ءتۇرى: قازاقستان مۇفتيات جاڭالىقتارى
جولدانعان ۋاقىتى: 11:30 - 2019/07/11
قمدب ءبىرىنشى ورىنباسارى، نايب ءمۇفتي ناۋرىزباي قاجى تاعانۇلى وزدەرىنىڭ ءوتىنىشى بويىنشا «جىبەك جولى قايىرىمدىلىق مەكەمەلەر قاۋىمداستىعىنىڭ» وكىلدەرىن قابىلدادى. جيىنعا اتالعان مەكەمەنىڭ باسشىسى احمەتجان وماروۆ، ورىنباسارى ورالبەك راحىمبەك جانە قمدب قايىرىمدىلىق جانە ۋاقىپ ىستەرى ءبولىمىنىڭ مەڭگەرۋشىسى كامالجان تۇردىباەۆ قاتىستى. كەزدەسۋ بارىسىندا شەشىمىن تاپپاعان بىرنەشە جايتتار قارالدى. ونىڭ ىشىندەگى وزەكتىسى قايىرىمدىلىق مەكەمەلەرىندەگى ءدىني ءبىلىم بەرۋ ماسەلەسى بولىپ وتىر. ويتكەنى اتالعان مەكەمەلەر ءدىني باسقارمانىڭ رۇقساتىنسىز شاريعات شەڭبەرىندە ءىلىم ۇيرەتۋگە قۇقىعى جوق. وسى ورايدا «جىبەك جولى قايىرىمدىلىق مەكەمەلەر قاۋىمداستىعى» مۋفتياتپەن بىرلەسە ءدىني ءبىلىم بەرۋدى قولعا الماق. سونداي-اق پانسوناتتارعا جازعى جانە قىسقى ۋاقىتتا بالالاردى تاسىمالداۋ جاعىنىڭ قيىن ەكەنى دە ايتىلدى. كەزدەسۋ بارىسىندا ءدىني باسقارما وكىلدەرى ەكى جاقتى كەلىسىم تەك 1 جىلعا عانا جاسالادى دەگەن مامىلەگە توقتالدى. كەلىسىم شەڭبەرىندە ەكى تاراپ ءوز قالاۋىنشا ۇزارتا الادى. ايتا كەتسەك، بۇگىندە ەلىمىز بويىنشا 2500-دەن اسا بالا قايىرىمدىلىق پانسيوناتتارىندا ءبىلىم الىپ جاتىر.
