ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-10-211409463247 %53 %
2019-10-221435476533 %67 %
2019-10-23672385238 %62 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: تۇركىستان گازەتى

جولدانعان ۋاقىتى: 17:30 - 2019/10/09

«قۇتتى مەكەن» قۇتتى ما ەكەن؟

«Nur Otan»  پارتياسىنىڭ ءتوراعاسى ن.نازارباەۆتىڭ تاپسىرماسىمەن ىسكە قوسىلعان «قۇتتى مەكەن» جوباسى ءوز جۇمىسىن جالعاستىرۋدا. الەۋمەتتىك جانە ينجەنەرلىك ينفراقۇرىلىمدى دامىتۋعا باعىتتالعان «قۇتتى مەكەن» حالىقتىڭ ءومىر ءسۇرۋ ساپاسىن ارتتىرۋدى ماقسات ەتكەن. ءبىر ايتا كەتەرلىگى، الماتى قا­لاسىنداعى الەۋمەتتىك ينفراقۇرىلىم نىساندارى پارتيالىق با­قى­لاۋعا الىنعان. ولاردىڭ سانى شامامەن 100-گە جۋىق.

جۋىردا «Nur Otan» پارتياسى الماتى قالالىق فيليالى مۇرىندىق بولىپ، مەم­لەكەتتىك ورگاندار مەن ءماسليحات دەپۋ­تاتتارى الەۋمەتتىك جانە ينجەنەرلىك ينف­راقۇرىلىم نىساندارىنا جۇمىس كەستەسىنەن قالىس قالۋ سەبەپتەرىن انىقتاۋ جانە نىساندار قۇرىلىسىنىڭ ساپاسىن باقىلاۋ ءۇشىن باردى. «Nur Otan» پارتياسى الماتى قالالىق فيليالى ءتوراعاسىنىڭ ءبىرىن­شى ورىنباسارى ستانيسلاۆ كانكۋروۆ باستاعان باقىلاۋ كوميسسياسى جەتىسۋ اۋدانىنداعى موچالوۆ كوشەسىندەگى جول جوندەۋ جۇمىستارىمەن، №4 پەرزەنتحانا قۇرىلىسمەن، سونداي-اق، «جاس قانات» ىقشا­ماۋ­دانىنداعى جەتى ءۇيدىڭ قۇرىلىس جۇمىس­تارىمەن تانىستى. اتالعان الەۋمەتتىك ماڭىزى بار نىساندار بەيمالىم ءبىر سەبەپتەرمەن قۇرىلىس جۇمىستارىن كەشەۋىلدەتىپ وتىر. موچالوۆ كوشەسىندەگى جول كولىك قوزعالىسىنا كەدەرگى كەلتىرىپ، جولدى كەسىپ وتەتىن مەكتەپ بالالارىنا قولايسىزدىق تۋدىرعان. وسىعان دەيىن كوشە لايلانىپ، جاڭبىرلى كۇند­ەرى ءجۇرۋ قيىنعا سوققان. جاڭادان سۋ قۇبىرى تارتىلۋىنا بايلانىستى كو­شە قازىلعان. نىسان 15 قازانعا دەيىن اياقتالۋى ءتيىس ەدى. الايدا قۇرىلىسقا جاۋاپتى مەردىگەرلەر ايدىڭ اياعىنا دەيىن بىتىرەمىز دەپ وتىر. باقىلاۋ كوميسسياسى جۇمىستى جەدەلدەتۋ شارالارىن قولدانۋ كەرەگىن ايتتى. كوشە تۇرعىندارىنىڭ ايتۋىنا قاراعاندا، بۇل جەردە با­لالار الاڭى مۇلدەم بولماعان. پارتيا با­قىلاۋعا العالى بۇل ولقىلىق رەتكە كەلدى.

