ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-08-16532315249 %51 %
2019-08-17559439538 %62 %
2019-08-18496261342 %58 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقستان مۇفتيات جاڭالىقتارى

جولدانعان ۋاقىتى: 18:45 - 2019/08/08

قۇرباندىق شالۋ – بەرەكەتكە سەبەپ

اللا تاعالا بىلاي دەيدى:

«ارى بارشا ادامداردى قاجىلىققا شاقىر، ولار جاياۋ نەمەسە الىس جەردەن ارىپ-اشىپ، تۇيەمەن ساعان كەلسىن. كەلگەسىن ولار مۇنىڭ وزدەرىنە تيگىزگەن پايدالارىن كورسىن. اللادان وزدەرىنە ريزىق رەتىندە بەرىلگەن قۇرباندىق مالداردى بەلگىلى كۇندەردە اللانىڭ اتىمەن قۇرباندىق شالسىن. ونىڭ ەتىنەن وزدەرىڭ دە جەڭدەر، جوق-جىتىككە دە جەگىزىڭدەر!»«حاج» سۇرەسى، 27-28-اياتتار.

بۇل اياتتاردا قۇرباندىققا شالىناتىن مالدىڭ اللادان بەرىلگەن نەسىبە ەكەندىگى ايتىلۋدا.

ايت كۇندەرى قۇربان شالۋ – قۇلشىلىق. ال مۇنىڭ ەڭ ماڭىزدىسى قۇرباندىقتى – اللاعا ارناپ شالۋ. نيەتتىڭ ادالدىعى جاي عانا ءىستىڭ ءوزىن عيباداتقا اينالدىرادى. قۇرباندىققا شالىنعان مال – جاراتۋشىنىڭ بەرگەن رىزىعى بولعاندىقتان ونىڭ ەتىن سول وتباسىمەن بىرگە قوسا كەدەي-كەپشىكتەر دە جەيدى. كۇندەلىكتى ومىردە تۇرمىسى تومەن جانداردىڭ دا از ەمەستىگىن ەسكەرگەن ءجون. ونداي جانداردىڭ جاي-كۇيىن كۇندەلىكتى بۇقارالىق اقپارات كوزدەرىنەن دە بايقاۋعا بولادى. ءبىر كۇندىك ومىرىنە تالشىق ەتەرلىك اس تاپپاي جۇرگەن جاندار دا جوق ەمەس. سوندىقتان مۇسىلمان عالىمدارىنىڭ ايتۋىنشا، شالىنعان قۇرباننىڭ ەتىنەن جەۋ – مۇستاحاپ، ال مۇقتاج جاندارعا ۇلەستىرۋ – ءۋاجىپ.

ابۋ حانيفانىڭ ايتۋىنشا، جەۋگە دە، تاراتۋعا دا بولادى، الايدا ول ءۋاجىپ ەمەس. بۇيرىق ءتۇرى ۇنەمى ۋاجىپتىكتى تالاپ ەتپەيدى. «پاقىردى تويدىرىڭدار» دەگەن بۇيرىق بايلارعا بەرىلمەسىن دەگەن ماعىنانى بىلدىرمەيدى. ويتكەنى ساحابالار قۇرباننىڭ ەتىن باي، كەدەي كورشى-قولاڭ مەن تۋىستارىنا دا بەرەتىن. وسى تۇرعىدان العاندا، قۇرباندىق شالاتىن ايت كۇندەرى شالىنعان سان مىڭداعان قۇرباننىڭ ەتتەرى باي-كەدەي، جەتىم-جەسىر، كەدەي-كەپشىك، جاس-كارى، ايەل-ەركەگىمەن بۇكىل ادامزاتقا سىي رەتىندە قابىلدانىپ، وسى ۇلكەن جاقسىلىقتى ءناسىپ ەتكەن راززاق (شىنايى رىزىق بەرۋشى) جاراتۋشىنىڭ رازىلىعى ءۇشىن سانسىز شۇكىرلىك ەتىپ، بۇل مەرەكەنىڭ كەڭ كولەمدە اتالىپ وتىلگەنى ابزال.

