ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-10-171587416432 %68 %
2019-10-181098330835 %65 %
2019-10-19000 %100 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: يسلام جانە وركەنيەت گازەتى

جولدانعان ۋاقىتى: 07:00 - 2016/12/02


halifa1الدىمىزدا كەلە جاتقان جىلى ەلىمىزگە تانىمال ءدىن عالىمى حاليفا التاي اقساقالدىڭ 100-جىلدىق مەرەيتويى بولادى. وسى ورايدا 1994 جىلى سول كىسىمەن بولعان سۇحباتتى نازارلارىڭىزعا ۇسىنۋعا بەل بۋدىم. مۇندا تاۋەلسىزدىكتىڭ العاشقى جىلدارى دىنىمىزگە ءزارۋ بولعان قوعام ءۇشىن قاجەتتى ماسەلەلەر كوتەرىلگەن بولاتىن.
سول كەزدەگى استانامىزدىڭ الاتاۋ جاق بوكتەرىندە بوي تۇزەپ، جاڭادان كوتەرىلىپ كەلە جاتقان سامال ىقشام اۋدانىنىڭ ماڭىنان ءتۇسىپ قالىپ، جانىمداعى بەكەن اعا العان ادرەسپەن قازاقتان شىققان دارا تۇلعالاردىڭ ءبىرى، ءدىن عالىمى حاليفا التاي اقساقالدىڭ ءۇيىن ىزدەپ كەلەمىز.
بەكەن قايراتۇلى – موڭعوليادان كەلگەنىنە ءتورت جىل توڭىرەگىندە ۋاقىت بولعان، وسى ءبىز بارا جاتقان قاريانىڭ اتالاس باۋىرى ەكەن. موڭعوليادا اسكەري وفيتسەر بولىپ، اتا توپىراعىنا كەلگەلى اقىندىق، تاريحي شىعارما جازۋشىلىعى ارقىلى تانىلىپ، تيبەت، موڭعول ەمدەرىن ناسيحاتتاۋمەن، دىندارلىعىمەن كوزگە ءتۇسىپ، ءوزى كەلگەن تارباعاتاي وڭىرىنە تانىلا باستاعان باۋىرىمىز.
كوكتەمنىڭ جايماشۋاق كۇنى بولعاننان كەيىن قايتىپ بارا جاتقان قار ەزىلىپ، جۇرۋگە مۇرشا بەرمەۋدە. وسى بولار دەگەن ءزاۋلىم ءۇيدىڭ ەكىنشى قاباتىنا كوتەرىلىپ، قوڭىراۋىن باسقاندا، ارعى جاعىنان اقساقالدىڭ بايبىشەسى ەسىكتى جارتىلاي اشىپ، بەكەن اعانى كورگەننەن كەيىن تانىماعان بولار: «اقساقال ۇيدە جوق. كەتىپ قالعان. كىمسىزدەر؟»، – دەپ جاتىر ەكەن، اپامىزعا ەڭ قولايلى تۇسىنىك بەرەر جول وسى بولار دەپ، ءوزىم بىلگەن تۇرىك تىلىندە: «ناسىلسىڭىز؟ يمىسىز؟ حوجا ەفەنديماۆدە مى؟ (سالەمەتسىز بە؟ جاقسىسىز با؟ ۇستازىمىز ۇيدە مە ەكەن؟)»، – دەدىم. سول مەزەتتە كوڭىلى ورنىنا ءتۇسىپ، اپامىز ءبىزدى ەرتىپ، قاريا وتىرعان بولمەگە الىپ كەلدى.
مەنىڭ بۇل ۇيگە كەلگەنىم، اقساقالدى كورگەنىم ءبىرىنشى مارتە ەمەس ەدى…
اقساقالمەن امانداسىپ، اماندىق-ساۋلىق سۇراسقاننان كەيىن تەلەفون سوققان ءبىز ەكەنىمىزگە كوزدەرى جەتىپ، وزدەرىنىڭ قازىرگى كەزدە ساق بولاتىنىن، ءارتۇرلى ويداعى ادام-داردىڭ كەلەتىنىن ءسوز ەتتى.
