ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-06-17595188948 %52 %
2019-06-18568193751 %49 %
2019-06-19416179049 %51 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاقستان مۇفتيات جاڭالىقتارى

جولدانعان ۋاقىتى: 17:30 - 2019/06/03

جاقسىلىق جاساۋشىعا بەرىلەتىن ون ساۋاپ

بىرەۋدىڭ مۇڭ-مۇقتاجىن وتەۋ، ونى باسىنا تۇسكەن ۋاقىتشا قيىندىقتان قۇتقارىپ، جاعدايىن جەڭىلدەتۋ. ويلاعان ادامعا بۇدان اسقان باقىت، بۇدان اسقان ءلاززات بار ما?

راسىندا، ادامنىڭ ەڭ جاقسىسى ‒ باسقالارعا پايدالى بولعانى، ال امالداردىڭ ىشىندەگى اللاعا ەڭ سۇيىكتىسى ‒ ادامداردىڭ جۇرەگىنە قۋانىش سىيلاۋ.

قوعام مەيىرىمگە، جان جادىراتار جاقسىلىققا مۇقتاج.

«جاقسىلىقتىڭ جاقسىلىقتان باسقا قايتارىمى بار ما?»دەپ ء«ار-راحمان» سۇرەسىندە باياندالعانداي، شىنىندا دا جاقسىلىقتىڭ قايتارىمى ‒ تەك جاقسىلىق قانا.

قۇراندا اللا تاعالا:

«...جاقسىلىقتى ىقىلاسپەن ىستەۋشىلەردى قۋاندىر!»‒ دەپ بۇيىرادى. («حاج» سۇرەسى، 37-ايات)

ولاي بولسا، پەيىلى ىزگىلىكتى سۇيەتىن، جانى جاقسىلىق جاساۋعا قۇمار بولعان جاندارعا ارناپ، مەرەيىن اسىرىپ، نۇرىن تاسىتاتىن قۋانىشتى حابارلارمەن بولىسسەك دەيمىز.

الەمدەردىڭ راببىسىنىڭ ماحابباتىنا لايىق بولۋدان اسقان باقىت بار ما?

وزىڭدى الدەكىمنىڭ سۇيەتىنىن بىلسەڭ، ونى سەزىنسەڭ، سونىڭ وزىنە جانىڭ راحاتتانىپ، باقىتقا بولەنەسىڭ. ال اسا جوعارى اللا سۇيسە، ودان ارتىق قانداي باقىت بار? شىن مانىندە، اللا تاعالا جاقسىلىق ىستەۋشىلەردى سۇيەدى. بۇل تۋرالى، ياعني، اللا تاعالانىڭ جاقسىلىقتى ىقىلاسپەن ىستەۋشىلەردى جاقسى كورەتىنى جايلى قۇراننىڭ بىرنەشە اياتتارىندا ايتىلادى. سونىڭ ءبىرى:

«سولار /تاقۋالار/ جەڭىلدىكتە دە جانە قيىندىقتا دا /اللا رازىلىعى ءۇشىن/ جۇمسايتىندار، اشۋىن ۇستايتىندار جانە ادامداردى كەشىرەتىندەر. اللا جاقسىلىقتى ىقىلاسپەن ىستەۋشىلەردى جاقسى كورەدى»، ‒ دەگەن. ء(«الي-يمران» سۇرەسى، 134-ايات)

بىر اللانىڭ ريزالىعىن قالاپ، جاقسىلىقتى ىقىلاسپەن ىستەۋشىلەردىڭ سىيىن اللا ءوزى بەرەدى، سونداي-اق ولارعا قورىنىش جوق جانە ولار قايعىرمايدى.

