ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-161515454335 %65 %
2019-09-171646515737 %63 %
2019-09-18815255847 %53 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقستان مۇفتيات جاڭالىقتارى

جولدانعان ۋاقىتى: 12:00 - 2019/06/04

قايىرىمدىلىق – قايىرلى ءىس

سەرىكباي قاجى وراز،قازاقستان مۇسىلماندارى ءدىني

باسقارماسىنىڭ ءتوراعاسى، باس ءمۇفتي

اسا قامقور، ەرەكشە مەيىرىمدى اللانىڭ اتىمەن باستايمىن!

حالقىمىز: «قايىرىمدىلىق جاساساڭ، قايىرىن ءوزىڭ كورەسىڭ»، – دەيدى. اللا تاعالا قاسيەتتى قۇراننىڭ «باقارا» سۇرەسىنىڭ 272-اياتىندا:

«(ەي، مۇحاممەد!) ولاردى تۋرا جولعا سالۋعا سەن جاۋاپتى ەمەسسىڭ. اللا قالاعان پەندەسىن ءوزى تۋرا جولعا سالادى. قايىر – ساداقا رەتىندە نە بەرسەڭدەر دە وزدەرىڭ ءۇشىن (جاقسى بولادى). نە بەرسەڭدەر دە، تەك اللانىڭ رازىلىعى ءۇشىن بەرۋلەرىڭ كەرەك. ىزگىلىك جولىندا نە جۇمساساڭدار دا، سونىڭ ءبارى وزدەرىڭە تولىق قايتارىلادى جانە سەندەر ادىلەتسىزدىكككە ۇشىرامايسىڭدار (ياعني، ساۋاپتارىڭدى تولىق الاسىڭدار)» – دەيدى.

سوز مارجانىن تەرىپ، وسيەت قالدىرعان جىراۋلارىمىز:

«وزىن عانا ويلاعان،

جاماندىقتىڭ بەلگىسى.

وزگەنى دە ويلاعان،

ادامدىقتىڭ بەلگىسى»، – دەپ جىرلايدى.

«وز پايداڭدى ويلاما، ەل پايداسىن ويلا، ءوز پايداڭ سونىڭ ىشىندە»، – دەيدى حالقىمىز.

قايىرىمدىلىق – ساۋابى مول امالدىڭ ءبىرى. اللا تاعالا ء«الي-عيمران» سۇرەسىندە:

«جاقسى كورگەن نارسەلەرىڭدى، (مىسالى دۇنيە-مۇلىك، كۇش-قۋات، اقىل، ءبىلىم، ت.ب.) اللا جولىندا جۇمسامايىنشا، شىنايى تۇردە جاقسىلىققا قول جەتكىزە المايسىڭدار»، – دەپ بايانداعان.

يسلامدا «ساداقا جاريا» دەگەن ۇعىم بار. قوعامنىڭ، حالىقتىڭ يگىلىگى ءۇشىن جاسالعان ساۋاپتى ىستەردى «ساداقا جاريا» دەيدى. مەشىت، مەدرەسە، اۋرۋحانا تۇرعىزۋ، كوشە، كوپىر سالۋ، اۋىزسۋى جوق اۋىلدارعا سۋ تارتىپ، قۇدىق قازدىرۋ، مىنە، بۇلار حالىقتىڭ يگىلىگى ءۇشىن جاسالعان ساۋاپتى ىستەر. ءتىپتى، مۇسىلماننىڭ كوڭىلىن كوتەرىپ، ءۇمىت سىيلاۋ، تۇك بەرە الماساق تا، وعان جىميىپ قاراۋدىڭ ءوزى – ساۋاپ. ساۋاپتى كوكتەن ىزدەپ قاجەتى جوق. ول ءبىزدىڭ اينالامىزدا. قامكوڭىل جانعا كومەك قولىن سوزۋ – ول دا قايىرلى ءىس.

بىردە پايعامبارىمىز مۇحاممەدتەن (وعان اللانىڭ سالاۋاتى مەن سالەمى بولسىن) ءبىر كىسى: «ۋا، اللانىڭ ەلشىسى، ەڭ جاقسى ادام كىم?» – دەپ سۇرايدى. سوندا ول:

«ەڭ جاقسى ادام – قوعامعا، ەلگە پايداسى تيگەن پەندە»، – دەپ جاۋاپ بەرگەن.

