ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-08-21580410755 %45 %
2019-08-22656264749 %51 %
2019-08-238643265 %35 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: يسلام جانە وركەنيەت گازەتى

جولدانعان ۋاقىتى: 10:50 - 2016/12/02


namaz(نەمەسە نامازعا كەيبىر تارتىستى ماسەلەلەر)

بالا كەزىمىزدە اتا-اجەلەرىمىز سۇرايتىن:
– مۇسىلمانسىڭ با؟
– ءالحامدۋ ليللياھ، مۇسىلمانمىن!
– راببىڭ كىم؟
– راببىم – اللا.
– ءدىنىڭ قاي ءدىن؟
– ءدىنىم – يسلام.
– كىتابىڭ قايسى؟
– كىتابىم – قۇران.
– ءمازھابىڭ قايسى؟
– يمام اعزام ءابۋ حانيفا.
– يمامىڭ كىم؟
– ءابۋ مانسۇر ماتۋريدي، – دەگەن ءتارىزدى سۇراق-جاۋاپتاردى ايتىپ، بىزگە ۇيرەتىپ وتىراتىن. شىنىن ايتقاندا، سوندا كوپ نارسەنى تۇسىنبەيتىنبىز.
كەڭەس وداعى بيلىككە كەلگەن ۋاقىتتا دىنگە قاتتى قىسىم باستالدى، ناماز وقۋعا، ورازا تۇتۋعا تىيىم سالىندى. سونداي ادىلەتسىزدىكتى، زۇلىمدىقتى كورسە دە، بابالارىمىز دىندە، يماندىلىقتا بەرىك تۇرا ءبىلدى، ءتىپتى كەيىنگى ۇرپاقتىڭ تاربيەسىن ۋايىمداپ، جاسىرىن كۇيدە اعارتۋشىلىقپەن اينالىستى، ءدىني ءىلىمدى ۇيرەتۋدى توقتاتقان جوق. وكىنىشكە وراي، ءقازىر كەيبىر تەرىس پيعىلدى ءدىني اعىمدار جاستارىمىزدى يسلام ءدىنىنىڭ حاق جولىنان اداستىرىپ، ءوزىنىڭ باعىتىنا تارتۋعا ارەكەت ەتۋدە. سونىڭ سالدارىنان كەيبىر جاستار ءسالت-داستۇرىن سىيلاماي، اتا جولىن ۇمىتىپ بارادى. مۇنداي بەتپاقتىقتان، كورگەنسىزدىكتەن بويىمىزدى اۋلاق سالىپ، تەرىس باعىتقا تارتۋعا تىرىسىپ جۇرگەندەردىڭ جەتەگىنە ەرمەي، ءداستۇرلى حانافي ءمازھابىن ۇستانۋىمىز كەرەك. ول – ءبىزدىڭ تاعدىرىمىز، ءداستۇرىمىز، جولىمىز.
اللا تاعالا پەندەلەردى قۇرمەتتەپ، سانسىز كوپ نىعمەتتەردى سىيلادى. ايتالىق، دۇنيەگە كەلىپ، تىرشىلىك ەتۋىمىز، ءاربىر اعزامىز، اس-سۋىمىز، كۇندەلىكتى تىنىس الاتىن اۋامىز، دەنساۋلىعىمىز – بۇنىڭ ءبارى حاق تاعالانىڭ بىزگە بەرگەن نىعمەتتەرى. جان-تانىمىزبەن جانە مال-دۇنيەمىزبەن قۇدايعا قانشا قۇلشىلىق ەتسەك تە، بىزگە بەرىلگەن سول نىعمەتتەردىڭ شۇكىرىن وتەۋ مۇمكىن ەمەس. سويتسە دە، باليعات جاسىنا تولعان، اقىلدى ءاربىر ءمۇمىن-مۇسىلمانعا پارىز جانە ءۋاجىپ امالداردى ىستەۋ، حارام جانە ماكرۋھ ىستەردەن تىيىلۋ، شاماسى كەلگەنشە اللا تاعالاعا ۇزبەي عيبادات ەتۋ مىندەت. اللا تاعالا: «نە نارسە بولسىن ونى (اللانى) ماداقتاپ ءتاسبيح ايتادى»1، – دەگەن.
ءمۇمىن جانە مۇسىلمان پەندەگە پارىز بولىپ تابىلاتىن ەڭ ۇلىق امالداردىڭ ءبىرى – ول ناماز. ناماز – بەلگىلى ءتاسىل ارقىلى كوڭىل جانە دەنەمەن اتقارىلاتىن قۇلشىلىق ءتۇرى. ءاربىر ءمۇمىن پەندەگە كۇنىنە بەس ۋاقىت ناماز وقۋ – پارىز. اللا تاعالا: «مەنى ەسكە الۋ ءۇشىن نامازدى (بارلىق شارتتارىن ساقتاپ، بەرىلە) تولىق ورىندا»2، – دەگەن. وسى ورايدا قازىرگى ۋاقىتتا قوعامدا تارتىسقا سەبەپ بولىپ جۇرگەن نامازدىڭ كەيبىر ماسەلەلەرىنە توقتالىپ وتسەك.

