ءتۇرى: قازاقستان مۇفتيات جاڭالىقتارى
جولدانعان ۋاقىتى: 15:30 - 2019/08/12
بۇگىن مەككەدە ارنايى ىسساپارمەن جۇرگەن قازاقستان قاجىلىق ميسسيا وكىلدەرى ەلدەن كەلگەن قاجىلاردى قۇربان ايتپەن قۇتتىقتادى.
تاڭ نامازىنان سوڭ مينا جازىعىندا ورنالاسقان وتانداستارىمىزدىڭ جاعدايى دا باقىلاۋعا الىندى. شاتىرلارداعى استىڭ بەرىلۋى، اۋىز سۋمەن قامتاماسىز ەتىلۋى جانە جەرگىلىكتى ينتەرنەت قىزمەتىنە قوسىلۋىنا دەيىن ءجىتى تەكسەرىلدى. الدىمەن ءسوز العان ميسسيا ءتوراعاسىنىڭ ورىنباسارى، قمدب اپپارات باسشىسى عىلىمبەك جادىگەرۇلى قمدب ءتوراعاسى، باس ءمۇفتي سەرىكباي قاجى ورازدىڭ ىستىق سالەمىن جەتكىزدى. وسىلايشا بارشا مۇسىلمان ءۇشىن ۇلىق مەرەكە سانالاتىن قۇربان ايتتى تويلاۋ باستالىپ كەتتى.
شارا بارىسىندا بىلىكتى ۇستازدار جيىلعان جاماعاتقا ۋاعىز ايتىپ، رۋحاني ازىق سىيلادى. بىرنەشە شاتىردا ورنالاسقان وتانداستارىمىزدىڭ ءحالىن ءبىلۋ ءۇشىن قۇرىلعان جۇمىس توبى تەكسەرۋدى جالعاستىرا بەرمەك.
