ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-12-0566971342055 %45 %
2019-12-0628711318864 %36 %
2019-12-07485112950 %50 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: تۇركىستان گازەتى

جولدانعان ۋاقىتى: 12:50 - 2019/07/11

بىلىكتىلىكتى جەتىلدىرۋگە ەرەكشە ءمان بەرەمىز

بيىل قۇرىلعانىنا ءبىر جىل تولىپ وتىرعان تۇركىستان وبلىسىنا بارعان  ءبىر ءىسساپار كەزىندە سارىاعاش اۋداندىق ورتالىق اۋرۋحاناسىنىڭ باس دارىگەرى باقىت ميرزاليەۆپەن اڭگىمەلەسۋدىڭ ءساتى تۇسكەن ەدى. تاجىريبەلى دە بىلىكتى باسشىنىڭ ايتارى مول ەكەن.

 – باقىت يابايۇلى، اڭگىمەمىزدى ءوزىڭىزدىڭ وسىپ-ونگەن ورتاڭىزدان باستاساق دەيمىن. ويتكەنى، «ۇيادا نە كورسەڭ، ۇشقاندا سونى ىلەسىڭ» دەگەن تاماشا ءتامسىل بار ەمەس پە. كەز كەلگەن بالانىڭ بولاشاعى ۇشقان ۇياسىندا العان تالىم-تاربيەسىنە، ەسەيە باستاعاندا اتا-اناسىنىڭ ۇلكەن ءومىر جولىنداعى العاشقى قادامى ءساتتى بولۋى ءۇشىن دۇرىس باعىت-باعدار بەرە بىلۋىنە بايلانىستى عوي. 

باقىت ميرزاليەۆ، سارىاعاش اۋداندىق ورتالىق اۋرۋحاناسىنىڭ باس دارىگەرى:

– ءسوزىڭىزدىڭ جانى بار. دارىگەر دەگەننىڭ كىم ەكەنىن بالا كۇنىمنەن ءبىلىپ ءوستىم. بۇل دەنساۋلىعىمدا كىنارات بولىپ، دارىگەردىڭ الدىنان شىقپادىم دەگەن ءسوز ەمەس. اكەم اينالاسىنا بەلگىلى اق حالاتتى ابزال جانداردىڭ ءبىرى بولعان ەدى. اسىقاتا كەنتىندەگى اۋرۋحانادا كوپ جىل تەراپيا ءبولىمىنىڭ مەڭگەرۋشىسى بولىپ ىستەدى، كەيىندە جەدەل جاردەم اۋرۋحاناسىن باسقاردى. وكىنىشكە قاراي، 56 جاسىندا قايتىس بولىپ كەتتى. وتباسىنداعى ءۇش بالانىڭ ۇلكەنى بولعاندىقتان شىعار دەيمىن، اكەم­نىڭ قاسىنان قالمايتىنمىن، ءتىپتى، اۋرۋحاناعا دا ءجيى ەرىپ باراتىنمىن. ول كوپشىلىك الدىندا: «مەنىڭ باقىتىم ءوزىم سياقتى دارىگەر بولادى» دەگەن ءسوزدى ءجيى ايتاتىن. «اكە كورگەن وق جونار، شەشە كورگەن تون پىشەر» دەگەن ءسوز تەگىن ايتىلماسا كەرەك. دارىگەر بولۋدى وڭ-سولىمدى تانىي باستاعاننان ارماندادىم. ورتا مەكتەپتى تامامداسىمەن ەش ويلانباستان قاراعاندى مەملەكەتتىك مەديتسينا اكادەمياسىنا تارتىپ كەتتىم، جولىم بولدى. ستۋدەنت اتاندىم. «ەمدەۋ ءىسى» بويىنشا ماماندىق الىپ شىقتىم. ايتا كەتەيىن، قارىنداسىم جانار دا، جارىم فاريدا دا دارىگەر بولىپ ىستەيدى. وسىلايشا 20 جىلدان بەرى اكە اماناتىن ارقالاپ، دارىگەر-تەراپەۆت رەتىندە اۋدان حالقىنا قىزمەت كورسەتىپ كەلەمىن. مارقۇم اكەمنىڭ سەنىمىن اقتادىم دەپ ويلايمىن. مەديتسينا سالاسىنا بەرگەنىمنەن ءالى بەرەرىم كوپ.

– ءسىز ورتالىقتاندىرىلعان ۇلكەن ءبىر اۋرۋحانانىڭ بىلدەي باس دارىگەرى ەمەسسىز بە؟

– وقۋدى جاڭا بىتىرگەن جاس مامان بىردەن باسشىلىق قىزمەتكە كەلمەيدى عوي. بۇعان دەيىن دارىگەرلىك قىزمەتتىڭ تالاي باسپالداعىنان  ءوتتىم. ەڭبەك جولىمدى قورداي اۋدانىنداعى اسكەري بولىمدەردىڭ بىرىندەگى مەديتسينالىق پۋنكتتەن باستاعانمىن. جەتى جىلداي اسكەري دارىگەر بولىپ قىزمەت ەتتىم. ودان كەيىن التى-جەتى جىلداي شىمكەنت قالاسىنداعى جۇقپالى اۋرۋلار اۋرۋحاناسىندا باس دارىگەردىڭ ۇيىمداستىرۋ-ادىستەمەلىك ءىسى جونىندەگى ورىنباسارى بولىپ ىستەدىم. ال 2016 جىلدان بەرى سارىاعاش اۋداندىق ورتالىق اۋرۋحاناسىنىڭ باس دارىگەرى لاۋازىمىن اتقارىپ كەلەمىن.