تاكبىر ايتىپ، قۇلاق قاعۋ
تاكبىر تاحريمانى ايتقاندا، ەكى قولدى قۇلاق تۇسىنا كوتەرۋ – سۇننەت.
ءاناس يبن ماليك (وعان اللا رازى بولسىن): «مەن اللانىڭ ەلشىسىنىڭ (وعان اللانىڭ يگىلىگى مەن سالەمى بولسىن) تاكبىر ايتىپ، ەكى باس بارماعىن قۇلاق تۇسىنا كوتەرگەنىن كوردىم»، – دەگەن3.
ابدۋللا يبن ماسعۋد (وعان اللا رازى بولسىن): «مەن سەندەرگە اللا ەلشىسىنىڭ (وعان اللانىڭ يگىلىگى مەن سالەمى بولسىن) نامازىن وقىپ كورسەتەيىن بە؟»، – دەپ ناماز وقىدى. «ول ەكى قولىن تەك نامازدىڭ باسىندا عانا ءبىر رەت كوتەردى»، – دەگەن4.
قولىن كوتەرگەندە ساۋساقتارىن اشۋ، الاقاندارىن قۇبىلاعا قاراتۋ، باس بارماق باستارىن قۇلاق سىرعالىعىنىڭ ارتىنا تيگىزۋ – مۇستاحاپ.
ايەلدەر قولدارىن كەۋدە تۇسىنا دەيىن كوتەرەدى.
رۋكۋعتان ساجدەگە باراتىن كەزدە جانە تاكبىر تاحريمادان باسقا جەرلەردە قولدارىن كوتەرمەيدى.
يمام مۇحاممەد يبن ءاباننان، ول ان-ناحاعيدەن (ولارعا اللانىڭ راحمەتى بولسىن) بىلاي ريۋايات ەتتى: ء«بىرىنشى تاكبىردەن كەيىن نامازدىڭ ەشبىر جەرىندە ەكى قولىڭدى كوتەرمە»5.
ءجابير يبن ءسامۋرا (وعان اللا رازى بولسىن) مۇنى بىلاي جەتكىزەدى: «اللانىڭ ەلشىسى (وعان اللانىڭ يگىلىگى مەن سالەمى بولسىن) بىزگە قاراپ: «نەگە سەندەر اساۋ اتتىڭ قۇيرىعىنا ۇقساپ قولدارىڭدى كوتەرە بەرەسىڭدەر؟ نامازدا تىنىش تۇرىڭدار!»، – دەدى»6.

قيامدا قولدى بايلاۋ
قيامدا وڭ قولدى سول قولدىڭ ۇستىنەن بايلاپ، كىندىكتىڭ استىنا قويۋ – سۇننەت. ايەلدەر قولدارىن كوكىرەك ۇستىنە قويادى.
ءالي يبن ءابۋ تاليب (وعان اللا رازى بولسىن): «وڭ قولدى سول قولدىڭ ۇستىنە قويىپ، كىندىك استىنان بايلاۋ – سۇننەت»، – دەگەن7.
قولدى بايلاعاندا، سول قولدىڭ بىلەزىگىن وڭ قولدىڭ باس بارماعى جانە شىناشاق ساۋساعىمەن بايلاۋ، قالعان ورتا ساۋساقتارىن بىلەك ۇستىنە قويۋ، سونداي-اق قيامدا ساجدە جاسايتىن جەرگە قاراۋ – مۇستاحاپ. تاقۋالىققا جاقىن تۇرىس وسى.
قيامدا تۇرعاندا، ەكى وكشە ارالىعى ءتورت ساۋساق مولشەردەن جاقىن ءارى تىم قاشىق بولماۋ – مۇستاحاپ. نامازدى باس كيىم كيىپ وقۋ – ادەپ.

