ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-08-17559439538 %62 %
2019-08-18525278840 %60 %
2019-08-19306206150 %50 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: يسلام جانە وركەنيەت گازەتى

جولدانعان ۋاقىتى: 11:50 - 2016/12/02


نەمەسە توزاققا جەتەلەيتىن جولدان ول قالاي ارىلدى؟

torبارشا مۇسىلمان ءۇشىن اسا قاسيەتتى رامازان ايى ەسىگىمىزدى اشىپ، تابالدىرىعىمىزدان اتتا-عالى تۇرعان كۇندەردىڭ ءبىرى ەدى. مەشىتتە نامازدا ماڭدايىمىز ءبىر ساجدەدە قاۋىشىپ، ەرەكشە ىجداھات سەزىمگە بولەيتىن اسەرلى شاقتىڭ بىرىندە وسى جاس جىگىتتى كەزىكتىرگەم. الدىندا ونىمەن شۇيىركەلەسۋىمىز وقىس وقيعادان باستاۋ العان. جۇما نامازى بولعاسىن پارىزدان سوڭ سۇننەت امالدارىن دا ورىنداماق ەدىم. الدىمدى كەس-كەستەپ وتە شىققان جاس جىگىتتىڭ مەشىت ادەبىن بىلمەگەنى قاتتى قىنجىلتتى. سابىر ساقتاپ، سۇننەت امالىمىزدى ورىنداپ كوشەگە شىققانىمدا جاڭاعى جىگىت الدىمدى ورادى.
– باۋىرىم، جاڭاعى قىلىعىڭ قالاي، باسقالار نامازدارىن وقىپ بولعانشا سابىر ساقتامادىڭ با؟ – دەپ ساۋال جولدادىم بەيتانىس جىگىتكە.
ءبىراق، وعان مەنىڭ ساۋالىم ۇناماسا كەرەك. كەشىرىم دە سۇراعان جوق، «مەنىكى دۇرىس» دەگەن كەيىپتە كەتە باردى. داۋ ىزدەپ مەن دە ارتىنان جۇگىرگەنىم جوق. اركىمنىڭ ءوز اقىلى وزىندە دەگەن ويمەن قالا بەردىم.
وسى وقيعادان بەرى ءبىراز جىل ءوتتى. سول بەيتانىس جىگىتتى جۋىردا ءبىر تانىستارىمنىڭ جانىندا كەزدەستىرىپ، جاقىن تانىسۋدىڭ ءساتى ءتۇستى. ول ءوزىن «دۋلاتپىن» دەپ تانىستىردى. وسىلاي ەكەۋارا اڭگىمەمىز جاراسىپ جۇرە بەردى. ءبىر بايقاعانىم، العاش كورگەن كەزدە شولاق شالبار كيىپ، ساقالىن دا كوبىرەك ءوسىرىپ، باسقالاردان كوپ ەرەكشەلەنىپ تۇراتىن-دى. ەندى ساقال-مۇرتىن كۇزەپ، شالبارىنىڭ بالاعىن دا تۇزەپ، باسقا ادامنىڭ كەيپىندە كورىنەدى.
شىنى كەرەك، دۋلاتقا مەن تاڭدانا دا قارادىم. «ول وسىنشا نەگە وزگەردى، كىم ونى وزگەرتتى ەكەن» دەپ ويلادىم. ەمەن-جارقىن اڭگىمە بارىسىندا دا وسى ىشىمە بۇگىلگەن ويدى ورتاعا سالۋعا تىرىستىم. جۋرناليست بولعاسىن مۇنداي جايلار ونىڭ استارىنا تەرەڭىرەك ۇڭىلۋگە جەتەلەي تۇسەدى عوي.
– دۋلات باۋىرىم، ەكەۋمىزدىڭ العاش كەزدەسكەنىمىز ەسىڭدە بولار، ەگەر ايىپ بولماسا، سول كەزدەگى سەنىمىڭ جايلى ايتىپ بەرە الاسىڭ با؟ – دەدىم ونى اڭگىمەگە تارتىپ.
سوندا ول ءوزىنىڭ باسىنان وتكەن وقيعالاردى بىلايشا تىزبەلەگەن ەدى:
– مەنىڭ ناماز وقىپ، ساجدەگە جىعىلۋىم كەزدەيسوق جاعدايدا ءوتتى. اندا-ساندا مەشىتكە كەلىپ، قۇران وقىتىپ جۇرەتىن ەدىم. بىردە مەشىتتىڭ سىرتقى الاڭىندا ەكى جاس جىگىت مەنى توقتاتىپ، تانىسقىلارى كەلەتىنىن ايتتى. وسىلاي تەز شۇيىركەلەسىپ كەتتىك. ولار مەنىڭ قايدا وقيتىنىمدى، ساباعىم قالاي ەكەنىن دە سۇرادى. كادۋىلگى كۇندەلىكتى جاستاردىڭ ومىرلىك اڭگىمەلەرى عوي.
