ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-20262590089 %11 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقستان مۇفتيات جاڭالىقتارى

جولدانعان ۋاقىتى: 13:30 - 2019/09/06

قاجىلىق-2019: اتقارىلعان ءىس-شارالار ەسەبى

ى. باسقارۋ-باقىلاۋ جۇمىستارى بويىنشا

2019 جىلدىڭ باسىندا قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي سەرىكباي قاجى وراز قاجىلىق ميسسياسىنىڭ قۇرامىن بەكىتكەن بولاتىن. سەرىكباي قاجى ساتىبالدىۇلىنىڭ بۇيرىعىمەن نايب ءمۇفتي الاۋ شايقىمۇلى قاجىلىق ميسسياسىنىڭ ءتوراعاسى بولىپ بەكىتىلدى. ال قمدب اپپارات باسشىسى عىلىمبەك ماجيەۆ ميسسيانىڭ ءتوراعا ورىنباسارى بولىپ تاعايىندالدى.

ميسسيا جانىنان ۋاعىز-ناسيحات توبى (جەتەكشىسى – التىنبەك ۇتىسحانۇلى)، ءپاتۋا بەرۋ توبى (جەتەكشىسى – قمدب شاريعات جانە ءپاتۋا ءبولىمىنىڭ مامانى مەدەت قۇرساقوۆ)، دارىگەرلەر توبى (جەتەكشىسى – جوعارى ساناتتى دارىگەر، مەديتسينا عىلىمنىڭ كانديداتى ءبىرجان دوسمايلوۆ)، اقپارات توبى (جەتەكشىسى – قمدب «حيكمەت» تەلەراديوستۋدياسىنىڭ ءتىلشىسى ەركىن شاكىرۇلى) قۇرىلدى. ميسسيا قۇرامىنا قر اقپارات جانە قوعامدىق دامۋ مينيسترلىگى تاراپىنان د.نۇرباەۆ ەنگىزىلدى.

ميسسيا مۇشەلەرى ەكى توپقا ءبولىنىپ، قازاقستان قاجىلارى ورنالاسقان مەككە مەن ماديناداعى قوناقۇيلەردى ارالاپ، وتانداستارىمىزدىڭ جاعدايىمەن تانىستى، ولاردىڭ وتىنىش-تىلەكتەرىن تىڭدادى. تەكسەرۋ بارىسىندا قاجىلاردىڭ دەنساۋلىعى، ۋاعىز-ناسيحات، تۇسىندىرمە جۇمىستارىنىڭ جۇرگىزىلۋى، ءقوناقۇيدىڭ اسحاناسى، اس ءمازىرى، ونداعى تازالىق، كولىكتەردىڭ ۋاقىتىلى ءجۇرىپ-تۇرۋى ت.ب. ماسەلەلەرگە باسا نازار اۋدارىلدى. سونىمەن قاتار قمدب مەن قاجىلىق مينيسترلىگىنىڭ قويعان تالاپتارىنىڭ ورىندالۋ بارىسى تەكسەرىلدى. كەزدەسۋ كەزىندە 18 فيرما جەتەكشىلەرى مەن دارىگەرلەرىنە ءتيىستى تاپسىرمالار بەرىلدى.

ىى.ۋاعىز-ناسيحات جۇمىستارى بويىنشا

قازاقستان قاجىلىق ميسسياسى جانىنداعى ۋاعىز-ناسيحات توبىنىڭ ۇيىمداستىرۋىمەن قاجىلار اراسىندا 20 كۇندە 260 تاقىرىپ قوزعالىپ، 19 754 ادام قامتىلعان. بيىل قمدب ءتوراعاسى، باس ءمۇفتي سەرىكباي قاجى وراز قاجىلىققا باراتىن يمامدار مەن قاجىلىق كەزىندە ايتىلۋى ءتيىس ۋاعىزداردىڭ تاقىرىبىن ءوزى بەكىتىپ بەرگەن بولاتىن. وسىلايشا 18 ۋاعىزشى 3200 قاجىنى تولىق قامتي الدى. ودان بولەك ميسسيامەن بىرگە بارعان بىلىكتى ۇستازدار دا جيىلعان جاماعاتقا ۋاعىز ايتتى.

