ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-12-121633409037 %63 %
2019-12-131401443142 %58 %
2019-12-141476452956 %44 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقستان مۇفتيات جاڭالىقتارى

جولدانعان ۋاقىتى: 20:30 - 2019/06/28

سيريا سەرگەلدەڭى نەمەسە شاتاسىپ شامعا اتتانعاندار

ايشا كەڭەسباي،دىنتانۋشى-جۋرناليست،نۇر-مۇباراك ۋنيۆەرسيتەتىنىڭ ءباسپاسوز حاتشىسى

سيريا سەرگەلدەڭى نەمەسە شاتاسىپ شامعا اتتانعاندار

بيىل «جۋسان» وپەراتسياسىمەن سيرياداعى دايش ۇيىمىنىڭ (يراك جانە شامداعى يسلام مەملەكەتى – يشيم نەمەسە يسيم) ايماعىندا بولعان جەرلەستەردى قازاقستاننىڭ ارنايى قىزمەتى بىرنەشە كەزەڭمەن ەلگە جەتكىزگەنى بەلگىلى. بارلىعى 516 ادام، ولاردىڭ ء357-ى بالالار. دايش توبىنىڭ قول استىندا الەم بويىنشا 86 ەلدىڭ ادامدارى بولسا، سول ەلدەر ءوز ازاماتتارىنان باس تارتىپ، ءتىپتى كەي مەملەكەتتەر ازاماتتىقتان شىعارىپ تاستاپ جاتقاندا قازاق ەلىنىڭ «وتانىن تارك ەتۋشىلەردى» ارنايى جوبامەن ەلگە قايتارىپ، باسىنان سيپاپ، باۋىرىنا باسۋىن اركىم ءارقالاي باعالاۋدا. ءوز وتانداستارىمىزدى ايتپاعاندا بۇكىل مۇسىلمان ەلدەرى قازاقستاندىق بيلىكتىڭ قايىرىمدىلىعىنا «قايران» قالىپ جاتىر. وسى رەتتە، ەلدەن جىراقتاپ، جات جۇرتقا «جۇماق» ىزدەپ كەتكەندەر كىم? ونداي قادامعا بارۋلارىنا نە تۇرتكى بولدى? دەگەن زاڭدى ساۋالدار تۋىندايدى.

قوعامدا ءدىني الاۋىزدىق ورىن الماۋى ءۇشىن «قازاقستان رەسپۋبليكاسىنىڭ ءدىني ەكسترەميزم مەن تەرروريزمگە قارسى ءىس-قيمىل جونىندەگى 2018-2022 جىلعا ارنالعان مەملەكەتتىك باعدارلاماسى» قابىلدانعانى بەلگىلى. وسى باعدارلاما اياسىندا رەسپۋبليكامىزدا ءاقپاراتتىق-تۇسىندىرۋ توبى مەملەكەتتە ءدىني ەكسترەميزمدى بولدىرماۋعا جانە حالىقتىڭ ءدىني ساۋاتتىلىعىن ارتتىرۋ ماقساتىندا حالىقپەن جۇمىس جاساپ جاتىر. الماتى قالاسى قوعامدىق دامۋ باسقارماسىنىڭ «مونيتورينگ جانە تالداۋ» ورتالىعىنىڭ ءاقپاراتتىق-تۇسىندىرۋ توبىنىڭ مۇشەسى رەتىندە حالىقپەن جۇمىس جاساۋ بارىسىندا بايقاعانىم، سوڭعى 2-3 جىلدا دەسترۋكتيۆتى ءدىني اعىمداردىڭ جەتەگىنە كەتكەن ازاماتتارىمىزدىڭ سانى ازايعان. دەمەك، قازاقستاننىڭ ءدىني سالاسىنداعى مەملەكەتتىك ساياساتى باسقا ەلدەرگە ۇلگى بولاتىن ناتيجە كورسەتىپ وتىر. ءتىپتى الەم ەلدەرى بۇگىندە قازاق ەلىنىڭ دايش-تىڭ قول استىندا بولعاندارعا راحىمشىلدىقپەن قاراپ، ابايدىڭ تىلىمەن ايتقاندا «اداسقاننىڭ الدى ءجون، ارتى سوقپاق» دەپ، ارنايى «جۋسان» وپەراتسياسىمەن اداسقان تاعدىرلاردى تۋعان ەلمەن تابىستىرعان قادامىنا تاڭعالعاندارى دا راس.