قۇران وقىعاندا ۇندەمەۋ
قيامدا تۇرعاندا مۇقتادي (يمامعا ۇيىپ تۇرعان ادام) سانانى عانا وقيدى، تاعاۋز، ءباسمالا جانە سۇرەلەردى وقىمايدى. داۋىستاپ وقىلاتىن نامازدا دا، ىشتەن وقىلاتىن نامازدا دا ول يمامعا ۇيىپ، ءۇنسىز تۇرادى.
اللا تاعالا: «قۇران وقىلعان كەزدە، وعان قۇلاق ءتۇرىپ، ۇندە-مەڭدەر»8، – دەپ بۇيىردى. بۇل اياتتىڭ ءتۇسىرىلۋ سەبەبى تۋرالى ايگىلى عالىم مۋجاھيد: «پايعامبارىمىز (وعان اللانىڭ يگىلىگى مەن سالەمى بولسىن) نامازدىڭ ىشىندە قۇران وقىپ تۇرعاندا، انساريلىق ءبىر جىگىتتىڭ دە وقىعانىن ەستىدى. سوندا وسى ايات ءتۇسىرىلدى»، – دەگەن9.
يمام مۇحاممەد نافيعتان، ال ول يبن وماردان (ولارعا اللا رازى بولسىن): «وعان: «يماممەن بىرگە ناماز وقىپ تۇرعان ادام ونىمەن قوسىلىپ قۇران وقي ما؟»، – دەپ سۇراق قويىلعاندا، ول: «يمامنىڭ وقىعان قۇرانى جەتكىلىكتى»، – دەپ ايتتى. يبن ومار يمامنىڭ ارتىندا تۇرعاندا، قۇران وقىمايتىن ەدى10.

ء

«اميندى» ىشتەن ايتۋ
«فاتيحا» سۇرەسىنەن كەيىن ء«اميندى» ىشتەن ايتۋ – سۇننەت.
ءابۋ ۋايل (وعان اللا رازى بولسىن): «پايعامبارىمىز (وعان اللانىڭ يگىلىگى مەن سالەمى بولسىن) داۋىسىن شىعارماي ءامين دەدى»11.
يمام مۇحاممەد ءابۋ حانيفادان، ول حاممادتان، ال ول يبراحيم ان-ناحاعيدەن (ولارعا اللا رازى بولسىن) بىلاي ريۋايات ەتتى: «يمام ءتورت نارسەنى ىشتەن ايتادى: تاعاۋز، ءباسمالا، سانا جانە ءامين»12.

رۋكۋعقا بارۋ
رۋكۋعتا ساۋساقتارىن اشىپ، ەكى قولىمەن ەكى تىزەسىنە تايانۋ، تىزەلەرىن بۇكپەۋ، باسى مەن ارقاسىن ءتۇزۋ ۇستاۋ، ءۇش رەتتەن ءتاسبيح ايتۋ – سۇننەت.
ءاناس يبن ماليككە (وعان اللا رازى بولسىن) پايعامبارىمىز (وعان اللانىڭ يگىلىگى مەن سالەمى بولسىن): «ۋا، بالاقاي! رۋكۋعقا بارعان كەزدە ەكى قولىڭدى ەكى تىزەڭە قوي، ساۋساقتارىڭدى اش، بۇيىرىڭە سۇيەنبە»، – دەپ ايتتى13.
ۋابيسا يبن ماعباد (وعان اللا رازى بولسىن): «اللانىڭ ەلشىسىنىڭ (وعان اللانىڭ يگىلىگى مەن سالەمى بولسىن) ناماز وقىعانىن كوردىم. ول رۋكۋعقا بارعاندا، ارقاسىن ءتۇزۋ ۇستايتىنى سونشالىقتى، ۇستىندە سۋ تۇرسا، توگىلمەس ەدى»، – دەگەن14.
ايشا انامىز (وعان اللا رازى بولسىن): «اللانىڭ ەلشىسى (وعان اللانىڭ يگىلىگى مەن سالەمى بولسىن) رۋكۋعقا بارعاندا باسىن جوعارى دا كوتەرمەيتىن، تومەن دە تۇسىرمەيتىن، ءبىراق سونىڭ ورتاسىن ۇستاناتىن ەدى»، – دەگەن15.
ابدۋللا يبن ماسعۋدتان (وعان اللا رازى بولسىن) ريۋايات ەتىلگەن حاديستە: «اللانىڭ ەلشىسى (وعان اللانىڭ يگىلىگى مەن سالەمى بولسىن): «رۋكۋعقا بارعاندا ەڭ از دەگەندە ءۇش رەت «سۋبحانا راببيال ازىم» دەپ ايتىڭدار. ساجدەدە جاتقاندا كەمىندە ءۇش رەت «سۋبحانا راببيال اعلا» دەپ ايتىڭدار»، – دەگەن16.
رۋكۋعتا ايەلدەر ساۋساقتارىن جۇمىلعان حالدە ۇستايدى، ال تىزەلەرىن ءسال بۇگىپ تۇرادى.
رۋكۋعتا اياقتىڭ ۇشىنا قاراۋ، ءتاسبيحتارىن تاق، ۇشتەن ارتىق ايتۋ: بەس، جەتى، توعىز رەت – مۇستاحاپ.

