ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-06-17595188948 %52 %
2019-06-18568193751 %49 %
2019-06-19541234848 %52 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: يسلام جانە وركەنيەت گازەتى

جولدانعان ۋاقىتى: 07:50 - 2016/12/02


نەمەسە ءدىني ءبىلىمدى قايدان العان دۇرىس؟

20151124190207-1بىلىم الۋ – قاي زاماندا بولماسىن بولاشاعىن ويلاعان ادامنىڭ باستى ماقساتتارىنىڭ ءبىرى ەكەنى داۋسىز. ويلاعان ارماندار، مەجەلەگەن ماقساتتار وسى العان ءبىلىمىڭنىڭ ارقاسىندا ورىندالىپ، شىندىققا اينا-لاتىنى ءسوزسىز.
بۇل حاقىندا مۇحاممەد پاي-عامبار (وعان اللانىڭ يگىلىگى مەن سالەمى بولسىن) «قىتايعا بارساڭ دا ءبىلىم ال» دەپ ۇممەتىنە وسيەت قالدىرىپ، حاكىم اباي «مالىڭدى سات، جانىڭدى سات ءبىلىم ال» دەپ دانالىق ايتسا كەرەك.
بۇگىندە زايىرلى قازاق ەلىندە تاۋەلسىزدىك العالى تالاي ءبىلىم وردالارى قۇرىلىپ، سالالىق ماماندىقتار كوبەيە ءتۇستى. سولاردىڭ ءبىرى – قازىرگى قوعام ءۇشىن ەڭ وزەكتىلەردىڭ قاتارىندا ءدىني ءبىلىم الۋ ماسەلەسى. بۇل ماسەلەنىڭ وزەكتى بولىپ وتىرعان ءجونى بار. توقسانىنشى جىلدارى سەنىم-نانىم بوستاندىعى تار قۇرساۋ-دان شىعىپ، ەركىندىك بەرىلگەن كەزدە جاستاردىڭ الدىڭعى لەگى ءدىني ءبىلىم الامىز دەپ تۇركيا مەن اراب ەلدەرىنە بەل اسا باستادى. بۇعان العاشىندا ەلدىڭ قۋانعانى دا راس. بەرتىن كەلە ءبىلىم الامىن دەپ شەتەل اسقان جاستاردىڭ كوپشىلىگى دىتتەگەن وقۋ ورىندارىنا تۇسە الماي، الەم مويىنداعان ء«ال-اسقارداي» ۋني-ۆەرسيتەتتەر ارمانعا اينالىپ، يسلام عالىمدارى قولداماعان جوعارى نەمەسە ارناۋلى وقۋ ورىندارىنان تابىلىپ جاتتى. كەيبىر وقۋ ورىندارى تومەن بالل الىپ، ەلگە ورالۋدى «ۇيات ساناپ» جۇرگەن ابيتۋريەنتتەردى ءوز قاتارلارىنا دەر كەزىندە تارتا ءبىلىپ، ماتەريالدىق، «رۋحاني» دەمەۋ بەرىپ جاتتى. ول جەرلەردە جاستاردىڭ قانداي، كىمنەن ءبىلىم العاندارى 2000-جىلدارى سەزىلە باستادى. ءبىرى «حيزبۋتشى»، ءبىرى «ۋاحابشى»، ەندى ءبىرى «قۇرانيتتەر» بولىپ شىعا كەلدى. ءقازىر ەندى ولار وزدەرىنە ء«تالىم» بەرگەن اعىمنىڭ سويىلىن سوعىپ ءجۇر. ال ەندى سول ء«دىندار» ازاماتتاردىڭ كەيبىرەۋلەرى اياعىن ءتاي-تاي باسىپ، ەكونوميكالىق ىرگەتاسىن قالاپ، اتا-سالتى مەن ادەپ-عۇرپىن جاڭعىرتىپ كەلە جاتقان مەملەكەتىمىزدى دامۋ داڭعىلىنان تايدىرعىسى كەلەدى. نەگە؟ نەلىكتەن؟ ويتكەنى ولار-دىڭ باسىم بولىگى، يسلام ءدىنىنىڭ قاينار كوزىنەن ءبىلىم الدىق دەگەن ويمەن، ءمازھاب ماسەلەسىن ۇمىتىپ، يسلام ويشىلدارى مەن ۇلىق يمامداردى اداسقان دەگەن ۇستانىمداعى مەكتەپتەردىڭ وكىلدەرىنەن ءبىلىم العان. الىپ تا كەلەدى. حانافي، ماليكي، شافيعي، حانبالي ءمازھابتارىن تەرىسكە اينالدىرىپ، وزدەرىن سالافيلەرمىز دەيتىن اعىمنىڭ بەتالىسى بۇگىندە قاتتى بولىپ وتىر. ولار ءداستۇر مەن ۇلتتىق قۇندىلىقتاردى اياقاستى ەتىپ، ءۋاحابيزمنىڭ نەگىزگى يدەولوگتارى يبن باز، يبن تايميا سەكىلدى «عۇلامالاردان» جانە سولاردىڭ «شاكىرتتەرىنەن» وزگەلەردى تىڭ-دامايدى دا. ءبىرىنشى كەزەك-تە ءتىس قاققان ء«دىندارلار» ءوز «شاكىرتتەرىنىڭ» ساناسىن ۋلاپ، ەشكىمگە قۇلاق اسپايتىن حالگە جەتكىزەدى. سونان سوڭ قانشا تىرىسىپ باقساڭىز دا، ونىڭ ءداستۇرلى ورتاعا ورالۋى قيىنعا سوعادى. مۇنى قازىرگى ءدىن سالاسىندا جۇرگەن تاجىريبەلى تەولوگتاردىڭ وزدەرى مىسال ەتىپ ايتىپ تا ءجۇر. ال، ولاردان ءتالىم العان «ۇزدىك شاكىرتتەر» وراتور-لىق مەكتەپتىڭ بار تەحنولوگياسىن مەڭگەرىپ، «ديستانتسيالىق» وقىتۋ جۇيەسىن قالىپتاستىرىپ تا قويدى. ەشقايدا بارماي-اق، ارامىزدا جۇرگەن جاستار الەۋمەتتىك جەلى-لەر ارقىلى «ساباقتى» قالت جىبەرمەي قاراپ وتىر.
ەندى نە ىستەمەك كەرەك؟ قايدا وقيدى جاستارىمىز؟ بىزدىڭشە مۇنىڭ شەشىمى ەلىمىزدە بارشىلىق. سولاردىڭ ءبىرى – ەلباسى نۇرسۇلتان ءابىشۇلى نازارباەۆتىڭ پارمەنىمەن اشىلعان «نۇر-مۇباراك» ەگيپەت يسلام ۋنيۆەرسيتەتى رەسمي تۇردە 2003 جىلدان بەرى ءبىلىم بەرىپ كەلەدى. ءبىلىم ورداسىندا 80-گە جۋىق وقىتۋشى بولسا، ولاردىڭ 40-ى عىلىمي دارەجەسى بار عالىمدار. بۇل دەگەنىڭىز وقىتۋشى قۇرامنىڭ ساپاسىن كورسەتسە كەرەك. سوڭعى ۋاقىتتاردا گرانتتارى كوبەيىپ كەلە جاتقان «نۇر-مۇباراكتان» جىلىنا 200-دەن استام تۇلەك تۇلەپ ۇشۋدا. العان بىلىمدەرىن شىڭداعىسى كەلگەن ازاماتتار وسىندا قالاردا نەمەسە شەتەلدىك اتاقتى ءبىلىم وردالارىنا وقۋعا تۇسەردە ەش قيىندىقسىز، ما-گيستراتۋرا، دوكتارانتۋرادا ءوز ءبىلىمىن جالعاستىرۋعا مۇمكىندىك الۋدا. ءقازىر بۇل وقۋ ورنى تمد بويىنشا عانا ەمەس، ورتالىق ازياداعى يسلام عىلىمىن تەرەڭدەتىپ وقىتىپ، زەرتتەۋشى بىرەگەي جوو-نا اينالدى.
بۇعان قوسا ەلىمىزدىڭ وڭىر-لەرىندە تالاي يمام-مولدالاردى تۇلەتكەن 9 مەدرەسە جۇمىس ىستەۋدە. قازىرگى تاڭدا ولاردىڭ بارلىعى مەدرەسە بولا تۇرا، ارناۋلى زايىرلى وقۋ ورىندا-رىنا اينالىپ، مەملەكەتتىك ۇلگىدە ديپلوم بەرەدى.
