ءتۇرى: قازاقستان مۇفتيات جاڭالىقتارى
جولدانعان ۋاقىتى: 11:15 - 2019/10/08
قىزىلوردا قالاسىنداعى بايتەرەك شاعىن اۋدانىندا جاڭا مەشىتتىڭ اشىلۋ سالتاناتى ءوتتى.
مەشىتتىڭ اشىلۋ راسىمىنە قمدب «قايىرىمدىلىق جانە ۋاحىپ ىستەرى» ءبولىمىنىڭ مەڭگەرۋشىسى ك.تۇردىباەۆ، قمدب-نىڭ قىزىلوردا وبلىسى بويىنشا وكىلى ب.ابۋوۆ، اقساقالدار، قالا مەشىتتەرىنىڭ يمامدارى مەن جاماعاتتارى قاتىستى.
قاسيەتتى قۇران اياتتارىمەن باستالعان شارادا قمدب ءبولىم مەڭگەرۋشىسى كامالجان بەكبوسىنۇلى، وكىل يمام بولاتبەك ۇلاسقانۇلى قۇتتىقتاۋ ءسوز سويلەپ، دەمەۋشى ازاماتتارعا بارشا حالىق اتىنان العىس ءبىلدىردى.
اللا ءۇيىنىڭ لەنتاسى قيىلعان سوڭ، قوناقتار مەشىت ءىشىن ارالاپ، جاماعاتپەن بەسىن نامازىن وقىدى. نامازدان كەيىن قۇران وقىلىپ، ەل تىنىشتىعى ءۇشىن دۇعا ەتىلدى.
ەرلەر جانە ايەلدەر زالى، 2 ءدارىسحانا، 1 قىزمەتكەرلەر بولمەسىمەن قامتىلعان قۇلشىلىق ۇيىندە ءبىر ۋاقىتتا 550-600 ادامعا دەيىن قۇلشىلىق جاساي الادى. جاڭا ىقشام اۋداندا اشىلعان جاڭا مەشىتكە ء«ال-ۋالي» اتاۋى بەرىلدى.
جيىن سوڭىندا كەلگەن قوناقتارعا داستارقان جايىلىپ، اس بەرىلدى.