قمدب اپپارات باسشىسى ع.ماجيەۆتىڭ «جۇرگىزىلەتىن ۋاعىزدار ءبىرىزدى بولۋى ءتيىس» دەگەن ۇسىنىسىنا وراي، جۇمىس تا سول تارتىپپەن ءجۇردى. ەلىمىزدىڭ ءار ايماعىنان ىرىكتەلىپ الىنعان يمامدار الدىمەن ەمتيحان تاپسىردى. ىرىكتەۋدەن وتكەندەر عانا بيىل قاسيەتتى مەكەنگە بارىپ قايتتى.

ودان بولەك ناسيحات جانە قوعاممەن بايلانىس ءبولىمىنىڭ مەڭگەرۋشىسى التىنبەك ۇتىسحانۇلىنىڭ جەتەكشىلىگىمەن بيىل العاش رەت «قاجىلىق ۋاعىزدارى» مەن «قاجىلىقتا ايتىلاتىن دۇعالار» اتتى قوسىمشا كومەكشى كىتاپتار دايىندالىپ، بارلىق قاجىلارعا ۇلەستىرىلدى. ۋاعىزشىلاردى باستاپ بارعان التىنبەك ۇتىسحانۇلى كۇن سايىن اتقارىلعان ءىس-شارالاردىڭ ەسەبىن WhatsApp جەلىسى ارقىلى الىپ، اتقارىلعان جۇمىستاردىڭ ەسەبىن ورتاق توپقا جولداپ وتىردى. ۋاعىزشىلاردىڭ قاتارىندا ەلىمىزگە تانىمال ۇستازدار سانسىزباي قۇربانۇلى، ءابدىعاپپار سمانوۆ، ريزابەك باتتالۇلى، قابىلبەك ءالىپبايۇلى، حاسان امانقۇلوۆ، ەرسىن امىرە سىندى بىلىكتى يمامدار بولدى. ودان بولەك تۇڭعىش رەت 20 كۇنگە 20 ۋاعىز توپتاستىرىلىپ، بەينەكامەراعا تاسپالاندى.

ەندى كەي كومپانيالاردا اتقارىلعان جۇمىستارعا قىسقاشا توقتالساق. قاجىلىق فيرمالارى اراسىندا «Atlas Tourism» جشس 11 كۇندە 19 تاقىرىپ قامتىلىپ، 1790 ادام قاتىسقان. «حيكمەت ترەۆەل» 8 كۇن ىشىندە 7 تاقىرىپقا ۋاعىز ايتىلىپ 673 ادام قاتىسقان. «نۇر-قازاقستان» جشس 14 كۇندە 19 تاقىرىپ قامتىلىپ، 2634 ادامعا ۋاعىز ايتىلعان. ال قامتىلعان نەگىزگى تاقىرىپتارعا توقتالساق «قاجىلىق - تەڭدەسسىز قۇلشىلىق»، «مەككە قالاسىنىڭ تاريحى»، «پايعامبارىمىزدىڭ (س.ع.س) مەككە كەزەڭى»، «يحرام حالىندەگى امالدار»، «قاجىلىقتىڭ شارتتارى»، «قابىل بولعان قىجىلىقتىڭ سىيى - جاننات»، «تاۋاف جاساۋدىڭ ماڭىزدىلىعى» سىندى ت.ب. تاقىرىپتار بويىنشا ۋاعىز ايتىلدى. جۇمىس بارىسىندا ءدəستۇرلى ەمەس ءدىني كوزقاراستاعى تۇلعالاردىڭ ۇگىت جاساۋىنا جول بەرمەۋ مəسەلەسى ءجىتى قاداعالاندى.