ء«يا، جاراتقان يەم، وسى ءۇيدى جامان نيەتپەن كەلۋشى ادامداردان ساقتا» دەگەن تىلەكتە وتىردىق. وسىدان ەكى كۇن بۇرىن ورتامىزعا ورالعان جەرلەسىمىز، ءبىرتۋار تاەكۆاندوشى مۇستافا وزتۇرىكتىڭ ءمايىتىن حالىق بولىپ تۇركياعا شىعارىپ سالعانىمىز ەسكە تۇسكەندە، جانىمىزبەن قينالىپ، جۇرەگىمىزدى ورتامىزعا قايتا ورالعان اسىلدىڭ تۇياعىنا يە بولا المادىق پا دەگەن وي دا باۋراپ بارادى… وسىدان سوڭ بەكەن اعا مەن اقساقالدىڭ اڭگىمەسى جاراسىپ كەتتى. ولاردىڭ اڭگىمە بارىسى نەگىزىنەن اباق كەرەيلەر جايلى بولدى. ون ەكى اتا كەرەيدىڭ جانىبەك باتىر باسىن قوسىپ، اشامايلى، اباق بولىپ، جوڭعاردان بوساعان التايدان اسىپ، شىعىس تۇركىستان بارىپ، ەل بولعانى جايلى ءسوز قوزعاپ، بەكەن ءوزىنىڭ «قازاق كوشى نەمەسە اباق كەرەيلەر جايلى» تاريحي شىعارماسىنا تۇسىنىك بەرۋمەن بولدى. اڭگىمەلەرى قاليبەك باستاعان توپپەن ءۇندىستانعا اسقانى تۋرالى بولعاندا ءتىپتى قىزىپ كەتتى. ءتىپتى، اپامىز ءشاي دەمدەپ داستارحان جايىلعاندا دا سوزدەرى تولاستامادى. ويلى، دانالىق كوزبەن قاراپ، ورتاسىندا ازداپ كۇلىپ قويىپ، بەكەننىڭ ءمۇلت كەتكەن جەرلەرىنە تۇسىنىك بەرىپ، ءوزى كوزى كورگەن قاليبەك كوشىن ايتقاندا ءتىپتى تەبىرەنىپ وتىردى. ايلاپ قۋعان سامولەتتىڭ بومباسىنان قاشقان كەرەي كوشىنىڭ ءۇندىستانعا جەتۋى، ارينە، وڭايعا تۇسپەگەن ەدى.
داستارقانعا دۇعا ەتىلگەن سوڭ، ورىندارىمىزعا جايعاسىپ وتىرعانىمىزدا اقساقال ماعان ساۋال قويىپ، قاي جەردەن كەلگەنىمدى، قاي جەردە ءدىني ءبىلىم العانىمدى سۇرادى. اقساقالعا وقىعان مەدرەسەمدى تانىستىرىپ، بۇدان ءبىر جىل بۇرىن تۇركيالىق ۇستازىم مەحمەد الي سۋلا ەكەۋمىزدىڭ وسى ۇيدە بولعانىمىزدى دا ءسوز ەتتىم. قازىرگى كەزدە وقۋىمدى ءبىتىرىپ، ءوز اۋدانىمىزدا يمامدىق ەتىپ جۇرگەنىمدى، وسى ورايدا حالقىمىزدىڭ ءدىني ساۋاتىنىڭ، كوزقاراسىنىڭ ورنىقتى بولۋى ماقساتىندا وزىنە قويار ساۋالدارىم بار ەكەنىن ايتتىم.

– حازرەت، مارقۇمنىڭ ۇستىنە 99 رەت تاھليل ء«لا ءيللاھا يلاللاھ» وقىلادى. وسىعان وراي نە ايتار ەدىڭىز؟ – دەدىم.
– پايعامبارىمىز مۇحاممەد عالەيسالام حاديسىندە: «كىمدە-كىم اقىرعى جازۋىندا، ساتىندە ء«لا ءيلاھا يللاللاھ مۇحاممەد راسۋلاللاھ» دەسە ءجانناتقا كىرەدى»، – دەلىنگەن. سوندىقتان، مارقۇم تەك ولەر الدىندا وسى ءسوزدى ايتۋى كەرەك، ءبىراق ايتا الماسا قيناۋعا بولمايدى. قايتا جانىندا ءبىر ادام وتىرىپ، «ياسين» سۇرەسىن وقىپ، دەم سالىپ ء«لا ءيلاھا يللاللاھ مۇحاممەد راسۋلاللاھ» دەپ كاليما قاي-تارىپ وتىرسا بولادى. ال، ولگەن ادامنىڭ ارتىنان تاھليل وقۋ كورسەتىلمەگەن، – دەدى.
