ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-12-141793576056 %44 %
2019-12-152986627364 %36 %
2019-12-161854805375 %25 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: تۇركىستان گازەتى

جولدانعان ۋاقىتى: 13:20 - 2019/07/11

پاراسات بيىگىندە...

«ۇستاز – جاراتىلىسىنان وزىنە ايتىلعاننىڭ ءبارىن جەتە تۇسىنگەن، كورگەن، اڭعارعان، ەستىگەن دۇنيەلەرىن جادىندا تۇگەل ساقتاعان، العىر دا اڭعارىمپاز اقىل يەسى. ۇستاز – مەيلىنشە شەشەن، ونەر-بىلىمگە قۇشتار، اسا قاناعاتشىل، جانى اسقاق، ار-نامىسىن ارداقتايتىن، جاقىندارىنا دا، جات ادامدارعا دا ءادىل، جۇرتتىڭ بارىنە جاقسىلىق كورسەتىپ، ىزگىلىكتى ناسيحاتتايتىن ەرجۇرەك يەسى بولۋى ءتيىس». بۇل كەسەك ويدىڭ اۆتورى – ۇلى عۇلاما ءابۋ ناسىر ءال-فارابي.

ء

بىزدىڭ كەيىپكەرىمىز دانىشپان ءال-فارابي قويعان قاتاڭ تالاپتىڭ ۇدەسىنەن شىعا بىلگەن ۇلاعاتتى جان – ابدراحيموۆا گۇلنار  ءبازىلقىزى. عۇمىرىنىڭ 48 جىلىن عىلىمي-پەداگوگيكاعا ارناعان ونىڭ ءومىر جولى – ونەگەلى جول... ۇلگىلى جول...

گۇلنار ءبازىلقىزى – 1949 جىلى 14 شىلدەدە جامبىل وبلىسى قورداي اۋدانى قىزىلساي اۋىلىندا دۇنيەگە كەلدى. بۇل ولكە – كەنەسارى حان تۇلپارىنىڭ تۇياعى تيگەن تاريحي ايماق. بۇل ولكە – كۇللى قازاققا قۇرمەتتى، قالا بەردى الەمنىڭ جارتىسىنا ايگىلى ماتەماتيك عالىم مۇحتار وتەلباەۆ تۋعان توپىراق. بۇل ولكە – ەلگە بەلگىلى اقىن-جازۋشىلاردىڭ،  ونەر قايراتكەرلەرىنىڭ، جانى جومارت، قولى اشىق ءىرى مەتسەنات-كاسىپكەرلەردىڭ كىندىك قانى تامعان جەر. تاۋ بوكتەرىندەگى وسى ءبىر سۋلى، نۋلى قاسيەتتى مەكەندە گۇلنار ءبازىلقىزىنىڭ بالالىق شاعى ءوتتى. ول Maسانچي اتىنداعى  ورتا مەكتەپتى ءبىتىرىپ، 1967 جىلى الماتى پەداگوگيكالىق شەتەل تىلدەرى ينستيتۋتىنا ءتۇستى. 1971 جىلى اتالمىش ينستيتۋتتى ۇزدىك ءبىتىرىپ، سول ينستيتۋتتىڭ نەمىس ءتىلى فاكۋلتەتىندە  نەمىس ءتىلى فونەتيكاسى كافەدراسىنا ءمۇعالىم بولىپ تاعايىندالدى. مىنە، سودان بەرى گۇلنار اپاي قازاقستان رەسپۋبليكاسىنىڭ جوعارى وقۋ ورىندارىندا ۇستازدىق جانە عىلىمي-زەرتتەۋ جۇمىستارىن اتقارىپ كەلەدى. ەلىمىزدەگى ىرگەلى وقۋ ورىندارىنىڭ ءبىرى – ابىلاي حان اتىنداعى حالىقارالىق قاتىناستار جانە الەم تىلدەرى ۋنيۆەرسيتەتىندە وقىتۋشى، دوتسەنت، ماگيستراتۋرا دەكانى قىزمەتتەرىن اتقارعان.