قۇرباندىق شالۋدىڭ نەگىزگى ءمانى مەن ماڭىزى

* قۇربان شالۋ – مۇسىلماندىقتىڭ ءرامىزى.

* قۇربان شالۋ – ۇلى عيبادات.

* جۇرەكتى دۇنيەقۇمارلىقتان، ساراڭدىقتان الاستاتادى.

* قۇربان شالۋدىڭ قوعامدىق پايدالارى دا مول.

* قۇربان شالۋ – قۇل ەكەندىگىمىزدىڭ، دىنگە بەكەمدىكتىڭ بەلگىسى.

* قۇربان شالۋ – اللانى ەسكە الۋ ءارى شۇكىر ەتۋ.

* قۇربان شالۋ – اللانىڭ جومارتتىعىنا قۇلداردىڭ دا قايتارىم جاساۋى.

* قۇربان شالۋ – اللاعا دەگەن سۇيىسپەنشىلىكتىڭ بەلگىسى.

* قۇربان شالۋ شاڭىراقتى بەرەكەگە بولەيدى.

* قۇربان شالۋ بالە-جالالاردى الاستاتادى.

* قۇربان شالۋ اللانى ۇلىقتاۋدى ءارى مۇسىلمانداردىڭ بىر-بىرىنە دەگەن جاناشىرلىعىن بىلدىرەدى.

* قۇربان شالعان ادام ءوزىنىڭ ءدىني مىندەتىن ورىنداعان بولىپ تابىلادى.

* قۇربان شالۋ ءمۇمىندى اقيرەتتە مول ساۋاپقا كەنەلتەدى.

* قۇربان شالۋ – كۇنالاردىڭ كەشىرىمىنە سەبەپ.

* قۇربان شالۋ – بارشاعا، اسىرەسە كەدەيلەرگە جاسالعان جاناشىرلىق.

* قۇربان شالۋ باي مەن كەدەيدىڭ اراسىن جاقىنداستىرادى.

* قۇربان شالۋ – قوعامداعى تاتۋلىق پەن ىنتىماقتىڭ ۇيىتقىسى.

* قۇربان شالۋ – مۇسىلمانداردىڭ بىر-بىرىنە قول ۇشىن سوزىپ تۇرۋىنىڭ، باۋىرماشىلدىعىنىڭ بەلگىسى.

* قۇربان شالۋ - قوعامدى يگىلىككە، ىزگىلىككە باستايدى.

* قۇربان شالۋ - كەدەيلەردىڭ قاباعىن اشادى، تاعدىرعا وكپە ارتقىزبايدى.

*قۇربان شالۋ - كورشى اقىسىن ەسكە سالىپ، تاتۋلىققا باستايدى.

* قۇربان شالۋ - مال شارۋاشىلىعىنا كوڭىل بولدىرەدى.

قۇرباندىق شالۋدىڭ ماڭىزى

بۇرىنعى كەزگە قاراعاندا ءبىز بۇگىنگى كۇنى ءدىني قۇندىلىقتارىمىزدى ناسيحاتتاۋعا، قۇرباندىق شالۋ ءداستۇرىمىزدى جانداندىرۋعا، قوعامدا قايىرىمدىلىق شارالارىنىڭ كوپتەپ ۇيىمداستىرىلۋىنا اناعۇرلىم كوبىرەك مۇقتاجبىز. ونىڭ تومەندەگىدەي وزىندىك سەبەپتەرى دە جوق ەمەس:

جەكە ادام تۇرعىسىنان عانا ەمەس، وتباسىلىق، الەۋمەتتىك، ەكونوميكالىق، ءتىپتى بۇل دۇنيە مەن و دۇنيەنىڭ يگىلىگىنە بولەنۋ تۇرعىسىنان قۇرباندىق شالۋ

يسلام دىنىندەگى مىندەت ەكەنىن مۇسىلمانداردىڭ سانا-سەزىمىنە مىقتاپ ورنىقتىرۋ;

