ءتۇرى: قازاقستان مۇفتيات جاڭالىقتارى
جولدانعان ۋاقىتى: 10:45 - 2021/04/06
قازاقستان مۇسىلماندارى ءدىني باسقارماسىنىڭ الداعى قاسيەتتى رامازان ايىنا قاتىستى ءتورالقا جيىنى وتكەن سوڭ قوستاناي وكىلدىگى دە وسى تاقىرىپتا باسقوسۋ وتكىزدى.
جيىندا قوستاناي وبلىسىنىڭ باس يمامى باحىتبەك نۇرعابىلۇلى ءتورالقاداعى تاپسىرمالار بويىنشا الداعى ۋاقىتتا رامازانعا دايىندىق جۇمىستارىن جۇرگىزۋدى تاپسىردى.
سونىمەن قاتار سانيتارلىق تالاپتاردى قاتاڭ باقىلاپ، تازالىق شارالارىن وتكىزىپ وتىرۋدى تاپسىردى.قاسيەتتى ايدا جاماعات اراسىندا قۇراندى كوپ وقىپ حاتىم جاساۋ جانە سالاۋاتتار مەن يستيعفار دۇعالارىن وقۋدى كەڭىنەن ناسيحاتتاۋدى ۇسىندى.
وسى جينالىستا ءار ءبولىم بويىنشا تاپسىرمالار قورىتىندىلانىپ، الداعى ۋاقىتتا ىستەلەتىن جۇمىستار بويىنشا دا تاپسىرمالار بەرىلدى.
ايتا كەتەيىك، بيىلعى قاسيەتتى رامازان ايىنىڭ ورازاسى 13 ساۋىردەن باستالىپ 12 مامىرعا دەيىن جالعاسادى.
