ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-06-16464218247 %53 %
2019-06-17595188948 %52 %
2019-06-1814634531 %69 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: يسلام جانە وركەنيەت گازەتى

جولدانعان ۋاقىتى: 06:50 - 2016/12/02


b99634e0adf6176d1d58aadb6804566b-1ەرمەك مۇقاتاي،
قمدب-نىڭ وسكەمەن ءوڭىرى
بويىنشا وكىل يمامى،
شىعىس قازاقستان وبلىستىق
«حاليفا التاي» مەشىتىنىڭ باس يمامى

– ەرمەك قاجى، وسكەمەن وڭىرىنە وكىل يمام بولىپ تاعايىندالعانىڭىزعا جىلعا جۋىق ۋاقىت بولىپ قالدى. وسى مەرزىم ىشىندە وڭىردە قانداي يگى باستامالارعا مۇرىندىق بولا الدىڭىز؟
– بيسميللاھير راحمانير-راحيم! ءيا، جاببار-حاق ءبىزدىڭ ماڭدايىمىزعا شىعىس قازاقستاندا، ءور-التايدىڭ ءتاجى بولعان وسكەمەندە ءدىني قىزمەت ەتۋدى جازىپتى. اللاعا سانسىز شۇكىرلەر بولسىن!
نەگىزىنەن، ءبىز قمدب-نىڭ وكىلدىككە تاپسىرعان ۋاعىز-ناسيحات ءىسى، جات اعىممەن كۇرەس، ساۋات اشۋ، مەشىت اياسىندا قايىرىمدىلىق شارالار، ءدىني ەكسترەميزم مەن تەرروريزم بويىنشا تۇزەۋ مەكەمەلە-رىندە جازاسىن وتەپ شىققان ازاماتتاردى قايتا قوعامعا بەيىمدەۋ جۇمىستارىمەن شۇعىلدانامىز. مەشىتتەرىمىزدە جىل بويى «قازاقستان مۇسىلماندارىنىڭ تۇعىرنا-ماسى»، «قازاقستان مۇسىلماندارى ءدىني باسقارماسىنىڭ 2020 جىلعا دەيىنگى ءبىلىم بەرۋدى دامىتۋ تۇجىرىمداماسى»، «قمدب قىزمەتكەرلەرىنىڭ ەتيكاسى»، «يمامنىڭ تۇلعالىق كەلبەتى»، «مۇسىلماننىڭ تۇلعالىق بەينەسى» سەكىلدى قۇجاتتار مەن تالىمدەردى ءتۇسىندىرىپ، ۇدايى ناسيحاتتايمىز. جىلما-جىل ءداستۇرلى تۇردە قايتالانىپ وتىراتىن اشۋرا، ءماۋلىت، باراعات، ءقادىر كەشى، ورازا ايت، قۇربان ايت سەكىلدى ءدىني اتاۋلى كۇندەر مەن مەرەكەلەردى، سونداي-اق، باس ءمۇفتي ەرجان قاجى مالعاجۇلى 2016 جىلدى ء«دىن جانە تاريح تاعىلىمى جىلى» دەپ اتاپ وتۋىنە بايلانىستى وسى تاقىرىپ اياسىندا كونفەرەنتسيالار مەن كوشپەلى سەمينارلار وتكىزۋدى قولعا الدىق. بۇدان وزگە «يسلامداعى زايىرلىلىقتىڭ ورنى» اتتى ايماقتىق كونفەرەنتسيا مەن «اقساقالدار فورۋمىن» وتكىزدىك. ايتا بەرسەك، كۇن تارتىبىندەگى ءىرىلى-ۇساقتى تالاي يگى شارالاردى اتقارىپ كەلەمىز. دەگەنمەن، شارالاردى اتقارۋ بارىسىندا مەيلىنشە ناۋقانشىلدىققا ۇرىنباي، ساپاسىنا ماڭىز اۋدارۋدامىز.