اللا تاعالاعا ەڭ ۇنامدى عيبادات بولعاندىقتان ءۋاجىپ رەتىندە ءبىر عانا قۇرباندىقپەن شەكتەلمەي، ءناپىل قۇرباندىقتاردى قوسا شالىپ، وسى ىزگى ءىستىڭ ءورىسىن كەڭەيتۋ ارقىلى ساۋابىن ارتتىرا ءتۇسۋ;

ەلىمىزدىڭ ەرتەڭى ءۇشىن يماندى دا سالاۋاتتى ۇرپاقتىڭ ءوسىپ جەتىلۋى جولىندا ساپالى شاكىرت تاربيەلەيتىن ءىلىم وردالارىنا، ءدىني ساۋات اشۋ ماقساتىندا قىزمەت اتقاراتىن ءبىلىم وشاقتارىنا قولداۋ بىلدىرۋگە شاقىرۋ;

قۇرباندىق شالۋدىڭ مۇسىلماندىق مىندەت ەكەنىنەن بەيحابار جاندارعا ۇقتىرۋ;

مۇمكىندىگى جوق كىسىلەردىڭ اتىنان دا پايعامبارىمىز (س.ع.س.) سەكىلدى قۇرباندىق شالىپ سۇننەتتى ورىنداۋ;

قۇرباندىققا شالىنعان مالداردىڭ ەتتەرىن تاراتۋ ارقىلى بۇكىل ادامزاتتىڭ جۇرەگىندە اسىل ءدىنىمىز يسلامعا دەگەن جىلىلىق سەزىمىن وياتۋ;

اللا تاعالاعا كەرەگى قۇرباندىقتىڭ ەتى نە قانى ەمەس، قۇلىنىڭ نيەتى ەكەنىن جاقسى ءبىلۋ.

جوق-جىتىكتىڭ اتىنان قۇربان شالۋ – سۇننەت.

ساحابالاردىڭ ايتۋىنشا پايعامبارىمىز (س.ع.س.) جاعدايى جوق ادامداردىڭ اتىنان دا قۇرباندىق شالعان.

بۇل جايلى جابير بىلاي دەيدى:

«حازىرەت پايعامبارمەن (س.ع.س.) بىرگە مەشىتتە ەدىم. قۇتپاسىن ءبىتىرىپ مىنبەردەن ءتۇستى. سودان سوڭ قۇرباندىق قوشقاردى ءوز قولىمەن باۋىزدادى. باۋىزداپ جاتقاندا: «بيسميللاھي، اللاھۋ اكبار! بۇل مەنىڭ اتىمنان جانە ۇممەتىمنەن قۇربان شالۋعا شاماسى جەتپەگەندەردىڭ اتىنان»، - دەدى».

جابير ارقىلى جەتكەن تاعى ءبىر حاديستە ءوزىنىڭ جانە ۇممەتىنەن جاعدايى كەلمەيتىن جانداردىڭ اتىنان پايعامبارىمىزدىڭ (س.ع.س.) ەكى قۇرباندىق شالعاندىعى دا ايتىلادى. سوندىقتان دا جاعدايى بار مۇمىندەر ارداقتى پايعامبارىمىزدىڭ (س.ع.س.) ۇمىت بولىپ بارا جاتقان وسى ءبىر سۇننەتىنە قايتا جان بىتىرۋگە تىرىسقانى ءجون.

نيەتتىڭ دە ساۋابى مول

مۇمىن امالىمەن جەتە المايتىن ساۋاپقا نيەتى ارقىلى جەتەدى. «اركىمنىڭ ءىسى نيەتىنە قاراي باعالانادى. مۇمىنگە نيەتتەنگەن نارسەسىنىڭ ساۋابى بەرىلەدى» جانە ء«مۇمىننىڭ نيەتى امالىنان قايىرلى» دەگەن سەكىلدى حاديستەر قاي ىستە دە مۇسىلمان بالاسىن نيەتىن تازا ۇستاۋعا شاقىرادى. سول سەبەپتى قۇرباندىق شالۋعا شاماسى جوق مۇسىلماندار:

«راببىم، مۇمكىندىك ءناسىپ ەتكەنىڭدە مەن دە قۇرباندىق شالار ەدىم»، - دەگەن نيەتتە بولسا، مەيىرىمدى راببىمىز وعان دا قۇرباندىق شالعان جاننىڭ ساۋابىنداي ساۋاپ جازادى.