– «تالقين» وقۋ دەگەن راسىمگە نە ايتار ەدىڭىز؟
– «تالقين» – ەسكە سالۋ دەگەن ءسوز. پايعامبارىمىز ء«لاقينۋ ماۋتاكۋم»، ياعني «ولىلەرىڭە تالقين وقى» دەگەن حاديس ايتقان. الايدا، ءدىن عالىمدارى وسى تۇرعىسىنان ءارتۇرلى پىكىر ايتادى. وقىسا دا، وقىماسا دا بولادى. تالقيندە نەگىزىنەن مۇسىلمانشىلىقتىڭ قالاي بولۋى، كاليماسىن ەسىنە سالۋ تۋرالى ايتىلادى.
– «جانباس حاتىم» دەگەن قۇران باعىشتاۋعا قالاي قارايسىز؟ ءبىزدىڭ جەردە مار-قۇمنىڭ ۇستىندە كوپشىلىك بولىپ حاتىم-ساعىر وقىلىپ جاتادى.
– «جانباس حاتىم» دەگەن شاريعاتتا كورسەتىلمەگەن. مايىت-كە ولگەننەن سوڭ بۇيىراتىنى «جانازا نامازى». قۇران ءمايىت قويىلعان سوڭ وقىلماق. الايدا، ءمايىت ءبىر بولمەدە جاتىپ، مولدا ادام باسقا ءبىر بولمەدە قۇراندى اقىرىن داۋىسپەن باعىشتاسا بولادى. ءمايىت قويىلىپ كەلگەن سوڭ، وقىلعان قۇراندى حاتىم ەتسە بولادى. نەگىزىنەن «حاتىم» دەگەن نە نارسەنىڭ سوڭى، ياعني قۇراندى باستان اياق وقىپ «قۇران حاتىم» ەتۋ، قۇراننىڭ سوڭىن دۇعا ەتۋ دەگەن ءسوز. «حاتىمدى» – كابير، ساعير دەپ بولەدى. «حاتىم-كابير» بۇكىل قۇراندى، ياعني وتىز پارانى باعىشتاۋ، ال «حاتىم-ساعير» قۇراننىڭ ءاربىر جەرىنەن تىعىز ۋاقىتتا قىراعات ەتۋ، باعىشتاۋ دەگەن ءسوز.
– اقساقال، حاديستە «يقروۋ عالا ماۋتاكۋم سۋراتا ياسين»، ياعني «ولىلەردىڭ ارتىنان ياسين سۇرەسىن وقى» دەگەن، بۇعان قالاي قارايسىز؟
– ءيا، قاراعىم، ول سۇننەت امال. ال باعىشتاعان «جانباس حاتىم» جانباسى جەرگە تيگەننەن سوڭ ەكەنى ايدان انىق. سوندىقتان قويىپ كەلگەن سوڭ باعىشتاسا بولادى.
– مارقۇمعا قويعان كۇنى اس بەرۋ، جالپى قۇدايى تاماق تۋرالى ايتا كەتسەڭىز؟
– مارقۇمعا قويعان كۇنى اس بەرۋ – دۇرىس ەمەس. ەش جەردە كورسەتىلمەگەن. پايعامبارىمىز-دىڭ (وعان اللانىڭ يگىلىگى مەن سالەمى بولسىن) جاعفار تايار دەگەن ساحاباسى بار ەدى. ول سوعىسىپ ءجۇرىپ تۋ كوتەرگەن ەدى. وڭ قولىن شاپقاندا سول قولىمەن، سول قولىن شاپقاندا يىعىمەن تىرەپ كاپىرلەر قولىنان شاحيد بولادى. مارقۇمدى قويىپ جاتقاندا پايعامبارىمىز (وعان اللانىڭ يگىلىگى مەن سالەمى بولسىن) كورشىلەرىنە سول كىسىنىڭ ۇي-ىشىنە تاماق ءپىسىرىپ بەرۋىن، كومەكتەسۋىن ايتقان. سوندىقتان، ءمايىت شىققان ۇيدە ەمەس، كەرىسىنشە سول ۇيگە تۋىسقاندارى، كورشىلەرى بارىپ تاماق بەرسە بولادى. ال، ءمايىت جاتقان ۇيدە ەلگە اس بەرۋ دۇرىس ەمەس، كۇنا. جەتىسى، قىرقى، جىلى دەگەن ءراسىم شاريعاتتا كورسەتىلمەگەن. مارقۇمدى جۋ-شىلارعا كيىم تاراتۋ تۋرالى دا ءسوز جوق. ونىڭ ءبارى ىسىراپ. پايعامبارىمىز (وعان اللانىڭ يگىلىگى مەن سالەمى بولسىن): «بارلىق ىسىراپ – حارام»، – دەگەن ءسوز ايتقان.