ساجدە ەتۋ
ساجدەگە باراتىن كەزدە اۋەلى تىزەلەرىن، كەيىن قولدارىن قويۋ، ساجدەدە اياقتارى، قولدارى، مۇرنى جانە ماڭدايى جەرگە تيۋ، باسى ەكى قولىنىڭ اراسىندا تۇرۋ، بىلەكتەرىن جەردەن كوتەرۋ جانە قابىرعاسىنا جابىستىرماۋ، قارنىن ساندارىنان قاشىق ۇستاۋ – سۇننەت.
ۋايل يبن حۋجر (وعان اللا رازى بولسىن): «مەن اللانىڭ ەلشىسىن (وعان اللانىڭ يگىلىگى مەن سالەمى بولسىن) ساجدە ەتكەنىن كوردىم. ەكى قولىنان بۇرىن ەكى تىزەسىن قويدى. ورنىنان تۇرعاندا، ەكى تىزەسىنەن بۇرىن ەكى قولىن كوتەردى»، – دەدى17.
ابدۋللا يبن ابباس (وعان اللا رازى بولسىن) ريۋايات ەتكەن حاديستە: «اللانىڭ ەلشىسى (وعان اللانىڭ يگىلىگى مەن سالەمى بولسىن): «مەن جەتى اعزامەن ساجدە ەتۋگە بۇيىرىلدىم: ماڭداي، مۇرىن، ەكى قول، ەكى تىزە جانە ەكى اياق»، – دەگەن»18. ماڭداي مەن مۇرىن ءبىر اعزا بولىپ ەسەپتەلەدى.
ۋايل يبن حۋجر (وعان اللا رازى بولسىن): «اللانىڭ ەلشىسى (وعان اللانىڭ يگىلىگى مەن سالەمى بولسىن) ساجدە ەتكەن كەزدە بەتىن ەكى الاقاننىڭ اراسىنا قويعان»، – دەدى»19.
مايمۋنا (وعان اللا رازى بولسىن): «پايعامبارىمىزدىڭ (وعان اللانىڭ يگىلىگى مەن سالەمى بولسىن) ساجدەدە سانى مەن قارنى اراسى قوزى ءوتىپ كەتەتىندەي اشىق بولاتىن»، – دەگەن20.
ءابۋ حۋمايد اس-ساعيدي (وعان اللا رازى بولسىن): «ول (وعان اللانىڭ يگىلىگى مەن سالەمى بولسىن) ساجدەدە قولىن قويعاندا، بىلەك-تەرىن جەرگە توسەمەيتىن، (ەكى جانىنا) تىرەمەيتىن، باشپايلارىن قۇبىلاعا قاراتاتىن»، – دەگەن21.
ايەلدەر ساجدەدە قىمتىلىپ، قىسىلىڭقىراپ جاتادى.
ساجدەدە مۇرىنعا قاراۋ، ساۋساقتارىن بىرىكتىرۋ، قول جانە اياق بارماقتارىن قۇبىلا تاراپقا قاراتۋ – مۇستاحاپ.

