ءتۇرى: قازاقستان مۇفتيات جاڭالىقتارى
جولدانعان ۋاقىتى: 12:30 - 2021/02/22
ماڭعىستاۋ وبلىسى، جاڭاوزەن قالاسى «شاڭىراق ش/ا» قالالىق مەشىتىنىڭ باس يمامى مىرزا مۇحامماديۋسۋفۇلىنىڭ باستاماسىمەن، «وزەنمۇنايگازعا» قاراستى «نگدۋ-4» مەكەمەسىنىڭ ۇجىمى، «يگى ىستەر» قوعامدىق قورى، سونداي-اق قۇلشىلىق ءۇيىنىڭ جانىنان اشىلعان «يماندى جاستار» توبى جانە جاستار رەسۋرستىق ورتالىعىنىڭ ەرىكتىلەرىنىڭ قولداۋىمەن ء«ار جۇمادا ءبىر شارا» جوباسى اياسىندا كەڭ اۋقىمدى قايىرىمدىلىق ءىس-شاراسى ۇيىمداستىرىلدى.
ىزگى ءھام يگى شارا بارىسىندا الەۋمەتتىك جاعدايى تومەن، كوپ بالالى وتباسىلار، تولىق ەمەس وتباسىلار جانە مۇگەدەك بالالارى بار وتباسىلارعا ازىق-تۇلىك سەبەتتەرى ۇلەستىرىلىپ، بارلىعى 100 جانۇيا قامتىلدى.
ىس-شارا سوڭىندا جاڭاوزەن «شاڭىراق ش/ا» قالالىق مەشىتىنىڭ باس يمامى مىرزا مۇحامماديۋسۋفۇلى:
«مەشىت ونەگەلىك ىستەردە حالىقپەن تىعىز قارىم-قاتىناس ورناتىپ، يماندىلىقتىڭ ورداسى رەتىندە قىزمەت ەتۋى كەرەك. بۇگىنگى يگى ءىس-شاراعا اتسالىسقان مەشىتىمىزدىڭ جاماعاتىنا العىسىمىزدى ايتامىز! ءبىرىنشى اللانىڭ قالاۋىمەن، ەكىنشى قولى اشىق ازاماتتاردىڭ ارقاسىندا وسىنداي شارانى وتكىزىپ وتىرمىز. بارشاڭىزعا اللا رازى بولسىن! اللا ساۋاپتان جازسىن!»، – دەپ ىزگى تىلەگىن جەتكىزدى.