– ال، ولاردىڭ بارلىعى-نا تىيىم سالۋ قيىن عوي. جۋشىلارعا مارقۇمنىڭ ءوز كيىمىن بەرۋ ءتيىمدى بولار ەدى. جولى دەپ بەرەتىن كيىم تۋرالى، شىت تاراتىپ بەرۋ تۋرالى نە ايتاسىز؟
– ءيا، قاراعىم سەنىڭ ءسوزىڭ قازىرگى زاماندا دۇرىس شىعار. جولى دەگەن شىت تاراتۋ ءبارى كىتاپتا كورسەتىلمەگەن، جۋشىلارعا كيىم بەرۋ دە تەرىس. ءۇش كۇنگە دەيىن مارقۇمنىڭ تۋىستارى قايىر ساداقا بەرۋگە بولادى دەپ پايعامبارىمىز (وعان اللانىڭ يگىلىگى مەن سالەمى بولسىن) ايتقان ەكەن، وسى جەڭىلدەۋ جول بولارى ءسوزسىز.
– جانازا نامازىن وتەۋ – مارقۇمعا دەگەن سوڭعى ءراسىم. سونىڭ وقىلۋى كوبىنەسە بىزدە قابىر باسىندا وتەدى. زايسان دەگەن ەلدى-مەكەندە جانازا-عا بارلىعىن تۇرعىزادى. ءوز باسىم ەلدى دىنگە تارتۋ ءۇشىن، مارقۇمعا قۇرمەت ءۇشىن بارلىعى جانازاعا تۇرسا دەيمىن، ءبىراق دارەتى جوق ادام جانازاعا تۇرمايدى دەيمىز عوي. وسىعان نە ايتار ەدىڭىز؟
– بالام، جانازا نامازى، مايىتكە اللادان جارىلقاۋىن تىلەۋ ماقساتىمەن وقىلاتىن فارىز-كيفايا بولعان ناماز. جانازا – ولىك دەگەن ۇعىم بەرەدى. ال، فارىز – اللانىڭ بۇيرىعى. ول ەكى ءتۇرلى بولىپ بولىنەدى: فارىز-عاين، فارىز-كيفايا. فارىز-عاين – مىندەتتەلگەن فارىز، مىسالى بەس ۋاقىت ناماز، ورازا ءتارىزدى. ورىنداعان ساۋاپ الىپ، ورىنداماعان كۇنادا بولادى. ال، فارىز-كيفايا – بىرنەشە ادام-نىڭ ورىنداۋىمەن باسقالاردىڭ مويىنىنان فارىز ءتۇسىرۋ دەگەن ءسوز. سوندىقتان فارىز-كيفايا مارقۇمنىڭ ولگەنىن ەستىگەن كىسىلەردىڭ موينىنان تۇسەدى. ال بارلىعى تۇگەل وتەسە، ساۋاپ تاۋىپ، ەشكىم وتەمەسە، تۇگەل كۇناھار بولادى.
ەسىمە سەنىڭ سوزىڭە وراي ءبىر ۋاقيعا تۇسەدى، – دەپ قاريا كۇلىپ الىپ، ءسوزىن قايتا جالعاستىردى. – ەرتەدە تۇركيانىڭ ءبىر اۋىلىنداعى مەشىتكە جاڭادان ءبىر مولدا كەلىپ، مەشىتتىڭ يەن قالعانىن كورەدى. حالىققا بارىپ نەگە كەلمەيتىندەرىن سۇراسا، ولار «الدىڭعى يمام «ۇستەرىڭ كىر، دارەتسىزسىڭدەر» دەگەن سوڭ كىرمەيتىندەرىن ايتادى». جاڭا يمام ولارعا مەشىتكە كىرە بەرۋگە بولاتىنىن ۋاعىزداپتى. وسىلايشا، ولار دارەتسىز، ناجەس كيىمدەرىمەن ءبىر جىلداي ناماز وقي بەرەدى. ءبىر جىلدان سوڭ جاڭادان كەلگەن مولدا قاراپ تۇرسا، ءبارى دەرلىك دارەتسىز-اق ناماز وقۋدا ەكەن. سودان ءمان-جايدى مولدادان سۇراسا: «مەن ولاردى، مولدەكە، نامازعا ۇيرەتتىم، ەندى ءوزىڭىز دارەتكە ۇيرەتىڭىز»، – دەگەن ەكەن. سول سياقتى، قاراعىم، جانازاعا ۇيرەتسەڭ دە قاتە بولماس. العاشىندا ءتايامۋم سوققىز، سوڭىنان وزدەرى دە دارەتكە ۇيرەنەر. ايتپاقشى، جانازانى ءقابىر باسىندا وقۋ ماكرۋھ بولادى. دارەتپەنەن ءمايىتتى ەسىگىنىڭ الدىندا سىرماق، كيىز توسەپ، وقىسا دۇرىس.