وسى ورايدا «جۋسانمەن» ەلگە ورالعانداردى اڭگىمەگە تارتۋ مۇمكىندىگىنە يە بولعان ءدىنتانۋشى-جۋرناليست رەتىندە بىرنەشە وقيعالارمەن بولىسكەندى ءجون كوردىم. سەبەبى، سيرياداعى سوعىستى القاپقا ارنايى اتتانعاندارمەن قاتار اڭداماي اداسىپ بارعاندار دا، تاعدىردىڭ سۇرلەۋىمەن تاپ بولعاندار دا بار. ەندى سونداي بىرنەشە جاعدايلارعا قىسقاشا شولۋ جاسايىق.

مەن تىلدەسكەن ءبىر توپ ايەلدىڭ بىرەۋى دۇنگەن، قالعانى قازاق ۇلتىنىڭ وكىلدەرى بولدى. اراسىندا جوعارى بىلىمدىلەرى، ەلىمىزدە بەدەلدى ۋنيۆەرسيتەتتەردىڭ تۇلەكتەرى، سونداي-اق ءۇي شارۋاسىنداعى دا ايەلدەر بار.

توپتاعى ەڭ ەرەسەگىنىڭ وقيعاسىنان باستايتىن بولساق... ەلىمىزدەگى وردالى ۋنيۆەرسيتەتتە ماماندانعان، ءبىراق كەيىنگى ۋاقىتتا ءتورت بالاسىنىڭ تاربيەسىمەن ۇيىندە وتىرعان ورتا جاستاعى كەلىنشەكتىڭ كۇيەۋى قۇزىرلى ورىنداردا قىزمەت ەتىپتى. يسلام ءدىنىن 2002 جىلدارى كۇيەۋى ۇيرەتىپ، وتباسىندا دارىن مۋباروۆتىڭ ۋاعىزدارىن تىڭداپ، مۋحامماد ابدۋل-ۋاحابتىڭ كىتاپتارىن وقي باستاعان.

«سىز كوپ بالالى وتباسىندا تاربيەلەنىپسىز، ون بالانىڭ ەڭ كەنجەسى ەكەنسىز. سوندا سول ۋاقىتقا دەيىن حالقىمىزدىڭ ءداستۇرلى ۇستانىمى، يمام اعزام ءابۋ حانيفا (حانافي) ءمازھابى جايلى ەستىگەنىڭىز بار شىعار?» دەگەن ساۋالعا، كەيىپكەرىمىزدىڭ يسلام دىنىنەن مۇلدەم بەيحابار بولعانىن بىلدىك. تەك كۇيەۋىنىڭ ايتۋىمەن نامازعا جىعىلىپ، 2014 جىلى ۇيلەرىن ساتىپ، اتا-انا، اعايىن-تۋىسقا ايتپاي، سيرياعا «يسلام حاليفاتىندا» ءومىر سۇرۋگە اتتانعان. سالدارىنان 5 جىل دۇربەلەڭنىڭ ىشىندە، سوعىستىڭ ورتاسىندا كۇيەۋى مەن جالعىز ۇلىنان ايرىلىپ، ءۇش قىزىمەن ەلگە جەتكىزىلدى. «سيرياعا ساپارىڭىز سىزگە نە بەردى?» دەگەندە كەمسەڭدەپ جىلاي بەردى، كۇيەۋىنە كوزسىز سەنىپ سوڭىنان بوتالارىن جەتەكتەپ كەتە بارعان شەرلى انانىڭ ىشكى الەمى وكىنىشتەن الاي-دۇلەي بولىپ جاتقانىن اڭعارۋ دا قيىن ەمەس-تىن.