عىلىمنىڭ ىزىنە ءتۇسىپ، وقۋ ىزدەپ ماسكەۋ قالاسىنداعى موريس تورەز اتىنداعى پەداگوگيكالىق شەتەل تىلدەرى ينستيتۋتىنا اسپيرانتۋراعا وقۋعا قابىلدانادى. بۇل 1980 جىلدار ەدى. سول زاماندا اتاعى اسپانداپ تۇرعان ماسكەۋدە وقۋ – قازاق قىزى ءۇشىن زور جەتىستىك.

عىلىم جولى – بۇرالاڭى كوپ، قيىن جول. ءبىراق گۇلنار ءبازىلقىزى بۇل جولدا اداسپادى، سۇرىنبەدى، جالىقپادى. موريس تورەز اتىنداعى پەداگوگيكالىق شەتەل تىلدەرى ينستيتۋتىندا ءتىل تەورياسى ماماندىعى بويىنشا ءمۇيىزى قاراعايداي، ءتىس قاققان ماسكەۋلىك پروفەسسورلاردىڭ الدىندا كانديداتتىق ديسسەرتاتسياسىن قورعادى. عىلىمي جۇمىسقا، عىلىمي اتاققا اسا ساق قارايتىن، كىرپياز، ءبىلىمپاز ديسسەرتاتسيالىق قۇرام مۇشەلەرىن مويىنداتتى.

ء

تىل ءبىلۋ – ادامنىڭ كوكجيەگىن كەڭەيتەدى. وزگە حالىقتى تانىپ، زەرتتەۋگە مۇمكىندىك اشادى. ال سول ءتىلدىڭ بايلىعىن تولىق يگەرىپ، جەتىك مەڭگەرۋ – زور تالعام، پاراساتتى قاجەت ەتەتىن جۇمىس. گۇلنار ءبازىلقىزى – نەمىس ءتىلىن جەتىك بىلەتىن، اكادەميالىق دەڭگەيدە سويلەيتىن مامان. گەرمانيا مەملەكەتى ونىڭ بۇل تالانتىن جوعارى باعالاپ، گۇلنار اپايعا سول ەلدە ءبى­لى­مىن جەتىلدىرۋگە 6 مارتە شاقىرىپ، جاع­داي جاساعان. ءسويتىپ، ول الماتىداعى گەرمانيا وكىمەتىنىڭ  نەمىس ءتىلىن جانە مادەنيەتىن ناسيحاتتاۋ ماقساتىمەن قۇرىلعان  گەتە اتىنداعى ينستيتۋتتا ساباق بەرگەن.

«باسقالاردى وقىتىپ، ۇيرەتۋ ناتيجەلى بولۋ ءۇشىن ەڭ اۋەلى پەداگوگتىڭ ءوزى وقۋ كەرەك. وقىعاندا دا تالماي، تىنباي، قارتايسا دا وقۋى ءتيىس». بۇل – گۇلنار ءبازىلقىزىنىڭ ۇستانىمى. سوندىقتان ول ادىستەمەلىك تاجىريبەسىن تولىقتىرىپ، ءبىلىمىن شىڭداۋ ءۇشىن شەتەلدىك ماماندارمەن ءجيى تاجىريبە الماسادى، سان الۋان سەمينارلارعا قاتىسادى. بۇكىل جيعان-تەرگەن، وقىعان-تۇيگەن دۇنيەسىن كۇللى رەسپۋبليكا كولەمىندەگى ورتا مەكتەپتەر مەن جوعارى وقۋ ورىندارىندا نەمىس ءتىلىن وقىتاتىن مۇعالىمدەرمەن بولىسەدى. ويتكەنى، گۇلنار اپاي – بىلگەنىن باسقاعا ۇيرەتپەۋ، جەردى جىرتىپ، ءدان سەپپەگەنمەن بىردەي ەكەنىن  تەرەڭ ۇعىنعان جان.

«شاكىرتسىز – ۇستاز تۇل». گۇلنار ءبازىلقىزى – ءون بويىنا ءوز ىسىنە، شاكىرتتەرىنە دەگەن سۇيىسپەنشىلىكتى جيناقتاعان كەمەل ۇستاز. ول فيلولوگيا سالاسى بويىنشا ىز­دەنىپ جۇرگەن كوپتەگەن جاسقا عىلىمي باعىت-باعدار بەرىپ، جەتەكشىلىك ەتتى، مامان رەتىندە قالىپتاسۋىنا سەبەپكەر بولدى.