ايت كۇنگى تازالىق

قۇربان شالۋعا جاعدايى جوق كىسىلەرگە جاسالعان تاعى ءبىر جەڭىلدىك، ول – ايت كۇنى جۋىنىپ-شايىنىپ، تازالانۋ. سەبەبى بۇل تازالىق ولارعا قۇرباندىق شالعانداي ساۋاپ اكەلەدى. ابدۋللاھ يبن امر يبنۋل-استىڭ ايتۋىنشا، بىردە پايعامبارىمىز:

«قۇربان (ايت) كۇنىن مەرەكە رەتىندە اتاپ وتۋگە ماعان بۇيرىق كەلدى. بۇل كۇندى اللا تۇتاس ۇممەت ءۇشىن مەرەكە ەتتى»، - دەدى. وسى كەزدە ءبىر كىسى: - ۋا، اللانىڭ ەلشىسى! مەندە ەلدىڭ امانات رەتىندە تابىستاعان مالىنان باسقا مال جوق، سول مالدان باۋىزداۋىما بولا ما?»، - دەپ سۇرادى. ونىڭ قۇربان شالۋعا جاعدايى جوقتىعىن ۇققان اللا ەلشىسى:

«جوق، شاش-تىرناعىڭدى قىسقارتىپ، مۇرتىڭدى الىپ، ۇياتتى جەردىڭ تۇگىن قىرىنعانىڭ دا جەتكىلىكتى. بۇل اللانىڭ قۇزىرىندا سەن ءۇشىن قۇرباندىق شالعانمەن تەڭ»، - دەدى.

ايەل كىسى قۇرباندىق شالا الا ما?

قۇرباندىق شالۋ – مۇمكىندىگى بار بارلىق مۇسىلمانعا ءۋاجىپ. يسلام دىنىندە ايەل ەكونوميكالىق تۇرعىدان دەربەس، وزىندىك جاۋاپكەرشىلىك يەسى سانالادى. سول سەبەپتى ەگەر ايەلدىڭ مەنشىكتىك قۇقى، وزىنە عانا تيەسىلى بايلىعى نيساپ مولشەرىنەن اسسا، ايەلدىڭ جەكە ءوزى قۇرباندىق شالۋى – ءۋاجىپ.

قۇرباندىق شالۋدىڭ ۋاقىتى

قۇلشىلىق اللا تاعالا تالاپ ەتكەن، بەلگىلەنگەن مەزگىلدە جانە ورىندا جاسالۋى شارت. سوندىقتان قۇرباننىڭ دۇرىس اتقارىلۋى ءۇشىن ءدىني تۇرعىدان ونىڭ بەلگىلەنگەن ۋاقىتتا باۋىزدالعانى ءجون.

قۇربان ايتتىڭ ءبىرىنشى كۇنى ايت نامازىنان كەيىن باستالىپ، ايتتىڭ ءۇشىنشى كۇنى اقشامعا از ۋاقىت قالعانعا دەيىن جالعاسادى. جارىقتاندىرۋ جۇيەسى ناشار ورىنداردا ءتۇرلى قاتەلىكتەرگە جول بەرمەۋ ءۇشىن تۇندە قۇرباندىق شالۋ ماكرۇھ سانالادى. ال جارىقتاندىرۋ مۇمكىندىگى جەتكىلىكتى ورىنداردا تۇندە دە قۇرباندىق شالىنا بەرەدى. قۇربان ايتقا ارناپ الىنعان مال قۇربان ايتتا باۋىزدالماسا، ونى ساداقا رەتىندە اتاۋ قاجەت.