– «يسلامداعى زايىرلىلىقتىڭ ورنى» اتتى كونفەرەنتسيادا نەندەي ماسەلەلەر كوتەرىلدى؟ يسلام مەن زايىرلىلىق ۇعىم-دارى بىر-بىرىمەن قابىساتىن دۇنيە مە؟
– بۇل كونفەرەنتسيانى ۇيىمداس-تىرۋداعى ماقساتىمىز – يسلام ءدىنىنىڭ قۇندىلىقتارى مەن زايىرلى قوعام اراسىنداعى ساباقتاستىقتى ناسيحاتتاۋ بولدى. القالى شاراعا قمدب-نىڭ ۋاعىز-ناسيحات ءبولىمىنىڭ باسشىسى ەرشات وڭعاروۆ، ءدىن ىستەرى كوميتەتىنىڭ ءدىن ماسەلەلەرىن عىلىمي زەرتتەۋ جانە تالداۋ ورتالىعى يسلامدى زەرتتەۋ ءبولىمىنىڭ باسشىسى مۇحان يساحان، شىعىس قازاقستان وبلىستىق ءدىن ىستەرى باسقارماسىنىڭ باسشىسى م.مۇحامەدجانوۆ، سەمەي قالا-سىنداعى «الاشتانۋ» ورتالىعىنىڭ ديرەكتورى تۇردىعۇل شاڭباي، سونداي-اق نازيگۇل عازيزوۆا، ايجان قارتاەۆا سىندى عالىمدار شاقىرىلىپ، بايانداما-لار جاسادى. كونفەرەنتسياعا وبلىس پەن قالا اكىمدىگىنىڭ قىزمەتكەرلەرى جانە ايماقتاعى مەشىت قىزمەتكەرلەرى تۇگەلدەي قاتىستى. ءبىزدىڭ مەملەكەتىمىزدىڭ ءدىن ماسەلەلەرىن رەتتەۋدەگى ۇستانىمى زايىرلىلىق قاعيداتتارعا نەگىزدەلگەن. كەيبىر شەتىن ءدىني كوزقاراستى ۇستانۋشى ازاماتتار وسى زايىرلىلىقتى دۇرىس تۇسىنبەي، ءدىن مەن مەملەكەتتى بىر-بىرىنە قارسى قويۋدا. وسى ماسەلەنىڭ تىگىسىن جاتقىزىپ، زايىرلىلىق قۇندىلىقتارىن تاراتىپ ءتۇسىندىرۋ ۋاقىت تالابىنا اينالىپ وتىر. كونفەرەنتسيادا بايانداماشىلار ەلىمىزدە مەملەكەت پەن ءدىني بىرلەستىكتەردىڭ قارىم-قاتىناسىن رەتتەۋدىڭ قۇقىقتىق نەگىزدەرىن جان-جاقتى ءتۇسىندىرىپ بەردى. جيىنعا قاتىسۋشىلاردىڭ تانىم كوكجيەگى ارتىپ، كونفەرەنتسيادان زور اسەر الدى. كوتەرىلگەن تاقىرىپ اسا ماڭىزدى بولعاندىقتان، كەيىن «يسلام جانە زايىرلى قوعام» اتپەن اۋدانداردا دا سەمينارلار وتكىزدىك.
– ء«دىن جانە تاريح تاعىلىمى» جىلىنا قاتىستى قانداي ءىس-شارالار وتكىزدىڭىزدەر؟
– باس ءمۇفتيىمىز ەرجان قاجى مالعاجىۇلى حازرەتتىڭ باستاماسىمەن قولعا الىنعان ء«دىن جانە تاريح تاعىلىمى» جىلى اياسىندا وسكەمەن قالاسىندا «زايىرلى قوعامداعى ۇلتتىق جانە رۋحاني قۇندىلىقتاردى قالىپتاستىرۋداعى اقساقالدار ينستيتۋتىنىڭ ءرولى» اتتى وڭىرلىك قاريالاردىڭ I فورۋمى بولىپ ءوتتى. ەلىمىزدە تۇڭعىش رەت ءوتىپ وتىرعان بۇل القالى جيىنعا قمدب-نىڭ وسكەمەن ايماعىنا قاراستى 10 اۋدان مەن وسكەمەن، ريددەر قالاسىنان 170-دەن استام ەل اعالارى، ابىز اقساقالدار شاقىرىلدى. جيىنعا قمدب-نىڭ شاريعات جانە ءپاتۋا ءبولىمى باسشىسىنىڭ ورىنباسارى سانسىزباي قۇربانۇلى، ءدىنتانۋشى عالىم مۇحان يساحان، شقو ءدىن ىستەرى باسقارماسىنىڭ باسشىسى م.مۇحامەدجانوۆ جانە وبلىستىق «نۇر وتان» پارياسىنىڭ وبلىستىق فيليالى ءتوراعاسىنىڭ ءبىرىنشى ورىنباسارى، اقساقالدار كەڭەسىنىڭ ءتوراعاسى، قوعام جانە مادەنيەت قايراتكەرلەرى قاتىستى.