ء

وزىمدى-وزىم ماقتاعانىم ەمەس، تاجىريبە جيناقتاۋ جاعىنان كەندە ەمەسپىن.  ءار جىلداردا ماسكەۋ مەن سانكت-پەتەربۋرگتە، چيتادا، ءوزىمىزدىڭ الماتىدا ءبىلىمىمدى جەتىلدىرۋمەن بولدىم. رەسەي قالالارىندا ءبىلىم جەتىلدىرۋدە بولعانىمىزدا قازاقستاننان بارعان بىزدەرگە وسى ەلدە قالىپ، قىزمەت ىستەۋگە ۇسىنىستار جاسالدى. ارامىزدا بىرلى-ەكىلى ازاماتتار سول جاقتا قىزمەت ەتۋگە ىقىلاستى بولدى. «كىسى ەلىندە سۇلتان بولعانشا، ءوز ەلىڭدە ۇلتان بول»  دەگەندى اكەم مارقۇم ءجيى ايتۋشى ەدى. مەن وسى قاعيداتتى ۇستاندىم. ءتىپتى، استاناعا دا جالاقىسى جوعارى قىزمەتكە شاقىرعاندا بارمادىم. شەتەلگە  ۇسىنىستار بولعاندا دا تۋىپ-وسكەن ولكەمدى قيىپ كەتە المادىم. قۇدايعا شۇكىر، ابىرويسىز ەمەسپىن، ەكى مىڭنان اسىپ جىعىلاتىن ءوز ۇجىمىمدا دا، ەل ىشىندە دە سىيلى ازاماتپىن. كاسىبي ماماندىعىم جايىندا ايتار بولسام، «قوعامدىق دەنساۋلىق ساقتاۋ ماماندىعى بويىنشا (الەۋمەتتىك گيگيەنا جانە دەنساۋلىق ساقتاۋدى ۇيىمداستىرۋ) جوعارى  ساناتتى»  دارىگەر سەرتيفيكاتىنا يەمىن. ەڭبەگىم ءتيىستى اتقارۋشى ورگاندار تاراپىنان باعالانىپ جاتىر، ءتۇرلى ماراپاتتاردان كەندە ەمەسپىن.

– ورتالىق اۋرۋحانانىڭ ماتەريالدىق-تەحنيكالىق جاعدايى تۋرالى نە ايتار ەدىڭىز؟

– ارينە، بۇگىنگى كۇننىڭ تالابىنا وراي مەديتسينالىق قۇرال-جابدىقتارمەن، ءتۇر­لى اپپاراتۋرالارمەن قامتاماسىز ەتىلىپ كەلەمىز. وتكەن جىلدىڭ وزىندە كومپيۋتەرلىك توموگرافيا، راديوگرافيكالىق رەنتگەندىك جۇيە، ۋلترادىبىستىق دياگنوستيكالىق جۇيە، وكپەنى جاساندى جەلدەتتىرەتىن اپپارات جانە باسقا دا كۇردەلى جابدىقتار ساتىپ الىندى. بۇلاردىڭ ءبارى وتە قىمبات شەتەلدىك دۇنيەلەر. بيىلعى جىلى دا ءبىراز مەديتسينالىق تەحنيكا ساتىپ الۋدى جوسپارلاپ وتىرمىز.

وزىمە دەيىنگى باسشىلىقتى جامانداعانىم ەمەس، مەن باس دارىگەر بولىپ كەلگەنىمدە اۋرۋحانانىڭ اينالاسى توپىراققا كومىلىپ، توڭىرەكتى شاڭ باسىپ جاتاتىن. كەلگەن بويدا تازالىقتى، كوگالداندىرۋ-كورىكتەندىرۋ جۇمىستارىن قولعا الدىم. گۇلزارلار جاساتىپ، تال  ەكتىك، عيماراتتارعا  جوندەۋ جۇرگىزدىك.

