ءتۇرى: قازاقستان مۇفتيات جاڭالىقتارى
جولدانعان ۋاقىتى: 13:45 - 2021/02/22
قمدب ءتوراعاسى، باس ءمۇفتي ناۋرىزباي قاجى تاعانۇلىنىڭ باستاماسىمەن الماتى ورتالىق مەشىتىندە "دەسترۋكتيۆتى ءدىني اعىمداردىڭ تارالۋىنىڭ الدىن الۋ» تاقىرىبىندا سەمينار-ترەنينگ ءوتتى.
بۇل باسقوسۋعا الماتى ورتالىق مەشىتىنىڭ ۇستازدارى تالعات ساپانوۆ پەن اينۇر يگىلىكوۆا، «زاريا ۆوستوك» مەشىتىنىڭ ۇستازى لەيلا راياسقىزى جانە قالا مەشىتتەرىنىڭ ايەل ۇستازدارى قاتىستى.
جيىندا العاش ءسوز العان ۇستاز تالعات ساپانوۆ الماتى قالاسىنىڭ باس يمامى ەركىنبەك شوقايدىڭ ىستىق سالەمىن جەتكىزىپ، «ايەل-قىزدار» سەكتورىنىڭ بەس جىلدىق مەرەيتويىمەن قۇتتىقتادى. سونداي-اق، مەشىتتەردەگى ۋاعىز-ناسيحات جۇمىستارىن جۇرگىزۋدەگى ايەل ۇستازداردىڭ ءرولى مەن جات اعىمنىڭ الدىن الۋدىڭ ماڭىزدىلىعىنا توقتالدى.
سودان كەيىن الماتى ورتالىق مەشىتىنىڭ ۇستازى اينۇر يگىلىكوۆا «ايەل قىزدار» سەكتورىنىڭ بەس جىلدا اتقارعان جۇمىستارىنىڭ قورىتىندى ەسەبىن وقىپ، 2021 جىلدىڭ جوسپارىن كەڭىنەن ءتۇسىندىردى. سونىمەن قاتار ايەل ۇستازداردىڭ الەۋمەتتىك جەلىلەردە ۋاعىز-ناسيحات ايتۋى جانە ونلاين ساباقتار جۇرگىزۋ تارتىبىمەن تانىستىردى.
ال «زاريا ۆوستوك» مەشىتىنىڭ ۇستازى لەيلا راياسقىزى "دەسترۋكتيۆتى ءدىني اعىمداردىڭ تارالۋىنىڭ الدىن الۋ» تاقىرىبىندا ءدارىس وقىپ، جات اعىممەن كۇرەس بويىنشا ءوز تاجىريبەسىمەن ءبولىستى.
بىلىكتى مامانعا مەشىت ۇستازدارى تولعاندىرعان سۇراقتارىن قويىپ، تۇشىمدى جاۋاپتارىن الدى.سەمينار سوڭىندا مەشىت ۇستازدارىنا ارنايى تاپسىرمالار بەرىلىپ، ءىس-شارالار جوسپارى بەكىتىلدى.