باسقوسۋىڭ ماقساتى: ءدىنىمىز بەن ءداستۇر ساباقتاستىعىن ساقتاي وتىرىپ، ۇلتتىق جانە رۋحاني قۇندىلىقتارىمىزدى ۇلىقتاۋ، سالتىمىزدىڭ جاقۇت-جاۋھارلارىن قايتا جاڭعىرتۋ، ۇرپاق جادىنا ورنىقتىرىپ، ساناعا سىڭىرۋگە باعىتتالدى. القالى جيىندا ءسوز العاندار قازىرگى تاڭدا ەلدى ەلەڭدەتىپ، قاۋىپسىزدىگىمىزگە قاتەر توندىرەتىن جات اعىمداردىڭ تامىرىنا بالتا شاۋىپ، جولىن كەسۋدىڭ بىردەن-بىر جولى – ءسالت-داستۇرىمىزدى جاڭعىرۋ، الەۋمەتتىڭ ءدىني ساۋاتتىلىعىن ارتتىرۋ، جاماعاتقا دۇرىس ءدىني تۇسىنىك بەرۋ ەكەندىگىن باسا ايتتى. جيىندا سالتتىق راسىمدەردى بىرىزدىلىككە سالۋ، ىسىراپشىل-دىققا سالىنباۋ، وسىعان بايلانىستى ماسەلەلەردى قمدب-نىڭ عۇلامالار كەڭەسى قابىلداعان ءپاتۋالار نەگىزىندە ورىنداۋ ۇسىنىلدى. فورۋمدا اقساقالدار وسى باعىتتا شەشىمىن تاپپاي كەلە جاتقان ويلار مەن ۇسىنىستاردى ورتاعا سالدى.
سونىمەن بىرگە، ء«دىن جانە تاريح تاعىلىمى» جىلى اياسىندا مەشىت جاماعاتى مەن ساۋات اشۋ كۋرسىندا وقيتىن شاكىرتتەردى شىعىس قازاقستان وبلىستىق تاريحي-ولكەتانۋ مۇراجايىندا وتكەنىمىزدىڭ كۋاسى سانالاتىن تاريحي قۇندى جادىگەرلەرمەن تانىستىردىق. وسى شارا قاتونقاراعاي اۋدانىندا ء«دىن جانە تاريحي ساباقتاستىق» اتتى سەمينارمەن جالعاسىن تاپتى.
