ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-12-0471511308356 %44 %
2019-12-0566971342055 %45 %
2019-12-061268406757 %43 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقستان مۇفتيات جاڭالىقتارى

جولدانعان ۋاقىتى: 12:30 - 2019/08/08

قاجىلىعىڭىزدى وتەڭىز

«قاجىلىق» سوزدىكتە قاسيەتتى ورىنداردى زيارات ەتۋ دەگەن ماعىنانى بەرەدى. ال ءدىني تەرمينولوگيادا «ارافات تاۋىندا عيبادات نيەتىمەن ءبىر ۋاقىت تۇرۋ، ودان سوڭ شارتتارىنا ساي تاۋاپ ەتۋ ارقىلى قاعباعا زيارات جاساۋ، تاعى دا باسقا امالدارىن ورىنداۋ» دەگەندى بىلدىرەدى. جانە ءبىر تۇسىندىرمەدە قاجىلىق دەپ «قاسيەتتى قاعبانى بەلگىلى كۇندەردە، بەلگىلى شارتتارمەن زيارات ەتۋ» (تاحماز، في ساۋبيل-جاديد، 447) اتالعان.

ناماز، ورازا، زەكەت سەكىلدى قاجىلىق تا – يسلامنىڭ بەس پارىزىنىڭ ءبىرى. ول ھيجرەتتىڭ توعىزىنشى جىلى پارىز بولعان. قاجىلىققا بارا الاتىنداي بايلىعى مەن دەنساۋلىعى بار ءاربىر مۇسىلمانعا ومىرىندە ءبىر رەت قاجىلىققا بارۋ پارىز. قاجىلىقتى وتەگەن كىسى «قاجى» اتانادى. پارىز قاجىلىق «حاج اكبار» (ۇلكەن قاجىلىق)، ال ۇمرا «حاج اسعار» (كىشى قاجىلىق) دەپ تە اتالادى. شاماسى جەتكەن ءاربىر مۇسىلمان ءۇشىن ومىرىندە ءبىر رەت قاجىلىق عيباداتىن جاساۋى – پارىز، ال ۇمرا عيباداتىن جاساۋى – سۇننەت.

قاجىلىق پەن ۇمراعا بارۋعا نيەتتى كىسىلەردىڭ مىنالارعا ءمان بەرگەنى ابزال:

1. قارىزدارىنىڭ تولەنۋى;

2. رەنجىسكەن كىسىلەرىمەن ماقۇلداسىپ، تاتۋلاسۋى;

3. كۇنالارىنا تاۋبە ەتۋى;

4. دوس-جاران، اعايىن-تۋىستارىمەن قوشتاسىپ، ولاردىڭ باتالارىن الۋى;

5. وزىندە بىرەۋدىڭ امانات ەتىپ تاپسىرعان نارسەسى بولسا، ونى يەسىنە تاپسىرۋى;

6. كەدەي-كەپشىككە ساداقا ۇلەستىرۋى;

7. ءبىلىمدى جانە تاجىريبەلى كىسىلەردەن قاجىلىق پەن ۇمرا جونىندە ماعلۇماتتار الۋى;

8. قاجىلىققا دايىندىق رەتىندە جەكە باسىن تازالاۋ (تىرناق الۋ، عۇسىل دارەت قۇيىنۋ، قىرىنۋ، ساقال-مۇرتىن تۇزەتىپ، قاجەت بولعان جاعدايدا قولتىعىن قىلدان تازارتۋ، جەڭىل، جۇپار ءيىس سەبىنۋ ت.ب.);

9. ۇيدەن شىعاردا ەكى راكات ناماز وقىپ، ء«بيسميللاھ» دەپ جولعا شىعۋ;

10. قاجىلىقتان ورالعان سوڭ دا ۇيدە ەكى راكات شۇكىر نامازىن وقۋى ابزال.

قاجىلىق عيباداتىنىڭ دۇرىس ورىندالۋ شارتتارى

1. مۇسىلمان بولۋ.

2. ارنايى جەرلەر: ارافات جانە قاعبا.

