ءتۇرى: قازاقستان مۇفتيات جاڭالىقتارى
جولدانعان ۋاقىتى: 14:00 - 2021/02/23
قاراعاندى شاھارى تاعى ءبىر حالال سەرتيفيكاتىن يەلەنگەن مەكەمەمەن تولىقتى. قالاداعى «Maki-Maki» فاست-فۋد ونىمدەرى جەتەكشىسىنە «حالال دامۋدىڭ» قاراعاندى وبلىسىنداعى جاۋاپتى وكىلى ىسقاق ابدراحمانوۆ ارنايى سەرتيفيكات تابىستادى.
مەكەمە «تاماقتاندىرۋ قىزمەتتەرى»، «حالال ونىمدەردى ءوندىرۋ، وڭدەۋ، دايىنداۋ، ساقتاۋ، تاسىمالداۋ جانە ساتۋعا قويىلاتىن جالپى ستاندارت» تالاپتارىنا ساي دەپ تانىلدى. سەرتيفيكاتتاۋدان وتكىزۋ بارىسىندا «Maki-Maki» ءدامحاناسىندا باقىلاۋ-قاداعالاۋ شارالارىن جۇرگىزىپ، ونىمدەر تولىقتاي زەرتحانالىق تەكسەرىستەن وتكىزىلدى.
ايتا كەتەيىك، «Maki-Maki» فاست-فۋد ونىمدەرىنىڭHۇر-سۇلتان، شىمكەنت، اقتوبە، اتىراۋ، تالدىقورعان، تاراز، قاسكەلەڭ، تالعار قالالارىنداعى نۇكتەلەرى دە قمدب-نىڭ حالال سەرتيفيكاتىن يەلەنگەن بولاتىن.