ال باسقا ءبىر كەيىپكەر كەلىنشەك وتباسىمەن بىرگە سيريادا وتكىزگەن 6 جىلىن – «توزاق»، بوسقا كەتكەن جارتى عۇمىرىم دەپ جىلاۋمەن بولدى. ىرگەلى ينستيتۋتتا ەسەپشى ماماندىعىن مەڭگەرگەن كەلىنشەكتى كۇيەۋىنىڭ تەرىس ادەتتەدەردەن (ىشىمدىك، تەمەكى، ت.ب.) اۋلاقتىعى قىزىقتىرىپ، ونىڭ ءاربىر سوزىنە يلانۋعا سەبەپ بولعان ەكەن. «وتباسىمدا اكەم انامىزدى ءجيى سابايتىن. اپتاسىنا 2-3 رەت ايقاي-شۋ، ۇرىس-كەرىس، كەيىن اقىرى اتا-انام اجىراستى. ءبىراق انام ەشكىمگە تۇرمىسقا شىقپادى. كۇيەۋىمنىڭ ىشپەيتىندىگى، بالا كەزىمدە كورىپ وسكەن ۇرىس-كەرىستىڭ بىزدە بولماۋى، مۇنداي جامان ادەتتەردەن اۋلاق بولۋى قاتتى اسەر ەتتى. وسى ادەتىنە جىلىنىپ، ولەردەي سەندىم» دەيدى كەلىنشەك.

ولاردىڭ سيرياعا سەرگەلدەڭى «تۇنگى تەلەفون قوڭىراۋلارىنان» باستالعان.

«تۇن جارىمىندا كۇيەۋىمە دارحان دەگەن تانىسى شەتەلدەن تەلەفون شالىپ، ءبىر نارسەلەردى ايتا باستادى. سول قوڭىراۋدان كەيىن ۇيقىلى-وياۋ كۇيەۋىم وزىنەن-وزى دىرىلدەپ، ۇرەيلەنۋدى شىعاردى. ءجيى شالىنعان تەلەفوننىڭ جەتەگىمەن «قازاقستاندا قالا بەرسەك، بالا-شاعامىز ءدىنسىز بولىپ، نامازىن دا وقي الماي، حيدجابىن دا كيمەي اداسىپ كەتەدى» دەگەن قورقىنىشپەن «يسلام مەملەكەتىنىڭ كەرەمەتىن كورۋ ءۇشىن 2-3 ايعا ساياحاتتاپ قايتۋ» ويىمەن وتباسىمىزبەن جولعا اتتاندىق. ءبىراق، بارعاندا عانا بەت العان جولىمىزدىڭ بۇرىستىعىن بىلدىك. بىزگە «مەككە، ءماديناعا ءبىلىم الۋعا بارا جاتىرمىز» دەپ ايتۋدى تالاپ ەتكەننەن كەيىن اناما وتىرىك ايتىپ، الداۋىما دا تۋرا كەلدى. ءبىراق كەيىن تەلەفون شالىپ كەشىرىم سۇرادىم. ءبىز بارعان سوڭ «جاناشىر شاقىرتۋشىنىڭ» ارباۋىنا تۇسكەنىمىزدى ءتۇسىنىپ، بارماق تىستەپ، بارىنشا تىنىش ءجۇرىپ ەلگە قايتۋدىڭ جولىن قاراستىرىپ باقتىق. قانشا تىرىسساق تا، جولىن تاپپادىق. وسى 2019 جىلى قاڭتار ايىندا ۇلكەن قىزىم بومبانىڭ استىندا قالدى. (كوزدەرى جاسقا تولعان شەرلى كەلىنشەك بالالارىنىڭ «بەيشارا» حالىنە ءوزىن كىنالاي باستادى). قايتىس بولعان قىزىم ەلدە جۇرگەندە مەكتەپتە ۇزدىك ەدى. ءوزىم دە كەزىندە وقۋدا وزات بولدىم، ال ءقازىر 9، 11 جاستاعى ۇل مەن قىزىمنىڭ مۇلدەم ساۋاتى جوق. ولاردىڭ وسى حالىنە ءبىز كىنالىمىز، ويلانباي ەلدەن كەتىپ، اداسىپ 6 جىل ەمەس جارتى عۇمىرىمىزدى جوعالتتىق. «قازاقستان ءوز ازاماتتارىن قايتارىپ الۋدا» دەگەن حاباردى ەستىگەن بويدا مەن تۇتقىندار لاگەرىنەن بالالارىمدى الىپ، كولىك كەلەتىن جەرگە باردىم. «كولىك ەرتەڭ كەلەدى، قايتا بەرىڭدەر» دەسە دە، جاتاققا بارسام، قالىپ قوياتىنداي قورقىنىش بيلەپ، بالالارىممەن نوسەر جاۋىنعا قاراماستان سوندا تۇنەدىك. ءوز ەلىمىزگە كەلگەنىمىزدىڭ قانداي باقىت ەكەنىن سوزبەن ايتىپ جەتكىزە المايمىن. (جاساۋراعان ويلى كوزدەرىمەن ءبىر نۇكتەگە ۇزاق قاراپ قالدى...)