– ال مەشىتتە وقىسا قالاي بولادى؟
– مەشىتتىڭ ىشىندە وقىسا بولماس، ءبىراق تا كۇن جۇما بولسا، نامازدان سوڭ، مەشىتتىڭ قۇبىلا جاعىنا اكەلىپ وقىسا ساۋاپ بولماق.
– ءيا، اقساقال، وسى ارۋاق-قا سىيىنۋ، باقسىلىققا دەگەن ءوز ويىڭىزدى بىلمەك ەدىم. ارۋاقتار دۇنيە ىسىنە ارا-لاسۋمەن بولادى دەۋشىلەر كوبەيۋدە. وسىنىڭ ءبارى پايعام-بارىمىز (وعان اللانىڭ يگىلىگى مەن سالەمى بولسىن) ايتقان-داي زامان اقىردىڭ بەلگىسى ەمەس پە؟
– ارۋاققا سىيىنۋ، ول بىزگە اسەر ەتە الادى دەۋ دۇرىس ەمەس. قايتا ارۋاقتار بىزدەن قۇران، دۇعا، ساۋاپ دامەتەدى. ءبىر ادامنىڭ ءجانناتتا دارەجەسى ارتادى، نەگە دەسە، بالالارى وعان دۇعا ەتكەن ەكەن. ارۋاقتار تىرىگە مۇقتاج. ال ارۋاققا سىيىنۋ – دىنسىزدىك، اللاعا سەرىك قوسۋ دەگەن ءسوز، بۇل ۇلكەن كۇنا. دۇنيەدە جىندار دا بار عوي، ولاردىڭ دا ارالاسار ىستەرى بار.
– ال، اۋليەنىڭ شاپاعاتى جايلى، «يسباتۋل شافاعاتايني» – ەكى دۇنيەنىڭ شاپاعاتىنا سەن» دەگەن ەرەجەگە نە ايتاسىز؟
– پايعامبارىمىزدان شاپاعات تىلە. اۋليەلەرگە دە سىيىنۋعا بولمايدى، تەك ولاردىڭ قۇرمەتى ءۇشىن اللادان تىلەسە بولادى. شاپاعات نەگىزى – قۇراننان، سابيدەن، شاحيدتەن بولماق. نەگى-زىندە بارىنەن دە اللا تاعالادان سۇراۋ، مۇسىلمانشىلىقتىڭ تۇت-قاسى بولماق.
– ءبىز جاقتا وسى، وڭ جاققا قويۋ دەگەن بار، اقساقال؟
– وڭ جاق دەگەن ەش جەردە جوق. قازاق كيگىز ۇيدە وتىرعان سوڭ، وڭ جاعىنان باسقا نەسى بار؟ مەيلىنشە مارقۇمدى ءجۇزىن قۇبىلاعا بەرىپ، اياعىن قۇبىلا تەپكىزبەۋ دۇرىس. بولمەنىڭ ىڭعايى كەلمەسە، اياعىن قۇبىلاعا بەرسە دە بولادى. جان ءتاسىلىم ەتكەندە وسىلاي ەتكەنى دۇرىس.