قيامعا (ورنىنان) تۇرۋ
قيامعا تۇرعاندا قولىمەن جەرگە تايانبايدى. ورنىنان تۇرۋدان بۇرىن ءسال وتىرمايدى، بىردەن تۇرادى.
ابدۋللا يبن ومار (وعان اللا رازى بولسىن): «اللانىڭ ەلشىسى (وعان اللانىڭ يگىلىگى مەن سالەمى بولسىن) نامازدا قيامعا تۇراتىن كەزدە ەكى قولىن تىرەپ تۇرۋدان قايتاردى»، – دەگەن22.
ءابۋ ھۇرايرا (وعان اللا رازى بولسىن): «پايعامبارىمىز (وعان اللانىڭ يگىلىگى مەن سالەمى بولسىن) نامازدا ورنىنان ەكى تاباننىڭ ۇشىمەن تۇراتىن ەدى»، – دەگەن23.

قاعدادا وتىرۋ
قاعدادا سول اياقتارىن جاتقىزىپ، ۇستىنە جامباسىن قويىپ وتىرۋ، وڭ اياعىن تىرەپ، باشپايلارىن قۇبىلا تاراپقا قاراتۋ، قولدارىن ساندارىنىڭ ۇستىنە قويۋ – سۇننەت.
ايشا انامىز (وعان اللا رازى بولسىن): «اللانىڭ ەلشىسى (وعان اللانىڭ يگىلىگى مەن سالەمى بولسىن) وتىرعاندا سول اياعىن جاتقىزىپ، وڭ اياعىن تىرەپ الاتىن ەدى»، – دەگەن24.
ابدۋللا يبن ومار (وعان اللا رازى بولسىن): «(وتىرعاندا) وڭ اياقتى تىرەۋ، ونىڭ باشپايلارىن قۇبىلاعا قاراتۋ جانە اياقتىڭ ۇستىنە وتىرۋ نامازدىڭ سۇننەتىنە جاتادى»، – دەپ ايتتى25.
ابدۋللا يبن زۋباير اكەسىنەن (ولارعا اللا رازى بولسىن): «پايعامبارىمىز (وعان اللانىڭ يگىلىگى مەن سالەمى بولسىن) نامازدا دۇعا (تاشاھۋد) وقۋعا وتىرعاندا، وڭ قولىن وڭ سانىنا، سول قولىن سول سانىنا قوياتىن ەدى»، – دەگەن ءسوزىن جەتكىزگەن26.
ايەلدەر ەكى اياعىن دا وڭ جاققا جىبەرىپ، سول جامباسپەن جەرگە وتىرادى.
وتىرعاندا قول ساۋساقتارىن ەركىن جىبەرۋ، ۇشتارى تىزەگە ءتيىپ تۇرۋ – مۇستاحاپ.

ەكى جاققا سالەم بەرۋ
نامازدى اياقتار كەزدە الدىمەن وڭ جاققا، سوسىن سول جاققا ء«اسسالامۋ الايكۋم ءۋا راحماتۋللاھ» دەپ سالەم بەرۋ – ءۋاجىپ. سالەم بەرگەندە، ارتىنداعى ادامعا بەتى كورىنەتىندەي باسىن بۇرۋ – مۇستاحاپ.
«اللانىڭ ەلشىسى (وعان اللانىڭ يگىلىگى مەن سالەمى بولسىن) وڭ بەتىنىڭ اقتىعى كورىنەتىندەي، وڭ جاعىنا ء«اسسالامۋ الايكۋم ءۋا راحماتۋللاھ»، – دەپ سالەم بەرەتىن»27.

ء

تۇيىن
حاق تاعالا: «تەگىندە، ناماز ارسىزدىق پەن تەرىس قىلىقتان تىيادى»28، – دەگەن. ابدۋللا يبن ابباس (وعان اللا رازى بولسىن): «پايعامبارىمىز (وعان اللانىڭ يگىلىگى مەن سالەمى بولسىن): «كىمدى ونىڭ نامازى ازعىندىقتان، جامان ادەتتەن قايتارماسا، دەمەك ول اللادان تەك الىستاپتى»، – دەگەن»29.
ۋا، جاراتقان يەمىز، ءبىزدى جانە ءبىزدىڭ ۇرپاقتارىمىزدى كۇنا ىستەردەن، ازعىندىقتان، ءناپسىقۇمارلىقتان، بۇزىق مىنەز-قۇلىقتان، جەكسۇرىن قىلىقتان، قاناعاتسىزدىقتان ساقتاپ، وزىڭە عانا عيبادات ەتۋدى جانە وزىڭنەن عانا جاردەم سۇراۋدى ءناسىپ قىل!