– ءدىن سالاسىندا قىزمەت ەتكەنىڭىزگە ءبىراز جىلدىڭ كولەمى بولىپتى. ال، شىعىس وڭىردەگى ءدىن ماماندارىنىڭ دەڭگەيىنە باعا بەرىپ وتسەڭىز؟
– بيىلعى جىلى يمامداردى اتتەستاتسيادان وتكىزۋگە قمدب-نىڭ ءدىني ىستەر ءبولىمىنىڭ باسشىسى ك.تۇردىباەۆ، شاريعات جانە ءپاتۋا ءبولىمى مەڭگەرۋشىسىنىڭ ورىنباسارى س.شوقانوۆ شاقىرىلدى. سالىستىرمالى تۇردە ايتار بولساق، شىعىس قازاقستاننىڭ مەشىت يمامدارى ەشكىمنەن كەم ەمەس. مەشىت يمامدارىنىڭ 50 پايىزعا تاقاۋى جوعارى ءبىلىمدى. ورتا دەڭگەيدەگى يمامداردىڭ كوپشىلىگى الماتىداعى يمامداردىڭ ءبىلىمىن جەتىلدىرۋ ينستيتۋتىندا وقىپ ءبىلىم العان. دەسە دە، ايماقتاعى مەشىتتەرگە بىلىكتى يمامداردى تارتۋ ءۇشىن بيىل مەن جاز توقساننىڭ باسىندا «شىمكەنت» مەدرەسەسى مەن الماتى وبلىسىنداعى ء«ۇشقوڭىر» مەدرەسەسىنە ارنايى بارىپ، مەدرەسە تۇلەكتەرىمەن سۇقباتتاسىپ، ولاردى شىعىسقا شاقىردىم. سونداي-اق، ءوڭىر مەشىتتەرىن جاس ءدىني ماماندارمەن قامداۋ ماقساتىندا «25 جىلدىققا – 25 قادام» جوباسى اياسىندا «ديپلوممەن اۋىلعا» باعدارلاماسىن جاساعان بولاتىنبىز. وسى جوبا اياسىندا الماتىداعى «نۇر-مۇباراك» ۋنيۆەرسيتەتىنىڭ بيىلعى جىلعى تۇلەكتەرىنە ارنايى داستارحان جايىپ، شاقىرىپ سويلەستىم. ناتيجەدە، «نۇر-مۇباراك» ۋنيۆەرسيتەتىن ءبىتىرىپ، قولدارىنا ديپلومدارىن العان 15 تۇلەك شىعىس قازاقستان وبلىسى، وسكەمەن ايماعىنا قاراستى قالا، اۋدان مەشىتتەرىنە قىزمەتكە قابىلداندى. قمدب-نىڭ ءتوراعاسى، باس ءمۇفتيدىڭ بۇيرىعىمەن جاس مامانداردىڭ ەكەۋى – د. ءنۇرناسىر شىعىس قازاقستان وبلىسى، كوكپەكتى اۋداندىق مەشىتىنە جانە س. سمەتوۆ ۇلان اۋداندىق «مۇسا بابا» مەشىتىنە باس يمام بولىپ تاعايىندالسا، باسقالارى قالا، اۋدان مەشىتتەرىنە نايب يمامدىق جانە ۇستازدىق قاتارلى قىزمەتتەرگە ءبولىندى.
وسى جاس مامانداردىڭ الاڭسىز جۇمىس جاساۋىنا بار مۇمكىندىك تۋعىزىپ، باسپانامەن قامتۋعا قول ۇشىن بەرگەن شىعىس قازاقستان وبلىسىنىڭ اكىمى دانيال كەنجەتايۇلى احمەتوۆ پەن وسكەمەن قالاسىنىڭ اكىمى ەرلان ايمۇقاشەۆ اعالارىمىزعا شىنايى نيەتپەن العىس بىلدىرەمىن.
اللا قالاسا، الداعى ۋاقىتتا دا ءوڭىر مەشىتتەرىن بىلىكتى يمامدارمەن قامتاماسىز ەتۋدى جالعاستىرا بەرەتىن بولامىز.
– ال، مەشىت يمامدارىنىڭ بىلىكتىلىگىن شيراتۋ – ۇدايى كۇن تارتىبىنەن تۇسپەيتىن ماسەلە ەكەنى بەلگىلى. بۇل باعىتتا قانداي ءىس-شارالار اتقاردىڭىزدار؟
