ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-22272131924 %76 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: يسلام جانە وركەنيەت گازەتى

جولدانعان ۋاقىتى: 17:00 - 2017/05/25


سۇراق: بالالارعا ورازا ۇستاۋعا بولا ما؟
جاۋاپ: باليعات جاسىنا جەتپەگەن بالالارعا ورازا ۇستاۋ مىندەتتى ەمەس. الايدا، ولاردىڭ جاعدايىن ەسكەرە وتىرىپ، قۇل-شىلىقتىڭ قىر-سىرىن ۇيرەتۋ ماقساتىندا ورازا ۇستاۋعا رۇقسات بەرۋ كەرەك. رۇقسات بەرىپ قانا قويماي، ولارعا اقىل-كەڭەس بەرىپ ىقىلاسىن قۇپتاعان ءجون. رامازان ايىندا ورازا ۇستاي الاتىن جانە ۇستاعىسى كەلەتىن بۇلدىرشىندەرگە كەدەرگى جاساما-عان ابزال. الايدا، قاتتى اشىعىپ قالماۋىن قاداعالاعان دۇرىس. ولاردىڭ مەكتەپتەگى ۇلگەرىمى مەن دەنساۋلىعىنا جاعىمسىز اسەر ەتپەيتىن بولسا عانا رۇقسات ەتىلەدى.

سۇراق: شومىلۋ نەمەسە دۋش قابىلداۋ ورازانى بۇزا ما؟
جاۋاپ: دۋش قابىلداۋ، شومىلۋ نەمەسە ءجۇزۋ ورازانى بۇزبايدى. سەبەبى، ورازا ۇستاعان ادامعا سۋعا تۇسۋگە تىيىم سالىنباعان. ءبىراق، سۋعا تۇسكەن ادام اۋزىن شايعان كەزدە سۋ جۇتىپ قويماۋى شارت. مۇحاممەد پايعامبارىمىزدىڭ (س.ع.س.) ورازا ۇستاپ جۇرگەن كەزدە سۋعا ءتۇسىپ، عۇسىل العانى تۋرالى دەرەكتەر بار.

سۇراق: ءاتىر جانە باسقا دا ءيىسسۋلار ورازانى بۇزا ما؟
جاۋاپ: ءاتىر، ءيىسسۋلاردى پاي-دالانۋ، ولاردىڭ حوش ءيىسىن يىسكەۋ حانافي ءمازھابى بويىنشا ورازانى بۇزبايدى جانە ورازاعا ەشقانداي جاعىمسىز اسەر ەتپەيدى. سونىمەن قاتار، حوش ءيىستى وسىمدىكتەر ءيىسىن، مىسالى، راۋشانگۇل مەن راۋشان مايىن يىسكەۋ بارىسىندا ورازا بۇزىلمايدى.

سۇراق: ءتىس تازالاۋ ورازانى بۇزا ما؟
جاۋاپ: ورازا كەزىندە ميسۋاك نە ءتىس پاستاسىن پايدالانىپ تازالاۋعا بولادى. مۇنىڭ ورازاعا زيانى جوق. ەڭ باستىسى، سۋدىڭ اۋىزعا كەتىپ قالماۋىن قاداعالاعان دۇرىس. ەگەر سۋ كەتكەن جاعدايدا ورازا بۇزىلادى. ايتتان كەيىن ءبىر كۇن قازاسىن وتەۋ كەرەك بولادى. سوندىقتان، ءتىستى سارەسىندە نەمەسە اۋىز اشقاننان كەيىن جۋعان ابزال.

سۇراق: ماكياج جاساۋ نەمەسە بىرەۋگە جاساتۋ ورازانى بۇزا ما؟
جاۋاپ: ورازا كەزىندە ماكياج جاساۋعا (بەتتى بوياۋعا) بولادى، سەبەبى، تەرىگە جاسالعان ماكياج ورازاعا ەشقانداي زيان كەلتىرمەيدى.

سۇراق: ەرىن دالابى ورازانى بۇزا ما؟
جاۋاپ: ەرىنگە جاعىلعان وپا-دالاپ ورازانى بۇزبايدى، ءبىراق ەرىندى جالاپ، دالاپتىڭ ءدامىن سەزىنۋ دۇرىس بولمايدى (ماكرۇھ). ورازانىڭ ءمانى مەن ماقساتىن ەسكەرە وتىرىپ، كۇمانعا بوي الدىرعىڭىز كەلمەسە، ورازا كەزىندە دالاپ قولدانباعان ابزال.