وز وتباسىمىزدان باستاپ، كورشى-قولاڭ، اعايىن-تۋىستارعا، جالپى جۇرتقا شاراپاتىمىزتى شاشىپ، قايىرىمدىلىعىمىزدى كورسەتۋ – مۇسىلماندىق ءارى ازاماتتىق بورىشىمىز.

اللا تاعالانىڭ ءبىر ادامنىڭ ريزىعى مەن نىعمەتىن وزگە كىسىلەردەن ارتىق نە كەم بەرىپ قويۋىندا ۇلكەن حيكمەت بار. دەمەك، بايدىڭ مالىندامۇقتاجدىڭ حاقىسى بار دەگەن ءسوز. داۋلەتتى كىسى اللانىڭ بەرگەن نىعمەتىن ونىڭ رازىلىعى جولىندا ساداقا ەتسە – ۇلكەن ساۋاپقا كەنەلەدى.

ەلىمىزدىڭ كەيبىر جومارت جىگىتتەرى ءوزىنىڭ تۋىپ-وسكەن اۋىلىنا بالا-باقشا، مەشىت، كوپىر، جول، سپورت كەشەنىن، ت.ب. سالىپ بەرىپ، حالىقتىڭ ىقىلاسىنا بولەنۋدە. ءاربىر ازامات ەلدىڭ يگىلىگى ءۇشىن وسىلايشا قولدان كەلگەن كومەگىن كورسەتسە ءبىزدىڭ قوعام جان-جاقتى داميدى.

قازاقستان مۇسىلماندارى ءدىني باسقارماسى ءوزىنىڭ سان-سالالى قىزمەتى اياسىندا نەگىزگى ءتورت باعىت بويىنشا جۇمىستارعا باسىمدىق بەرەدى. سونىڭ ءبىرى – قايىرىمدىلىق. ءبىز بار مۇمكىندىگىزدى پايدالانىپ، جومارت جانداردىڭ دەمەۋشىلىگىمەن اقتاۋ قالاسىندا تۇڭعىش رەت قايىرىمدىلىق مەكەمەسىن اشتىق. ماقسات – قازاق بالالارىن وقىتىپ، ولاردى وتانشىلدىق، پاتريوتتىق، يماندىلىق باعىتتا تاربيەلەۋ، عىلىمعا، ونەرگە، ادەبيەتكە دەگەن قىزىعۋشىلىعىن ارتتىرىپ، شىعارماشىلىق قابىلەتىن دامىتۋ، ت.ب.

تۇرمىسى تومەن، كوپبالالى وتباسىدان شىققان وسكەلەڭ ۇرپاق وسى قايىرىمدىلىق مەكەمەسىندە ءبىلىم الىپ، رۋحاني دۇنيەتانىمىن بايىتۋدا. ولار تاماقپەن تەگىن قامتاماسىز ەتىلەدى. بارعان بالا ءارى دەمالادى، ءارى رۋحاني ازىق الادى. ونىڭ بويىنا يماندىلىقپەن قوسا وتانعا دەگەن قۇرمەت، سۇيىسپەنشىلىك قۇندىلىقتارى ەگىلەدى. وسىنداي قايىرىمدىلىق مەكەمەسىن وزگە دە وبلىستاردا اشۋدى كوزدەپ وتىرمىز.

بۇل قايىرلى ءىستى قولعا الۋداعى نيەتىمىز: بىرىنشىدەن، جاستاردى جاقسىلىققا، ىزگىلىككە، قايىرىمدىلىققا تاربيەلەۋدىڭ مول مۇمكىندىگى اشىلادى. ەكىنشىدەن، الەۋمەتتىك از قامتىلعان وتباسىلارىنا ماتەريالدىق قولداۋ كورسەتىلەدى. ۇشىنشىدەن، ەلىمىزدە مەملەكەتشىل، يماندى جاستار توبى قالىپتاسادى. تورتىنشىدەن، قايىرىمدىلىق مەكەمەسىنىڭ تۇلەكتەرىن جۇمىسپەن قامتۋ، ولاردىڭ تاڭداعان ماماندىقتارى بويىنشا وقۋعا ءتۇسىرۋ ماسەلەلەرى قاراستىرىلادى. بەسىنشىدەن، دەنى ساۋ، كوكىرەك كوزى اشىق ۇرپاق ساباقتاستىعى جالعاسادى. ەڭ باستىسى حالىققا پايداسىن، شاراپاتىن تيگىزەتىن جاس بۋىننىڭ قاتارى ارتادى.

ورەسى بيىك، پايىمى كەڭ، سالماقتى، بايىپتى، يماندى ۇرپاق ۇلتتىڭ ۇلى ماقساتى مەن مۇراتىن ورىنداۋعا ۇلكەن ۇلەس قوسپاق.