ەلىمىزدەگى دەموگرافيالىق ءوسىم قارقىنى جاعىنان الماتى العاشقىلاردىڭ ءبىرى. جىل وتكەن سايىن تۋ كورسەتكىشى ارتىپ وتىر. ماسەلەن قالاداعى №4 پەرزەنتحانادا 95 توسەك ورىن بولسا، قازىرگى قاجەتتىلىك 120-130-عا جەتكەن. وسىنى ەسكەرگەن باسشىلىق 2017 جىلدىڭ مامىر ايىندا جاڭا نىساننىڭ قۇرىلىس جۇمىستارىن باستاعان. پەر­زەنتحانا باس دارىگەرى ۆياچەسلاۆ پاكتىڭ ايتۋىنشا، ءتورتقاباتتى عي­ماراتتىڭ قۇرىلىس جۇمىستارى ءالى تو­لىق اياقتالماي تۇر. وعان سەبەپ وتكەن جىلدىڭ سوڭىنان باستاپ وسى كوكتەمگە دەيىن قۇرىلىسقا جان ادامنىڭ قولى تيمەپتى. باقىلاۋ كوميسسياسى بارعان كەزدە دە قارقىندى جۇمىس بايقالمادى. باس دىرىگەر ۆياچەسلاۆ پاك: «پەرزەنتحاناعا قاجەتتى مەديتسينالىق جابدىقتار ساتىپ الىنعان، قۇرىلىس نىسانىنىڭ كەشىگۋى سالدارىنان ولار ازىرگە ىسكە قوسىلماي، ءبارى بوسقا تۇر. بۇل پەرزەنتحانادا جىلىنا شامامەن 4 500 نارەستە دۇنيەگە كەلەدى. ەگەر جاڭا پەرزەنتحانا پايدالانۋعا بەرىلسە انا مەن بالا جاعدايىن جاساۋعا ءبىرشاما مۇمكىندىك تۋار ەدى»، – دەيدى. «بۇل وتكەن جىلى جەلتوقسان ايىن­دا پايدالانۋعا بەرىلۋگە ءتيىس نىسان بولاتىن. جاۋاپتى قۇرىلىس كوم­پانياسى ءتيىستى جۇمىستى تولىق اياقتاماعان. كومپانيا باسشىلارىن Nur Otan پارتياسىنا شاقىرىپ، باقىلاۋعا الامىز. بۇل وتە ماڭىزدى نىسان. جاڭا پەرزەنتحانا ىسكە قوسىلسا، انالارىمىزعا وتە يگى ءىس بو­لار ەدى. بەلگىلەنگەن مەرزىمنەن ءبىر جىلعا جۋىق ۋاقىت اسسا دا، قۇرىلىس جۇمىستارى ءالى اياقتالماي جاتىر. باقىلاۋعا الىپ، مۇم­كىندىگىنشە وسى جىلدىڭ سوڭىنا دەيىن ىسكە قوسۋعا اتسالىسۋعا تىرىسامىز. «ۋنيۆەرسال ب» كومپانياسى وكىلدەرىن بۇگىن كورە الماي تۇرمىز. كومپانيا تەندەر ۇتىپ الدى، جا­سايمىز دەپ ۋادە بەردى. ءبىراق نىسان ءالى اياقتالماعان. ءتيىستى قاراجات بولىنگەن. الەۋمەتتىك نىسان قۇرىلىسى ۋاقىتىندا اياقتالماعانى ءۇشىن سوتقا بەرەمىز، – دەيدى الماتى قالاسى ءماسليحاتى دەپۋتاتى روزا باداەۆا.