– وزگە وڭىرلەرگە قاراعاندا شىعىستا ءدىني ەكسترەميزم بەلگىلەرى تومەن بولعاندىقتان، مۇندا ەلىمىزگە بەلگىلى تەولوگ-عالىمدار كوپ ات ءىزىن سالماعان. وسى ولقىلىقتىڭ ورنىن تولتىرۋ ءۇشىن شىعىس قازاقستان وبلىسى ءدىن ىستەرى باسقارماسى جانە ءدىن ماسەلەلەرىن زەرتتەۋ كوممۋنالدىق مەكەمەسىمەن بىرگە بىرنەشە رەت يمامداردىڭ بىلىكتىلىگىن كوتەرەتىن سەمينارلار ۇيىمداستىردىق. سەمينارلارعا ەلىمىزگە تانىمال تەولوگ-عالىمدار ەرشات وڭعاروۆ، اسقار ءسابدين، سانسىزباي شوقانۇلى، مۇحان يساحان جانە ت.ب. دا ماماندار شاقىرىلدى. سونداي-اق، يمامدارمەن بىرگە اقپاراتتىق-ناسيحات توبىنىڭ مۇشەلەرىنە ارناپ ء«دىن ماسەلەلەرى بويىنشا اقپاراتتىق ءتۇسىندىرۋ جۇمىستارىنىڭ باسىم باعىتتارى» تاقىرىبىندا سەمينار وتكىزدىك. وعان اقتوبە مەن پاۆلودار قالالارىنان ءدىنتانۋشىلار مەن اۋدان جانە قالا يمامدارى قاتىستى. سونىمەن قاتار، 2015 جىلى وتكەن رەسپۋبليكالىق يمامدار فورۋمىندا قابىلدانعان قۇجاتتىڭ ءبىرى – «يمامنىڭ تۇلعالىق كەلبەتى» بولاتىن. وسى قۇجاتتى يمامداردىڭ ساناسىنا ءسىڭىرۋ، ونداعى ۇستانىمدار مەن تالاپتاردى تالداۋ ماقساتىندا «يمامنىڭ تۇلعالىق كەلبەتى: ءدىني قىزمەت – مارتەبەلى مىندەت» اتتى سەمينار بولىپ ءوتتى.
وڭىردە مەشىتتەرى بار، يمامى جوق اۋىلدار كوپ. ءدىني ماماندار تاپشىلىعىن جويۋ ماقساتىندا وبلىستىق وكىلدىكتىڭ كۇشىمەن، شىعىس قازاقستان وبلىستىق «حاليفا التاي» مەشىتىنىڭ جانىنان 2 ايلىق ساۋات اشۋ كۋرسىن ۇيىمداستىرىپ، وقىتىپ جاتىرمىز. مۇندا ءار اۋداننان 20-دان استام يمامدىققا بەيىمى بار ازاماتتار ءدارىس الىپ جاتىر. 4 مەزگىل اس، جاتار ورنى مەشىتتەن دايىندالدى. بۇل ىسكە اۋدان يمامدارى بەلسەندى اتسالىسۋدا. ولار كۋرستى بىتىرگەن سوڭ، يمامى جوق اۋىلدارعا بارىپ قىزمەت ەتەدى. بىزگە ءدىني ماماندار قاجەت دەپ اۋدان اكىمدىكتەرى تاپسىرىس بەرىپ وتىر. ولارعا جالاقى، باسپانا ماسەلەسى شەشىلەدى.
يمامداردىڭ بىلىكتىلىگىن ارتتىرۋ ماقساتىندا قولعا العان ءاربىر ءىس-شارانىڭ وڭ اسەرى مول بولدى. ءاربىر سەميناردا مەشىت قىزمەتكەرلەرىنىڭ تانىم كوكجيەگى كەڭەيىپ، بىلىكتىلىگى شيراتىلا ءتۇستى. «ات اۋناعان جەردە، تۇك قالادى» دەمەكشى، شىعىسقا كەلگەن ءاربىر مايتالماننىڭ قالدىرعان ونەگەسى ءبىز ءۇشىن مول رۋحاني بايلىق. وسىلاي بۇل ءۇردىستىڭ ءدايىم جالعاسا بەرەتىنىنە سەنىمدىمىن.