سۇراق: ەگەر كۇيەۋى مەن ايەلى قۇشاقتاسىپ سۇيىسسە، ورازا بۇزىلا ما؟
جاۋاپ: ءسۇيىسۋ ورازانى بۇزبايدى. بۇل ماسەلەگە قاتىستى ايشا انامىز (ر.ا.): «پايعامبارىمىز (س.ع.س.) ورازا كەزىندە سۇيەتىن. ول ءوزىن باسقالاردان ارتىق ۇستاي الاتىن»، – دەگەن. شاريعات بويىنشا ەگەر ادام ءوزىن ۇستاي الماسا، ورازانىڭ بۇزىلۋىنا الىپ كەلۋى مۇمكىن ارەكەتتەردى جاساماعان دۇرىس. وسى تۇرعىدان العاندا، وزدەرىنە سەنىمسىز ەرلى-زايىپتىلار ءبىر-بىرىن سۇيۋگە كوپ اۋەستەنە بەرمەۋى كەرەك.

سۇراق: ناماز وقىمايتىن ادامنىڭ ورازاسى قابىل بولا ما؟
جاۋاپ: ءاربىر عيبادات بولەك قاراستىرىلادى جانە بۇل ءۇشىن ارنايى بەكىتىلگەن پەرىشتەلەر ولاردى جازىپ وتىرادى. ورىندالعان نامازدار ءبىر بولەك، ورازالار دا ءبىر بولەك جازىلادى. ءاربىر عيباداتتى ورىنداۋدى تالاپ ەتەتىن ءوز شارتتارى بار. ەگەر عيبادات ورىنداۋ بارىسىندا اتالعان شارتتار ورىندالعان بولسا، ول قابىل بولىپ، ادامنىڭ بارلىق امالدارى ارنايى داپتەرگە جازىلادى. سوندىقتان، ءبىز ءبىر عيبادات ەكىنشى عيبادات سالدارىنان قابىل بولمايدى دەپ ايتا المايمىز، ياعني ناماز وقىمايتىن كىسىنىڭ ورازاسى قابىل ەمەس دەگەن ناقتى دالەل جوق. سوندىقتان، ناماز وقىمايتىن ادام ورازانى شارتىنا سايكەس ورىنداسا، ورازاسى قابىل بولادى ءارى ول رامازان ايىندا ورازا ۇستاۋ مىندەتىن اتقارعان بولىپ سانالىپ، وزىنە تيەسىلى ساۋابىن الادى. دەگەنمەن، رامازان ايىندا ورىندالاتىن باسقا قۇلشىلىق تۇرلەرىنە جازىلاتىن ساۋاپ وزگە ايلارمەن سالىستىرعاندا الدە-قايدا ارتىق ەكەنىن ۇمىتپاعان ءجون. وعان قاتىستى پايعامبارىمىزدىڭ (س.ع.س.) كوپتەگەن حاديستەرى بار.

سۇراق: اۋىرعان تىسكە ءدارى باسىلسا، ورازا بۇزىلا ما؟
جاۋاپ: اۋىرسىنۋدى باسۋ ءۇشىن تىسكە قويىلاتىن دارىلەر ىشكە جۇتىلماسا ورازانى بۇزبايدى.

سۇراق: ەگەر شىلىم شەگۋشى تەمەكى ءتۇتىنىن ىشكە تارتسا نەمەسە ءتۇتىن ونىڭ وكپەسىنە تاراسا، ورازا بۇزىلا ما؟
جاۋاپ: اۋامەن ارالاسىپ كەتكەن تەمەكى ءتۇتىنىن ىشكە تارتۋ ورازانى بۇزبايدى. سەبەبى، ادام تىنىس الۋعا ءماجبۇر. سونداي-اق، اۋامەن ارالاسىپ كەتكەن تۇتىننەن قۇتىلۋ مۇمكىن ەمەس. سونىمەن قاتار، ىشكە دەم تارتۋدىڭ تاماققا، سۋسىنعا ۇقساستىعى جوق. دەگەنمەن، ادام تەمەكى ءتۇتىنىن ادەيى ىشىنە تارتاتىن بولسا نەمەسە كۇلساۋىتقا ەڭكەيىپ تۇرىپ تىنىستايتىن بولسا، ورازا بۇزىلادى جانە ونىڭ قازاسىن وتەۋ مىندەتتەلەدى.

