ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-10-19729232138 %62 %
2019-10-20937296235 %65 %
2019-10-21955326854 %46 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقستان مۇفتيات جاڭالىقتارى

جولدانعان ۋاقىتى: 17:30 - 2019/10/02

اسىعىس شەشىم شىعارما!

ادام بالاسى ءۇشىن ءار ىستە سابىرلىق تانىتۋ اۋاداي قاجەت. ورىن العان قۇبىلىستاردىڭ ارتىندا كەيدە ساتسىزدىكتەر تۇرسا، كەيدە باعاسىز نىعمەتكە يە بولىپ جاتامىز. تىرشىلىكتە باسقا تۇسكەن قايعى-مۇڭنان اھ ۇرىپ، ۇمىتسىزدىككە سالىنا بەرۋ دە جارامايدى. اللا سۇيگەن قۇلىنا جاماندىق قالامايدى. اقيقاتىندا، ءاربىر ىستە قايىر بار. ومىردەگى ەڭ ماڭىزدى نارسە تەك ۇلى جاراتۋشىعا تاۋەكەل ەتىپ، ىزگى امالدار جاساۋ ەكەندىگى قيساپسىز مىسالدار ارقىلى الدىمىزدان كەزدەسە بەرمەك.

پايعامبارىمىز مۇحاممەدتىڭ (س.ع.س.):

«ەسىڭدە بولسىن، بۇكىل ۇمبەت بولىپ ساعان ءبىر پايدا بەرمەك بولسا، ولار تەك اللانىڭ ساعان ماڭدايىڭا جازعانىن عانا بەرە الادى. ال، ەگەر ساعان بۇكىل ەل بولىپ ءبىر زيان تيگىزبەك بولسا، اللانىڭ ساعان ماڭدايىڭا جازعان (سىناعىنداي عانا) زيانىن تيگىزە الادى. تاعدىر قالامى كوتەرىلىپ، جازىلعان پاراقتارداعى سيا كەپكەنى قاشان»، - دەگەن ءحاديسىن وسىعان مىسال رەتىندە ايتۋعا بولادى.

ار ىستە شەشىم شىعارۋعا اسىقپاڭىز. وسى رەتتە مىنا ءبىر عيبراتتى قيسسانى ايتىپ وتكەنىمىز ءجون بولار.

ەرتە كەزدە شالعاي اۋىلداردىڭ بىرىندە كەدەي اقساقال ءومىر سۇرگەن ەكەن. ءبىراق، وعان ءتىپتى پاتشانىڭ ءوزى دە اۋەسپەن قارايتىن كورىنەدى. سەبەبى، ول كىسىنىڭ اتى اڭىزعا اينالعان ءبىر تۇلپارى بولىپتى. پاتشا سول اتىن قانشا التىنعا سۇراسا دا ساتۋعا كونبەپتى.

بۇل جاي تۇلپار ەمەس، مەنىڭ دوسىم. ادام ءوز دوسىن ساتا ما ەكەن?! –دەيدى ەكەن.

بىر كۇنى تاڭەرتەڭ ويانىپ قاراسا، الگى اتى جوعالىپ كەتىپتى. اۋىلداستارى اينالاسىنا توپتالىپ: «ەي، اقىماق شال، سەنى ءبارىبىر جايىڭا قويا سالمايتىنىن بىلەتىن ەدىڭ. ەگەر وسى اتىڭدى پاتشاعا ساتقانىڭدا ءومىرىڭنىڭ سوڭىنا دەيىن جوقشىلىق نە ەكەنىن بىلمەۋشى ەدىڭ. مىنە، ەندى اتىڭ دا جوق»، – دەسىپتى. قاريا ءسال كىدىرىپ، بىلاي دەپتى: «شەشىم شىعارۋعا اسىقپاڭدار، تەك ات جوعالدى، شىندىعى وسى. قالعانى سەندەردىڭ بولجامدارىڭ عانا. اتىمنىڭ جوعالۋى باعىم با، سورىم با، بۇل جاعى تەك اللاعا ايان»، – دەپتى.اۋىلداستارى اقساقالدىڭ بۇل حالىنە كۇلىپ قويا سالىپتى. ارادان ون بەس كۇن وتكەن سوڭ، جوعالعان اتى اياق استىنان كەلە قالادى. ءبىراق، وزىمەن بىرنەشە جابايى اتتاردى سوڭىنان ەرتە كەلەدى. سوندا الگى ادامدار كەشىرىم سۇرايدى:

سىز دۇرىس ايتىپسىز، اقاساقال. اتىڭىزدىڭ جوعالۋى باقىتسىزدىق ەمەس، ءسىز ءۇشىن ۇلان-اسىر پايدا ەكەن. ەندى ءبىر ەمەس، ءبىر ءۇيىر اتىڭىز بار.

– شەشىم شىعارۋعا تاعى اسىعىپ تۇرسىڭدار، – دەپتى اقساقال، – بەلگىلىسى تەك اتىمنىڭ قايتىپ كەلگەنى. ارى قاراي نە بولۋىن ەشكىم بىلمەيدى.

ادامدار بۇل جولى قاريانى اشىق تۇردە ايىپتاماسا دا، ءوز ارالارىندا «بۇل شالدىڭ ەسى اۋىسقان سەكىلدى» دەپ كۇڭكىلدەسىپتى. ارادان ءبىر اپتا وتپەي جابايى اتتاردى قولعا ۇيرەتىپ جۇرگەن اقساقالدىڭ جالعىز ۇلى قۇلاپ، اياعىن سىندىرىپ الادى. وتباسى ءناپاقاسىن تاۋىپ جۇرگەن جىگىت ەندى تۇرا الماستاي توسەككە تاڭىلادى. كورشىلەرى الگى قارتقا: «سەن تاعى دا دۇرىس ايتىپسىڭ. سول اتتاردىڭ كەسىرىنەن ۇلىڭ جابىرلەندى. ەندى سەندەردى اسىرايتىن ەشكىم قالمادى عوي»، – دەپتى.