اۋداندا ارباعا تاڭىلعان مۇگەدەكتەر كوپ. ولاردىڭ اۋرۋحاناعا كىرىپ، شىعۋلارى مۇڭ. سولارعا جەڭىل  بولۋى ءۇشىن ارنايى جول جاسادىق. بۇگىندە دارىگەرگە قارالاتىن جانداردىڭ كوبىسى ماشينامەن كەلەدى. بۇرىندارى كولىكتەرىن قاي جەرگە قويارلارىن بىلمەي قينالاتىن. قاقپاسى پۋلتپەن اشىلىپ، جابىلاتىن اۆتوتۇراق اشتىق. نەۆرولوگيا بولىمىندە جاتاتىندار ءۇشىن شاعىن سپورت الاڭىن سالدىق. مۇنىڭ ءبارى بىلايعى جۇرتقا ۇساق-تۇيەك بولىپ كورىنگەنىمەن، دارىگەرلىك كومەككە ءزارۋ بولىپ كەلگەندەر ءۇشىن ۇلكەن قامقورلىق دەپ بىلەمىن.

ء

بىزدىڭ ءبىر جەتىستىگىمىز ينسۋلت ورتالىعىنىڭ اشىلۋى بولىپ وتىر. سىرقاتتىڭ وسى تۇرىنە شالدىققاندارعا وتانى ءوزىمىز جاسايمىز، بىلىكتى نەيروحيرۋرگ مامانىمىز بار. ءبىزدىڭ ينسۋلت ورتالىعىنا وزگە وڭىرلەردەن كەلەتىن سىرقاتتار دا بارشىلىق. مۇنى ءبىز دارىگەرلىك قىزمەتىمىزدەگى زور جەتىستىك دەپ بىلەمىز. ماماندارىمىزدىڭ كاسىپتىك بىلىكتىلىگىن شىڭداۋعا ۇلكەن ءمان بەرەمىز. ىرگەدەگى رە­سەيدى بىلاي قويىپ، سوناۋ كورەياعا بارىپ، بىلىمدەرىن شىڭداپ كەلگەن ماماندارىمىز بار. ماماندىقتى جەتىلدىرۋگە ۇنەمى كوڭىل ءبولىپ وتىرامىن.

انا مەن بالا دەنساۋلىعىن ساقتاۋ ماسەلەسى ءبىرىنشى كەزەكتە تۇرادى. ءبىزدىڭ پەرزەنتحاناعا  كورشىلەس شاردارا مەن كەلەس اۋداندارىنان  اۋىر حالدەگى جۇكتى ايەلدەر ءجيى جەتكىزىلىپ تۇرادى. بۇدان پەرزەنتحانامىزدىڭ ستاتۋسى جوعارى، ماماندارىمىزدىڭ وتە بىلىكتى ەكەنىن اڭعارۋعا بولادى.

ەمحانانىڭ بىزدە ءبارى جاقسى، ەشقانداي پروبلەما جوق دەۋدەن اۋلاقپىن، تار بولۋى كوپ قيىشىلىقتاردى تۋىنداتۋدا، زامان تالابىنا ساي كەلەتىن جاڭا ەمحانا، پەريناتالدىق ورتالىق وتە قاجەت. وسى ماسەلەلەردى شەشۋگە بايلانىستى جاڭا جوبالار جاسالۋدا. بۇل ەندى الداعى ۋاقىتتىڭ ەنشىسىندەگى جۇمىستار.

 

ميرا بەرىكبولوۆا،

تۇركىستان وبلىسى.


كەلۋ قاينارى: http://www.elarna.net/koru.php?tur=14&id=1021844

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


حالىقارالىق ستاندارتقا 7 مينوت
中国哈萨克语广播网 7 مينوت
كۋالىكتەر كارتالارعا اۋ 22 مينوت
توقاەۆتىڭ گەرمانياعا سا 25 مينوت
«قازاتومونەركاسىپ» كومپ 1 ساعات
ءتۋريزمدى دامىتۋعا ارنا 1 ساعات
中国哈萨克语广播网 1 ساعات
«قازاتومونەركاسىپتىڭ» د 1 ساعات
جەمقورلىق جولى كەسىلەدى 1 ساعات
«رەال مادريد» ەكولوگيا 1 ساعات
پوەزيا قاينارىنان سۋسىن 1 ساعات
NASA كۇنگە قاتىستى تىڭ 1 ساعات
中国哈萨克语广播网 1 ساعات
باس ءمۇفتي ۇستازىنىڭ با 1 ساعات
استانادا كوشەسى بار ابى 1 ساعات
ءابىشتانۋدىڭ تەرەڭ تاعى 2 ساعات
Kids’ quick and e 2 ساعات
تيانشان تورى 2 ساعات
中国哈萨克语广播网 2 ساعات
ريددەردە سەس قۇبىر جەلى 2 ساعات
«رەال مادريد» ەكولوگيا 2 ساعات
قايتا وڭدەلمەگەن قالدى 2 ساعات
قاراعاندىدا «مەنىڭ قازا 2 ساعات
تيانشان تورى 2 ساعات
قازاقستاندىق 39 سپورتشى 2 ساعات
«پاتەر يەلەرى ەرەكشە ج 2 ساعات
قاراعاندىدا جەمقورلىققا 2 ساعات
中国哈萨克语广播网 2 ساعات
«نۇرلى جەر»: اتىراۋدا 1 2 ساعات
تيانشان تورى 2 ساعات