– ءسوز باسىندا قايىرىمدى ءىس-شارالارعا دا باسىمدىق بەرەتىندەرىڭىزدى ايتىپ قالدىڭىز. قانداي قايىرىمدىلىق شارالارىن اتقاردىڭىزدار؟
– اعىمداعى جىلى ءدىني باسقارمانىڭ تاپسىرماسى بويىنشا «مۇگەدەكتەرگە مەيى-رىمدىلىك تانىتايىق» اتتى اكتسيا جۇرگىزىلدى. وسى اكتسيا اياسىندا قمدب-نىڭ وسكەمەن ايماعى وكىلدىگى وبلىس ورتالىعىنداعى ء«ۇلبى» الەۋمەتتىك ساۋىقتىرۋ ورتالىعىندا مۇگەدەك بالالارعا قايىرىمدىلىق شاراسىن وتكىزدىك. مۇندا جەتكىنشەكتەرگە وبلىستىق مەشىت اتىنان تاتتىلەر مەن ويىنشىقتار ۇلەستىرىلدى. سونىمەن بىرگە، «قايىرىمدىلىق – ءقادىرلى ءىس» اتتى قايىرىمدىلىق جارمەڭكەسىن ۇيىمداستىردىق. مەشىت قىزمەتكەرلەرى، ساۋات اشۋ كۋرستارىنىڭ ۇستازدارى مەن شاكىرتتەرى قولدان ءارتۇرلى تاعامدار دايىنداپ اكەلىپ، ونى ساتۋعا شىعاردى. جينالعان قاراجاتتىڭ ءبىر بولىگى قايىرىمدىلىققا ءزارۋ ەمدەلۋشى ازاماتشانىڭ شوتىنا اۋدارىلدى. قالعان قاراجاتتى ناۋرىز مەرەكەسى قارساڭىندا ء«ۇلبى» ساۋىقتىرۋ ۇيىندەگى مۇگەدەك بالالارعا جۇمسادىق.
وسكەمەندەگى ء«ۇمىت» بالالار ۇيىنە بارىپ، قايىرىمدىلىق شاراسىن وتكىزىپ، شارا بارىسىندا 30-عا جۋىق بالاعا سپورتتىق فورمالار مەن سپورتتىق قۇرالدار، تاتتىلەر تارتۋ ەتىلدى. وبلىستىق «حاليفا التاي» مەشىتى ۇلان اۋدانىنداعى «حوسپيس» مەكەمەسىندەگى پاناسىز قاريالارعا قامقورلىق جاساپ، وسى قارتتار ءۇيىنىڭ ەسكىرگەن جىلۋ جۇيەلەرىن كۇردەلى جوندەۋدەن وتكىزىپ بەردى.
ءدىني باسقارمانىڭ «باۋىرىڭا ءومىر سىيلا» اكتسياسى شىعىس وڭىردە مەشىتتەر اراسىندا كەڭ ورىستەپ، جاماعات جۇرەگىنە جول تاپتى. «حاليفا التاي» مەشىتىندە جۇما نامازىنا جينالعان قاۋىم قان تاپسىرۋ شاراسىنا قاتىستى. قانعا مۇقتاج جاندارعا ءومىر سىيلاۋعا اسىققان قاۋىمنىڭ كوپتىگى سونشا، قان الاتىن ارنايى كولىكتىڭ الدىنا جاماعات ۇزىن-سونار كەزەككە تۇردى. قمدب-نىڭ ءتوراعاسى، باس ءمۇفتيدىڭ قاسيەتتى رامازان ايىندا قايىرىمدىلىق جاساۋ، ساۋاپتى ىستەردى كوپتەپ ۇيىمداستىرۋ تۋرالى بەرگەن تاپسىرماسىنا سايكەس وسكەمەن ايماعى وكىلدىگى جاماعاتقا تەگىن قىزمەت كورسەتەتىن تۇڭعىش رەت «يمام تاكسي» جوباسىن قولعا الدىق. وسى رامازان ايىندا مەشىتتەرىمىزدە وتىز كۇن بويى جاماعاتقا اۋىز اشار ۇيىمداستىرىلدى. ءبىرىنشى قىركۇيەك كۇنىنە وراي وڭىردەگى الەۋمەتتىك از قامتىلعان مەكتەپ جاسىنداعى مىڭداعان وقۋشىعا كومەك كورسەتىلدى. ال، قۇربان ايت مەرەكەسىندە تۇرمىسى تومەن 400-دەن استام وتباسىعا 1 جارىم توننا قۇربان ەتى مەن ازىق-تۇلىك تاراتىلعانىن ايتا كەتۋ كەرەك.