سونداي-اق، قازاقستان مۇسىل-ماندارى ءدىني باسقارماسى-نىڭ باستاماسىمەن اشىلعان قازاقستان رەسپۋبليكاسى يمام-دارىنىڭ ءبىلىمىن جەتىلدىرۋ يسلام ينستيتۋتى جوعارى ماماندىق بەرەتىن ءبىلىم مەكەمەسى رەتىندە تىركەلىپ، ارەكەت ەتۋدە.
وسى تۇستا بۇل وقۋ ورىندارى-نىڭ اشىلۋى مەملەكەتىمىزدىڭ دىنگە دەگەن دۇرىس بەتبۇرىسىنان ەكەندىگىن اتاپ وتكەنىمىز ءجون.
ءوز ەلىڭدە، ءوز جەرىڭدە ءاتا-داستۇر مەن سالتىڭدى، بارلىق ۇلتتىق قۇندىلىقتارىڭ مەن مەن-تاليتەتىڭدى ساقتاي وتىرىپ وقۋ، ەرتەڭگى كۇنى ءبىرتۇتاس مۇسىلمان-نىڭ اراسىندا تۇسىنىسپەۋشىلىك پەن فيتنانىڭ شىقپاۋىنا كەپىل بولارى ءسوزسىز.
ءيا، بۇل جەردە ءبىز شەتەلدە وقىما دەگەن ماسەلەنى ايتپايمىز. وقۋ قاجەت. الايدا، قانداي وقۋ ورىندارىندا، قانداي جولمەن ءبىلىم العان ءجون. ءبىرىنشى ءبىز ءارقاشان قازىرگى قاجەتتىلىكتى بىلسەك ارتىق بولماس ەدى. ءقازىر ەلىمىزدە ەڭ ءىرى جانە رەسمي يسلام ءدىنىنىڭ حانافي ءمازھابىن قولداپ، ماتۋريدي اقيداسىن وڭداپ وتىر-عان قازاقستان مۇسىلماندارى ءدىني باسقارماسى بار. بۇگىندە شەتەلدە ءدىني ءبىلىم الىپ جاتقان 300-گە جۋىق جەرلەسىمىزدىڭ 100-دەن استامى وسى ءدىني بىرلەستىكتىڭ جولداماسىمەن كەتكەن سول ەل-دەرگە. ال قالعان ازاماتتار ءوز بەتىنشە وقۋدا. ولاردىڭ باسىم بولىگى الەمنىڭ كوپتەگەن مۇسىل-مان ەلدەرىندە مويىندالماعان وقۋ ورىندارىندا ءدارىس الۋدا. سىرتتاعى ستۋدەنتتەر اراسىندا سيريادا وقيتىندارىنىڭ كۇنى بۇگىندە قيىن بولىپ تۇر. ءبىرى وقۋدى تاستاپ، مىسىر مەن تۇركياعا بارسا، تاعى ءبىرى اسپان اينالىپ ءتۇسىپ جاتقان مەملەكەتتە وقۋ ورنىن تابا الماي ابدىراپ ءجۇر. ال ەندى وسى ءىلىم ىزدەپ شەتەل اسقان ستۋدەنتتەردىڭ العان ديپلومدارىنىڭ كوپشىلىگى ەلگە ورالعاندا جارامسىز قالاتىنى تاعى بار. بالاڭىز، نە تۋىسىڭىز وقۋدان ورالىپ، العان ءبىلىمى جارامسىز بولىپ، قولىنداعى قاعازى مەن كەتكەن ۋاقىتتى تەككە بولىپ شىعۋى عاجاپ ەمەس. ونداي جاعداي كەزدەسىپ جاتسا تاڭ قالماڭىز.
سوندىقتان بەيبىت اسپان استىندا، تاتۋلىعى مەن بىرلىگى جاراسقان ەلدە قولدا بار التىن-نىڭ ءقادىرىن كەتىرمەي، ەلىمىزدەگى جوعارى وقۋ ورىندارىنان ءبىلىم الىپ، وڭ-سولىمىزدى تانىپ، حانافي ءمازھابىنىڭ نەگىزدەرىن بويعا ءسىڭىرىپ، الەمنىڭ ەڭ ايگىلى ۋنيۆەرسيتەتتەرىنە وقۋعا بارساق تا جەتكىلىكتى بولار دەپ ويلايمىز. سوندا عانا وزگەنىڭ جاستارى-مىزعا ءساياسي-سۇرقيا يدەولوگيانى تاڭۋىنىڭ الدىن الامىز دەپ ويلايمىز. ايتۋ بىزدەن، شەشىم سىزدەن، قۇرمەتتى وقىرمان.