گۇلنار ءبازىلقىزى 60-تان استام عىلىمي ماقالانىڭ 9 تيپتىك اۋدار ماماندىعىنا ارنالعان باعدارلامالاردىڭ اۆتورى. ول جۇمىس تالعامايدى. ەڭبەكقور. عىلىمي جۇمىستارىنان، وقىتۋشىلىعىنان بولەك، ءبىلىم سالاسىنداعى بارلىق شارالارعا بەلسەنە قاتىسادى. ماسەلەن، گۇلنار اپاي ەلىمىزدىڭ ءبىلىم جانە عىلىم مينيسترلىگىنىڭ  جانىنداعى  تەستىلەۋ ورتالىعىنىڭ ماگيستراتۋرا جانە دوكتورانتۋرا تالاپكەرلەرىنە ارنالعان تەست سۇراقتارىن تەكسەرۋدىڭ  تۇراقتى ەكسپەرتى رە­تىن­دە بولعان. عالىم-ادىسكەر رەتىندە  اۋدارما ءىسى جانە شەتەل ءتىلى ماماندىعى بويىن­شا وقىلاتىن پاندەردەن تەست تاپسىرماسىن جاساۋعا اتسالىسقان.

ول حالىقارالىق، رەسپۋبليكالىق عىلىمي كونفەرەنتسيالارعا ءجيى قاتىسادى. ءتىل ءبىلىمى سالاسىنداعى پروبلەمالاردى قوزعاپ، ساپالى، مازمۇندى باياندامالار جاساعان. گەرمانيادا، يتاليادا وتكەن الەمدىك قۇرىلتايلاردا گۇلنار ءبازىلقىزىنىڭ  حالىقارالىق دەڭگەيدە  اۋدارما ءىسى ماماندىعىن مەڭگەرۋ تۋرالى  بايانداماسى دۇنيەنىڭ ءتورت بۇرىشىنان جينالعان وقىمىستىلاردى تاڭقالدىرعان.

ء

ۇش جىل بۇرىن گۇلنار ءبازىلقىزى كوركەم اۋدارما ىسىنە مىقتاپ دەن قويا باستادى. وسى جولداعى كاسىبيلىگىن ارتتىرۋ ءۇشىن دە ءبىلىمدى كوزدەپ تالاي شەتەلگە باردى، ايتۋلى مامانداردان ساباق الدى. مىنە ول وسىلايشا، ءوزىنىڭ ەشقاشان ىزدەنۋدەن، وقۋدان تالمايتىنىن تاعى ءبىر مارتە دالەلدەدى. ونىڭ بۇل ءىسى «تۋماي جاتىپ قارتايعان»، جاڭالىققا ۇمتىلمايتىن قانشاما جاسقا ۇلگى، قانشاما جانعا موتيۆاتسيا؟!

گۇلنار ءبازىلقىزى بۇگىن دە جەتپىستىڭ بەلەسىنە شىقتى. الايدا ول ءالى دە عىلىمي-پەداگوگيكالىق باعىتتاعى جۇمىسىن توقتاتقان جوق. اباي اتىنداعى  قازاق ۇلتتىق پەداگوگيكالىق ۋنيۆەرسيتەتىندە ءدارىس وقيدى. بىرىككەن فيلولوگيا جانە كوپتىلدى ءبىلىم بەرۋ ينستيتۋتىنىڭ شەتەل تىلدەرى كافەدراسىندا ستۋدەنتتەر  مەن ماگيسترانتتاردىڭ عىلىمي جۇمىستارىنا جەتەكشىلىك ەتەدى.