– الدا قانداي جوسپارلارىڭىز بار؟
– شىعىس قازاقستان – مۇسىلمان الەمىنىڭ قيىر سولتۇستىگىندە جاتقان ولكە. شەكارا بويىنا ورنالاسقان شەمونايحا، زىريان، گلۋبوكوە اۋداندارىنداعى بىرنەشە ەلدى-مەكەندەرگە دەمەۋشىلەر تارتىپ، مەشىت تۇرعىزۋدى جوسپارلاپ وتىرمىز. كورشى تاۋلى التاي ولكەسى، وندا ءوزىمىزدىڭ قانداستارىمىز كوبىرەك شوعىرلانعان قوساعاش اۋدانىمەن تىعىز قارىم-قاتىناس ورناتۋ ويىمىزدا بار. زادىندا، قازان توڭكەرىسىنە دەيىن زايسانداعى «قازاقيا» جانە «عيزاتيا» مەدرەسەلەرى شىعىستاعى مۇسىلمان ورتالىعى بولعانى بەلگىلى.
قازاقستان مۇسىلماندارى ءدىني باسقار-ماسىنىڭ ءتوراعاسى، باس ءمۇفتي ەرجان قاجى مالعاجىۇلى حازرەتتىڭ باستاماسىمەن اعىم-داعى جىلدى ء«دىن جانە تاريح تاعىلىمى جىلى» ەتىپ جاريالاۋىنا بايلانىستى ءبىز وسى ەكى مەدرەسەنىڭ تاريحىن زەردەلەپ، وعان بايلانىستى قۇجاتتاردى زەرتتەپ جاتىرمىز. بۇيىرسا، وسى «قازاقيا» جانە «عيزاتيا» مەدرەسەلەرىنىڭ جالعاسى رەتىندە، شىعىستا وسكەمەن قالاسىندا ءدىني مەدرەسە-رۋحاني كوللەدج سالۋ باستاماسى قولعا الىنىپ جاتىر. سىزبالارى مەن جوبالارى دايىن بولدى.
شىعىستان زۇقا باتىر، رايىمجان مارسەكوۆ، وتىنشى ءالجانوۆ، بايازيت ءساتبايۇلى سەكىلدى ءدىن جانە ۇلت قايراتكەرلەرى شىققان. وسى سۇرلەۋدى جاڭعىرتىپ، حاق ءدىننىڭ وڭىردە قانات جايۋىنا قولدان كەلگەنشە قىزمەت ەتپەكپىز!
– اڭگىمەڭىزگە راحمەت!
سۇحباتتاسقان
ۇلاربەك دالەيۇلى


كەلۋ قاينارى: http://www.elarna.net/koru.php?tur=17&id=696612

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


گۇل شاھاردىڭ شىرايى  6 مينوت
YouTube Star Logan Paul 6 مينوت
وسى ارانى باسىپ كورىڭىز 6 مينوت
18 ماۋسىم. تۋعان كۇن يە 15 مينوت
تارازدا بيىل گازدىڭ جار 16 مينوت
مۇنايدىڭ باعاسى تومەندە 21 مينوت
ەلىمىزگە كورەيالىق كومپ 26 مينوت
تەننيس: ۆوسكوبوەۆا جۇپت 1 ساعات
Graduating from Chef Sc 1 ساعات
What the Stars of Impra 1 ساعات
18 ماۋسىم. قازاقپارات ك 2 ساعات
باس ءمۇفتي: سىندارلى كە 2 ساعات
چەمپيوندار ليگاسى. «است 2 ساعات
قازالى تۇرعىنى 7 گەكتار 2 ساعات
ء«جيى اشۋلانامىن، نە ىس 2 ساعات
عالىمبەك كەنجەباەۆ ماچت 3 ساعات
قازاقستاندىق دزيۋدوشى ر 3 ساعات
ورالدا ساياجايلاردان 17 3 ساعات
مينيستر يمامداردىڭ قانش 3 ساعات
ميلان رادين «اقتوبەگە» 4 ساعات
4،000 Flights Have Been 4 ساعات
قازاقستان مۇسىلماندارى 4 ساعات
قىتايدان ەلگە زاڭسىز كى 4 ساعات
قازاقستان كۋبوگىنىڭ 1/2 4 ساعات
قايماعى بۇزىلماعان قاير 4 ساعات
قاراعاندى وبلىسىنىڭ پول 5 ساعات
قمدب: استانادا ەۋرازيا 5 ساعات
سيرياعا كەتكەن فۋتبولشى 5 ساعات
Life skills every moder 5 ساعات
تۇركيادا ميگرانتتار قاي 5 ساعات