تانىسا كەلە ولار دا وزدەرىنىڭ مەشىتكە كەلىپ، ناماز وقۋدى ۇيرەنىپ جۇرگەندەرىن ايتتى. ءبىر اللاعا قۇلشىلىق جاساۋ ءبىر عانيبەت پارىز ەكەنىن دە جەتكىزدى. العاشىندا ناماز جايلى مەندە وي بولماعان ەدى. ءوزىم قاتارلى زامانداستارىمنىڭ بۇل ىستەرىنە قىزىقتىم. مەنىڭ دە ناماز وقۋعا اڭسارىم اۋدى.
اقىرى ولاردى مەشىتتە ءجيى كەزدەستىرەتىن بولدىم. مەنى ناماز وقۋعا ۇيرەتكەندەر دە سولار. وعان ريزاشىلىعىمدى ءالى كۇنگە دەيىن ايتامىن. ءبىراق، ۋاقىت وتە كەلە ولار مەنىڭ سەنىمىمدى تۇبەگەيلى وزگەرتۋگە تىرىستى. مەشىتتەگى يمامداردىڭ وقىپ جۇرگەن نامازدارى دۇرىس ەمەس دەگەندى دە ساناما قۇيدى. نامازدان شىعىسىمەن ءبىر پاتەرگە بارىپ، ۋاعىز تىڭداۋدى ۇسىندى. باردىم، ۇستازدىڭ ۋاعىزى ەرەكشە اسەر ەتتى. ۇنادى. وسىدان كەيىن ءوزىمنىڭ ءدىندى دۇرىس ۇستاپ جۇرگەنىمە كۇدىك تۋىندادى.
ناماز وقىمايتىن اتا-اناما دەگەن كوزقاراسىم كۇن ساناپ وزگەرىپ بارا جاتتى. ماڭايىمداعىلارعا دا باسقاشا قارايتىن بولىپ الدىم. ولاردىڭ بارلىعى اداسىپ جۇرگەن پەندەلەردەي كورىندى ماعان. سونداي كۇندەردىڭ بىرىندە ۇيدەگى بارلىق فوتوسۋرەتتەردىڭ كوزىن قۇرتتىم. اتا-انام ماعان قاتتى رەنجىدى. مەن ءوز ۇستازدارىم قۇلاعىما قۇيعان «كاپىر» ءسوزىن دە العاش ءوزىمدى دۇنيەگە اكەلگەن اناما ايتىپ قالدىم.
ەندى ولارمەن ءبىر ۇستەلدىڭ باسىندا تاماق ىشپەيتىن بولدىم. ولار جاتقاسىن بارىپ، وزىمە تاماق ىستەپ الىپ، جەكە وتىرىپ ءىشۋ ادەتىمە اينالدى. اقىرى ۇستازىم ايتقان ادەبيەتتەردى دە تاراتۋعا كىرىستىم. ونداعى ويىم ادامدار شىنايى يسلامدى ۇستاسا ەكەن دەگەن «تىلەك» ەدى.
كوپ ۇزاماي وسىنداي زاڭسىزدىق ۇستىندە ۇستالىپ، قىلمىستىق ءىس قوزعالدى. ودان ءارى تەمىر تورعا جابىلدىم. ومىردەن ءتۇڭىلىپ تە كەتتىم…
دۋلات تار قاپاستاعى كۇندەرى جايلى دا سىر شەرتتى. قامىققان شاقتاردا جانىنان جاقسى ادامداردىڭ تابىلعانىنا تاۋبە ەتەدى ول.
…اباقتىداعى تورىققان كۇندەرى كوپ ەدى، دۋلاتتىڭ. جاپ-جاس ءومىرى ەندى قىساستىقتا وتپەك. وسى جولعا تۇسەمىن دەپ وقىپ جۇرگەن وقۋىنان دا قول ءۇزدى. ونىڭ ءدىني ءبىلىمى دە سونداي كوپ ەمەس ەدى. تەك، ءوز تالىمگەرلەرىنىڭ ايتۋىمەن ءدىني سەنىم جايلى ادەبيەتتەردى وقىپ، اۋديوتاسپالاردى تىڭدادى.
سوڭعى كەزدەرى اتا-اناسىن رەنجىتىپ، ولاردان ءوزىنىڭ قول ءۇزىپ بارا جاتقانىن سەزىپ، جاڭاعى ۇستازدارىنان دا الشاق كەتۋگە بەلىن بەكەم بايلاپ كورگەن. ءبىراق، ولار ونى وڭايلىقپەن ۋىستارىنان شىعارعىسى جوق ەكەنىن دە ءبىلدى. وسىلاي تەمىر تورعا قامالىپ، وتباسىنان دا، ءومىردىڭ ەركىن كۇندەرىنەن دە ايىرىلدى. اباقتىنىڭ قاتال تارتىبىنە ۇيرەنە الماي قاتتى قينالدى. ءبىراق، اللاعا جالبارىنىپ، وزىنە سابىر بەرۋدى تىلەدى.