قاريا: «سەندەر شىنىندا اسىعىس قورىتىندى شىعارا بەرەتىن اۋرۋعا دۋشار بولعان سەكىلدىسىڭدەر. نەدەن سونشا اسىعاسىڭدار?! ۇلىمنىڭ اياعى سىنعانى عانا شىندىق. قالعانى سەندەردىڭ داۋرىعۋلارىڭ»، – دەپ، تاعى دا سابىرلىق تانىتادى.

ارادان از عانا ۋاقىت ءوتىپ، كۇتپەگەن جەردەن سول ەلدى جاۋ الادى. پاتشا دەرەۋ قولىنا قارۋ ۇستاي الاتىن بارلىق ەر ازاماتتارعا سوعىسقا اتتانۋدى بۇيىرادى. اۋىلعا كەلگەن پاتشانىڭ ادامدارى قاريانىڭ اياعى سىنعان ۇلىنان باسقاسىنىڭ ءبارىن دە اسكەرگە اكەتىپ، بۇكىل اۋىل قارا جامىلادى. سەبەبى، جەڭىسكە جەتۋگە دەگەن ءۇمىت جوق ەدى. اۋىل تۇرعىندارى تاعى دا قارتتىڭ الدىنا كەلەدى.

سىزدىڭ شىن سويلەيتىڭىزگە كۇمان قالمادى، اقساقال، – دەپ باستاپتى: – ۇلىڭىز اياعى سىنىق بولسا دا جانىڭىزدا. ال، ءبىزدىڭ پەرزەنتتەرىمىز ەندى ورتامىزعا قايتىپ كەلمەۋى دە مۇمكىن. ۇلىڭىزدىڭ اياعىنىڭ سىنۋى باقىتسىزدىقتان ەمەس، كەرىسىنشە، باعى بولعاندىعىنان ەكەن.

اقساقال ولاردىڭ سوزىنە ادەتتەگىدەي سابىرمەن جاۋاپ بەرىپتى:

– سەندەر، قاشان دا دەرەۋ شەشىم شىعارۋعا اسىعاسىزدار! ال، ءارقاشان كورىنىپ تۇرار اقيقات، الدا بولاتىن جايتتاردىڭ ەشكىمگە ايان ەمەس ەكەندىگى. ماسەلەن، قازىرگى ءمالىم جاعداي ۇلىمنىڭ قاسىمدا ەكەنى عانا. ءبىراق، بۇلاردىڭ ءقايسىبىرى باق، ءقايسىبىرى باقىتسىزدىق ەكەنىنىن تەك ءبىر اللا عانا بىلەدى!

قاسيەتتى قۇران كارىمنىڭ «باقارا» سۇرەسىندە بۇل جايت بىلاي باياندالادى:

«بىر جەك كورگەن نارسەلەرىڭ سەندەر ءۇشىن قايىرلى بولۋى مۇمكىن. جانە جاقسى كورگەن نارسەلەرىڭنىڭ سەندەرگە جامان بولۋى دا مۇمكىن. اللا بىلەدى، سەندەر بىلمەيسىڭدەر».

ياعني، اللاعا يمان كەلتىرىپ، تاعدىرعا سەنگەن مۇسىلمان بالاسى ءومىردىڭ اق پەن قاراسىندا اسىعىستىق تانىتپاي، سابىر ساقتاي بىلگەنى ابزال...


كەلۋ قاينارى: http://www.elarna.net/koru.php?tur=16&id=1055106

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


ەندى استانادان ماسكەۋگە 4 مينوت
中国哈萨克语广播网 4 مينوت
ەلوردادا SIM-كارتا ساتا 10 مينوت
اعاجاي التاي تورى 14 مينوت
تيانشان تورى 14 مينوت
بالاباقشادان اعىلشىن ءت 14 مينوت
ماسكەۋدە تمد ۇكىمەت باس 16 مينوت
اتىراۋداعى پەريناتالدى 22 مينوت
وگەي اكەسى جاراقاتتاعان 24 مينوت
وسى ارانى باسىپ كورىڭىز 24 مينوت
نۇرسۇلتان نازارباەۆ توك 28 مينوت
تيانشان تورى 1 ساعات
ەلوردادا SIM-كارتالاردى 1 ساعات
اعاجاي التاي تورى 1 ساعات
ەۆو مورالەس بوليۆياداعى 1 ساعات
تەستىلەۋگە كەلگەن پەداگ 1 ساعات
قازاقستاندا دارىگەرلەر 1 ساعات
中国哈萨克语广播网 1 ساعات
بقو-دا ەرلى-زايىپتى قار 1 ساعات
ۇرپاققا ساپالى ءبىلىم م 1 ساعات
مۇحامەدجان تازابەك مەكت 1 ساعات
ساياساتتانۋشى: ورتالىق 1 ساعات
كورەيادا بالا قاعىپ كەت 1 ساعات
ەلىمىزدەگى قىرعىز، ارمي 1 ساعات
تيانشان تورى 1 ساعات
اعاجاي التاي تورى 1 ساعات
قالىڭدىعىن ءولتىرۋ كۇما 1 ساعات
ليۆاندا ەرەۋىلشىلەر ۇكى 1 ساعات
پرەزيدەنت: جاڭا الىپبيد 1 ساعات
رومان سكليار تاتارستان 1 ساعات