
ماۋسىم ايىنىڭ سوڭعى جەكسەنبىسىندە تالدىقورعاندىق جاس كاسىپكەر اسلان باۋىرىمىزدىڭ دەمەۋشىلىگىمەن ءبىر وتباسى ءۇيلى بولدى. قمدب "زەكەت" قورىنىڭ "ەل ۇلەسى - پاتەرگە" جوباسى اياسىنداعى 96-شى باسپانانىڭ كىلتى تالدىقورعان وڭىرىندەگى كەربۇلاق اۋدانى، نۇرىم اۋىلىنداعى كوكەباسوۆا گۇلميرا سىدىققىزىنا تابىس ەتىلدى.
گۇلميرانىڭ جولداسى قايتىس بولعان، ءۇش بالانىڭ اناسى. تاعى ءبىر انانىڭ ءۇيلى بولۋىنا سەبەپكەر بولعان كەربۇلاق اۋدانىنىڭ باس يمامى قانات ماراتۇلىنا، اۋىل يمامدارىنا جانە يگى شارانىڭ باسىنا جينالعان اۋىل تۇرعىندارىنا العىس ايتامىز.