كەلەسى كەيىپكەرىمىز وتباسىمەن ناماز وقيتىن، ءداستۇردى دارىپتەگەن قاراپايىم وتباسىندا-اقوسكەن ەكەن. تۇرمىستىق جاعدايلارى تومەن بولعاندىقتان اتا-اناسىنا جاردەم بولسىن دەپ نەبارى 16 جاسىندا الماتىداعى حالال ءدامحانالاردىڭ بىرىندە جۇمىس ىستەيدى. سول كەزدە وعان 1991 جىلعى ورالدىق جىگىت ءسوز سالىپ، اتا-اناسىنىڭ رۇقساتىمەن، قازاقى داستۇرمەن ۇزاتىلىپ، تۇرمىسقا شىعادى. جاس وتباسى الماتىدا 3-4 ايداي بىرگە تۇرىپ، كۇيەۋى «ساقالمەن مەنى بۇل جاقتا ەشقانداي جۇمىس المادى» دەپ شەتەل اسىپ كەتەدى. بەلگىلى سپورت تۇرىنەن حالىقارالىق تۋرنيرلەرگە قاتىسقان، شەتەلدەرگە ءجيى شىققان كۇيەۋىنە ەشكىمنىڭ كۇمانى دە بولمايدى. اراعا 2-3 اي سالىپ ستامبۋلدان تەلەفون شالعان كۇيەۋى جاقسى جۇمىس تاپقانىن ايتىپ، كەلىنشەگىن جانىنا شاقىرادى. وعان قىزدىڭ اتا-اناسى ۇزاق ۋاقىت كەلىسپەگەنىمەن، «ايەلىمە ءوزىم قامقورمىن» دەگەن كۇيەۋ بالاسىنىڭ سوزىنە سەنىپ، 17-گە تولار-تولماس قىزدارىن اۋەجاي ارقىلى تۇركياعا شىعارىپ سالادى. انا جۇرەگى سەزگەندەي-اق، سول جەردە بەيتانىس بولسا دا قانى قازاق قوي دەپ اركىمگە ءبىر قىزىن قارايلاي ءجۇرۋدى تاپسىرىپ الەك بولعان ەكەن.

ستامبۋلدا قاراكوز كەلىنشەكتى بوگدە ازامات كۇتىپ الىپ، كۇيەۋى ورنالاسقان پاتەرگە اپارادى. ول جەردە 1 اپتاداي ايالداعاندا «سەنى كەرەمەت ءبىر جەرگە اپارامىن» دەگەن كۇيەۋىنىڭ سوزىنە يلانعان كەيىپكەرىمىز ىشتەي «كۇيەۋىم ماعان توسىن سىي جاساعىسى كەلىپ تۇر-اۋ، قانداي تاماشا جەرگە اپارادى ەكەن?» دەپ تاعاتسىزدانا كۇتكەنىن دە جاسىرمادى. الايدا اۆتوبۋسقا وتىرىپ، سيريا شەكاراسىنان وتكەندە عانا جاعدايدى تۇسىنەدى. سوندا دا 1991 جىلعى ورالدىق جىگىت كەلىنشەگىنە «ۋايىمداما، بارلىعى جاقسى بولادى، ءوزىم اسىقپاي تۇسىندىرەمىن» دەپ يلاندىرادى. الايدا، شەكارادان وتكەننەن كەيىن ەرلەر مەن ايەلدەردى بولەك-بولەك الىپ كەتەدى. سودان 3-4 اي جات ەلدە، كۇيەۋىنىڭ جولىن توسىپ، بويىنا بىتكەن شاراناسىن دا «تۇسىك» تاستاپ، جاپاندا جالعىز كۇن كەشەدى. كەيىن «انە، كەلەمىن» دەگەن كۇيەۋىنىڭ يراك اسىپ، سوندا مەرت بولعانى جايلى حابار جەتەدى. سودان ءبىراق ۋاقىت وتكەننەن سوڭ از-كەم ارابشا ءبىلىم العان اقتوبەلىك جىگىتپەن نەكەلەسەدى. ەلگە ورالۋ ءۇشىن بارلىق امالدى قاراستىرىپ، ء«ۇنىمىزدى ءوشىرىپ»، تىنىش جۇردىك دەگەن 22 جاستاعى كەلىنشەكتىڭ بۇگىندە ەكى قىزى بار، تاعى ايى-كۇنى جەتىپ وتىر.