ال اعىمداعى جۇمىستارعا كەلسەك، وتكەن جىلى «مەكتەپكە جول» اكتسياسى اياسىندا 20 248 وقۋشىعا ساباققا قاجەتتى وقۋ قۇرالدارى، كيىم-كەشەكتەر ۇلەستىرىلدى. ال قۇربان ايتتا رەسپۋبليكا بويىنشا 61 191 وتباسىنا 439 توننا 943 كەلى قۇرباندىق ەتى تاراتىلدى. قارتتار، جەتىمدەر ۇيلەرىن، الەۋمەتتىك از قامتىلعان جانە كوپبالالى وتباسىلاردى مورالدىق ءھام ماتەريالدىق تۇرعىدان قولداۋ جىل بويى جۇزەگە اسا بەرەدى.
قمدب «زەكەت» قورىنىڭ ۇيىتقى بولۋىمەن، دەمەۋشى ازاماتتاردىڭ كومەگىمەن وسىعان دەيىن باسپاناعا اسا مۇقتاج 61 وتباسىنا پاتەر كىلتى تابىستالدى.

حالقىمىز:

«ەر قولىندا مال تۇرمايدى،

ەلەك ىشىندە سۋ تۇرمايدى»، – دەپ جومارت جىگىتتى ناعىز ەر دەپ باعالاعان. وسى رەتتە قازاقستان مۇسىلماندارى ءدىني باسقارماسىنىڭ يگى شارالارىنا ۇلەس قوسىپ جۇرگەن جومارت جاندارعا ايرىقشا العىسىمدى جەتكىزەمىن. اللا رازى بولسىن!

ارداقتى پايعامبارىمىز مۇحاممەد (وعان اللانىڭ سالاۋاتى مەن سالەمى بولسىن) ءوزىنىڭ قاسيەتتى حاديس-شاريفىندە مۇسىلمان ۇمبەتىنە:

«جاقسىلىق جاساڭدار، قايىرىمدى بولىڭدار»، – دەگەن وسيەت قالدىرعان.

اللا تاعالا بارشامىزدىڭ جاساعان قايىرلى امالدارىمىزدى قابىل ەتىپ، وزىنە لايىقتى قۇل، پايعامبارىنا لايىقتى ۇمبەت بولۋدى ءناسىپ ەتكەي! ءامين!


كەلۋ قاينارى: http://www.elarna.net/koru.php?tur=16&id=1004211

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


تايقازان-620: «قايتا ور 2 مينوت
وسى ارانى باسىپ كورىڭىز 2 مينوت
ءبىر توپ سۆياششەننيك &q 2 مينوت
اقتوبە وبلىسى ەلورداداع 6 مينوت
بريتانيالىق ساراپشىلار 9 مينوت
اداسقاننىڭ الدى ءجون بە 11 مينوت
كۇرەس تۇرلەرىنەن ءاچ: ب 11 مينوت
تيانشان تورى 11 مينوت
دۇنيە جۇزىلىك باۋ - باق 12 مينوت
اعاجاي التاي تورى 12 مينوت
وسى ارانى باسىپ كورىڭىز 12 مينوت
مەملەكەت تۋىن ءىلىپ، مە 12 مينوت
بيىل نەسيە سەرىكتەستىكت 15 مينوت
تاريح 17 مينوت
بوكستان ءاچ: ساكەن بيبو 21 مينوت
الەم تاريحىنان تەست ءبى 22 مينوت
وسى ارانى باسىپ كورىڭىز 22 مينوت
ماڭعىستاۋ، باتىس قازاقس 24 مينوت
الماتىنىڭ جايلى قالالىق 27 مينوت
قازاقستاندا الداعى كۇند 27 مينوت
قۇدالاردى قايتارۋ وپەرا 27 مينوت
ساۋد ارابياسىنداعى مۇنا 1 ساعات
اعاجاي التاي تورى 1 ساعات
الماتىدا ءىى حالىقارالى 1 ساعات
شيحۋ: وقۋ-اعارتۋدى بارى 1 ساعات
شينجياڭنىڭ نەگىزگى ساتى 1 ساعات
دەپۋتاتتار پرەزيدەنتتىڭ 1 ساعات
تيانشان تورى 1 ساعات
الماتىدا ءبىر وتباسىنىڭ 1 ساعات
نۇر-سۇلتانداعى دامىتۋ و 1 ساعات