ىى. ءپاتۋا بەرۋ جۇمىستارى بويىنشا

قازاقستان قاجىلارىنا 200-دەن استام ءپاتۋا بەرىلدى. قاجىلىققا قاتىستى ءدىني تەرەڭ سۇراقتار اۋىزشا، جازباشا قويىلدى. سونىمەن قاتار، WhatsApp جەلىسى ارقىلى دا ءپاتۋا سۇراعاندارعا ۋاقىتىلى جاۋاپ بەرىلدى. سۇراقتاردىڭ دەنى يحرام حəلىنەن شىعۋ، شايتانعا تاس اتۋ، ەتتەككىر جاعدايىندا قاجىلىق وتەۋ، تاۋاپ جاساۋ، مينا مەن مۇزداليفا ايماعىندا تۇنەۋ، نامازدى قىسقارتىپ وقۋ، ت.ب. قاجىلىق رۇكىندەرى مەن پارىزدارىنا قاتىستى قويىلدى. پəتۋا بەرۋ توبىنىڭ جەتەكشىسى مەدەت قۇرساقوۆ اتالعان ساۋالدارعا دەر كەزىندە جاۋاپ بەردى.

IV.ەمدەۋ-ساۋىقتىرۋ شارالارى بويىنشا

وتانداستارىمىز قاسيەتتى مەكەنگە اتتانباس بۇرىن مەنينگيتكە قارسى ەكپە (ۆاكتسيناتسيا) سالدىرعان بولاتىن. ال ەلدەن قاجىلىق ساپارعا بارعان 3200 قاجىنىڭ دەنساۋلىق جاعدايىنا باقىلاۋ جاساۋ، دارىگەرلىك كومەك كورسەتۋ ميسسيا قۇرامىنداعى ءۇش دارىگەر جانە 18 فيرمانىڭ ءوز دارىگەرلەرىنە جۇكتەلدى. قاجىلىق ساپاردىڭ سوڭىنا دەيىن 2170 قاجى دارىگەرلىك كومەككە جۇگىندى. دارىگەرلىك توپ مەككە مەن مەدينا قالالارىندا قاتار قىزمەت كورسەتتى. ەندى ناۋقاستاردىڭ جاعدايىن تاراتىپ ايتساق:

گيپوگليكەميالىق كوما - 1 جاعداي (مينا قالاسىندا ەسىن جوعالتۋ، شەتەلدىك ازامات، كومەك بەرىلدى);

كۇن ءوتۋ (كۇننىڭ سوققىسى) - 4 جاعداي (ينفۋزيوندى تەراپيا جۇرگىزىلدى); جەدەل رەسپيراتورلى ۆيرۋستىق ينفەكتسيالاردىڭ اسقىنۋى (برونحيت پەن وبسترۋكتيۆتى برونحيت) - 5 جاعداي (ينفۋزيالىق جانە انتيبيوتيكالىق تەراپيا جۇرگىزىلدى);

يبس.ستەنوكارديا فك 2. - 1 ادام

ازقازاننىڭ ويىق جاراسىنىڭ ءورشۋى، اسقازان-ىشەكتەن قان كەتۋ - 1 جاعداي كۆينكە ىسىگى - 1 جاعداي (ينفۋزيوندى تەراپيا جۇرگىزىلدى)

گيپەرتونيالىق كريز 4 جاعداي (ينفۋزيوندى تەراپيا جۇرگىزىلدى)

اۋرۋلاردىڭ ىشىندە ەڭ كوپ كەزدەسكەنى جەدەل رەسريراتورلىق ۆيرۋستى ينفەكتسيا 1337 ادام;

550 ادامدا اياقتىڭ ءار ءتۇرلى قاجالۋلارى تىركەلدى;

جۇرەك قانتامىر جۇيەسى اۋرۋلارى 255 ادامدا، كوبىسىندە قان قىسىمىنىڭ جوعارىلاۋى بولدى;