سيرياداعى 5 جىل قىرعىننىڭ سالدارىنان، جارىلىستاردان باسى ءجيى اۋىراتىنىن، ەستە ساقتاۋ قابىلەتىنىڭ ناشارلاعانىن ايتتى.

سيرياعا بارعان سوڭ ءبىر جىلدان كەيىن ارتىمنان اعام مەن جەڭگەم كەلىپتى. «مەنى الىپ كەتۋگە كەلگەن ەكەن» دەپ ۇمىتتەنىپ ەدىم، سويتسەم ولار دا الدانىپ بارعان ەكەن. كەيىن اعام مىنگەن كولىككە بومبا تاستالىپ، كۇلى كوككە ۇشتى. ءۇيدىڭ جالعىز بالاسى ەدى، ارتىنان قىزى عانا قالدى دەپ وكىنىش ءبىلدىردى.
مىنە، تۇرمىس-تىرشىلىگى بىر-بىرىنە ۇقسامايتىن جاڭداردىڭ تاعدىرلارىن جات جەردەگى جالعان جيحادقا توعىستىرعان ورتاق دۇنيە – ولاردىڭ تەرىس ءدىني ۇستانىمعا ەرۋلەرى ەدى. سۇحباتتاسقانداردىڭ بارلىعى دا ءتىپتى قۇراننىڭ ءوزىن دۇرىس وقۋدى بىلمەيتىن بولىپ شىقتى. سەنىم ماسەلەسىندە ۋاحابيزممەن ء(سالافيزم) ۋلانعان، ونىڭ ىشىندە تاكفىرلىك ۇستانىمدا بولعاندارى انىقتالدى.
«كىمدى تىڭدادىڭىز?» دەگەندە بارلىعىنان «دارىن مۋباروۆ، شەيح حاليل، رينات قازاقستاني» دەگەن ەسىمدەردى ەستىدىك، اراسىندا سايد بۋرياتسكي دە بار. ء«ۇش نەگىز»، «تاۋحيد» دەگەن كىتاپتاردى (سالافيتتەردىڭ كىتاپتارى) بىلەمىز دەيدى، سول تەرىس سەنىمدى دارىپتەگەن كىتاپتاعى تۇسىنىكتىڭ ءوزىن دۇرىس جەتكىزە المايدى. ءدىني ساۋاتتارى وتە تومەن، ونىڭ ءوزى تەرىس اعىمعا نەگىزدەلگەن. ءداستۇرلى حانافي ءمازھابىنىڭ ۇستانىمىنان مۇلدەم بەيحابار. «يسلامعا كىرگەندە، ءدىندى قابىلداعاندا» دەگەن سوزدەردى ءجيى قولدانادى.