ءوزىنىڭ قاتەلەسكەن جەرلەرىن دە ەسكە تۇسىرۋگە تىرىستى. باياعى العاش كەزدەسكەن ەكى بەيتانىس جىگىتتىڭ ءوز «قارماقتارىنا» ءتۇسىرىپ، مەشىتتەگى يمامدارعا جولاتپاعان اقىل-كەڭەسى دە ويىنا ورالدى. ادام اداسايىن دەسە، وپ-وڭاي ەكەن-اۋ. نەگە يمامعا بارىپ، اقىل سۇرامادىم دەپ تە ناليدى ول. ءبىر كەزدەرى سيرياعا بارۋعا دا ۇگىتتەگەندەر تابىلىپ ەدى. قارۋ الۋعا كوندىرمەكشى بولعان «ۇستازىنىڭ» الدىنداعى دارمەن-سىز كەيپى كوز الدىنا كەلدى.
بالكىم، تەرىس ادەبيەتتەرمەن ۇستاماسا، سول سيريادا جۇرەر مە ەدى. ول جاقتاعى جاعدايدى دا ەستىپ، ءبىلىپ، ءوزىنىڭ اباقتىعا قامالىپ، امان قالعانىنا دا تاۋبە ەتتى ول.
باسەن – وسىندا العاش تانىسقان ادامى. ول دا ءوزى سياقتى دەسترۋكتيۆتى اعىمعا تۇسكەنى ءۇشىن سوتتالعان ەكەن. بەس-التى جىلدان بەرى تۇرمەنىڭ تۇرعىنى بولىپ كەلە جاتقانىن جاسىرمادى ول. باسىندا ول دا وسى دۋلات سياقتى قاتال ءومىردىڭ تەزىنە شىداي الماستاي كۇي كەشىپتى. ادام دەگەن قانداي قيىندىق بولسا دا، توزەدى عوي. كەلە-كەلە وسىنداعى باسقا ايىبىن وتەۋشى نامازحاندارمەن ءدىننىڭ دۇرىس جولىن تاڭداپ، بەتتەرىن بەرى بۇرعان ەكەن.
دۋلات باسەننىڭ اڭگىمەسىنە ونشا دەن قويماسا دا، ءوزىنىڭ وسىندا نە ءۇشىن تۇسكەنىن وي ەلەگىنەن وتكىزۋگە تىرىستى. باسەننىڭ ايتىپ وتىرعانى دۇرىس شىعار دەگەن ويعا دا كەلدى. جەرگىلىكتى مەشىتتەن كەلىپ، كەزدەسۋ وتكىزىپ، ۋاعىز ايتاتىن يمامنىڭ دا ىقپالى بولماي قالمادى.
ەندى باسەن ونىڭ اقىلشىسىنا اينالدى. ءابۋ حانيفا ءمازھابى مەن ماتۋريدي اقيداسى جايلى تەرەڭىرەك بىلۋگە جانىن سالدى. ءوزىنىڭ اتا-بابالارى ۇستاناتىن بۇل جولدىڭ تەرىس بولۋى مۇمكىن ەمەس. ءبىراق، بۇعان باسەن مەن جاڭاعى يمامنىڭ بىر-ەكى اۋىز سوزىنەن كەيىن بىردەن بەت بۇرماعانىن دا مويىندايدى ول. ءوزىنىڭ وسىنداي اقىلشىلارىنا قارسى داۋ ايتىپ، قاسارىسىپ باققانىن دا جوققا شىعارمايدى.
…دۋلات ماعان وتكەن ومىرىندەگى قيرالاڭعا تولى كۇندەرىن وسىلاي اڭگىمەلەپ بەردى. ءقازىر ءوزىن قاراپايىم مۇسىلمان سانايدى. ەندى ەشكىممەن شارۋاسى جوق ءمۇمىن ەكەنىن دە ايتتى. ء«دىندى ۇستانسام، ءوزىم ءۇشىن ۇستانامىن. اللانىڭ الدىنداعى بەس پارىزىمدى ورىنداپ، تەرىس اعىمدارعا دا ەندى اداسىپ بارمايمىن» دەپ ءسوزىن اياقتادى ول. ءسوزىنىڭ سوڭىندا العاش كەزدەسكەن ساتتە ساجدەدەگى مەنى اتتاپ كەتكەن اعات ءىسى ءۇشىن كەشىرىم سۇراۋدى دا ۇمىتقان جوق. مەن وعان ريزا بولدىم. ەڭ باستىسى، ونىڭ ءوز ورتاسىنا ورالعانى قۋانتتى مەنى. «الداعى ءومىرىڭ اق جول بولسىن» دەگەن تىلەگىمدى دە جولدادىم وعان.

