قۇران كارىمنىڭ قادىر-قاسيەتىن ۇعىندىرۋ، ونى جاتتاۋدىڭ ماڭىزدىلىعىن جاماعاتقا ناسيحاتتاۋ ماقساتىندا جاڭاوزەن قالالىق ورتالىق ء«ابىش قوجا» مەشىتىندە قۇران جارىسى ۇيىمداستىرىلدى.

شاكىرتتەر جارىسىنا ء«ابىش قوجا» مەشىتىنىڭ نايب يمامدارى حافيز مۇساۇلى مەن ءابدىمۇتالىپ جوراقۇلۇلى، سونداي-اق مەشىتتىڭ ۇستازى قاراساي قوجابەكۇلى سىندى ءدىن قىزمەتكەرلەرىنەن قۇرىلعان قازىلار القاسى تورەلىك ەتتى.

جارىسقا 10 شاكىرت قاتىسىپ، ء«ابىش قوجا» مەشىتىنىڭ ءىشى قۇراننىڭ اسەم ۇنىنە تولدى. جارىس ەرەجەلەرىنە ساي قاسيەتتى قۇراننىڭ «ياسين» جانە «مۇلىك» سۇرەلەرى جاتقا ايتۋى، قاتىسۋشىلاردىڭ وقۋ قىراعاتى، ءتاجۋيد ەرەجەلەرىن ساقتاۋى، جاتتاۋ قابىلەتى سىنالدى.

اتالعان شارتتاردان سۇرىنبەي وتكەن قاتىسۋشىلار ءادىل قازىلار تاراپىنان ۇزدىك دەپ تانىلىپ، جارىس ناتيجەسى بويىنشا 1-ورىندى نۇرلىبەك جۇزباەۆ جەڭىپ الدى. 2-ورىندى نۇرلىبەك كوتەكباەۆ، ال 3-ورىندى ايبەك احمەتۇلى يەلەندى. جۇلدەلى ورىن العان شاكىرتتەردىڭ ءارقايسىسىنا ديپلومدار مەن ءدىني سىيلىقتار بەرىلدى. سونداي-اق بارلىق قاتىسۋشىلارعا قمدب تاراپىنان ماقۇلدانعان «جاستارعا ارنالعان 30 حاديس» كىتابى سىيعا بەرىلدى.

ىس-شارا بارىسىندا بارلىق سانيتارلىق-ەپيدەميولوگيالىق تالاپتار قاتاڭ ساقتالدى.