جامبىل وبلىسى قورداي اۋدانىنداعى بيوفارماتسەۆتيكا زاۋىتى كەلەر جىلدىڭ العاشقى توقسانىندا ىسكە قوسىلادى.

جامبىل وبلىسىنىڭ اكىمى بەردىبەك ساپارباەۆ اۋدانعا جۇمىس ساپارى بارىسىندا اتالعان زاۋىتتىڭ قۇرىلىس بارىسىمەن تانىستى.

بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ جاڭا بيوفارماتسەۆتيكا زاۋىتى قورداي اۋدانىنىڭ دامۋىنا ايتارلىقتاي سەرپىن بەرۋگە قاۋقارلى.

ايماق باسشىسى ەۋروپالىق تەحنولوگيا بويىنشا سالىنىپ جاتقان ءوندىرىس قۇرىلىسىنىڭ بارىسىمەن تانىستى. زاۋىت ونىمدەرى، ۆاكتسينالار الەمدىك فارماتسەۆتيكالىق نارىقتاردا ساتىلادى دەپ جوسپارلانىپ وتىر.

تەحنيكالىق باقىلاۋ وكىلى راحمانقۇل بايتەليەۆتىڭ ايتۋىنشا، قۇرىلىس-مونتاجداۋ جۇمىسى بيىل اياقتالىپ، جابدىقتاردىڭ ءبىر بولىگى جەتكىزىلمەك. ال، نەگىزگى بولىگى 2021 جىلى ورناتىلادى. سەبەبى، ولاردى دايىنداۋعا 8-9 اي ۋاقىت قاجەت ەكەن.

قازىرگى ۋاقىتتا بارلىق ينجەنەرلىك كوممۋنيكاتسيا جۇرگىزىلىپ، جۇمىسقا 145 ادام مەن 30 تەحنيكا جۇمىلدىرىلعان. قازىرگى بولجام بويىنشا، زاۋىت كەلەسى جىلدىڭ ءبىرىنشى توقسانىندا جۇمىسىن باستاۋى مۇمكىن.

ايتا كەتەيىك، اتالعان زاۋىت ءتيىستى وندىرىستىك تاجىريبەنىڭ حالىقارالىق ستاندارتى بويىن­شا يممۋنوبيولوگيالىق دارى-دارمەك­تەر، ونىڭ ىشىندە كوروناۆيرۋس ينفەكتسياسى­نا قارسى ۆاكتسينا شىعارماق. ءقازىر ينستي­تۋت­تىڭ كوروناۆيرۋس ىندەتىنە قارسى كان­دي­داتتىق ۆاكتسيناسى ددۇ تىزىمىنە ەن­گى­زىل­گەن جانە كلينيكاعا دەيىنگى سىناقتان ءساتتى وتۋدە.

سونداي-اق كاسىپورىندا پاندە­ميالىق تۇماۋعا، تۋبەركۋلەزگە، برۋتسەللەزگە، نودۋليارلىق دەرماتيتكە، كۇيىس قايىراتىن ۇساق جانۋارلار وباسىنا، قوي مەن ەشكىنىڭ كونتاگيوزدى ەكتيماسىنا، قوي شەشەگىنە، قۇتىرماعا جانە باسقا دا جۇقپالى اۋرۋلارعا قارسى ۆاكتسينالار شى­عارىلادى.

قۇرىلىس جۇمىستارىن بيىل جەل­توقسان ايىندا اياقتاۋ جانە جىل سايىن بيوفارماتسەۆتيكالىق پرەپاراتتاردىڭ 60 ملن دوزاسىنا دەيىن ءوندىرۋ كوزدەلگەن.