ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-12-0471511308356 %44 %
2019-12-0566971342055 %45 %
2019-12-06000 %100 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: تۇركىستان گازەتى

جولدانعان ۋاقىتى: 12:00 - 2019/07/11

ەلمەن ەتەنە بولۋ ماڭىزدى

«Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك الماتى قالاسىنا رەسمي ساپارمەن بارىپ قايتتى. ساپار بارىسىندا باۋىرجان بايبەك پارتيانىڭ الماتى قالالىق فيليالىنىڭ كەزەكتەن تىس XXV كونفەرەنتسياسىنا قاتىسىپ، پارتيا جۇمىسىن جەتىلدىرۋدىڭ باستى مىندەتتەرىن اتاپ كورسەتتى.

الدىمەن ول ەلىمىز دامۋدىڭ جاڭا كەزەڭىنە قادام باسقانىن ايتىپ، سوعان بايلانىستى پارتيانىڭ الدىندا اۋقىمدى مىندەتتەرگە نازار اۋداردى. ونىڭ ايتۋىنشا، پارتيا ۇنەمى ىلگەرى جىلجىپ، قوعامنىڭ تالاپتارىنا ساي دامىپ وتىرۋى كەرەك. ء«بىزدىڭ پارتيا بارشا قازاقستاندىقتاردى بىرىكتىرەتىن ەلىمىزدەگى ەڭ باستى كۇش. ءبىز حالىقتى ەستي دە، تىڭداي دا ءبىلۋىمىز قاجەت. بۇل – ەلباسى، پارتيا ءتوراعاسىنىڭ تىكەلەي تاپسىرماسى. سوندىقتان ادام قۇقىقتارى مەن ەركىندىگىن قورعاۋ، لايىقتى ءومىر ءسۇرۋ دەڭگەيىن قامتاماسىز ەتۋ، ەلدىڭ مۇڭ-مۇقتاجىن تىڭداپ، ونى وڭ شەشۋ، قاشاندا ەلمەن ەتەنە بولۋ پارتيا جۇمىسىنىڭ باسىم باعىتى»، – دەدى باۋىرجان بايبەك.

سونداي-اق، ول پارتيا ەلباسىنىڭ بارلىق ستراتەگيالىق باعدارلامالارى مەن قازاقستان پرەزيدەنتى قاسىم-جومارت توقاەۆتىڭ سايلاۋالدى باعدارلاماسىنىڭ جۇزەگە اسىرىلۋ بارىسىن پارتيالىق باقىلاۋدى كۇشەيتۋ كەرەكتىگىن ايتتى. الداعى ۋاقىتتا بارلىق پارتيالىق جوبالار قايتا قارالىپ، حالىقتىڭ ءومىرىن جاقسارتۋعا باعىتتالعان ناقتى باستامالار بويىنشا جۇمىستار جاندانا تۇسپەك. ۇكىمەتتىڭ جۇمىسىنا دا ءتيىمدى پارتيالىق باقىلاۋ جۇرگىزىلىپ، مينيسترلەر مەن اكىمدەردىڭ تەك مەملەكەتتىك ورگانداردىڭ باسشىلارى رەتىندە عانا ەمەس، پارتيا مۇشەسى رەتىندە دە جاۋاپكەرشىلىگى ارتا تۇسەدى. بۇل ءسوزدىڭ پارلامەنت پەن بارلىق دەڭگەيدەگى ءماسليحاتتارداعى دەپۋتاتتىق فراكتسيالارعا دا قاتىسى بار. ء«بىزدىڭ باستى مىندەت – حالىقتىڭ سە­نىمىن كۇشەيتۋ. ويتكەنى ءبىز حالىقتىڭ پارتياسىمىز. سوندىقتان ءبىز ساننان ساپاعا باسىمدىق بەرىپ، پارتيا قاتارىندا بەلسەندى تۇردە «تازالاۋ» جۇمىستارىن جۇرگىزەمىز»، – دەدى پارتيا ءتوراعاسىنىڭ ءبىرىنشى ورىنباسارى.

سونداي-اق باۋىرجان بايبەك پارتيانىڭ پىكىرتالاس الاڭدارىندا قوعامدى الاڭداتقان ماسەلەلەردى اشىق ءارى ناقتى ايتۋى كەرەكتىگىن نازارعا الدى. ودان بولەك، پارتيا الداعى ۋاقىتتا ۇكىمەتتىك ەمەس ۇيىمدارمەن جۇمىسقا دا باسا ءمان بەرمەك. «Nur Otan» ساياسي، ءبىراق ۇكىمەتتىك ەمەس ۇيىم. سوندىقتان ءبىز ۇكىمەتتىك ەمەس ۇيىمدارمەن بايلانىستى كۇشەيتىپ، ولارعا جاعداي جاساۋىمىز كەرەك. اسىرەسە، الماتى سياقتى ءىرى قالالاردا بۇل باسىمدىقتىڭ ماڭىزى زور. ءبىزدىڭ قولىمىزدا بيلىككە اسەر ەتە الاتىن تەتىكتەر بار. سونى ءتيىمدى پايدالانۋىمىز قاجەت. وسىعان وراي مەملەكەت باسشىسى پارتياعا ۇلتتىق قوعامدىق سەنىم كەڭەسىنىڭ جۇمىسىنا بەلسەندى قاتىسۋدى تاپسىردى»، – دەگەن باۋىرجان بايبەك پارتيانىڭ كوپبالالى انالار، زەينەتكەرلەر، مۇمكىن­دىگى شەكتەۋلى جاندار سياقتى بارلىق الەۋمەتتىك توپپەن جۇمىس ىستەۋى كەرەكتىگىن تىلگە تيەك ەتتى.