اسقازان ىشەك جولدارى اۋرۋلارىمەن 110 ادام، مۇنىڭ 25-دە بۇرىنعى وزدەرىندەگى سوزىلمالى اۋرۋلارىنىڭ ءورشۋى بايقالدى;

تىرەك قيمىل اپپاراتى اۋرۋلارى 92 ادامدا;

اللەرگيالىق دەرماتيت 26 ادامدا ;

سونىمەن قاتار قانت ديابەتىمەن 4 ادام، برونح دەمىكپەسىمەن 7 ادام باقىلاۋدا بولدى.

بىر ادام جەدەل اپپەندەتسيتپەن اۋرۋحاناعا جەتكىزىلىپ، دەر كەزىندە دارىگەرلىك كومەك الدى. ءبىر ادام جول اپاتىنا ۇشىراپ، شۇعىل تۇردە جەدەل جاردەممەن اۋرۋحاناعا جەتكىزىلىپ، بارلىق زەرتتەۋلەر جاسالىپ، جەڭىل دارەجەدە باس مي جاراقاتى، دەنە جاراقاتى دياگنوزىمەن ەم تاعايىندالدى. ەڭ باستىسى قاجىلارعا ءدارى دارمەكتەر جەتكىلىكتى بولدى. پارىزىن وتەۋشىلەر ەلگە امان-ەسەن ورالدى.

V.اقپارات تاراتۋ جۇمىستارى بويىنشا

قاجىلىق ميسسياسى اقپارات تاراتۋ توبى 50-دەن استام جاڭالىق تاراتتى. «اسىل ارنا» تەلەارناسى، «كتك»، «قازاقستان» ۇلتتىق ارناسى، اتامەكەن بيزنەس ارناسى، 31 ارنا ارقىلى كورەرمەنگە قاجىلىق تۋراسىندا اقپاراتتار بەرىلدى. بىرنەشە مارتە تىكەلەي ەفير قوسىندارى جۇزەگە استى. ودان بولەك ەلىمىزدەگى Tengrinews.kz، Nur.kz، Sputnik.kz، Kazinform، Kazislam، Aiqyn، Inbusiness، Muslim.kz سايتتارىنا اقپاراتتار ۋاقىتىلى شىعىپ تۇردى. سونداي-اق قمدب قاراستى «حيكمەت» تەلەراديوستۋدياسىنا دەر كەزىندە #قاجىلىقكۇندەلىگى دەگەن اتپەن ماتەريالدار جاريالاندى. باستى جاڭالىقتار ءدىني باسقارمانىڭ رەسمي سايتىنا شىقتى.

VI.ۇيىمداستىرۋ-ۇيلەستىرۋ ءىس-شارالارى بويىنشا

مەككە قالاسىندا قاجىلىق ميسسياسىنىڭ ءتوراعاسى الاۋ شايقىمۇلىنىڭ جەتەكشىلىگىمەن ۇلىق ساپاردى ۇيىمداستىرۋ-ۇيلەستىرۋ جۇمىستارىنا قاتىستى ارنايى القالى جيىن ءوتتى.

جينالىسقا قر جيددا قالاسىنداعى كونسۋلدىعىنىڭ باسشىسى تالعات شالدانباي، قمدب اپپارات باسشىسى، ميسسيا ءتوراعا ورىنباسارى عىلىمبەك مəجيەۆ، قوعامدىق دامۋ مينيسترلىگىنىڭ وكىلى دوسىمجان نۇرباەۆ، قاجىلىق كومپانيالارىنىڭ جەتەكشىلەرى، جولباسشى (گيد) ماماندار، يمامدار مەن جۋرناليستەر قاتىستى.

