ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-12-111970784544 %56 %
2019-12-121633409037 %63 %
2019-12-131011299240 %60 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: تۇركىستان گازەتى

جولدانعان ۋاقىتى: 17:10 - 2019/08/12

قاسيەتتى قۇربان ايتىنىڭ ساۋاپتارى

تاريحي مالىمەتتەرگە سۇيەنسەك، ايت نامازىن وقۋ ھيجرانىڭ ءبىرىنشى جىلىنان باستاپ شاريعاتقا ەندى. انەس يبن مالىك (ر.ا.) بىلاي دەپ ريۋايات ەتكەن: «اللا ەلشىسى (وعان اللانىڭ سالاۋاتى مەن سالەمى بولسىن) ءماديناعا كەلگەندە قالا جۇرتىنىڭ ەكى كۇن تويلايتىن مەيرامى بار ەدى. پايعامبار (س.ا.س.) ولاردان:

«بۇل ەكى كۇن قانداي كۇن؟» – دەپ سۇراعاندا ءمادينالىقتار: «بۇل ەكى كۇندى جاھيليەت داۋىرىندە وسىلاي تويلاۋشى ەدىك»، – دەدى. سوندا اللا ەلشىسى (س.ا.س.): «اللا سەندەرگە ول ەكەۋىن ولاردان دا قايىرلى ەكى كۇنمەن اۋىستىردى: قۇربان جانە ورازا ايت كۇندەرىمەن»، – ء(ابۋ ءداۋىت، سالات 239; احمەت بين ءحانبال III 103، 235) دەگەن.

قۇرمەتتى باۋىرلار! ايت كۇنى تاڭ ەرتەڭ كۇن نايزا بويى كوتەرىلگەن سوڭ جاماعات بولىپ ايت نامازىن وقۋ - ءۋاجىب. ۋاجىپتىگىنىڭ ايات-حاديستەردەگى دالەلدەرى تومەندەگىدەي: اللا تاعالانىڭ قۇران كارىمدە: «ناماز وقى جانە قۇربان شال» — دەپ بۇيىرۋى قۇربان شالۋدىڭ ۋاجىپتىگىن بىلدىرەدى.

پايعامبارىمىزدىڭ (وعان اللانىڭ سالاۋاتى مەن سالەمى بولسىن) «قۇربان شالىڭدار! ويتكەنى ول يبراھيم بابالارىڭنىڭ سۇننەتى»، - دەۋى قۇربان شالۋدىڭ ۋاجىپتىگىنە قايشى ەمەس. ويتكەنى حاديستە ايتىلعان «سۇننەت» - جول دەگەن ماعىنانى بىلدىرەدى. ياعني، بىزگە ءۋاجىپ رەتىندە مىندەتتەلگەن قۇربان شالۋ ء-يبراھيمنىڭ (ا.س.) جالعاسا كەلگەن جولى دەگەن ماعىنانى مەڭزەيدى.            سوندىقتان ايت نامازىنان قالىس قالۋعا بولمايدى.

ايتتىڭ ءمان-ماعىناسىنا كەلسەك، ايت - قۋانىش پەن شاتتىققا تولى كۇن دەگەن ماعىنانى «مەرەكەلەۋ»، «حال سۇراسۋ»، ء«بىر-بىرىن قۋانتۋ»، «قۋانىشقا توپتالۋ» دەگەن ماعىنالاردى بىلدىرەدى. جاراتۋشى يەمىز ءاربىر ىزگى امال مەن يگىلىكتى ءىستىڭ ساۋابىن بەرىپ، مەيىرىم-شاپاعاتىن توگەدى.

جالپى، ايت مەرەكەسى كۇندەرى ءاربىر مۇسىلمان مىناداي امالدارعا نازار اۋدارعانى ابزال:

- ەرتەڭ ايت بولاتىن ءتۇندى عيباداتپەن، زىكىر، ناماز، قۇران وقۋمەن، دۇعا، يستيعفار تىلەۋمەن وتكىزگەن دۇرىس. بۇل ىستەردى ءتۇننىڭ سوڭعى بولىگىندە ورىنداعان ءجون. رەتى كەلسە، بۇكىل ءتۇننىڭ ءبىراز بولىگىن عيباداتپەن وتكىزگەن جاقسى. بۇل جايىندا پايعامبار (وعان اللانىڭ سالاۋاتى مەن سالەمى بولسىن) بىلاي دەگەن: «كىمدە-كىم ورازا ايتى مەن قۇربان ايتىنىڭ تۇندەرىن اللادان ەسەبىن تىلەپ عيباداتپەن وتكىزسە، ونىڭ جۇرەگى جۇرەكتەر ولەتىن كۇنى (قيامەت كۇنى) ولمەيدى» دەگەن.
- جۇما كۇندەرىندەگى سەكىلدى ايت كۇندەرى دە عۇسىل قۇيىنۋ، ءيىسسۋ سەبىنۋ، ءتىستى ميسۋاكپەن تازالاۋ جانە ەرلەر ءۇشىن ەڭ ءتاۋىر كيىمدەرىن كيىپ شىعۋ. بۇل – اللانىڭ نىعمەتتەرىن كورسەتۋ مەن شۇكىرشىلىك ەتۋدىڭ ءبىر بەلگىسى. حانافي مازھابى بويىنشا عۇسىلدى تاڭ نامازىنان سوڭ نامازعا شىعاردان بۇرىن قۇيىنعان ءجون. حانافيلەردىڭ پىكىرلەرىنشە بۇل عۇسىل ناماز ءۇشىن الىناتىن عۇسىل. ويتكەنى اللا ەلشىسى (وعان اللانىڭ سالاۋاتى مەن سالەمى بولسىن) وسى ەكى ايت كۇندەرى تاڭەرتەڭ عۇسىل الاتىن بولعان. ءالي مەن ومار دا (ر.ا.) ايت كۇندەرى عۇسىل قۇيىناتىن ەدى. پايعامبار (وعان اللانىڭ سالاۋاتى مەن سالەمى بولسىن) ايت كۇندەرى ۇستىنە ءيىسسۋ سەبەتىن جانە ارنايى قىزىل شاپان كيەتىن.

- مەشىتتە يمامنىڭ ۋاعىز-ناسيحاتىن تىڭداپ، جاماعات بولىپ ايت نامازىن وقيدى. ناماز بىتكەن سوڭ مۇسىلماندار قول الىسىپ، ءتوس قاعىسىپ «قۇبان ايت قابىل بولسىن!»، «ايت قۇتتى بولسىن!» دەپ ءبىرىن-بىرى قۇتتىقتاپ، مارە-سارە بولىپ جاتادى.

- قۇربان ايت مەرەكەسىندە ايت نامازىنا دەيىن تاماق ىشىلمەيدى. ال ورازا ايتىنىڭ العاشقى كۇنى نامازعا سارەسى ءىشىپ، اۋىز بەكىتىپ شىعۋ;
- ايت نامازى كۇنى تاڭەرتەڭ نامازعا دەيىن اللا تاعالانى ەسكە الىپ، دۇعا- تىلەك جاساۋ;

- ايت نامازىنا ەرتەرەك ءارى جاياۋ بارۋ. ءتىپتى، تاڭ نامازىنان كەيىن، كۇن شىقپاي تۇرىپ بارسا جاقسى. بۇل العاشقى ساپتان ورىن الىپ، ۇلكەن ساۋاپقا يە بولۋدىڭ بىردەن-بىر جولى. ءالي (ر.ا.): «ايت نامازىنا جاياۋ بارۋ سۇننەت»، – دەگەن. ويتكەنى پايعامبار (وعان اللانىڭ سالاۋاتى مەن سالەمى بولسىن) ايت كۇندەرى كولىك مىنبەيتىن. ال يمامنىڭ ايت نامازىنا جاماعاتتىڭ سوڭىنان بارۋى سۇننەت.
- ىزگى ءھام ساۋاپتى، قايىرىمدىلىق ىستەرمەن اينالىسۋ ءلازىم سانالادى.
- ايت كۇندەرى مۇمكىندىگىنشە ازاماتتاردىڭ بىر-بىرىنە سىي-سياپاتتار جاساۋدى ۇمىتپاۋ كەرەك. پايعامبارىمىز (وعان اللانىڭ سالاۋاتى مەن سالەمى بولسىن): «بىر-بىرىڭە سىيلىق بەرىپ، تاتۋلاسىڭدار... بىر-بىرىڭە بەرگەن سىيلىقتارىڭ - ارالارىڭداعى وشپەندىلىكتى جويادى»، - دەپ وسيەت ەتكەن.
- ايت نامازىنا باراردا ءبىر كوشەمەن بارىپ، قايتار جولدى باسقا كوشەمەن قايتۋ ابزال. ءجابير (وعان اللا رازى بولسىن) بىلاي دەگەن: "مەرەكە كۇنى پايعامبار (وعان اللانىڭ يگىلىگى مەن سالەمى بولسىن) ايت نامازىنان قايتقاندا كەلگەن جولىمەن ەمەس، باسقا جولمەن جۇرەتىن" ء(ال بۇحاري، 986). ياعني دوستارىمىزدىڭ، باۋىرلارىمىزدىڭ، كورشىلەرىمىزدىڭ ۇيلەرىنە كىرىپ، ايتتاپ، مەرەكەلەۋ دەگەن ءسوز.