ۇزىر سەبەپتەرگە بايلانىستى قۇربان ايت نامازىنا بارا الماي قالعان ادامنىڭ، ايت نامازى وقىپ بولعانداي ۋاقىت وتكەن سوڭ قۇربانىن شالا بەرۋىنە بولادى. پايعامبارىمىزدان (س.ع.س.) قۇربان شالۋدىڭ ۋاقىتىنا بايلانىستى بىرنەشە حاديس جەتكەن.

بىرىگىپ قۇربان شالۋعا بولا ما?

قوي نەمەسە ەشكى ىسپەتتى ۇساق مالدى قۇرباندىق رەتىندە تەك ءبىر ادام عانا شالادى. ال تۇيە نەمەسە سيىر سەكىلدى ءىرى-قارا مالداردى ءبىر كىسىدەن جەتى ادامعا دەيىن بىرىگىپ نەمەسە ءبىر ادام جەكە ءوز اتىنان دا شالا الادى. قۇربان شالۋعا بىرىككەن كىسىلەردىڭ بارلىعىنىڭ نيەتى قۇرباندىق قۇلشىلىعىن وتەۋ ماقساتىندا بولۋى كەرەك. ەگەر وسى ادامداردىڭ ىشىنەن بىرەۋى قۇباندىققا تەك ەت الۋ نيەتىمەن قوسىلسا، بارلىعىنىڭ دا قۇرباندىعى قۇرباندىق سانالمايدى.

قۇربان شالۋداعى وكىلدىك

قۇرباندىق مالىن مۇمكىنشىلىگى بولسا، موينىنا ءۋاجىپ بولعان ادامنىڭ ءوزى شالعانى ابزال جانە ساۋابى دا مول. ءبىراق باسقا بىرەۋگە وكىلدىك بەرۋىنە دە بولادى. قۇرباندى باۋىزدايتىن ادامنىڭ مۇسىلمان بولعانى ابزال. ياھۋدي نەمەسە حريستياندارعا دا باۋىزداتۋعا بولادى. ويتكەنى قۇراندا كىتاپ يەلەرىنىڭ اللا تاعالا ءۇشىن باۋىزداعاندارىنان جەۋگە بولاتىندىعى باياندالعان.

«كىتاپ بەرىلگەندەردىڭ باۋىزداعاندارى جانە باسقا دا تاعامدارى سىزدەرگە حالال ەتىلدى. سەندەردىڭ تاعامدارىڭ ولارعا دا حالال ەتىلدى».

«مايدا» سۇرەسى، 5-ايات.

قۇربان شالۋى ءۋاجىپ كىسى باسقا ءبىر ادامدى تەلەفون ارقىلى نەمەسە قولحات سياقتى جولدارمەن ءوزىنىڭ ورنىنا وكىل رەتىندە قۇربان شالۋى ءۇشىن تاعايىنداي الادى. وكىلگە «مەنىڭ ورنىما قۇربان الىپ، شال» دەپ ايتىلعان ۋاقىتتا، وكىل سول ادامنىڭ اتىنان قۇربان الىپ شالادى. حازىرەت ءاليدىڭ پايعامبارىمىزدىڭ (س.ع.س.) ورنىنا وكىل رەتىندە قۇربان شالعانى جونىندە ريۋايات بار.

دۇنيەدەن وزعانداردىڭ اتىنان قۇرباندىق شالىنا ما?