باقىت سماعۇل،
قازاقستان جۋرناليستەر وداعىنىڭ مۇشەسى،
قازاقستان رەسپۋبليكاسىنىڭ اقپارات سالاسىنىڭ ۇزدىگى


كەلۋ قاينارى: http://www.elarna.net/koru.php?tur=17&id=696730

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


بۇعىنىڭ جۇرەك قانى(شالق 27 سەكوند
قر ءسىم قىرعىز تاۋىندا 29 سەكوند
الماتىدا مەكتەپ پەن بال 29 سەكوند
«‹ءبىر بەلدەۋ، ءبىر جول 29 سەكوند
جۇڭگو ETC قىزمەت وتەۋ ت 1 مينوت
تيانشان تورى 1 مينوت
8 مىڭ اقتوبەلىك قارجى پ 1 مينوت
وسكەمەن اكىمىنىڭ ورىنبا 7 مينوت
اللا ەلشىسى كوپشىلىكپەن 10 مينوت
مارقۇم اتا-انادان كەشىر 10 مينوت
قازاقستاندىق الپينيستەر 10 مينوت
الماتى اكىمى: ءۇش جىلدا 10 مينوت
باي - ماناپتار تۇرمەدە 11 مينوت
دەمەۋشىلەردىڭ قولداۋىمە 13 مينوت
دەمەۋشىلەردىڭ قولداۋىمە 19 مينوت
2018 – جىلى ەسىرتكىگە ت 20 مينوت
ەلىمىزدە قازىر تىزىمگە 20 مينوت
ايماقتىق اۋىل شارۋاشىلى 20 مينوت
قر پرەزيدەنتى «بايتەرەك 20 مينوت
بار ىنتا-پەيىلىمەن جۇرت 21 مينوت
تيانشان تورى 21 مينوت
اكەمتەاتر مەملەكەتتىك ت 21 مينوت
8 مىڭ اقتوبەلىك قارجى پ 22 مينوت
ازيا چەمپيوناتى: ۆولەيب 25 مينوت
قوجا احمەت ياساۋي كەسەن 29 مينوت
توقاەۆ: قازاقستان قيىن 1 ساعات
الماتىداعى وقۋشىلار سار 1 ساعات
«SENIM” بار بولسا… 1 ساعات
ارىستا كولىك قاعىپ كەتك 1 ساعات
جانىبەك ءالىمحانۇلى: "و 1 ساعات