پرايمەريز اياسىندا «Nur Otan» پارتياسى رەسپۋبليكامىزدىڭ ءار وڭىرىندەگى تۇيتكىلدى ماسەلەلەردى شەشۋگە باعىتتالعان سايلاۋالدى باعدارلاماسىن ۇسىنىپ. الداعى 5 جىلدا جۇزەگە اسىرىلاتىن باعدارلامادا ەل دامۋىنا تىڭ سەرپىن بەرەتىن 216 جوبا ۇسىنىلعان.

باعدارلاما اياسىندا پارتيالىقتار نۇر-سۇلتان تۇرعىندارىنىڭ ءومىر ساپاسىن جاقسارتۋدىڭ بىرنەشە باعىتىن كورسەتكەن. ماسەلەن، ەلورداداعى تۇرعىن ءۇي ماسەلەسىن شەشۋ ءۇشىن 2025 جىلعا قاراي جىل سايىن 10 مىڭ پاتەر قۇرىلىسىن قولعا الۋ جوسپارلانعان. سالىستىرۋ ءۇشىن ايتار بولساق، 2020 جىلى باس قالادا 8 مىڭ پاتەر پايدالانۋعا بەرىلەدى. بۇدان بولەك، «Nur Otan» پارتياسى 2023 جىلعا دەيىن قۇرىلىسى ۇزاققا سوزىلعان نىساندار ماسەلەسىن تولىق شەشۋگە ۋادە بەرىپ وتىر.

دەنساۋلىق ساقتاۋ سالاسىندا دا ىرگەلى وزگەرىستەر بولماق. اتاپ ايتقاندا، ەلورداداعى نۇروتاندىقتار «ۇيدەگى دارىگەر» جوباسىن قولعا الىپ، جوبا شەڭبەرىندە 30 وتباسىلىق دارىگەرلىك امبۋلاتوريالارىن اشۋدى كوزدەيدى. جوبا 300 مىڭ تۇرعىندى قامتيدى. سونداي-اق، نۇر-سۇلتاندا ۇلتتىق عىلىمي ونكولوگيالىق ورتالىق، 500 ورىندىق ينفەكتسيالىق اۋرۋحانا، 800 ورىندىق كوپبەيىندى اۋرۋحانا جانە جاڭا پەرزەنتحانا سالىنباق.

الماتىعا قاتىستى جوبالار دا اۋقىمدى. «Nur Otan» پارتياسى وڭتۇستىك استانامىزدى الەمدەگى ەڭ تارتىمدى مەگاپوليستەردىڭ بىرىنە اينالدىرۋدى ماقسات ەتىپ وتىر. بۇل ماقساتقا قول جەتكىزۋ ءۇشىن الداعى جىلدارى ەكونوميكالىق ءوسىمدى 5 پايىزعا دەيىن ارتتىرۋ كوزدەلگەن. الماتىدا قۇنى 4،5 ترلن تەڭگەنى قۇرايتىن 114 جەكە ينۆەستيتسيالىق جوبا جۇزەگە اسىرىلادى. ناتيجەسىنجە 20 مىڭعا جۋىق جاڭا جۇمىس ورىندارى اشىلادى.

پارتيالىقتار شىمكەنتتە دە تۇرعىن ءۇي قۇرىلىسىن ارتتىرماق. 2021 جىلى «شىمكەنت سيتي» شاعىن اۋدانىندا 60 مىڭ تۇرعىنعا ارنالعان زاماناۋي كوپقاباتتى ۇيلەر مەن ويىن-ساۋىق ورتالىقتارى سالىنادى. 5 جىلدا 3 ميلليون شارشى مەتر باسپانا نەمەسە 47 مىڭ پاتەر سالۋ جوسپارلانعان. ناتيجەسىندە 3 مىڭعا جۋىق كوپ بالالى وتباسى مەن الەۋمەتتىك ءالسىز توپتاعى 532 ازامات باسپانامەن قامتىلادى.