3. ارنايى ۋاقىت. زيارات تاۋابىنىڭ ۋاقىتى – قۇربان ايت تاڭىنان باستاپ، ءومىرىنىڭ سوڭىنا دەيىن. ءبىراق زيارات تاۋابىن قۇربان ايتتىڭ العاشقى ءۇش كۇنىندە ورىنداۋ ءۋاجىپ، كىمدە-كىم بۇل ۋاقىتتان كەشىكتىرسە، قاجىلىعىنىڭ دۇرىستىعى ءۇشىن قۇربان شالۋعا مىندەتتى.ال ارافات تاۋىندا تۇرۋدىڭ ۋاقىتى – ارافا كۇنى ءتۇس اۋعاننان كەيىن قۇربان ايت كۇنى تاڭ نامازىنىڭ ۋاقىتى كىرگەنگە دەيىنگى ۋاقىت.

4. يحرام. قاجىلىق نەمەسە ۇمرا ياكي ەكەۋىن بىرگە جاساۋ نيەتىمەن، باسقا ۋاقىتتا حالال بولعان كەيبىر ىستەردى قاجىلىق نەمەسە ۇمرا ۋاقىتىندا كىسىنىڭ وزىنە حارام ەتۋى.

قاجىلىق ءۇشىن يحرامعا كىرىپ يحرام نامازى وقىلادى جانە يحرامعا نيەت ەتىلەدى.

يحرام نامازى: كادۋىلگى ەكى راكاتتىق ناماز ىسپەتتى يحرام نامازى وقىلادى. العاشقى راكاتتا «فاتيحا» مەن «كافيرۋن»، ال ەكىنشى راكاتتا «فاتيحا» مەن «ىقىلاس» سۇرەلەرى وقىلادى. ەگەر ول سۇرەلەردى بىلمەسە، وندا بىلەتىن باسقا سۇرەسىن وقيدى.

قاجىلىققا نيەت:

اللاھۋمما ينني ۋريدۋل ءحاججا ءفاياسسيرھۋ لي ءۋا ءتاقاببالھۋ مينني.

ماعىناسى:

اللا تاعالام! قاجىلىق جاساۋعا نيەتتەندىم. ونى ماعان جەڭىلدەتىپ ءارى قابىل الا گور!

قاجىلىق عيباداتىنىڭ جاسالاتىن كۇندەرى

قاجىلىق ءىس-شارالارى زۋلحيججانىڭ 8-13 كۇندەرى ارالىعىندا، ياعني وسى التى كۇن ىشىندە ورىندالادى.

بىرىنشى كۇن

بارلىق قاجىلار ءتارۋيا كۇنى تاڭ نامازىن مەككەدە وقيدى. بۇل كۇنى ءتاماتتۋع قاجىلىعىن جاساۋشى قاجىلىققا قايتادان يحرام كيەدى. يحرام كيمەي تۇرىپ ۇمراعا يحرام كيگەن كەزدەگى امالداردى ورىندايدى، عۇسىل الادى، ءيىسسۋ سەبىنەدى. «اللاھۋمما لاببايكا حاججان» دەپ نيەت ەتىپ يحرام حالىنە كىرەدى. يحرامعا كىرگەننەن كەيىن ءتالبيا ايتۋدى باستايدى. سودان كەيىن قاجىلار تۇسكە دەيىن ميناعا جول جۇرەدى. ميناعا كەلگەننەن كەيىن ءتورت راكات نامازدى ەكى راكات ەتىپ قىسقارتىپ، ءار نامازدى ءوز ۋاقىتىندا وقيدى. ويتكەنى ءتارۋيا كۇنى بەسىن، نامازدىگەر، اقشام، قۇپتان جانە ارافا كۇنىنىڭ تاڭ نامازىن مينادا وقۋ – سۇننەت.

