قازاقستان مۇسىلماندارى ءدىني باسقارماسىنىڭ «حالىق ارنا» تەلەارناسىنىڭ ديرەكتورى نۇرجان دارقۇلوۆ نۇر-مۇباراك ۋنيۆەرسيتەتىنە ارنايى ات باسىن تىرەدى.
ۋنيۆەرسيتەت پرورەكتورى، دوتسەنت قايرات قۇرمانباەۆ قۇرمەتتى قوناقتارمەن سۇحباتتاسىپ، بولاشاق جوبالار جونىندە تالقىلادى. «حالىق ارنا» ديرەكتورى نۇرجان دارقۇلوۆ پەن پروديۋسسەر ەربول بايقوڭىروۆ ۋنيۆەرسيتەت جاستارىمەن جۇزدەسىپ، ءوزارا اشىق اڭگىمە ءوربىتتى.
«قازاق ۇلىلارى «مەن جاستارعا سەنەمىن» دەپ وتكەن عاسىردا بولاشاققا سەنىم ارتىپ، بىزگە ۇلكەن امانات قالدىرعانى بەلگىلى. وسى ورايدا نۇر-مۇباراك ۋنيۆەرسيتەتى ستۋدەنتتەرىنىڭ بەلسەندىلىگى مەن كرەاتيۆتى ويلارىن بايقاپ، قۋانىپ وتىرمىز. بۇل ءدىنىمىز، قوعام، مەملەكەت ءۇشىن جاقسى جوبالار جاساۋعا باستاما دەگەن ۇمىتتەمىز. ەلدەگى ءدىني كادرلار دايارلايتىن جالعىز يسلام ۋنيۆەرسيتەتىنىڭ الەۋەتى مەن ىقپالى كۇننەن كۇنگە ارتىپ كەلەدى. پروگرەسسيۆتى دامۋىنا قاراپ، قۋانىپ جاتىرمىز، – دەپ نۇرجان دارقۇلوۆ جاستارعا اعىنان جارىلدى.
جول كورسەتەر اعالىق قامقورلىقتى اڭعارعان جاستار دا كوكەيىندە جۇرگەن جوبالارىن ورتاعا سالىپ، ويىن اشىق جەتكىزدى. «بىزدە قانشا جوبا-جوسپار بولسا دا، ءومىر تاجىريبەسى از. سوندىقتان سىزدەردىڭ اقىل-كەڭەستەرىڭىز، جول كورسەتۋلەرىڭىز بىزگە اۋاداي قاجەت دەپ» ۋنيۆەرسيتەتتىڭ جاستار ءىسى كوميتەتىنىڭ ءتوراعاسى ءمادي بەكەنتاي ىنىلىك ىزەت تانىتتى.
بەلسەندى جاستار ءتىپتى جاڭا جوبالاردىڭ ستسەناريلەرىنە كىرىسىپ كەتكەنىن دە جەتكىزدى. نۇرجان دارقۇلوۆ جاستاردىڭ بەلسەندىلىگىنە ريزاشىلىق ءبىلدىردى. پروديۋسسەر ەربول بايقوڭىروۆ جاستاردىڭ جۋرناليستيكاعا دەگەن تالپىنىسىن اڭعارىپ، ءوز كەڭەسىن ايتتى.
نۇر-مۇباراك ۋنيۆەرسيتەتىنىڭ ءباسپاسوز قىزمەتى
ءتۇرى: يسلام جانە وركەنيەت گازەتى
جولدانعان ۋاقىتى: 20:00 - 2021/02/19