– اي قويۋ، ءقابىردى ساندەۋ تۋرالى ايتساڭىز؟
– مارقۇمدى قويعان سوڭ بەلگى عانا قويسا بولادى. ال اي ورناتۋ، زيرات تۇرعىزۋ كورسەتىلمەگەن. ايتەۋىر مۇسىمانشىلىقتىڭ بەل-گىسى دەمەسە، توپىراققا اينالۋ دۇرىس جول. ال، قازىرگى بايلىعىن كورسەتىپ، كىرپىشتەن تۇرعىزىپ جاتۋ، سۋرەت قويۋ، ەسكەرتكىش ورناتۋ دۇرىس ەمەس. مال باسپايتىنداي قورشاسا بولدى…
وسى كەزدە ارعى جاقتان اجەي كەلىپ، تاعى داعى ءشاي دەمدەپ تاڭعى اسقا قاتىسۋعا تۋرا كەلدى. ءشاي ىشىلگەنشە اڭگىمەمىز تاۋ-سىلماي، قاريا دا وزىمنەن كوپ نارسە سۇراي وتىردى. ول كىسىنىڭ ەلىمىزگە قوناق بولۋىن قولقا ەتتىم. ول كىسى زايساندا بولىپ، ءبىراق تارباعاتايدى ءالى كورمەگەنىن ءسوز ەتتى. كەتەرىمدە كەزدىگىمدى سىي ەتە تۇرىپ: «اقساقال، وسى كەزدىگىم مولدا بولعالى بەلىمنەن تۇسپەۋشى ەدى. ەرتەدە باتىر – باتىرعا قىلىشىن سىيلاپ، بي – بيگە بەلدىگىن سىيلاپ جاتادى ەكەن. بۇل داعى كورگەن سايىن مەنى ەسكە سالار سىيلىعىم بولسا قۋانار ەدىم»، – دەدىم. اقساقال ريزاشىلىعىن ءبىلدىرىپ، حابارلاسىپ تۇرۋىمدى ايتىپ، ەسىككە دەيىن شىعارىپ سالدى.
ءيا، دۇنيە جالعان، ءبىر كۇن بولسىن وسىنداي داريانىڭ جانىندا سۇحبات ەتىپ، سىرلاس بولعانىما قۋانىپ، تەبىرەنە، جولعا شىققانىمدى دا بايقا-ماي قالىپپىن… وسى ءبىر شاعىن اڭگىمەنىڭ اسەرى سىزدەرگە دە تاعىلىم بولسا ەكەن دەپ تىلەيمىن.

قۋات قابدولدا،
«نۇر-مۇباراك» ۋنيۆەرسيتەتىنىڭ دوكتورانتى


كەلۋ قاينارى: http://www.elarna.net/koru.php?tur=17&id=696615

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


تارازدا كوپبالالى جۇكتى 2 مينوت
جولداۋعا – قولداۋ 5 مينوت
中国哈萨克语广播网 5 مينوت
باس مەشىتتەگى قايىرىمدى 20 مينوت
ماڭعىستاۋعا جاڭا وكىل ي 1 ساعات
中国哈萨克语广播网 1 ساعات
وسى ارانى باسىپ كورىڭىز 1 ساعات
قىتايلىق تاۋار تيەلگەن 1 ساعات
قىزىلوردالىق جىگىتتەر ۇ 1 ساعات
اتىراۋعا جاڭا وكىل يمام 1 ساعات
قالامگەرلەر سايىسىنىڭ ك 1 ساعات
كاتالونيادا ەرەۋىلگە قا 1 ساعات
دەمالىس كۇندەرى ەلورداد 1 ساعات
اقش سيرياداعى كۇردتەردى 1 ساعات
中国哈萨克语广播网 1 ساعات
قاراعاندىدا اۆتوبۋس اۋد 1 ساعات
سەمەي وڭىرىنە جاڭا وكىل 1 ساعات
قاراعاندىدا جولاۋشىلار 1 ساعات
رايىمبەك ساتىبالدى feat 2 ساعات
中国哈萨克语广播网 2 ساعات
اقمولا وبلىسى ەلدەگى قۇ 2 ساعات
قىزىلورداداعى كوپ سالال 2 ساعات
جامبىلدا «جومارت جۇرەك» 2 ساعات
KeshYou - Hosh endi ءبى 2 ساعات
اقتاۋداعى داعدارىس ورتا 2 ساعات
تسۋكەربەرگ: Facebook سا 2 ساعات
اللانىڭ كوركەم ەسىمدەرى 2 ساعات
中国哈萨克语广播网 2 ساعات
الماتىدا قىزىمەن بىرگە 2 ساعات
اقتوبەلىك وتباسىلاردا ق 2 ساعات