سۇراق: رامازان كەزىندە ايەل ادامنىڭ ەتەككىرى كەلسە نەمەسە بوسانعاننان كەيىنگى قىرىق كۇندىكتە بولعان جاعدايدا ورازا ۇستاۋىنىڭ ۇكىمى قانداي؟ ەگەر ورازا ۇستاعان كۇنى اۋىز اشارعا جاقىنداعان ساتتە ەتەككىرى كەلسە، ورازا بۇزىلا ما؟
جاۋاپ: ايەل ادام حايىز (ەتەككىر) بەن نيفاس (بوسانعاننان كەيىن 40 كۇن كەلەتىن قان) كۇندەرىندە ناماز وقىمايدى، ورازا ۇستامايدى. ويتكەنى حايىز بەن نيفاس كەزىندە ورازا ۇستاۋ ─ حارام. رامازان ايىندا ورازا ۇستاپ ءجۇرىپ كۇندىز ەتەككىر كورە باستاسا ياكي بوسانسا سول مەزەتتەن باستاپ ورازاسى بۇزىلادى. كەيىن ورازا ۇستاماعان كۇندەرىنىڭ قازاسىن وتەيدى. تەك نامازدارىنىڭ قازاسى عانا وتەلمەيدى. ءبىر ريۋاياتتا مۋاز (ر.ا.):«مەن ايشا انامىزدان (ر.ا.) حايىز كورگەن ايەلدىڭ نەگە ورازاسىنىڭ قازاسىن وتەپ، نامازىن وتەمەيتىندىگىنىڭ سەبەبىن سۇرادىم. ول ء«بىز پايعامبارىمىزدىڭ (س.ع.س.) جانىندا وسىنداي جاعدايلارعا تاپ بولعانىمىزدا ول كىسى تەك قانا ورازانىڭ قارىزىن وتەۋ كەرەكتىگىن ايتاتىن، ال ناماز جايلى ەشتەڭە دەمەيتىن»، – دەپ جاۋاپ بەردى»، – دەيدى ء(ابۋ ءداۋىت، تاھارات، 104; ءناساي، حايىز، 17; احماد يبن ءحانبال، 6/32). بۇل شاريعاتىمىزدىڭ ايەلدەرگە دەگەن جەڭىلدىگى.
سۇراق: ورازا كەزىندە ۇمىتىپ ىشىپ-جەپ قويسا نە بولادى؟
جاۋاپ: ۇمىتىپ ىشىپ-جەۋ ورازانى بۇزبايدى. ءبىراق ورازا ۇستاعانى ەسىنە تۇسكەن كەزدە ىشىپ-جەۋدى دەرەۋ دوعارۋ كەرەك. وسىعان قاتىستى ارداقتى ەلشى (س.ع.س.):«اۋزى بەرىك ادام ۇمىتىپ ىشىپ-جەسە، ورازاسىن بۇزباي تولىقتىرسىن. ويتكەنى، وعان جەگىزگەن دە، ىشكىزگەن دە اللا»، – دەگەن (بۇحاري /6669، ءمۇسلىم /1155، تيرميزي مەن احمەت يبن حانبالدە ريۋايات ەتىلگەن). باسقا ءبىر حاديستە:«رامازان ايىندا ۇمىتىپ ورازاسىن بۇزعان كىسىگە قازا دا، كاففارات تا كەرەك ەمەس»، – دەلىنگەن (يبن ءماجا، سيام، 15. يبن ءحۋزايما /1999). سونداي-اق، ءابۋ حانيفانىڭ كوزقاراسىندا، ەگەر مۇنداي جاعدايداعى ادام بىلمەستىكتەن ورازام بۇزىلىپ كەتتى عوي دەپ ويلاپ تاماق جەۋىن جالعاستىرسا، كەيىن كاففاراتسىز تەك قانا سول كۇننىڭ قازاسىن وتەيدى دەلىنگەن.
اۋزى بەرىكتىگىن ۇمىتىپ تاماق جەپ وتىرعان ادام ءالسىز، قارت بولسا، ونداي جانداردىڭ ورازا ۇستاپ جۇرگەنىن ەسىنە سالماعان ابزال. سەبەبى اللا تاعالا ءوزىنىڭ مەيىرىمىمەن ۇمىتتىرۋ ارقىلى ولاردى ىشكىزىپ-جەگىزۋدە. ال كەرىسىنشە ۇمىتىپ تاماق جەپ وتىرعان كىسى دەنساۋلىعى مىقتى ءارى جاس بولسا، سول مەزەتتە ەسىنە سالعان دۇرىس.