حاسان تاشايۇلى،
ء«ماشھۇر ءجۇسىپ» ورتالىق مەشىتىنىڭ نايب يمامى،
پاۆلودار قالاسى
سىلتەمەلەر:
1 «يسرا» سۇرەسى، 44-ايات.
2 «تاھا» سۇرەسى، 14-ايات.
3 ال-حاكيم ريۋايات ەتكەن.
4 تيرميزي ريۋايات ەتكەن.
5 «فاتحۋ باب ءال-عينايا في شارحي كيتاب ان-نۋقايا»، الي ءال-قاري، 1-توم، 387-بەت.
6 مۋسليم ريۋايات ەتكەن.
7 ءابۋ ءداۋىت ريۋايات ەتكەن.
8 «اعراف» سۇرەسى، 204-ايات.
9 بايھاقي ريۋايات ەتكەن.
10 «فاتحۋ باب ءال-عينايا في شارحي كيتاب ان-نۋقايا»، الي ءال-قاري، 1-توم، 402-بەت.
11 يمام احماد، ءابۋ ءداۋىت جانە دارا قۋتني ريۋايات ەتكەن.
12 «فاتحۋ باب ءال-عينايا في شارحي كيتاب ان-نۋقايا»، الي ءال-قاري، 1-توم، 370-بەت.
13 تاباراني ريۋايات ەتكەن.
14 يبن ءماجا ريۋايات ەتكەن.
15 مۋسليم ريۋايات ەتكەن.
16 ءابۋ ءداۋىت، تيرميزي جانە يبن ءماجا ريۋايات ەتكەن.
17 تيرميزي مەن ءناساي ريۋايات ەتكەن.
18 مۋسليم ريۋايات ەتكەن.
19 مۋسليم ريۋايات ەتكەن.
20 مۋسليم ريۋايات ەتكەن.
21 بۋحاري ريۋايات ەتكەن.
22 ءابۋ ءداۋىت ريۋايات ەتكەن.
23 تيرميزي ريۋايات ەتكەن.
24 مۋسليم ريۋايات ەتكەن.
25 ءناساي ريۋايات ەتكەن.
26 مۋسليم ريۋايات ەتكەن.
27 تيرميزي ريۋايات ەتكەن.
28 «انكابۋت» سۇرەسى، 45-ايات.
29 تاباراني ريۋايات ەتكەن.


كەلۋ قاينارى: http://www.elarna.net/koru.php?tur=17&id=696713

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


يسلام ينستيتۋتى 67 ءدىن 22 مينوت
تارازدا جىل سوڭىنا دەيى 1 ساعات
امازونياداعى الاپات ءور 1 ساعات
«بارىس»  شۆەيتساريالىق 2 ساعات
اتىراۋ وبلىسىندا جىل با 2 ساعات
ءبىرجان احمەر | ادەبيەت 3 ساعات
تاۋعا شىققان تۋريستەرگە 3 ساعات
شىمكەنتتە ءۇش اۋىسىمدى 3 ساعات
گونكونگتا ورتا مەكتەپ و 3 ساعات
پاۆلودار وبلىسىندا  175 3 ساعات
اقۇشتاپ باقتىگەرەەۆا | 4 ساعات
23 تامىز، جۇما كۇنگە ار 4 ساعات
گونكونگتە ەرەۋىل ءوتىپ 4 ساعات
ەۋروپا ليگاسى: «استانا» 4 ساعات
22.08.2019 - اقپارات - 4 ساعات
وسى ارانى باسىپ كورىڭىز 4 ساعات
ەلىمىزدە حيميا ونەركاسى 4 ساعات
وسى ارانى باسىپ كورىڭىز 4 ساعات
جامبىل وبلىسىندا جوو-دا 4 ساعات
ۆاكانسيالار مەن تولەمدە 4 ساعات
الماتىدا ورتالىق ازيا ج 4 ساعات
اتىراۋدا ورتەنگەن تەاتر 5 ساعات
قر كاسىپوداقتار فەدەرات 5 ساعات
پولشادا جاي ءتۇسىپ، بىر 5 ساعات
«سارىارقا» گاز قۇبىرى ە 5 ساعات
ساراپشى ەلوردانىڭ راديا 5 ساعات
بۇگىن تاتارستان استاناس 5 ساعات
ەۋروپا ليگاسى. "استانا" 5 ساعات
قوسشى اۋىلىندا قىرۋار ق 5 ساعات
ماگيستراتۋرا ەمتيحانىنا 5 ساعات