اللا تاعالا:

«كىم ىقىلاسپەن جاقسىلىق ىستەي وتىرىپ، ءجۇزىن اللاعا بۇرسا، وندا ونىڭ سىيلىعى ‒ راببىسىندا. ءارى ولارعا قورقىنىش جوق جانە ولار قايعىرمايدى»،‒ دەگەن. («باقارا» سۇرەسى، 112-ايات)

پايعامبارىمىز ﷺ:

«ساداقا ەشۋاقىتتا بايلىقتى كەمىتپەيدى»، ‒ دەگەن. (مۋسليم)

قۇراندا بۇل تۋرالى:

«...سەندەر نە جۇمساساساڭدار دا ول ونىڭ /جۇمساعاندارىڭنىڭ/ ورنىن قايتا تولتىرادى. ول ‒ ريزىق بەرۋشىلەردىڭ ەڭ قايىرلىسى»، ‒ دەپ باياندالعان. ء(«سابا» سۇرەسى، 39-ايات)

ياعني،اللانىڭ ريزىق ەتىپ بەرگەنىنەن پارىز، ءناپىل ساداقا رەتىندە جۇمساعاندارىڭدى اسا ۇلى اللا ەكى دۇنيەدە دە قايتارادى. يبن كاسير

جاقسى ءىستى ىستەۋگە نيەت ەتىپ، ءبىراق ونى ورىنداي الماساڭىز دا اللا تاعالا ونى ءوز قاسىندا تولىق ءبىر جاقسى ءىس ورىندالعانعا جازادى! ءارى جاساعان جاقسى امالىڭىز وزىڭىزگە وننان جەتى جۇزگە دەيىن، اللا قالاسا ودان دا كوپ ەسەلەنىپ قايتادى.

قۇدسي حاديستە راببىمىز:

«ەگەر مەنىڭ قۇلىم جاقسى امال جاسايتىنىن ايتسا، وندا مەن وعان جاقسى امالدىڭ جاسالعانىن جازىپ قويامىن»، ‒ دەيدى. (مۋسليم)

يبن ابباس:«شىن مانىندە، اللا تاعالا جاقسى جانە جامان(امالداردى)جازىپ، سوسىن ونى ءتۇسىندىردى(ياعني، پەرىشتەلەرگە بۇل ىستەردى قالاي جازۋ كەرەكتىگىن ءتۇسىندىردى): «كىمدە-كىم ءبىر جاقسى امال(ىستەۋگە)نيەتتەنىپ، ونى ىستەمەسە دە، اللا ول ءۇشىن ءوز قاسىندا تولىق ءبىر جاقسى امال(ىستەلگەنىن)جازادى. ەگەر ول نيەتتەنگەنىن ىستەسە، اللا ول ءۇشىن ءوز قاسىندا ون جاقسى امالدان جەتى ءجۇز ەسەگە ءارى(ودان دا)كوپ ەسەگە دەيىن(جاقسى امال ىستەلگەنىن)جازادى. ال كىمدە-كىم جامان ىسكە نيەتتەنىپ،(بىراق،)ونى ىستەمەسە، اللا ول ءۇشىن ءوز قاسىندا تولىق ءبىر جاقسى امال(ىستەلگەنىن)جازادى. ەگەر ول نيەتتەنگەنىن ىستەسە، اللا ول ءۇشىن ءبىر جامان ىس(جاسالعانىن)جازادى»،—دەگەن. (بۇحاري، مۋسليم)

«باقارا» سۇرەسىنىڭ 261-اياتىندا:

«مال-دۇنيەلەرىن اللا جولىندا جۇمساعانداردىڭ مىسالى‒ جەتى باس ماساق شىعارعان ءبىر ءتۇيىر ءدان ءتارىزدى، ءاربىر ماساقتا جەتى ءجۇز داننەن بار. ءارى اللا قالاعانىنا ەسەلەپ ارتتىرىپ بەرەدى. اللا ‒ بەرەكەسى كەڭ (ۋاسي)، ءبارىن ءبىلۋشى (اليم)»،‒ دەيدى.

