ءتۇرى: قازاقستان مۇفتيات جاڭالىقتارى
جولدانعان ۋاقىتى: 18:45 - 2019/07/05
قۇرمەتتى باۋىرلار، ارداقتى اعايىن!
بارشاڭىزدى ەلوردا كۇنىمەن قۇتتىقتايمىن! Əر وتباسىنا باقىت پەن بەرەكە تىلەيمىن.
ەلوردا — ەلدىگىمىز بەن ەگەمەندىگىمىزدىڭ ايناسى. جاڭا استانامىز ساناۋلى جىلداردا كۇللى الەمگە بەيبىتشىلىك پەن بىرلىكتىڭ، تاتۋلىق پەن كەلىسىمنىڭ كيەلى ورداسى رەتىندە تانىلدى.
ارقا توسىندە ەلباسىنىڭ قامقورلىعىمەن رەسپۋبليكالىق "Əزىرەت سۇلتان" مەشىتى سالىنىپ، قازاقستان مۇسىلماندارى ءدىني باسقارماسىنىڭ باس كەڭسەسى بوي كوتەردى. اللاعا شۇكىر، ەلورداداعى ەڭسەلى مەشىتتەردىڭ قاتارى جىل سايىن ارتىپ كەلەدى.
Əيگىلى عۇلاما، ويشىل ءابۋ ناسىر ءال-فارابيدىڭ: «شىنايى باقىتقا جەتكىزەتىن ىستەردە تۇرعىندارى ءوزارا كومەكتەسۋ ماقساتىن العا قويعان قالا قايىرىمدى قالا بولىپ تابىلادى، ال ازاماتتارى باقىتقا جەتۋ ماقساتىمەن بىر-بىرىنە كومەكتەسىپ وتىراتىن قوعام – قايىرىمدى قوعام»، — دەگەن قاناتتى ءسوزى بار.
جاس مەملەكەتىمىزدىڭ جاڭا استاناسى قايىرىمدى قالاعا اينالىپ، قوعامدا يگى قۇندىلىقتاردىڭ سالتانات قۇرۋىنا تىلەكتەستىگىمدى بىلدىرەمىن.
مەرەكە قۇتتى بولسىن، اعايىن! اللا تاعالا تəۋەلسىزدىگىمىزدى باياندى ەتكەي! Əمين!