گۇلنار ءبازىلقىزىنىڭ تاۋەلسىز قازاقستاننىڭ ءبىلىم بەرۋ ىسىنە، ءتىل ءبىلىمى سالاسىنا قوسقان ۇشان-تەڭىز ۇلەسى ەلەۋسىز قالعان ەمەس. ول بىرنەشە مەدالدىڭ يەگەرى. 1998 جىلى «قازاقستان رەسپۋبليكاسى ءبىلىم بەرۋ ءىسىنىڭ ۇزدىگى» توسبەلگىسىمەن ماراپاتتالعان. ەل ەرتەڭى جاستاردى وقىتىپ-تاربيەلەۋگە تاباندى  تۇردە اتسالىسقان ەڭبەگى ەلەنگەن قۇرمەت گراموتالارى، العىس حاتتارى دا جەتەرلىك. ال   گۇلنار ءبازىلقى­زىنىڭ 48 جىلدىق ءوتىلى ءۇشىن بەرىلگەن ەڭ باستى ماراپات – شاكىرتتەرىنىڭ جەتىس­تىگى، پەداگوگ رەتىندەگى بەدەلى...

«تاعدىر ارباسى – كىمدەرگە جەڭىل، كىمدەرگە اۋىر». گۇلنار ءبازىلقىزى دا تالاي سىناقتى باسىنان وتكەرگەن. ءبىراق سىنباعان. «قيىندىقتى اللانىڭ سىيى، ماعان بەرگەن ومىرلىك ساباعى دەپ قابىلدادىم»، – دەيدى. عىلىم جولىندا جۇرسە دە، ول ەشقاشان وتباسىن جوسپارىنىڭ ەكىنشى باعانىنا ىسىرعان ەمەس. وتباسى – ول ءۇشىن بارىنەن ماڭىزدى. سوندىقتان شىعار، جەتپىسكە كەلىپ، قازىنالى قارياعا اينالعاندا، ماڭايى بوس ەمەس. ءۇبىرلى-شۇبىرلى. نەمەرەلەردىڭ شات كۇلكىسى ۇزىلمەيتىن شاڭىراعى بەرەكەلى.

گۇلنار اپايدىڭ ومىرلىك قاعيداسى – ادالدىق، ەڭبەكقورلىق، مەيىرىمدىلىك، شىنايىلىق. ءوزى وسى ءبىر ادامي اسىل قاسيەتتەردىڭ شەڭبەرىنەن شىقپاعان. سوندىقتان دا ول – الىس-جاقىن اعايىنعا، ارىپتەستەرىنە، شاكىرتتەرىنە قۇرمەتتى، سىيلى، بەدەلدى. سوندىقتان دا ول ء–اردايىم پاراسات بيى­گىن­دە...

ماقپال ماديار


كەلۋ قاينارى: http://www.elarna.net/koru.php?tur=14&id=1021861

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


تالدىقورعاندا ءۇي كەزەگ 5 مينوت
يران تاريحتا العاش رەت 8 مينوت
اعاجاي التاي تورى 18 مينوت
ەلوردادا «JYL ÁNI» گالا 18 مينوت
تيانشان تورى 18 مينوت
قالدىباي ابەنوۆ: " 18 مينوت
ەۋروكوميسسيانىڭ ۆيتسە-پ 23 مينوت
تاياۋ شىعىستا بيوتەحنول 23 مينوت
اقمولا وبلىسىندا اۋا را 28 مينوت
تاۋەلسىزدىك تاريحىنان س 28 مينوت
افريكانىڭ كەدەي ەلدەرىن 1 ساعات
اعاجاي التاي تورى 1 ساعات
تيانشان تورى 1 ساعات
جەلتوقسان تۇتقىندارى 1 ساعات
اقتوبە پوليتسەيلەرى بۇز 1 ساعات
دۇعا ادەپتەرى (جۇما ۋاع 1 ساعات
تاۋەلسىزدىك كۇنى ءبىر ت 1 ساعات
تاۋەلسىزدىك كۇنى شىمكەن 1 ساعات
تيانشان تورى 1 ساعات
شينجياڭ موڭعۇلكۇرە: قىس 1 ساعات
اعاجاي التاي تورى 1 ساعات
جادىمدا قالعان – جەلتوق 1 ساعات
ەلوردالىق ارۋلار بالالا 1 ساعات
تاس باعى (فوتو) 1 ساعات
ەردوعان اقش-قا سەس كورس 1 ساعات
اعاجاي التاي تورى 1 ساعات
تيانشان تورى 1 ساعات
مىسىق ماۆزولەيى (فوتو) 1 ساعات
موڭعوليادا قازاقستاننىڭ 1 ساعات
ءبىرقاتار مەملەكەت ەلشى 2 ساعات