بۇگىن فۋتبولدان پرەمەر-ليگا كوماندالارى اراسىندا قازاقستان چەمپيوناتىنىڭ 18-تۋرىندا العاشقى كەزدەسۋ ءوتتى.

بۇل ويىندا قىزىلوردانىڭ «قايسار» جانە الماتىنىڭ «قايرات» كوماندالارى تارتىستى ويىن كورسەتتى. ويىننىڭ 45-مينۋتىندا الماتىلىق سەرگەي كەيلەر ەسەپ اشتى. ودان كەيىن 64-مينۋتتا كونراد ۆجەششينسكي ەسەپتى ۇستەمەلەي ءتۇستى. «قايسار» فۋتبولشىلارى بۇدان كەيىن گول سوعۋ مۇمكىندىگىن ىزدەدى. ناتيجەسىندە 70-مينۋتتا ولاردىڭ قاتارىنان شابۋىلشى ەلگۋدجا لوبجانيدزە مەرگەندىك تانىتتى. ال 88-مينۋتتا قىزىلوردالىق قورعاۋشى يۆان گراف تارازى باسىن تەڭەستىردى. ويىندا كوماندالار 2:2 ەسەبىنە قاناعات ءبىلدىردى.

«قايرات» 45 ۇپايمەن ءبىرىنشى ورىندا تۇرسا، «قايسار» 21 ۇپايمەن بەسىنشى ورىنعا كوتەرىلدى.

ەندى 18-تۋردىڭ قالعان ويىندارى 8 قاراشادا بولادى. بۇل كۇنى «قىزىلجار» مەن «توبىل»، «تاراز» بەن «شاحتەر»، «وقجەتپەس» پەن «جەتىسۋ» كوماندالارى كەزدەسەدى.