ءتۇرى: قازاقستان مۇفتيات جاڭالىقتارى
جولدانعان ۋاقىتى: 11:45 - 2019/07/01
قمدب قاجىلىق جانە ۇمراعا بايلانىستى جۇمىستاردى ۇزدىكسىز جۇرگىزىپ كەلەدى. بەس پارىزدىڭ ءبىرىن وتەۋ جاقىنداعان سايىن تىرلىك تە قىزا باستايدى. بۇل جولى بيىلعى «قاجىلىق-2019 ماۋسىمىنا» بايلانىستى العاشقى القالى وتىرىس ءوتتى.
جيىن بارىسىندا قمدب اپپارات باسشىسى عىلىمبەك ماجيەۆ قاجىلىقتىڭ مانىنە توقتالىپ، الداعى ساپارعا ساراپتاما جاسادى. ونىڭ ىشىندە 4 باعىتقا ەرەكشە توقتالدى. ول ۇيىمداستىرۋشىلىق، ۋاعىز-ناسيحات، اقپارات جانە دارىگەرلەردىڭ جۇمىسى. ەلىمىزدەن قاجىلاردى اپاراتىن 18 كومپانيانىڭ دارىگەرىنە باسشىلىق جاساپ، جۇمىسىن رەتكە كەلتىرەتىن قۇرام انىقتالدى. ويتكەنى ەلدەن باراتىن 3200 قاجىنىڭ دەنساۋلىعىنا قاراۋ اق حالاتتىلارعا جۇكتەلەتىنى راس.
ودان بولەك قمدب جانىنداعى «حيكمەت» تەلەراديوستۋدياسى دا مەككە جانە مەدينا قالالارىنان اقپارات تاراتادى. دوڭگەلەك ۇستەل بارىسىندا اقپارات توبىنا ءتيىستى تاپسىرمالار بەرىلدى. سونداي-اق ۋاعىز-ناسيحات جانە ءپاتۋا بەرۋ ماماندارى ميسسيانىڭ مۇشەسى بولىپ كىردى. وعان دا سەبەپ جوق ەمەس. ءتۇرلى دارەجەدەگى قاجىلارىمىزدان كەلەتىن ساۋالدارعا ءپاتۋا ءبولىمىنىڭ ماماندارى جاۋاپ بەرەدى.
ال اتالعان جۇمىستاردىڭ بارلىعىن ءبىر ارناعا توعىستىرۋشى قمدب-عا قاراستى قاجىلىق ءبولىمى ەكەنىن ايتا كەتكىمىز كەلەدى.
