فرانتسيانىڭ نيەتتەستىك جانە دەنساۋلىق ساقتاۋ ءمينيسترى وليۆە ۆەران ەل ۇكىمەتىنىڭ COVID-19 انىقتايتىن 1،6 ملن ەكسپرەسس تەستىنى قارتتار ۇيلەرىنە جىبەرىپ جاتقانىن مالىمدەدى، – دەپ جازدى قازاقپارات.

بۇل تەستىلەر الەۋمەتتىك مەكەمە قىزمەتكەرلەرىنىڭ اراسىندا ينفەكتسيانى جەدەل انىقتاۋعا مۇمكىندىك بەرەدى. بۇل – فرانتسيا ۇكىمەتىنىڭ اسىرەسە پاندەميانىڭ ءبىرىنشى تولقىنىنان كوبىنە مورالدىك جاعىنان زارداپ شەككەن قارتتار ۇيلەرىنىڭ تۇرعىندارىن جاپپاي وقشاۋلانۋىن بولدىرماۋعا قاتىستى قولدانىپ جاتقان شارالانىڭ ءبىر بولىگى. وسى اپتادا وسىعان ۇقساس كەڭىنەن ەكسپرەسس تەستىلەۋ باعدارلاماسى گەرمانيادا ىسكە قوسىلعان.

فرانتسياداعى قارتتار ۇيلەرىندە كوروناۆيرۋس پاندەمياسىنىڭ قىسىمى ايتارلىقتاي ءوسىپ كەلەدى: سوڭعى اپتانىڭ ىشىندە وندا ءقاۋىپتى ۆيرۋستان 400-دەن استام ادام قايتىس بولعان، كوپتەگەن ەگدە جاستاعى ادامدار ءوز بولمەسىندە جالعىز قامالىپ، تۋىسىمەن ارالاسۋدان قالعان.

«بىزدىڭ ماقساتىمىز – ءبىرىنشى تولقىننان كەيىن وزىمىزگە ساباق الۋ»، – دەدى نيەتتەستىك جانە دەنساۋلىق ساقتاۋ مينيسترلىگىندە مينيستر-دەلەگات بريجيت بۋرگينون پاريجدەن وڭتۇستىككە قاراي ورنالاسقان قارتتار ۇيىنە بارعان كەزدە.

فرانتسيانىڭ قوعامدىق دەنساۋلىقتى ساقتاۋ اگەنتتىگىنىڭ مالىمەتىنشە، سوڭعى ەكى اپتانىڭ ىشىندە ەلدەگى قارتتار ۇيىندە قايتىس بولعان ادامداردىڭ سانى بۇنىڭ الدىنداعى بەس ايدىڭ ىشىندە كوز جۇمعانداردان الدەقايدا كوپ بولعان.

جۇما كۇنى دەنساۋلىق ساقتاۋ ءمينيسترى الەۋمەتتىك مەكەمەلەردىڭ 15 پايىزىندا قازىرگى كەزدە ۆيرۋستى جۇقتىرۋ وقيعالارىنىڭ جيىلەپ كەتكەنىن جانە ء«ولىم دەڭگەيىنىڭ كورسەتكىشى ءبىرىنشى تولقىنداعىداي، كۇن ساناپ ءوسىپ جاتقانىن» مالىمدەدى.

فرانتسيانىڭ قارتتار ۇيىندە كوروناۆيرۋستان 12 079 ادام ولگەن. بۇل – فرانتسيادا COVID-19 ۆيرۋسىنان قايتىس بولعان ادامداردىڭ تىركەلگەن جالپى سانىنىن (39 037 ادام) كوپ بولىگى جانە الەمدەگى ەڭ جوعارى كورسەتكىشتىڭ ءبىرى.