سۇراق: رامازان ايىندا اۋىز اشتىرۋ قانشالىقتى ساۋاپتى ءىس؟ كەيبىر ادامدار ورازا ۇستاعان جاننىڭ اۋزىن اشتىرسا، اۋزى بەرىك ادامدىكىندەي ساۋاپ الادى دەيدى، وسى راس پا؟
جاۋاپ: ول راس. ورازا ۇستاعاندارعا ءبىر قۇرمامەن نەمەسە سۋمەن بولسا دا اۋىز اشتىرۋدىڭ ساۋابى مول. ءتىپتى، جاعدايى كوتەرسە تاماق بەرىپ اۋزىن اشتىرعان ابزال. ويتكەنى پايعامبارىمىز (س.ع.س.): «كىمدە-كىم ورازا ۇستاعان جاندى اۋىزاشارعا شاقىرىپ، تاماق بەرىپ، اۋزىن اشتىرسا – ورازا ۇستاعان ادامنىڭ الاتىنىنداي ساۋاپ الادى. اۋزى بەرىك ادامنىڭ ساۋابىنان دا ەش نارسە كەمىمەيدى»، – دەگەن (تيرميزي، ساۋم، 82; يبن ءماجا، سيام، 48). رامازان – جومارتتىق ايى. سوندىقتان باي-قۋاتتى كىسىلەر وسى ايدا مۇقتاجدار مەن تۇرمىسى ناشار كىسىلەرگە اۋىز اشتىرۋى دا ۇلكەن ساۋاپ. ولار تۇراتىن اۋدانداردا اۋىز اشۋعا تاماق تاپپاعان ادامداردىڭ بولماعانى ابزال. بىردە ءجۇسىپ پايعامباردان (ع.س.): «سەن قالاي اشىعاسىڭ، قازىنانىڭ كىلتى قولىڭ-دا ەمەس پە؟»، – دەگەندە، ول: «قارنىم توق جۇرسە، اشىققانداردىڭ جاعدايىن ۇمىتىپ كەتەم بە دەپ قورقام»، – دەپ جاۋاپ بەرگەن ەكەن. مۇسىلماندىق تاربيەنىڭ نەگىزى وسىنداي يگى ارەكەتتى قاجەت ەتەدى. ارينە، مۇسىلماندىق تاربيەمەن سۋسىنداپ وسكەن جانداردىڭ مۇنداي كەلەڭسىزدىكتەن مازاسى قاشاتىنى دا بەلگىلى. ويتكەنى «كورشىسى اش كەزدە ءوزى توق ادام بىزدەن ەمەس» دەگەن حاديس ۇنەمى ولاردىڭ جادىندا تۇراتىنى ءسوزسىز (احمەت يبن ءحانبال، ءمۇسناد، 1/55).
سۇراق: وتىرىك ايتۋ، بىرەۋدى سىرتىنان وسەكتەۋ نەمەسە ءتىل تيگىزۋ، حارامعا قاراۋ ورازانى بۇزا ما؟
جاۋاپ: ءبىر حاديستە: «عايبات ايتۋ، ءسوز تاسۋ، جالعان كۋالىك ەتۋ، بوگدە ادامعا (ەر بولسا ايەلگە، ايەل بولسا ەر كىسىگە) ناپسىلىك قۇمار-لىقپەن قاراۋ ورازانى بۇزادى»، – دەلىنگەن. الايدا يمام اعزام ءابۋ حانيفا ءحاديستى: «اتالمىش كۇنالار ماكرۇھ امالعا جاتادى. ياعني، ورازانىڭ ءوزىن بۇزباعانمەن، ونىڭ ساۋابىن كەمىتەدى» دەپ تۇسىندىرگەن.
تاعى ءبىر حاديستە: «كىمدە-كىم اۋىز بەكىتكەنىمەن جامان قىلىقتارىن قويماسا، ونىڭ ورازاسى بەكەر»، – دەپ ورازا ساۋابىنان ايرىلاتىنى ەسكەرتىلگەن (بۇحاري، ساۋم 8).
اللا ەلشىسى (س.ع.س.): «ورازا – توزاقتىڭ قالقانى، عايباتپەن بۇزىلمايىنشا قورعايدى. ورازا ۇستاعان ادام ناداندىقپەن جامان ءسوز سويلەمەسىن. ەگەر ول بىرەۋمەن سوزگە كەلىپ قالسا «مەن ورازامىن» دەسىن»، – دەپ مۇسىلمانداردى ورازا كەزىندە ەرەكشە سابىرلىلىققا شاقىرعان (بۇحاري، ساۋم، 9).
قورىتا كەلە ايتارىمىز، جا-مان قىلىقتار ورازانى بۇزبايدى. تەك ورازا ساۋابىن كەمىتەدى. جوعارىدا اتالعان حارامي ارەكەتتەردەن ءناپسىنى تىزگىندەۋگە تىرىسۋ، جاقسى ويدا ءجۇرۋ ءارى تىلىمىزبەن زىكىردە بولۋ ءماندۇپ امالدارعا جاتادى. سونداي-اق، كوز بەن ءتىلىمىزدى شاريعاتىمىز تىيعان نارسەلەردەن قورعاعا-نىمىزداي، قۇلاق، قول، اياق، ت.ب. اعزالارىمىزدى دا قورعاي ءبىلۋىمىز كەرەك.
قۇراندا: «ۋا، يمان كەل-تىرگەندەر! سەندەردەن بۇرىن-عىلارعا پارىز ەتىلگەندەي تاقۋالىققا جەتۋلەرىڭ ءۇشىن ورازا سەندەرگە دە پارىز ەتىلدى»، – دەپ ورازا ۇستاۋ ارقىلى تاقۋالىق-قا جەتۋ نەگىزگى ماقسات ەكەنى بىلدىرىلگەن («باقارا» سۇرەسى، 183 ايات).