ەكىنشى كۇن – ارافا كۇنى

قاجىلار ارافا كۇنى تاڭ نامازىن مينادا وقىپ، كۇن شىققاننان كەيىن اسىقپاي، ءتالبيا ايتىپ، اللاعا ماداق، پايعامبارىمىزعا (س.ع.س.) سالاۋاتايتىپ، قۇران وقىپ، اقىرىنداپ ارافات تاۋىنا قاراي بەت الادى. جولدا اللاعا كوپ ماداق، زىكىر ايتۋ ابزال. تۇسكە دەيىن ارافاتقا بارۋ – سۇننەت. ال ارافاتتا تۇرۋ – قاجىلىقتىڭ نەگىزگى پارىزى، ونسىز قاجىلىق قابىل بولمايدى. پايعامبارىمىز (س.ع.س.): «قاجىلىق – ارافات» دەگەن ء(ابۋ ءداۋىت، تەرمەزي). ارافا كۇنى – كۇندەردىڭ ەڭ ابزالى. بۇل كۇنى بارلىق قاجىلار ارافاتتا جينالىپ، كۇن باتقانعا دەيىن اللادان كەشىرىم، مەيىرىم، راقىم جانە باسقا دا قالاعاندارىن شىن جۇرەكتەن سۇراپ، تىلەيدى. اللاعا سانسىز ماداقتار، ەلشىسى مۇحاممەدكە (س.ع.س.) سالاۋاتتار ايتىلادى. ايشا (ر.ا.) انامىز جەتكىزگەن حاديستە اللا ەلشىسى (س.ع.س.): «اللا توزاق وتىنان ءدال ارافا كۇنىندەگىدەي كوپ ادامدى باسقا كۇندەرى قۇتقارمايدى» دەگەن ء(مۇسىلىم).

ارافاتتا تۇسكە دەيىن شاتىرلاردا عيبادات جاساپ، تۇستەن كەيىن مۇمكىنشىلىككە قاراي عۇسىل نەمەسە دارەت الادى. سودان كەيىن شاماسى، مۇمكىندىگى بار ادامعا بەسىن نامازىنىڭ ۋاقىتى كىرگەن كەزدە ناميرا مەشىتىنە بارۋ – سۇننەت.

زۋلحيججا ايىنىڭ توعىزىندا قاجىلار كۇن باتقاننان كەيىن اقشام نامازىن وقىماستان مۇزداليفاعا قاراي بەت الادى. اقشام جانە قۇپتان نامازدارىن قۇپتان ۋاقىتى كىرگەن سوڭ مۇزداليفادا بىرگە قوسىپ وقيدى. وسى ەكى نامازدىڭ وقىلۋ ءتارتىبى تومەندەگىدەي: الدىمەن ازان شاقىرىلىپ، قامات ءتۇسىرىلىپ، اقشام نامازى تولىق ءۇش راكات وقىلادى. ودان كەيىن ازان شاقىرماستان بىردەن قامات ءتۇسىرىلىپ، ءتورت راكات قۇپتان نامازى ەكى راكات ەتىلىپ، قىسقارتىلىپ وقىلادى. قاجىلاردىڭ وسى ءتۇنى مۇزداليفادا تۇنەۋى – سۇننەت (وزگە ءمازھابتاردا ءۋاجىپ). شايتانعا تاس لاقتىرۋ ءۇشىن مۇزداليفادان 70 ۇساق تاس جيناعان ابزال. ارينە، باسقا جەردەن جيناۋعا دا بولادى.

ۇشىنشى كۇن – قۇربان ايتتىڭ ءبىرىنشى كۇنى

سۇننەت بويىنشا قاجىلار مۇزداليفادا تۇنەپ، تاڭ نامازىن وسى جەردە وقيدى. بۇل زۋلحيججا ايىنىڭ ونى – ايت كۇنىنىڭ تاڭ نامازى. تاڭ نامازىنان سوڭ اينالا جارىق بولعانعا دەيىن قۇبىلاعا قاراپ دۇعا جاسايدى. ارتىنشا كۇن شىقپاستان ميناعا بەت الادى.

مينادا شاتىرلارعا ورنالاسقان سوڭ شايتانعا تاس لاقتىرۋ ءۇشىن ۇلكەن شايتانعا (اقابا ءجامراسىنا) بارىپ وعان جەتى تاس لاقتىرىلادى. ءار تاستى:

«بيسميللاھي، اللاھۋ اكبار، راعمان ليش-شايتاني ۋا حيزبيھ» دەپ ايتىپ، لاقتىرادى.

ماعىناسى: «اللانىڭ اتىمەن! شايتان جانە وعان ەرگەندەر قالاماسا دا اللا ۇلى».