جيىندا دارىگەردىڭ جۇمىسى، جولباسشى (گيد) مامانداردىڭ قىزمەتى، قوناقۇيلەردە سانيتارلىق تالاپتاردىڭ ساقتالۋى، قاجىلارعا تۇسىندىرمە جۇمىستاردىڭ جۇرگىزىلۋى، ءدىني راسىمدەردىڭ دۇرىس ورىندالۋى، ازاماتتاردىڭ دەنساۋلىعى، جول-كولىك قاۋىپسىزدىگى، ت.ب. ماسەلەلەر جان-جاقتى تالقىلاندى.

رەسمي جينالىستى اشقان نايب ءمۇفتي الاۋ ادىلباەۆ فيرما جەتەكشىلەرىنە ءمۇفتيات پەن قاجىلىق مينيسترلىگىنىڭ تالاپتارىن ىجداھاتتىلىقپەن ورىنداۋ قاجەتتىگىن جەتكىزدى.

وز كەزەگىندە ءسوز العان جيددا قالاسىنداعى كونسۋلدىق باسشىسى تالعات راقىمقۇلۇلى قاجىلىق ساپارىنىڭ ۇيىمداستىرۋ جۇمىستارىنا ەلشىلىك تاراپىنان جان-جاقتى قولداۋ كورسەتىلەتىنىن مالىمدەدى.

ال قمدب اپپارات باسشىسى عىلىمبەك جادىگەرۇلى فيرما جەتەكشىلەرى مەن يمامدارعا ءداستۇرلى ەمەس ءدىني كوزقاراستاعى تۇلعالاردىڭ ۋاعىز ايتۋىنا جول بەرمەۋدى تاپسىردى.

قوعامدىق دامۋ مينيسترلىگىنىڭ وكىلى دوسىمجان نۇرباەۆ تا ۋاكىلەتتى ورگان تاراپىنان قولداۋ كورسەتىلىپ جاتقانىن مالىمدەدى.

جيىن سوڭىندا قاجىلىق ميسسيا باسشىلارى فيرما جەتەكشىلەرى مەن يمامدارعا ءتيىستى تاپسىرمالار بەردى.

مەككە قالاسىندا قازاقستان مۇسىلماندارى ءدىني باسقارما اتىنان 200 قاجىعا داستارحان جايىلدى.

ىس-شاراعا نايب ءمۇفتي الاۋ ادىلباەۆ، قاجىلىق ميسسياسىنىڭ مۇشەلەرى، قازاقستاننىڭ جيددا قالاسىنداعى باس كونسۋلى تالعات شالدانباي، وزبەكستان باس ءمۇفتيىنىڭ كەڭەسشىسى، قاجىلىق فيرمالارىنىڭ جەتەكشىلەرى، ۋاعىز-ناسيحاتقا جاۋاپتى يمامدار قاتىستى.

العاشقى ءسوز العان قمدب ءتوراعا ورىنباسارى الاۋ شايقىمۇلى باس ءمۇفتيدىڭ دۇعاي سəلەمىن جەتكىزىپ، ىزگى نيەتى مەن تىلەگىن ءبىلدىردى.

كونسۋلدىق جەتەكشىسى تالعات راقىمقۇلۇلى قاجىلارعا ۇلى ساپاردا سابىرلىق پەن توزىمدىلىك تىلەدى.

قمدب شاريعات جəنە پəتۋا ءبولىمىنىڭ مەڭگەرۋشىسى سانسىزباي قاجى قۇربانۇلىنىڭ əسەرلى ۋاعىزى قاجىلاردىڭ جۇرەگىن تەبىرەنتتى.

شارا سوڭىندا اقساقالدار باتا بەرىپ، العىسى مەن جىلى لەبىزىن جەتكىزدى.

مەككە شاھارىنىڭ ىرگەسىندەگى اراپات ايماعىندا ورتالىق ازيانىڭ ءدىن عۇلامالارى مۇسىلمان ۇمبەتىنىڭ يگىلىگى مەن بىرلىگى ءۇشىن دۇعا جاسادى. قمدب تاراپىنان ۇيىمداستىرىلعان ء«بىر مەزەتتە – ءبىر نيەت» شاراسىنا 300-دەن اسا قاجى قاتىستى.

