ءتۇرى: تۇركىستان گازەتى
جولدانعان ۋاقىتى: 21:20 - 2020/11/07
ماسكەۋگە جۇمىس ساپارىمنەن بارعان قازاقستاننىڭ پرەمەر-مينيسترى اسقار مامين رەسەي ۇكىمەتىنىڭ ءتوراعاسى ميحايل ميشۋستينمەن كەزدەستى.
تاراپتار ساۋدا-ەكونوميكالىق، قارجى-ينۆەستيتسيالىق، ەنەرگەتيكا سالالارىنداعى، سونداي-اق ونەركاسىپتىك كووپەراتسياداعى ەكىجاقتى ىنتىماقتاستىقتى ودان ءارى ارتتىرۋ ماسەلەسىن تالقىلادى، دەپ حابارلادى قازاقستان پرەمەر-مينيسترىنىڭ باسپاسوز قىزمەتى.
ەۋرازيالىق ەكونوميكالىق وداق فورماتىنداعى ءوزارا ءىس-قيمىلدىڭ وزەكتى ماسەلەلەرى قارالدى. COVID-19 ىندەتىنىڭ تارالۋىنا قارسى كۇرەس جانە ەكى ەلدىڭ ەكونوميكاسى ءۇشىن پاندەميانىڭ سالدارىن جويۋ جونىندەگى بىرلەسكەن شارالارعا ەرەكشە كوڭىل ءبولىندى.
سونىمەن قاتار ماسكەۋ قالاسىنا ساپار بارىسىندا پرەمەر-مينيستر ءماميننىڭ رەسەيدىڭ ورتالىق مەملەكەتتىك ورگاندارىنىڭ، مەملەكەتتىك كورپوراتسيالارى مەن قارجى-بانك قۇرىلىمدارىنىڭ باسشىلىعىمەن كەزدەسۋلەرى جوسپارلانعان.