- ايت نامازىنا يماندىلىققا ۇيرەتۋ ماقساتىندا بالالاردى دا قاتىستىرۋ;      (وسى كۇنى بالالارعا جاڭا كيىم، تاتتىلەر مەن سىيلىقتار سىيلاۋمەن قۋانتاتىن بولساق، بالالار دا بۇل مەيرامدى جىلدا اسىعا كۇتەتىن بولادى.)

- ءوز وتباسىنا سىي-سياپات ۇلەستىرۋ. وسى كۇندەرى جاعدايىنا قاراي ادەتتەن تىس كوبىرەك ساداقا بەرۋگە تىرىسۋ.

- مۇسىلماندارمەن جىلى شىرايمەن، جىميىپ جۇزدەسۋ. تۋعان-تۋىس پەن جولداستاردىڭ ۇيىنە بارىپ، تۋىسقاندىق پەن سۇيىسپەنشىلىك بايلانىستارىن بەكىتە ءتۇسۋ.
- ومىردەن وزعان ادامداردىڭ ۇيلەرىنە بارىپ، قۇران ءتىلاۋات ەتىپ دۇعا ەتۋ ءلازىم.
- ەكى ارازداسقان ەرلى-زايىپتىلار مەن تۋىسقانداردى تاتۋلاستىرۋ ۇلكەن ساۋاپ امال بولىپ سانالادى.

-  قۇرباندىققا شالىناتىن مالدى (قوي، ەشكى، سيىر، تۇيە) ايت نامازى  وقىلىپ بولعان سوڭ شالۋ;

- ناۋقاستاردىڭ كوڭىلىن سۇراۋ، ت.ب. جالپى، بۇل كۇندەرى ۇدايى قۋانىشتا بولىپ، بارشا جاقسىلىق اتاۋلىنىڭ باسى-قاسىندا ءجۇرىپ، قولدان كەلگەن ىزگى امالدارىمىزدى جاساۋ – ءسىز بەن ءبىزدى اللا تاعالانىڭ راحىمىنا بولەيتىن امالدار، ينشااللاھ.

قۇربان ايت نامازى 2019 جىلعى 11 تامىز كۇنى، تاڭعى ساعات 7.15-تە وقىلادى. قۇربان ايتتا ۇلى اللا تاعالا بارشا نيەتتەرىمىز بەن تىلەكتەرىمىزدى قابىل ەتسىن! ەلىمىزدىڭ ەگەمەندىگى باياندى، تاۋەلسىزدىگىمىز تۇعىرلى بولعاي!  ءامين!

مۇحامەدجان ەستەمىروۆ،
قازاقستان مۇسىلماندارى ءدىني باسقارماسىنىڭ،
شىمكەنت قالاسى بويىنشا
وكىل يمام ورىنباسارى


كەلۋ قاينارى: http://www.elarna.net/koru.php?tur=14&id=1033469

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


اتىراۋدا ءبىر توپ براكو 25 سەكوند
中国哈萨克语广播网 28 سەكوند
"كولبين جوعالسىن!& 29 سەكوند
مولدا – ءدىن وكىلى R 29 سەكوند
ەندى ۆولونتەرلەرگە اقى 29 سەكوند
الماتىلىق قۇسبەگى «قانس 6 مينوت
بقو-دا پوليتسيا قىزمەتك 9 مينوت
ايگۇزال باقىتتى تۇرمىسق 10 مينوت
پاكىستاندا بەنزين تاسىم 10 مينوت
تيانشان تورى 10 مينوت
وتىز ءۇش مەملەكەتتىڭ 30 12 مينوت
باقىتجان ساعىنتاەۆ: كەل 18 مينوت
ەلوردا اكىمىنىڭ ەكس-ورى 21 مينوت
بريتانياداعى سايلاۋ: بو 21 مينوت
بريتانياداعى سايلاۋ: بو 27 مينوت
وب يتوگاح رەاليزاتسي پر 1 ساعات
تيانشان تورى 1 ساعات
中国哈萨克语广播网 1 ساعات
قازىنا مينيسترلىگى قۇجا 1 ساعات
مەملەكەتتىك بيۋدجەت كىر 1 ساعات
كەڭەس مۇشەسىنە قانداي ك 1 ساعات
«Astana Motorsports» كو 1 ساعات
قاڭتار ايىندا قازاقستان 1 ساعات
مىسىردا رامزەس پەرعاۋىن 1 ساعات
قازىنا مينيسترلىگى، شۇع 1 ساعات
باسقا جاستار دا ساياسات 1 ساعات
LRT ءىسى: ەلوردا اكىمىن 1 ساعات
تيانشان تورى 1 ساعات
ءۇش ءورت ءسوندىرۋشى «ەر 1 ساعات
بۇگىن قاسيەتتى اراپا كۇ 1 ساعات