ساۋابىنان ءۇمىت ەتىلىپ ىستەلگەن كەز-كەلگەن ىزگى امالاللاعا بەرىلگەن كوركەم قارىز سەكىلدى!

اللا تاعالا:

«اقيقاتىندا، مەن سەندەرمەن بىرگەمىن. ەگەر نامازدى تولىق ورىنداساڭدار، زەكەتتى بەرسەڭدەر، ەلشىلەرىمە سەنىپ، ولارعا كومەكتەسسەڭدەر ءارى اللاعا كوركەم قارىز بەرسەڭدەر، مىندەتتى تۇردە جامان ىستەرىڭدى ءوشىرىپ، سەندەردى استىنان وزەندەر اعىپ جاتاتىن ء/جانناتتاعى/ باقتارعا كىرگىزەمىن»، ‒ دەيدى. ء(«مايدا» سۇرەسى، 12-ايات)

ياعني،كوركەم قارىز ‒ جاقسى ىستەر، ادال تابىستان جۇمسالعان ساداقالار. ءوز يەلىگىندەگى زاتتان ءبىر اللانىڭ رازىلىعى ءۇشىن ساداقا بەرۋ ‒ اللاعا بەرىلگەن كوركەم قارىز ىسپەتتەس. اللا تاعالا ونى ءوز قۇلىنا كوپ ەسەلەپ قايتارادى. ا.سادي

جاقسىلىقتار جاماندىقتاردى جويادى!

«ھۇد» سۇرەسىنىڭ 114-اياتىندا:

«...جاقسىلىقتار جاماندىقتاردى كەتىرەدى»،‒ دەلىنەدى.

پايعامبارىمىز ﷺ:

«قانداي جاعدايدا بولساڭ دا، اللادان قورىق. جاماندىقتىڭ ارتىنان ونى جوياتىن جاقسىلىق جاسا. ادامدارعا جاقسى مىنەز-قۇلىقپەن قارىم-قاتىناستا بول»،‒ دەپ بۇيىرعان. (تيرميزي)

ال حاسان ءال-باسري: «وتكەن جاماندىقتارىڭا قارسى جاقسىلىق جاساڭدار»، ‒ دەگەن.

قايىرلى، ساۋاپتى ىستەر ادامدى ءتۇرلى بالەلەردەن ساقتايدى

حاديستەردە ايتىلعانداي، ساداقا ‒ قالقان، ساداقا ‒ دالەل. اسىل دىنىمىزدەگى«مال-دۇنيەنى ‒ زەكەتپەن، دەنساۋلىقتى ‒ ساداقامەن قورعاڭدار، تاعدىرداعى جاماندىقتى ‒ دۇعامەن قايتارىڭدار»، ‒ دەگەن وسيەت امبەگە ايان.

ال، سىزدەن جاقسىلىق كورگەن باۋىرىڭىزدىڭ جاسايتىن دۇعاسى - ءسىز ءۇشىن ءوز الدىنا ۇلكەن ولجا. ءابۋ داۋدتەنكەلگەن ءبىر حاديستە:

«شىندىعىندا اللانىڭ سەندەرگە دەگەن جاردەمى مەن ريزىعى ىشتەرىڭدەگى ءالسىز جانداردىڭ قۇرمەتى ءۇشىن بەرىلۋدە»، ‒ دەلىنەدى.

بۇل دەگەنىمىز، مۇڭ-مۇقتاجى وتەلگەن ادام مىندەتتى تۇردە ريزاشىلىق، العىسىن بىلدىرەدى، باتاسىن بەرىپ، جاقسىلىعىنىڭ اللادان قايتۋىن تىلەيدى.

اربىر يگى ءىس‒ جۇزدەگى نۇرىڭىزدى كۇشەيتىپ، جۇرەگىڭىزدى راحاتقا بولەيدى، ريزىعىڭىزى ارتتىرىپ، جاراتىلىستاردىڭ سىزگە دەگەن ماحابباتىن وياتادى!

