ءتۇرى: قازاقستان مۇفتيات جاڭالىقتارى
جولدانعان ۋاقىتى: 12:45 - 2021/02/22
سولتۇستىك قازاقستان وبلىستىق «قىزىلجار» ورتالىق مەشىتىنىڭ «ايەل-قىزدار» ءبولىمى «وتباسى بەرەكەسى» اتتى ءىس-شاراسىن وتكىزدى. ونىڭ بارىسىندا كورەرمەندەر اراسىندا 3 قاتىسۋشى تاڭدالىپ الىندى.
ولار شارا اياسىندا «تانىستىرۋ»، «كەسپەگە ارنالعان قامىر يلەۋ»، «قامىردى جايۋ»، «كەسپەگە ارناپ كەسۋ»، ء«وز ونەرىمەن ءبولىسۋ» سىندى كەزەڭدەردە ءوزارا مىقتىنى انىقتادى. سونداي-اق اتالمىش شاراعا كەلگەن جاندار اراسىندا دا سۇراق-جاۋاپ ايدارى ۇيىمداستىرىلدى. ءىس-شارانىڭ قورىتىندىسى بويىنشا ۇزدىك اتانعاندار گراموتالارمەن ماراپاتتالدى. ايتا كەتەيىك، وسى سىندى سايىستار الداعى ۋاقىتتا دا وتكىزىلەدى.