ەركەعالي تاڭاتاروۆ،
وتىرار اۋداندىق ىشكى ساياسات
ءبولىمىنىڭ باس مامانى،
وڭتۇستىك قازاقستان وبلىسى


كەلۋ قاينارى: http://www.elarna.net/koru.php?tur=17&id=696644

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


سوترۋدنيكوۆ كۋيس بۋدۋت 2 مينوت
توقاەۆتى نە ءۇشىن قۇتتى 2 مينوت
تۇيە سۇتىنەن جاسالعان ب 7 مينوت
قاراعاندىلىقتار تۋعان ا 7 مينوت
وسى ارانى باسىپ كورىڭىز 7 مينوت
Disney ءمۋلتفيلمى قازاق 8 مينوت
قازاقستان پرەزيدەنتىنىڭ 17 مينوت
ايەلدەر ءدارىسى تۇراقتى 17 مينوت
ب م ۇ - نىڭ بايانداماسى 17 مينوت
ەلوردادا قاتەمەن جازىلع 23 مينوت
جاستارعا جاسالعان جاردە 27 مينوت
نەگە بىرنارسەگە زەيىن س 27 مينوت
بىلتىر عالامتور ارقىلى 27 مينوت
پوليتسەيلەر ەلدى الداعا 1 ساعات
فۋتبول: قازاقستان كۋبوگ 1 ساعات
ۇزدىك ۋچاسكەلىك پوليتسە 1 ساعات
پرەزيدەنتتىڭ ماڭىزدى ون 1 ساعات
شي جينپيڭ چاۋشيان مەديا 1 ساعات
جانقوش تۇراروۆ نۇر-سۇلت 1 ساعات
«قاۋىرت جەلى 114» سايتى 1 ساعات
فۋتبول: «قايسار» 20 جىل 1 ساعات
20 ماۋسىمعا ارنالعان اۋ 1 ساعات
قاراعاندىلىق پوليتسەيلە 1 ساعات
كوكشەتاۋدا جاس قۇقىق قو 1 ساعات
ەلوردادا 7 مىڭنان استام 1 ساعات
«شيروكي بريەگ» كلۋبىنىڭ 1 ساعات
شي جينپيڭ سىچۋان ولكەسى 1 ساعات
"زەينەت جاسىن تومە 1 ساعات
قازاقستاندا 700 مىڭعا ج 1 ساعات
نورۆەگيا استاناسىندا ءو 1 ساعات