يبن ابباس:«يگى ءىس ‒ ادامنىڭ جۇزىندەگى نۇردى كۇشەيتەدى، جۇرەگىنە جارىق، دەنەسىنە كۇش سىيلايدى، ريزىعىن ارتتىرادى جانە جاراتىلىستاردىڭ وعان دەگەن ماحابباتىن وياتادى. ال، جامان ءىسجۇزدى قارايتادى، جۇرەكتى قارايتادى، دەنەنى السىرەتەدى، ريزىقتى كەمىتەدى جانە جاراتىلىستاردىڭ ول ادامعا دەگەن جەك كورۋشىلىگىن تۋدىرادى»،‒ دەگەن.

ەگەر مۇقتاج ادامعا جاردەم بەرسەڭىز، اللا ءسىزدىڭ كومەگىڭىزدە بولادى ءارى پەرىشتەلەر ءسىزدى پاناسىنا الىپ، كۇنالارىڭىز ءۇشىن كەشىرىم تىلەيدى!

سەبەبى، پايعامبارىمىز ﷺ:

«اللا قۇلىنا، ول قۇلى ءوز باۋىرىنا كومەك بەرۋىن توقتاتقانشا كومەك بەرەدى»، ‒ دەگەن. (مۋسليم)

تاعى ءبىر حاديستە:

«كىم مۇسىلمان باۋىرىنىڭ ءىسى ورىندالعانعا دەيىن، ونىڭ كومەگىندە جۇرسە، اللا تاعالا ول كىسىنى جەتپىس مىڭ پەرىشتەمەن قورعايدى. ولار ونىڭ كۇناسى ءۇشىن جارىلقاۋ تىلەيدى. ەگەر تاڭەرتەڭ بولسا، كەش باتقانعا دەيىن، كەشتە بولسا، تاڭەرتەڭگە دەيىن دۇعا ەتەدى. اياعىن جەردەن كوتەرگەن سايىن اللا تاعالا ونىڭ كۇناسىن كەشىرەدى، سونداي-اق ونىڭ دارەجەسىن كوتەرەدى»، ‒ دەيدى. (يبن ومار، ءابۋ ھۋرايرا، يبن حيببان)

كىم بىرەۋدىڭ قاجەتىنە جاراسا، اللا ونىڭ قاجەتىن وتەيدى!

بارشامىزعا ءماشھۇر حاديستە، پايعامبارىمىز ﷺ:

«مۇسىلمان ‒ مۇسىلماننىڭ باۋىرى. ناعىز مۇسىلمان باۋىرىنا وزبىرلىق جاسامايدى جانە ونى ساتپايدى. كىمدە-كىم مۇسىلمان باۋىرىنىڭ قاجەتىنە جاراسا، اللا تاعالا دا ونىڭ قاجەتىن وتەيدى. كىمدە-كىم مۇسىلمان باۋىرىنىڭ قايعى-مۇڭىن سەيىلتسە، اللا تاعالا ونى قيامەت-قايىمنىڭ ءبىر قايعىسىنان قۇتقارادى. سونداي-اق، كىمدە-كىم مۇسىلماننىڭ ايىبىن جاسىرسا، اللا تاعالا ونىڭ ايىبىن قيامەتتە جاسىرادى»، ‒ دەگەن. (بۇحاري، مۋسليم)

يماندى ءارى ىزگى امال جاساۋشىلارعا اسا ۇلى اللا ءجانناتتا ماڭگى قالۋدى ۋادە ەتەدى!

