ەلىمىزدەگى كوشباسشى ۋنيۆەرسيتەتتەردىڭ ءبىرى – ءال-فارابي اتىنداعى قازاق ۇلتتىق ۋنيۆەرسيتەتىنىڭ «فيلوسوفيا جانە ساياساتتانۋ» فاكۋلتەتىنىڭ ء«دىنتانۋ جانە مادەنيەتتانۋ» كافەدراسى يسلامتانۋشىلارعا زامان تالابىنا ساي ءبىلىم بەرۋدە. اتالمىش ۋنيۆەرسيتەت «يسلامتانۋ» ماماندىعىنا 2014 جىلى ليتسەنزيا الۋعا قول جەتكىزىپ، 2018 جىلدان باستاپ باكالاۆر مەن دوكتورانتۋراعا تالاپكەرلەردى قابىلداپ، بىلىكتى مامانداردى دايارلاۋعا كىرىستى.

يسلامتانۋ – يسلام ءدىنىنىڭ تاريحىن، قاعيدالارىن، مۇسىلمان حالىقتارىنىڭ مادەنيەتىن، قۇقىعىن، ەكونميكاسىن زەرتتەيتىن ءدىنتانۋلىق ءپان.

يسلامتانۋ ماماندىعىنىڭ باستى مىندەتى – يسلام ءدىنى، ونىڭ رۋحاني قۇندىلىقتارى، ءىزباسارلارىنىڭ باعدارلارى تۋرالى حالىققا وبەكتيۆتى اقپارات ۇسىنۋدى ۇيرەتۋ. ياعني، يسلامتانۋ جەكە عىلىم سالاسى رەتىندە يسلام ءدىنىن سىناۋمەن نەمەسە ونىڭ اپولوگەتيكاسىمەن اينالىسپايدى.

ال-فارابي اتىنداعى قازاق ۇلتتىق ۋنيۆەرسيتەتىندە بۇل ماماندىق بويىنشا ءبىلىم بەرۋدىڭ مىناداي ەرەكشە تۇستارىن اتاپ وتۋگە بولادى:

* ءدىندى زەرتتەۋدىڭ ادىس-تاسىلدەرىن جەتىك مەڭگەرىپ، ءوز بەتىنشە عىلىمي زەرتتەۋلەردى جۇرگىزە الاتىن، يسلامتانۋ سالاسىندا ناقتى عىلىمي وي-پىكىرى قالىپتاسقان جوعارى بىلىكتى مامانداردى دايارلايدى.

* ۋنيۆەرسيتەتتىڭ ءدىنتانۋ، يسلامتانۋ باعىتتارىنا ارناپ دايىندالعان وزىندىك تاجىريبەدەن وتكەن ءبىلىم بەرۋ باعدارلامالارى مەن وقۋ جوسپارلارى بار.

* ءبىلىم الۋشىلاردىڭ جاڭا بىلىمدەرگە قول جەتكىزۋ، يسلامدى جاڭعىرتىپ-جاڭارتۋ، كاسىبي ءارى جەكە تۇرعىدان ءوزىن-وزى جەتىلدىرۋگە قابىلەتتى بولۋ مۇمكىندىگى;

* ءۇش تىلدە قاتار ءبىلىم الۋ مۇمكىندىگى;

* 300 مىڭنان استام كىتاپ قورى بار ءال-فارابي اتىنداعى قازاق ءۇۋ-نىڭ عىلىمي كىتاپحاناسىنا جانە شپرينگەر حالىقارالىق كىتاپحاناسىن پايدالانۋ مۇمكىندىگى;

* ماگيسترانتتار مەن دوكتورانتتاردىڭ شەتەلدىك ۋنيۆەرسيتەتتەردە عىلىمي تاعىلىمدامادان ءوتۋ سياقتى كوپتەگەن مۇمكىندىكتەرى بار. اتاپ ايتقاندا، ولار ءال-فارابي اتىنداعى قازۇۋ-مەن سەرىكتەس تۇركيانىڭ مارمارا جانە كاستامونۋ، انگليانىڭ مونچەستەر، شۆەتسيانىڭ ۋپپسالا ۋنيۆەرسيتەتى سىندى باسقا دا شەتەلدىك جوعارى وقۋ ورىندارىندا بىلىمدەرىن شىڭداپ، تاجىريبە الماسا الادى.

ال «يسلامتانۋ» ماماندىعى بويىنشا جوعارى ءبىلىم العاندار الماتى قالاسىنىڭ جاستار ساياساتى ماسەلەلەرى جونىندەگى باسقارمادا، الماتى قالاسىنىڭ ءدىن ىستەرى بويىنشا دەپارتامەنتىندە، قر بعم عك-دا، ءال-فارابي اتىنداعى ءقازۇۋ-نىڭ ساياساتتانۋ جانە ءدىنتانۋ ينستيتۋتىندا، قازاقستاننىڭ ورتا جانە جوعارى ءبىلىم بەرۋ مەكەمەلەرىندە، اكىمشىلىكتە، ءدىني ۇيىمداردا (قمدب، مەشىت، مەدرەسە-كوللەدج)، ءىىم، ۇقك جانە پروكراتۋرا ورگاندارىندا ءدىن ىستەرى بويىنشا مامان بولىپ قىزمەت اتقارا الادى. سونداي-اق يسلامتانۋشى بىلىكتى ماماننىڭ ەكسپەريمەنتالدى-زەرتتەۋشى، پەداگوگيكالىق، ساراپتىق-كەڭەس بەرۋ، ۇيىمداستىرۋ-باسقارۋ، جوبالىق-اناليتيكالىق سياقتى كاسىبي قىزمەت تۇرلەرىن دە كورسەتە الادى. «يسلامتانۋ» ماماندىعى تۋرالى باسقا دا اقپاراتتاردى https://www.kaznu.kz/kz/19383/page/ سىلتەمەسى بويىنشا تابا الاسىز.

قۇرماناليەۆا ا.د.

ف.ع.د. پروفەسسور

ال-فارابي اتىنداعى قازۇۋ،

فيلوسوفيا جانە ساياساتتانۋ فاكۋلتەتى،

دىنتانۋ جانە مادەنيەتتانۋ كافەدراسىنىڭ مەڭگەرۋشىسى

حاسەنوۆا ج.ت.

ال-فارابي اتىنداعى قازۇۋ،

فيلوسوفيا جانە ساياساتتانۋ فاكۋلتەتى،

دىنتانۋ جانە مادەنيەتتانۋ كافەدراسى

«يسلامتانۋ» ماماندىعىنىڭ

1 كۋرس ماگيسترانتى