العاشقى تاس لاقتىرىلعاندا ءتالبيا ايتۋ توقتاتىلادى. ۇلكەن شايتانعا جەتى تاس لاقتىرعاننان كەيىن ءتاماتتۋع قاجىلىعىن ورىنداۋشىلار ءۋاجىپ قۇرباندارىن شالادى نەمەسە باسقا بىرەۋدى وكىل جاساپ شالدىرادى. قۇرباندىق شالعان سوڭ، شاشتارىن العىزىپ نەمەسە قىسقارتىپ يحرامنان شىعادى. يحرامدا حارام ەتىلگەن نارسەلەردىڭ ءبارى قايتادان حالال ەتىلەدى. تەك قانا ايەلدەرىمەن بارعاندار زيارات تاۋابىن جاساعانعا دەيىن جىنىستىق قاتىناس جاساي المايدى.

مينادا ىستەلەتىن امالداردىڭ رەتى

1. تاس لاقتىرۋ. ءاربىر تاستى جەكە-جەكە لاقتىرۋ قاجەت. ەگەر بىرنەشە تاستى بىردەن لاقتىرسا، ءبىر تاس لاقتىرعان بولىپ ەسەپتەلەدى. ءار تاستى «اللاھۋ اكبار!» دەپ لاقتىرعان ابزال.

2. قۇرباندىق شالۋعا مىندەتتى كىسى قۇرباندىق شالادى. ءوزى شالعان قۇرباندىقتان ءدام تاتىپ، قالعاندارىن كەدەيلەرگە تاراتىپ بەرۋى كەرەك. قازىرگى كەزدە بۇل مىندەتتى يسلام بانكتەرى اتقارادى. قاجىلىق جاساۋشى تەك چەك ساتىپ الادى. سونداي-اق ول قۇرباندىقتى ءوزى باۋىزداپ شالۋىنا دا بولادى.

3. ەر كىسىلەر شاش الدىرادى نەمەسە قىسقارتادى. شاش الدىرۋ قىسقارتقانعا قاراعاندا ابزال. ايەلدەر شاشتارىن ءبىر ەلىدەي قىسقارتادى. حانافي ءمازھابىندا ايتىلعان امالداردى ءتارتىپ بويىنشا ورىنداۋ ءۋاجىپ. قاجىلار تاس لاقتىرىپ بولعاننان كەيىن اللاعا بىلايشا ماداق ايتىپ، ايت كۇندەرىن وتكىزەدى:

«اللاھۋ اكبار، اللاھۋ اكبار، اللاھۋ اكبار، ءلا ءيلاھا يللاللاھۋ، اللاھۋ اكبار، اللاھۋ اكبار، ۋا ءليللاھيل-حامد» دەگەن زىكىر سوزدەرىمەن باستايدى.

ماعىناسى: «اللا ۇلى! اللا ۇلى! اللا ۇلى! اللادان باسقا قۇداي جوق! اللا ۇلى! اللا ۇلى جانە ماقتاۋاللاعا ءتان».

زيارات تاۋابى مەن ساعي

قاجىلىقتىڭ پارىزدارىنىڭ ءبىرى – زيارات تاۋابى. ونسىز قاجىلىق دۇرىس سانالمايدى. مينادا ايت كۇنى تاس لاقتىرىپ بولعاننان كەيىن يحرامنان شىققان قاجىلار مەككەگە بارىپ زيارات تاۋابىن جاسايدى. زيارات تاۋابى باسقا تاۋاپتار سياقتى قاعبانى جەتى رەت اينالۋدان تۇرادى. بۇل تاۋاپ بىلاي جاسالادى: جاقسىلاپ دارەت الىپ، بار ىقىلاسپەن ءماسجيدۋل-حارامعا قاراي زىكىر ايتىپ، باياۋ جۇرىسپەن بارادى. ەر كىسىلەر تاۋاپتى باستاماي تۇرىپ ريدالارىن (دەنەنىڭ ۇستىڭگى جاعىنا ورالاتىن يحرام اتاسى) وڭ قولتىقتارىنىڭ استىنان وتكىزىپ، سول يىقتارىنىڭ ۇستىنەن تارتا ورايدى. ريدانى بۇلاي وراۋدى «يزتيبا» دەيدى. ايەلدەر يزتيبا ىستەمەيدى. تاۋاپقا بايلانىستى وسى ازىرلىكتەردى ىستەگەننەن كەيىن زيارات تاۋابىنا نيەت ەتىپ، رۋكنۋل-ياماني جاعىنان قارا تاس-تىڭ قارسى الدىنا بارادى. مۇمكىندىك بولسا، تاكبىر جانە تاھليل ايتىپ، قارا تاستى سۇيەدى. ال ەگەر مۇمكىندىك بولماسا، قولىمەن يشارات ەتىپ، سالەمدەسەدى. قارا تاستىڭ ورنالاسقان بۇرىشىندا تاۋاپتىڭ باستالاتىن جەرىن بىلدىرەتىن قوڭىر سىزىق بار. مىنە، وسى سىزىقتىڭ تۇسىنان تاۋاپ باستالادى. ەگەر تاۋاپ بۇل سىزىقتىڭ ياعني، قاراتاستىڭ ءدال قارسى الدىنان ەمەس كىشكەنە الدىڭعى جاعىنان باستالعان جاعدايدا اينالىم تولىق بولماي قالادى. قاعبانى سول جاعىنا الىپ، وڭ جاعىمەن تاۋاپتى باستايدى. ءار اينالىمنىڭ باسىندا قارا تاسقا سالەم بەرەدى. بارلىق اينالىمداردا رۋكنۋل-ياماني مەن رۋكنۋل-حاجارۋل-اسۋادتىڭ اراسىندا مىنا دۇعا وقىلادى:

«راببانا ءااتينا ءفيد-دۋنياا حاساناتان ۋا ءفيل-ااحيراتي ءحاسانا، ۋا قينا ءازابان-نار. ۋا ءادحيلنال-جانناتا ماال-ابرار، يا ازيزۋ يا عاففار. يا راببال-االامين».

ماعىناسى: «راببىمىز، بۇل دۇنيەدە دە، اقيرەتتە دە تەك جاقسىلىعىڭدى بەرىپ، ءبىزدى وت ازابىنان ساقتا! ءبىزدى جاقسى، يگى قۇلدارىڭمەن بىرگە ءجانناتقا كىرگىز. ۋا، ازيز! ۋا، اسا كەشىرىمدى عاففار! ۋا، بۇكىل الەمنىڭ راببىسى!»

العاشقى ءۇش اينالىمدا ەر كىسىلەر ادىمدارىن ءجيى-جيى الىپ يىقتارىن سىلكىگەن بويدا، جىلدام-جىلدام جۇرەدى. بۇلاي ىستەۋ ء«رامال» دەلىنەدى. ءرامال ىستەۋ – سۇننەت، ىستەلىنبەگەن جاعدايدا تاۋاپتىڭ دۇرىستىعىنا زيان كەلتىرمەيدى. تاۋاپ اياقتالعاننان كەيىن مۇمكىندىگىنشە، يبراھيم ماقامىندا، بولماسا مەشىتتىڭ كەز كەلگەن جەرىندە ەكى راكات ناماز وقىپ، دۇعا جاسالادى. سوسىن ءزامزام سۋىن ىشەدى. زيارات تاۋابىن جاساعان سوڭ ميناعا قايتا قايتىپ، شايتانعا تاس لاقتىرۋ كۇندەرىنىڭ تۇندەرىن سول جەردە وتكىزۋ حانافي ءمازھابىندا – سۇننەت. مينادا ءۇش ءتۇن تۇنەگەن ابزال، ەكى ءتۇن تۇنەۋگە دە بولادى.

تاشريق كۇندەرى

قۇربان ايتتىڭ ەكىنشى جانە ءۇشىنشى كۇندەرى كۇن تاس توبەدەن اۋعاننان كەيىن ءبىرىنشى كىشكەنتاي، ەكىنشى ورتا، سوسىن ۇلكەن شايتان تاستارعا جەتى-جەتىدەن تاس لاقتىرادى. كىشكەنتەي جانە ورتا شايتان تاستارعا تاس لاقتىرىپ بولعاننان كەيىن دۇعا جاسالادى.