اللا تاعالا:

«يمانعا كەلگەن جانە ىزگى امال جاساعانداردى، جاقىندا استىنان وزەندەر اعىپ جاتاتىن ء/جانناتتاعى/ باقتارعا كىرگىزەمىز. اللانىڭ حاق ۋادەسى بويىنشا، ولار وندا ماڭگى قالادى. سوزدە اللادان تۋرا كىم بار?
/بۇل يگىلىككە/سەندەردىڭ/مۇسىلمانداردىڭ/قيال-ارماندارىڭمەن دە، كىتاپ بەرىلگەن قاۋىمنىڭ قيال-ارماندارىمەن دە جەتۋ مۇمكىن ەمەس...»،‒ دەيدى. («نيسا» سۇرەسى، 122-123)

يا، شىن مانىندە،يمانعا، يگىلىككە بوس قيالمەن ەشكىم جەتپەك ەمەس. ا.سادي.

دەمەك، ناعىز مۇسىلمان يمانىنىڭ كامىلدىگىن اۋزىمەن عانا ەمەس، امالىمەن دالەلدەيدى. ءوزى جاقسى ادام قاشاندا جاقسىلىققا اسىق بولادى، ىزگىلىككە عاشىق بولادى. ءجانناتتىق ادامعا ءجانناتتىق امالدار جەڭىلدەتىلەدى، سونىمەن قاتار، قايىرىمدى جاندارعا راببىسىنىڭ بەرەر سىيى دا ەسەپسىز بولماق. جاقسىلىقتىڭ ساۋابىن، ونىڭ سىي-سىياپاتىن ءبىر ماقالاعا جازىپ سىيدىرۋ مۇمكىن ەمەس. اللانىڭ مەيىرىمى قانداي شەكسىز بولسا، مەيىرىمدىلىك پەن قايىرىمدىلىققا، جاقسى امالدارعا بەرەتىن ونىڭ قايتارىمى دا سونداي كەڭ بولارى ءسوزسىز. ەندەشە، جالعىز اللانىڭ رازىلىعىن تابۋ جولىندا ايانىپ قالماي، قايىر قىلۋدان قالىس قالمايىق.


كەلۋ قاينارى: http://www.elarna.net/koru.php?tur=16&id=1003758

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


تەمەكىنى ادال دەپ بىلسە 2 مينوت
«نۇر-مۇباراك» ۋنيۆەرسيت 3 مينوت
سۋيتسيد سرەدي پودروستكو 3 مينوت
قازاقستاندا تۇعىش جۋرنا 3 مينوت
دانيار قايسانوۆ: قايدا 3 مينوت
قىرعىزستان پارلامەنتىنى 3 مينوت
ء"ابۋ حانيفا" 3 مينوت
ەرەكشە قونالقى- تۇرپان 3 مينوت
قازاقستان ارقىلى ينتەرن 3 مينوت
جاراتۋشى قۇزىرىندا دۇني 3 مينوت
اقش پرەزيدەنتى دونالد ت 3 مينوت
ءال-فارابي اتىنداعى قاز 6 مينوت
قانات بوزىمباەۆ: ەكولوگ 13 مينوت
وسى ارانى باسىپ كورىڭىز 13 مينوت
الماتىداعى Mizam بازارى 15 مينوت
نايب ءمۇفتي مەشىت قۇرىل 18 مينوت
الدىڭعى 5 ايدا شينجياڭن 23 مينوت
ۇبت كەزىندە Telegram-كا 23 مينوت
ەلوردادا №3، 18، 40، 61 23 مينوت
شينجياڭ حابارلارى مۇرات 23 مينوت
مۇناي باعاسىنىڭ جوعارى 23 مينوت
بيتكوين ساندىق اقشاسىنى 23 مينوت
ەلوردادا جۇمابەك تاشەنو 24 مينوت
قۋانتاي امانتايۇلى، مار 24 مينوت
بالىق اۋلاۋعا كەتكەن ور 27 مينوت
سپورى سرەدي ريادوۆىح مۋ 1 ساعات
پرەزيدەنت كوتەرگەن باسى 1 ساعات
قانات يسلام الماتىداعى 1 ساعات
ەرجان ماكسيمنىڭ جەكە كو 1 ساعات
شينجياڭ حابارلارى اۆتون 1 ساعات