قۇرىلىسى كەشىكتىرىلىپ جاتقان تاعى ءبىر الەۋمەتتىك نىسان «جاس قانات» ىقشا­ماۋ­دانىنداعى جەتى بىردەي تۇرعىن ءۇي. باقىلاۋ كوميسسياسى اتالعان نىسانعا دا ارنايى باردى. «پرومكومپلەكت-ب» فيرماسى ەش­قان­داي تارتىپكە، نورماتيۆتەرگە ساي جۇمىس جاساپ جاتقان جوق دەيدى كوميسسيا مۇشەلەرى. قاراپايىم مىسال رەتىندە قۇرىلىسى بىتپەگەن نىسانعا كەلگەن ازاماتتارعا قاۋىپسىزدىك ماقساتىندا ارنايى باسكيىم بەرىلۋ كەرەك، مۇندا ءتىپتى قۇرىلىسشىلاردىڭ ءوزى قاۋىپسىزدىك شارالارىن ساقتاماي جۇمىس ىستەپ جاتقاندىعى ايتىلدى. ونان وزگە ىشكى جانە سىرتقى جۇمىستاردىڭ ساپاسىن تەكسەرگەن كەزدە وسى ايدىڭ 25-ىندە اياقتالۋى كەرەك تۇرعىن ءۇيدىڭ ىشكى جۇمىستارىن ايتپاعاندا ءالى توبەسى جابىلماعانى انىقتالدى. كوميسسيا مۇشەلەرى جاۋىن-شاشىندى كۇز جەتكەنىن ەسكەرتىپ، سۋ تيگەن قابىرعالار ەرتەڭ جارامسىز بولىپ قالاتىنىن ايتتى. ءبىراق مەردىگەر كومپانيا قۇرىلىستى ءدال ۋاقىتىندا بىتىرۋگە سەنىمدى تۇردە ۋادە ەتتى. «اتالعان نىسانعا بۇعان دەيىن دە كەلگەنبىز. قۇرىلىس كومپانياسىنا جۇمىستارىنىڭ كەمشىلىكتەرى ايتىلعان. ءبىراق سودان بەرى اسا كوپ وزگەرىس جوق. سون­دىقتان بۇل نىساندى الداعى ۋاقىتتا دا باقىلاۋىمىزدا ۇستايمىز. قالا تۇر­عىندارىنا ارنال­عان، رەسپۋبليكالىق بيۋدجەتتەن قاراجات ءبولىنىپ، سوعىلىپ جاتقان الەۋمەتتىك تۇرعىن ۇيلەردىڭ ساپاسى زامان تالابىنا ساي بولۋى كەرەك، – دەيدى «Nur Otan» پار­تيا­سى الماتى قالالىق فيليالى جا­نىنداعى سىبايلاس جەمقورلىققا قارسى كۇرەس جونىندەگى قوعامدىق كەڭەس ءتوراعاسى بوريس جاپاروۆ. «Nur Otan» پارتياسى الماتى قالالىق فيليالى الداعى ۋاقىتتا دا تەكسەرۋ جۇمىستارىنىڭ جالعاساتىنىن ايتتى.


كەلۋ قاينارى: http://www.elarna.net/koru.php?tur=14&id=1057767

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


ازىرەتى ومار جانە زاعيپ 5 مينوت
جامبىل وبلىسى ەكونوميكا 5 مينوت
جۇيە جاڭا ساپاعا كوشەدى 5 مينوت
الداعى ءۇش تاۋلىككە ارن 5 مينوت
中国哈萨克语广播网 5 مينوت
اسكەري-ديپلوماتيالىق كو 8 مينوت
نۇرسۇلتان نازارباەۆ جاپ 14 مينوت
تيانشان تورى 15 مينوت
شوكەەۆ: 1 قاراشاعا دەيى 15 مينوت
ء«ال-احرام» جۋرنالى ەرد 15 مينوت
اۋىل شارۋاشىلىعى سالاسى 15 مينوت
وسى ارانى باسىپ كورىڭىز 15 مينوت
اقتوبەدە قازاقتىڭ ەرەكش 20 مينوت
ەلوردا تۇرعىندارى مەن ق 20 مينوت
«قازاگرو» حولدينگى «بەر 23 مينوت
وسى ارانى باسىپ كورىڭىز 25 مينوت
ءومىرزاق شوكەەۆ: 1 قارا 29 مينوت
دەراديكالداندىرۋ باعىتى 1 ساعات
جاپون عالىمدارى ارحەولو 1 ساعات
جانسايا جارىلعاپوۆ. قاز 1 ساعات
中国哈萨克语广播网 1 ساعات
تيانشان تورى 1 ساعات
ەكونوميكامىز ءالسىز بوپ 1 ساعات
وسى ارانى باسىپ كورىڭىز 1 ساعات
اقمولادا تۇرعىن ۇيلەرگە 1 ساعات
الەم حالىقارالىق ءىلبىس 1 ساعات
ماقتا ەگۋدى قىسقارتۋ كە 1 ساعات
ەلىمىزدەگى مەدرەسەلەردە 1 ساعات
«پاۆلودار اكك» قورىنىڭ 1 ساعات
تيانشان تورى 1 ساعات