن-ەركىن بارا الادى عوي. ول جاقتا ايەل اتاۋلى ورتا عاسىرلىق دەڭگەيدە قالىپ قويعان. ەركەككە تاۋەلدىلىگى سونشا، وزدىگىنەن ءبىر قادام دا اتتاي المايدى. ءتىپتى، ءولىم اۋزىندا جاتساڭىز دا، ەركەك ادامسىز اۋرۋحاناعا بارا المايسىز. ەركەكسىز كولىككە دە وتىرا المايسىڭ. ەگەر ەركەكسىز كوشەگە ايەل شىعاتىن بولسا، ونى تابان استىندا ۇرىپ-سوعىپ، ءولتىرىپ تاستاۋلارى دا عاجاپ ەمەس. ياعني، ايەل جالعىز جۇرە المايدى. سول سەبەپتى، ايەلدەر بىرنەشە رەت تۇرمىس قۇرۋعا ءماجبۇر بولدى» دەيدى بالجان.

«سابيىمە پرەزيدەنت ەسىمىن بەرەمىن»

سوز سوڭىندا بالجان ومىرىندەگى ەڭ ۇلىق، ەڭ قىمبات سىيلىق تۋرالى  ايتىپ، ەگىلىپ جىلاپ الدى.

«قازاقستاننىڭ تۇڭعىش پرەزيدەنتى نۇرسۇلتان نازارباەۆ وكىلەتتىگىن توقتاتقانىن ەستىگەن كەزدە، شىنى كەرەك، قاتتى قورىقتىم. «ەندى «جۋسان» وپەراتسياسى جالعاسپايدى، ءولىم ساعاتى سوققانشا لاگەردە قالىپ قويامىز» دەگەن ويدان نە ىستەرىمدى بىلمەي، قاتتى قينالدىم. ۋاقىت وتە ءوزىمدى سابىرعا شاقىرعاننان كەيىن، قاسىم-جومارت توقاەۆتىڭ ەلباسىنىڭ جولىن جالعاستىراتىنىن ءتۇسىندىم.

بىز اسكەري ۇشاقپەن اقتاۋعا  تاڭ اتا جەتتىك. سامال جەل سوعىپ تۇردى. سول كەزدە انامنىڭ ايالى الاقانى ماڭدايىمنان سيپاپ جاتقانداي سەزىمدە بولدىم. تۋعان ەلدىڭ ءقادىرى قانداي بولاتىنىن ەندى ءتۇسىندىم. جاقىن ماڭنان تەڭىزدىڭ ءيسى كەلىپ جاتتى. وسى ءبىر كەرەمەت ءساتتى ءومىرىمنىڭ سوڭىنا دەيىن  ۇمىتپايمىن» دەگەن بالجان ەلگە ورالعان 7 مامىر كۇنى ەڭ عاجاپ ءسات ەكەنىن ايتتى. 

«8 مامىر تۇڭعىشىم ءىلياستىڭ تۋعان كۇنى ەدى. وسىلايشا، ۇلىم بەس جاسىن ءوز ەلىندە قارسى الدى. مەن ۇلىمدى ومىرىندەگى ەڭ ۇلكەن سىيلىعىمەن قۇتتىقتادىم. سەبەبى، سوعىستىڭ ورتاسىندا ومىرگە كەلگەن بالام ءوز ەلىنىڭ قانداي ەكەنىن بىلمەي وسكەن ەدى.

جۋسان ءيسى، تۋعان جەر، ءوز ءۇيىڭنىڭ قاسيەتى دەگەن دۇنيەلەردىڭ قۇنى قانداي بولاتىنىن ۇعىندىم. ءتىپتى، اناۋ سيريادا جۇرگەن ۋاقىتتا مەن باۋىرساقتىڭ، بەشبارماقىڭ ءيسىن ەسكە الىپ جۇرەتىنمىن.

ەندىگى ماقساتىم – ۇلىم مەن قىزىمدى بالاباقشا، مەكتەپكە ورنالاستىرىپ، ءۇشىنشى ءسابيىمدى امان-ەسەن ومىرگە اكەلۋ. ۋزي ىشىمدەگى نارەستەمنىڭ ۇل ەكەنىن ايتتى. اماندىق بولسا، ۇلىما پرەزيدەنتتىڭ ەسىمىن بەرەمىن. سەبەبى، ءبىزدى توزاق ورتاسىنان  قاسىم-جومارت مىرزا الىپ شىقتى. وتانىما، پرەزيدەنتىمىزگە، حالقىما العىسىم شەكسىز. مەن ماڭگى ەلىمنىڭ الدىندا باسىمدى ءيىپ وتەمىن. كەشىرىڭدەر، مەن اداستىم» دەپ اياقتادى ءسوزىن بالجان…

وكىنىشكە قاراي، بالجان ەلگە تۇتاس وتباسىمەن ورالا المادى. كۇيەۋى دايش جەندەتتەرىنىڭ قولىندا قالىپ كەتتى. دەسە دە، اشىق اسپاننىڭ استىنا ورالعان بالجان بولاشاقتىڭ جارقىن بولارىنا سەنەدى.

بايان جانۇزاقوۆا

kazislam پورتالى 


كەلۋ قاينارى: http://www.elarna.net/koru.php?tur=18&id=1020227

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


اۋە تاسىمالى ارتا بەرەد 9 مينوت
«Elorda Aqparat» ۇجىمى 24 مينوت
جۇڭگو حالىق ازاتتىق ارم 24 مينوت
فرانتسيادا ورمان ورتەنى 27 مينوت
قىتايدىڭ حورگوسى تانىست 1 ساعات
قازاقستاندا 52،9 ملرد ك 1 ساعات
ەلوردانىڭ ەڭ ۇزدىك تاۋ 1 ساعات
ازار «رەالدا» بەكحەمنىڭ 1 ساعات
بازارعا كىرۋگە رۇقسات ە 1 ساعات
تورتكۇل الەم ترياتونشىل 1 ساعات
زاڭدى تۇلعالاردى تىركەۋ 1 ساعات
تالىمگەرلەر تاجىريبەسى 1 ساعات
ارالاس قاندى ارۋلار كور 1 ساعات
كامەل جۇنىستەگى: سول زو 2 ساعات
اتىراۋدا ەكى كولىك سوقت 2 ساعات
«وكپە راگىن ەمدەۋدىڭ جا 2 ساعات
شيپاحانا حالىقتىڭ قالاۋ 2 ساعات
وسى ارانى باسىپ كورىڭىز 2 ساعات
اكەمنىڭ ەسىمى ۇزاق ساقت 2 ساعات
تيانشان تورى 2 ساعات
مەملەكەت باسشىسى ق.توقا 2 ساعات
قازاقستاندا اۋىل شارۋاش 2 ساعات
دۇرىلدەگەن دۇلدۇلدەرى & 2 ساعات
ساۋان اۋدانىنىڭ جازعى ا 2 ساعات
تيانشان تورى 3 ساعات
توقتىق ناندى كەمىتەدى & 3 ساعات
«قر پرەزيدەنتىنىڭ كۋبوگ 3 ساعات
جامبىلدىقتار جارمەڭكەس 3 ساعات
تيانشان تورى 3 ساعات
ءبىر رەتكى توقتاتىلعان 3 ساعات