«بىزدىڭ حالىق يسلام ءدىنىن وسىدان 13 عاسىر بۇرىن قابىلداپ، يمان ەتكەن. كەشەگى كەڭەستىك كەزەڭدە دە دىننەن قانشا الاستاتۋعا ارەكەت ەتسە دە وزدەرىن مۇسىلمانبىز دەپ وتكەن. سوندىقتان «يسلامدى قابىلدادىم» دەپ ءومىر بويى وزگە دىندە نەمەسە ءدىنسىزدىڭ كۇيىن كەشكەندەي ءسوز ساپتاۋلارىڭنىڭ ءوزى ورەسكەل قاتەلىك، ءدىني ساۋاتسىزدىق. «يسلام حاليفاتىنا» «حيجرا» جاساپ قاقپانعا تۇسكەن ازاماتتارىنان الەم ەلدەرى باس تارتىپ جاتقاندا ءبىزدىڭ ەلدىڭ ءوز ازاماتتارىن تاستاماي ەلگە الىپ كەلۋىنىڭ وزىندە قازاق حالقىنىڭ تەكتىلىگى، كەڭ پەيىلدىگى، جوعارى ادامگەرشىلىگى، يماندىلىعى جاتىر. حالقىمىزدىڭ قانىنا ءسىڭىپ، داستۇرىنە اينالعان وسىناۋ ۇلى قاسيەتتەرىنەن جەرىپ، اتا-انانى الداپ، اعايىننان قاشىپ جات جەردەن «جۇماق» ىزدەۋ اتا ءدىنىمىزدىڭ ادەبىنە جاتپاسى حاق» دەگەن ءسوزىمىزدى تىڭداعان كەلىنشەكتەر كەلىسكەندەي سىڭاي تانىتتى. وسىندايدا «تاريحىڭدى قۇرمەتتە، ءداستۇرلى جولدان اداسپا» دەگەن ءسوز قايتا-قايتا كوكەيگە كەلە بەردى.

جارقىن ومىرگە ۇمتىلىپ جولدان تايعان، كەمەل قوعامدى ارمانداپ كەرەڭ قاۋىمعا تاپ بولعان، يمان اياسىندا ءومىر سۇرەمىن دەپ، يمانسىزدارمەن تىرشىلىك ەتۋگە ءماجبۇر بولعان قاراكوزدەردىڭ وقيعاسى وسىنداي. اسىلىندا سەنىم-نانىمىنا ەركىندىك بەرگەن ەلىن «تارك» ەتۋ – يسلامعا قايشى، مۇسىلماندىققا جات. وتاندى ءسۇيۋ – يماننان. ءدىنىڭدى دۇرىس ۇستانىپ، جايما-شۋاق ءومىر ءسۇرۋ ءۇشىن ەڭ اۋەلى مەملەكەتتىڭ مىقتىلىعى، وتاننىڭ تىنىشتىعى ماڭىزدى.

كەلۋ قاينارى: http://www.elarna.net/koru.php?tur=16&id=1016794

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


ورالدا ۇلتتىق ۇلان جاۋى 9 مينوت
中国哈萨克语广播网 15 مينوت
سەمەيدە زاماناۋي سپورت 15 مينوت
فۋتبول: «توبىلدىڭ» باس 21 مينوت
اقتاۋدا تەڭىز جاعاسىنان 1 ساعات
تۇركىستاندا ءمۇعالىمدى 1 ساعات
中国哈萨克语广播网 1 ساعات
حابارلاندىرۋ! – S 1 ساعات
"دەنەسىن 30% كۇيىك 1 ساعات
ەلەكتروندى ۇكىمەت جانە 1 ساعات
سۇندەت بايعوجين، «قۇساي 1 ساعات
دوپتى حوككەي: «اقجايىق» 1 ساعات
The Game Awards: 2019 ج 1 ساعات
شىمكەنتتىڭ كوشەلەرىن 12 1 ساعات
中国哈萨克语广播网 1 ساعات
باقىت دەگەن... ءبىز ءسى 1 ساعات
شىمكەنتتە الەمگە ايگىلى 1 ساعات
الەم ەلدەرىنىڭ باسشىلار 1 ساعات
اقتاۋدا ەكى جۇكتى ايەل 1 ساعات
تاۋەلسىزدىك كۇنى قارساڭ 1 ساعات
جۇرگىزۋشى ۇيىقتاپ كەتىپ 2 ساعات
中国哈萨克语广播网 2 ساعات
ساعىنتاەۆ "قيسايعا 2 ساعات
اكىمدىك "تۇرۋعا جا 2 ساعات
پوليتسيا باستىعى اجەتحا 2 ساعات
تەمىر جول – ەل ەكونوميك 2 ساعات
يۋليا گالىشەۆا الەم كۋب 2 ساعات
شىمكەنتتىك پوليتسەيلەر 2 ساعات
中国哈萨克语广播网 2 ساعات
«انالار مەكتەبىندە» ايت 2 ساعات