www.muftiyat.kz


كەلۋ قاينارى: http://www.elarna.net/koru.php?tur=17&id=776704

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


الماتىنىڭ مەديتسينا ۇيى 1 مينوت
الماتىلىق مەديتسينا ۇيى 16 مينوت
باس ءمۇفتي قاجىلىق فيرم 19 مينوت
يتاليادا دۇنيەجۇزىلىك م 19 مينوت
اقش-تا داۋىل سالدارىنان 29 مينوت
اتىراۋدا «باستاۋ» تۇلەگ 1 ساعات
برازيليادا ۇشاق اپاتىنا 1 ساعات
وسى ارانى باسىپ كورىڭىز 1 ساعات
وسى ارانى باسىپ كورىڭىز 1 ساعات
22 قازان. تۋعان كۇن يەل 1 ساعات
中国哈萨克语广播网 1 ساعات
نۇر-سۇلتاندا جۇمىسسىز ا 2 ساعات
نۇرتورە ءجۇسىپ دارىگەرل 2 ساعات
中国哈萨克语广播网 2 ساعات
22 قازان. قازاقپارات كۇ 2 ساعات
قازاقستاننىڭ ءۇش قالاسى 2 ساعات
中国哈萨克语广播网 2 ساعات
قازاقستاننىڭ 3 قالاسىند 3 ساعات
中国哈萨克语广播网 3 ساعات
中国哈萨克语广播网 3 ساعات
جامبىل وبلىسىندا 1300-د 4 ساعات
中国哈萨克语广播网 4 ساعات
كەمبريدج ۋنيۆەرسيتەتىنى 4 ساعات
مۇعالىمدەر جاتاقحاناسى 4 ساعات
中国哈萨克语广播网 4 ساعات
بەرليندە جارىق فەستيۆال 4 ساعات
تۇرعىندار ساۋالى جاۋاپ 5 ساعات
ليفتىلەر ساپاسىن باعال 5 ساعات
中国哈萨克语广播网 5 ساعات
ءۇندىستانداعى «قازيند - 5 ساعات