ۇلكەن شايتان تاسقا تاس لاقتىرعان سوڭ دۇعا جاساماي، دەرەۋ ول جەردەن كەتەدى. قۇربان ايتتىڭ ەكىنشى جانە ءۇشىنشى كۇندەرى كۇن تاس توبەدەن اۋماي شايتان تاستارعا تاس لاقتىرمايدى. قۇربان ايتتىڭ ءتورتىنشى كۇنى شايتان تاستارعا تاس لاقتىرمايتىندار (بۇل كۇنى لاقتىرۋ ابزال، ءبىراق ءۋاجىپ ەمەس) ءتورتىنشى كۇنى تاڭ اتپاي مينادان قايتۋلارى شارت. ايتپەسە، ءتورتىنشى كۇنى دە تاس لاقتىرۋلارى ءۋاجىپ بوپ قالادى. ايتتىڭ ءتورتىنشى كۇنى دە مينادا قالعاندار ءۇش شايتان تاستىڭ ءارقايسىسىنا جەتى-جەتىدەن تاس لاقتىرىپ، مەككەگە قايتادى. ميقات شەكارالارىنىڭ سىرتىنان كەلگەندەر مەككەدەن شىعار كەزدە قوشتاسۋ تاۋابىن جاسايدى.

بىراق ودان دا بۇرىن جاساۋلارىنا بولادى. ەگەر بۇرىن جاسالىپ قويسا، مەككەدەن شىعار كەزدە قايتا جاساۋ شارت ەمەس. قوشتاسۋ تاۋابىن جاساعاننان كەيىن قاعباعا بارىپ، ناماز وقىپ، ءناپىل تاۋاپ جاساي الادى. مۇنداي جاعدايدا ەڭ سوڭعى جاساعان ءناپىل تاۋابى – ۋاداع (قوشتاسۋ) تاۋابى دەپ ەسەپتەلەدى. حايىز جانە نيفاس جاعدايىنداعى ايەلدەر قوشتاسۋ (ۋاداع) تاۋابىن جاسامايدى. حارام مەشىتىنىڭ ەسىگىنە دەيىن بارىپ،قاعبامەن قوشتاسىپ قايتادى.

يبن ابباس بۇل تۋراسىندا «ايەل ادام حايىز جاعدايىندا بولسا، قوشتاسۋ (ۋاداع) تاۋابىن جاساماستان جولعا شىعۋىنا رۇقسات ەتىلدى» (بۇحاري، حايىز/27، حاج/144، ءمۇسليم، حاج/382(1328))، - دەپ ريۋايات ەتكەن. مىنە، وسىلايشا قاجىلىق امالدارى ءتامامدالادى.


كەلۋ قاينارى: http://www.elarna.net/koru.php?tur=16&id=1031954

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


قازاقستاندا قانشا ءجاسو 4 مينوت
ۆ رايوناح زكو وششۋششاەت 7 مينوت
ەلوردا كوشەلەرىنىڭ بىرى 8 مينوت
«نۇرلى تاۋداعى» توتەنشە 8 مينوت
中国哈萨克语广播网 8 مينوت
نۇرلان نىعماتۋلين ءماجى 13 مينوت
پروفەسسور كريستيان ۆولم 14 مينوت
«مۋزارت» توبى، نۇرلان و 17 مينوت
وندÙ‰رÙ‰ستە ءولÙ‰م ازاي 18 مينوت
ۋكراينا ءسىم قازاقستان 18 مينوت
وسى ارانى باسىپ كورىڭىز 18 مينوت
دەمالىس كۇندەرى جاۋىن-ش 19 مينوت
سوستويالسيا رەگيونالنىي 22 مينوت
شىعىس قازاقستاندا 38 مل 22 مينوت
نۇر-سۇلتاندا جاستار جىل 23 مينوت
نۇر-سۇلتان: 8 300 ادامن 28 مينوت
نۇر-سۇلتان قالاسىندا ءا 28 مينوت
پاۆلودار وبلىسىندا قۇرى 28 مينوت
پاۆلودار وبلىسىندا كوند 28 مينوت
ەكىنشى ء«پاتۋالار جيناع 1 ساعات
سادريددين احمەدوۆتىڭ جە 1 ساعات
ء«از پايعامبار حاق جولى 1 ساعات
اعاجاي التاي تورى 1 ساعات
中国哈萨克语广播网 1 ساعات
جەلتوقسان ايىندا جارىقق 1 ساعات
شىعىس قازاقستاندا 38 مل 1 ساعات
ەكىنشى ء«پاتۋالار جيناع 1 ساعات
قازاقستاندا بيە سۇتىمەن 1 ساعات
ەكىنشى ء«پاتۋالار جيناع 1 ساعات
حالىقارالىق قىزىل كرەست 1 ساعات