قازاقستان دەلەگاتسياسىن باستاپ بارعان نايب ءمۇفتي، قاجىلىق ميسسياسىنىڭ ءتوراعاسى الاۋ ادىلباەۆ باس ءمۇفتي سەرىكباي قاجى ورازدىڭ ىستىق سəلەمىن جەتكىزدى.

ارافاتتا تۇرىپ نايب ءمۇفتي، قاجىلىق ميسسياسىنىڭ ءتوراعاسى الاۋ شايقىمۇلى، بەلگىلى ۇستاز ءابدىعاپپار سمانوۆ، قمدب شاريعات جانە ءپاتۋا ءبولىمىنىڭ مەڭگەرۋشىسى سانسىزباي شوقانوۆ، قابىلبەك ءالىپبايۇلى باستاعان ءدىن قىزمەتكەرلەرى ەلىمىزدىڭ يگىلىگى، حالقىمىزدىڭ اماندىعى مەن تىنىشتىعى ءۇشىن، سونىمەن قاتار ۇل-قىزدارىمىزدىڭ يماندى، يبالى، يناباتتى بولۋىن سۇراپ، دۇعا جاسادى.

قاجىلىق راسىمدەرىنەن كەيىن پارىزىن وتەۋشىلەر ءمادينا قالاسىندا بولىپ، پايعامبار مەشىتى مەن قاسيەتتى ورىنداردى زيارات ەتتى.

وسىلايشا مەككە مەن ءماديناعا اتتانعان 3200 وتانداسىمىز ەلگە ءدىن امان ورالدى. 24-تامىز كۇنى قاجىلاردىڭ سوڭعى لەگى شىمكەنت اۋەجايىنا قوندى.


كەلۋ قاينارى: http://www.elarna.net/koru.php?tur=16&id=1043982

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


قازاقستان ەلشىسى تۇرىكم 1 مينوت
اعاجاي التاي تورى 13 مينوت
中国哈萨克语广播网 13 مينوت
ەلەكتروندى تەمەكى جايىن 13 مينوت
دوس تاڭداي بىلەىمىز بە؟ 13 مينوت
ەلوردادا تاعى ەكى ءوڭىر 16 مينوت
كۇرەس تۇرلەرىنەن الەم چ 28 مينوت
اسقار مىرزاحمەتوۆ جامبى 1 ساعات
中国哈萨克语广播网 1 ساعات
پرەزيدەنت بۇقتىرما سۋ ق 1 ساعات
وسى ارانى باسىپ كورىڭىز 1 ساعات
قاسىم-جومارت توقاەۆتىڭ 1 ساعات
ارمەنيانىڭ ەحەگنادزور ق 1 ساعات
20 قىركۇيەك. تۋعان كۇن 1 ساعات
باۋىرجان بايبەك "ا 1 ساعات
وسى ارانى باسىپ كورىڭىز 1 ساعات
中国哈萨克语广播网 1 ساعات
شاعباننىڭ شاراپاتى R 1 ساعات
پاۆلودارعا بەلارۋستان ج 1 ساعات
وسى ارانى باسىپ كورىڭىز 1 ساعات
بۋراباي مەن زەرەندىدە س 2 ساعات
中国哈萨克语广播网 2 ساعات
سولتۇستiك قازاقستانعا ق 2 ساعات
نايب ءمۇفتي: ورازادا اۆ 2 ساعات
20 قىركۇيەك. قازاقپارات 2 ساعات
中国哈萨克语广播网 2 ساعات
كۇن رايىن بولجاۋ دۇرىس 3 ساعات
中国哈萨克语广播网 3 ساعات
وسى ارانى باسىپ كورىڭىز 3 ساعات
سينوپتيكتەر قىركۇيەكتىڭ 3 ساعات