بۇگىن ەلوردادا قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ناۋرىزباي قاجى تاعانۇلى پرەزيدەنت جانىنداعى ورتالىق كوممۋنيكاتسيالار قىزمەتىندە تىكەلەي ەفيردە وتكەن كارانتين كەزىندەگى ورازا تاقىرىبىنداعى بريفينگكە قاتىسىپ، باق وكىلدەرىنىڭ سۇراقتارىنا جاۋاپ بەردى.

بريفينگتە ناۋرىزباي قاجى تاعانۇلى قازاقستاندىقتاردى ون ەكى ايدىڭ سۇلتانى، قاسيەتتى رامازاننىڭ باستالاۋىمەن شىن جۇرەكتەن قۇتتىقتاپ، قاسيەتتى ايدا مەشىتتەردە اتقارىلاتىن شارالار جايلى اتاپ ءوتتى.

«اللا قالاسا، 2021 جىلدىڭ قاسيەتتى رامازان ايى 13 ساۋىردە باستالىپ، 12 مامىردا اياقتالادى. ورتالىق ازيا مۇفتيلەرىمەن كەڭەسىپ، عىلىمي زەرتتەۋ جۇمىستارىنىڭ ناتيجەسىنە سۇيەنە وتىرىپ وسىنداي شەشىم قابىلدادىق. 8 مامىردان 9 مامىرعا قاراعان ءتۇن – قاسيەتتى ءقادىر ءتۇنى. 13 مامىر – ورازا ايتتىڭ ءبىرىنشى كۇنى. اللا قالاسا، بيىل 30 كۇن ورازا ۇستايمىز. وسى جىلعى ءپىتىر ساداقا مولشەرى جان باسىنا 420 تەڭگە بولىپ بەلگىلەندى. ءپىتىر ساداقا مولشەرى بارلىق وبلىستاعى 2 كەلى ۇننىڭ ەڭ تومەنگى باعاسىمەن ولشەندى» دەپ اتاپ ءوتتى باس ءمۇفتي.