ءتۇرى: قازاقستان مۇفتيات جاڭالىقتارى
جولدانعان ۋاقىتى: 19:00 - 2021/04/06
قاراعاندى وبلىسى، تەمىرتاۋ قالاسى ورتالىق مەشىتىنە مەملەكەت جانە قوعام قايراتكەرى، الاش كوسەمى، حالقىمىزدىڭ ءبىرتۋار پەرزەنتى – ءاليحان نۇرمۇحامەدۇلى بوكەيحاننىڭ ەسىمى بەرىلدى.
«تىرى بولسام، قازاققا قىزمەت قىلماي قويمايمىن» دەپ وزىنە سەرت بەرگەن الاش ارىسىنىڭ ەسىمى مەشىتكە بەرىلۋىنىڭ تاريحي سەبەپتەرى بار. ءاليحان بابامىز قازاقتىڭ بولاشاعى ءۇشىن ايانباي ەڭبەك ەتىپ، الاش پارتياسىن قۇردى. قازاق بالاسىنىڭ ءبىلىمدى، پاراساتتى بولۋىن ماقسات ەتىپ، تالاي دارىننىڭ بولاشاعىنا جول كورسەتكەن-دى.
بۇگىندە تۋعانىنا 155 جىل تولعان ەل ارداقتىسىنىڭ ەسىمىن يەلەنۋ تەمىرتاۋ ورتالىق مەشىتىنە بۇيىردى. ال بىلتىر قازاقستان مۇسىلماندارى ءدىني باسقارماسىنىڭ شەشىمىمەن قمدب-نىڭ 30 جىلدىق مەرەيتويىنىڭ اياسىندا، سەمەي قالاسىنىڭ سۋىقباستاۋ كەنتىندەگى مەشىتكە دە ءاليحان بوكەيحاننىڭ ەسىمى بەرىلگەن ەدى.