كەز كەلگەن ادامنىڭ دۇنيەدەن وزعان تۋىسىنا نەمەسە ءقادىر تۇتقان كىسىلەرىنە ساۋابىن باعىشتاۋ نيەتىمەن قۇرباندىق مال شالۋىنا بولادى. ءبىراق موينىنا قۇرباندىق شالۋ ءۋاجىپ بولعان كىسى ەڭ اۋەلى ءوز اتىنان قۇرباندىق شالۋى ءتيىس. بۇل جەردە مىنا ماسەلەگە دە باستى ءمان بەرۋ كەرەك: ەگەر قايتىس بولعان كىسى ءوز اتىنان ارنايى قۇربان شالۋدى وسيەت ەتىپ ايتىپ كەتكەن بولسا، بۇل قۇرباندىق وسى ايت كۇندەرى شالىنۋى ءتيىس. قۇرباندىق شالعان ادام ونىڭ ەتىن جەي المايدى. ونىڭ ەتىن تولىعىمەن تاراتۋى كەرەك. ەگەر قايتىس بولعان كىسى ارنايى وسيەت ەتپەي، ءبىراق سويتە تۇرا ونىڭ ارتىنان قالعان دۇنيە-مۇلىكتەن الىنىپ قۇربان شالىنسا دا ونىڭ ۇكىمى الگىندەي بولادى. ال مارقۇم وسيەت ەتپەگەن، ءبىراق ءسىز ىزگى نيەتپەن ءوز قاراجاتىڭىزعا مال ساتىپ الىپ ونى قۇربان ايت كۇنى، نەمەسە باسقا كەز كەلگەن ۋاقىتتا شالۋعا بولادى. مۇنداي قۇرباندىقتىڭ ەتىن جوق-جىتىككە تاراتۋعا دا، ءوز وتباسىڭىزعا دا قالدىرۋعا بولادى.

قۇربان ايت نامازى

جۇما نامازى پارىز بولعان جاندارعا وسى ەكى ايت نامازدارى دا – ءۋاجىپ.

قۇربان نامازىن كەشىكتىرمەي، ال رامازان ايت نامازىن ازداپ كەشىكتىرۋ – سۇننەت. رامازان ايتتا ايت نامازىنان بۇرىن قۇرما سەكىلدى ءبىر نارسە جەۋ، ال قۇربان ايتتا ايت نامازى وقىلماي تۇرىپ ەشتەڭە جەمەۋ – مۇستاحاپ.


«يمان» جۋرنالى


كەلۋ قاينارى: http://www.elarna.net/koru.php?tur=16&id=1032193

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


پرەزيدەنت ارمي-2019 ويى 5 مينوت
اقتاۋدىڭ ورتالىعىنداعى 10 مينوت
قپل: ەكى ويىندا سەگىز گ 1 ساعات
ەلوردالىقتار سپورت كۇنى 1 ساعات
قاسىم-جومارت توقاەۆتىڭ  2 ساعات
قىرقىنان شىعارۋ قايدان 2 ساعات
قازاقستان قۇراماسى V حا 2 ساعات
افريكاداعى ارىستانداردى 2 ساعات
"OK" - ازىلدەن شىققان ء 2 ساعات
پاراشيۋت اشىلماي قالدى. 2 ساعات
"مۇنىمەن ءبىز توقتاپ قا 3 ساعات
توقاەۆ قازاقستاننىڭ قار 3 ساعات
عاسىردان استام ۋاقىت سا 3 ساعات
ەلىمىزدىڭ قالا شوعىرى ق 3 ساعات
قاسىم-جومارت توقاەۆ ارم 3 ساعات
قاسىم-جومارت توقاەۆ ارم 3 ساعات
قازاقستاندا 19 تامىزدا 3 ساعات
ينديا مەن پاكيستاننىڭ ش 3 ساعات
شەكاراشىلار كۇنىنە ارنا 3 ساعات
وسى ارانى باسىپ كورىڭىز 4 ساعات
قر پرەزيدەنتى قازاقستان 4 ساعات
يران مۇناي كەمەسى ەندى 4 ساعات
«ليۆەرپۋل» ءوزىنىڭ 5 جى 4 ساعات
وسى ارانى باسىپ كورىڭىز 4 ساعات
اقتوتى رايىمقۇلوۆا قازا 4 ساعات
وسى ارانى باسىپ كورىڭىز 4 ساعات
يراق قورعانىس مينيسترلى 4 ساعات
قىزىلوردادا عاسىردان اس 4 ساعات
دوسجان حازىرەت جايلى نە 5 ساعات
وسكەمەندە ترياتلوننان ق 5 ساعات