ەلوردانىڭ بارلىق ءتورت اۋدانىندا كارانتين تالاپتارىن بۇزعانداردى انىقتاۋ بويىنشا ءموبيلدى توپتاردىڭ جۇمىسى جالعاسۋدا.

وتكەن دەمالىس كۇندەرى، 5 جانە 6 قىركۇيەكتە پوليتسەيلەر مەن اكىمدىك وكىلدەرى قالانىڭ ويىن-ساۋىق ورىندارى، ساۋدا ورتالىقتارى جانە باسقا دا شوب نىساندارى بويىنشا رەيدتەر جۇرگىزدى، دەپ حابارلادى اكىمدىكتىڭ رەسمي سايتى.

كاسىپكەرلەر مەن كەلۋشىلەر ءالى دە سانيتاريا نورمالارىن بۇزۋدا. الماتى اۋدانىندا 24 شوب سۋبەكتىسى تەكسەرىلدى، 20-عا جۋىق تالاپ بۇزۋ فاكتىسى انىقتالدى. بايقوڭىر اۋدانىندا 29 سۋبەكت تەكسەرىلدى، 26 سانيتاريا نورمالارىن بۇزۋ دەرگى انىقتالدى. ەسىل اۋدانىندا 31 وبەكت تەكسەرىلدى، 26 دەرەك انىقتالدى. سارىارقا اۋدانىندا 30 وبەكت تەكسەرىلىپ، 12 دەرەك انىقتالدى.

7 قىركۇيەكتەگى جاعداي بويىنشا نۇر-سۇلتان قالالىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنە اۋداندىق پوليتسيا باسقارمالارىنان كارانتيندى بۇزعان ادامدارعا قاتىستى 963 ماتەريال كەلىپ تۇسكەن.

427 جەكە جانە زاڭدى تۇلعا قر اقبتك-نىڭ 425-بابى بويىنشا (حالىقتىڭ سانيتارلىق-ەپيدەميولوگيالىق سالاۋاتتىلىعى بويىنشا تالاپ بۇزۋشىلىقتار) جالپى سوماسى 95 715 990 تەڭگە كولەمىندە اكىمشىلىك جاۋاپكەرشىلىككە تارتىلدى.