سونداي-اق «Nur Otan» پارتياسى ءتوراعاسىنىڭ ءبىرىنشى ورىنباسارى جانە الماتى قالاسى اكىمىنىڭ قاتىسۋىمەن قازاقستان، گەرمانيا، اۆستريا ەلدەرى اراسىندا ەلەكتروكولىك قۇرالدارىنا ارنالعان اككۋمۋلياتور شىعاراتىن زاۋىتتىڭ قۇرىلىسى تۋرالى ءۇشجاقتى مەموراندۋمعا قول قويىلدى. جاڭا زاۋىت الماتىدا ەلەكترواۆتوبۋستار شىعارۋعا تىڭ سەرپىن بەرىپ، ءوندىرىس كولەمىن ارتتىرادى.

پارتيا ارىس حالقىنا كومەك قولىن سوزدى

«Nur Otan» پارتياسى ارىس قالاسىنداعى زارداپ شەككەندەرگە كومەك كورسەتۋىن جالعاستىرۋدا. ءقازىردىڭ وزىندە پارتيالىقتار كورسەتكەن ارىس قالاسىنداعى زارداپ شەككەندەرى ءۇشىن كومەكتىڭ ءبىر بولىگى تۇرعىندارعا جەتكىزىلدى.

قاراعاندى وبلىسى اۆياحابارمەن 10 توننا ازىق-تۇلىك تاعامدارى، كيىم-كەشەك پەن تازالىق زاتتارىن جونەلتتى. جالپىحالىقتىق اكتسياعا پارتيانىڭ وبلىستىق فيليالدارىنىڭ ءبارى دە اتسالىستى. زارداپ شەككەندەر ءۇشىن ازىق-تۇلىك تاعامدارى، قۇرىلىس ماتەريالدارى مەن ءبىرىنشى كەزەكتەگى قاجەتتى تاۋارلار بار اۆتوكەرۋەندەر قىزىلوردا، سولتۇستىك قازاقستان، اقتوبە مەن پاۆلودار وبلىستارىنان شىعىپ كەتتى.

سونىمەن بىرگە بالالار قۇقىن قورعاۋ جونىندەگى رەسپۋبليكالىق قوعامدىق كەڭەستىڭ وكىلدەرى سول جەردە 24 بالا پسيحولوگىنىڭ جۇمىسىن ۇيىمداستىردى. سەيسەنبى كۇنى نۇر-سۇلتان قالاسىنان تۇركىستان وبلىسىنا سالالىق ۇەۇ 5 جەتەكشىسى مەن بالالار قۇقىن قورعاۋ جونىندەگى رەسپۋبليكالىق قوعامدىق كەڭەستىڭ وكىلدەرى ۇشىپ بارادى. ولار ەرەسەكتەر مەن  بالالارعا پسيحولوگيالىق كومەك كورسەتۋ جۇمىسىنا بەلسەندى قاتىساتىن بولادى. قاجەتتىلىك تۋىپ جاتسا، وقيعا ورىن العان جەرگە تاعى دا 19 كاسىبي پسيحولوگ بارا الادى.

وڭىردەگى «Nur Otan» پارتياسى فيليالىنىڭ ءتوراعاسى، وبلىس اكىمى ەرمەك مارجىقپاەۆتىڭ ايتۋىنشا، اقمولا وبلىسى اكتيۆى زارداپ شەككەندەرگە كومەك كورسەتۋ تۋرالى شەشىم قابىلداعان. باستاماعا بيزنەسمەندەر قولداۋ تانىتتى.  پاۆلودار وبلىسىنىڭ بالالاردى ساۋىقتىرۋعا ارنالعان بەس ورتالىعى ششۋچينسك-بۋراباي كۋرورتتىق ايماعىنا وڭتۇستىك قازاقستاننان كەلەتىن 300 بالانى قابىلداۋعا دايىن. ءقازىر كەلىسسوزدەر جۇرگىزىلىپ، ارىس قالاسىنىڭ اكىمدىگىمەن بىرگە ناقتى مالىمەتتەر انىقتالىپ جاتىر.

ارىستاعىلاردىڭ باسىنا تۇسكەن اۋىر جاعدايعا قوستانايلىقتار دا نەمقۇرايلى قاراي المادى. وڭىردەگى «Nur Otan» پارتياسى فيليالىنىڭ ءتوراعاسى، قوستاناي وبلىسىنىڭ اكىمى ارحيمەد مۇحامبەتوۆ بۇگىنگى كۇنى پارتيالىقتاردىڭ زارداپ شەككەندەرگە 20 توننا ۇن، 5 توننا ماكارون، ازىق-تۇلىك تاعامدارى مەن باسقا دا قاجەتتى زاتتاردى جىبەرۋدى جوسپارلاپ وتىرعاندارىن اتاپ ءوتتى.

باتىس قازاقستان وبلىسىنىڭ پارتيالىقتارى، ونىڭ ىشىندە «Nur Otan» پارتياسىنىڭ وڭىرلىك فيليالى مەن «Jas Otan» جاستار قاناتىنىڭ قىزمەتكەرلەرى ارىستىقتارعا ءبىر كۇندىك جالاقى كولەمىندە ماتەريالدىق كومەك كورسەتتى. سونىمەن بىرگە وبلىس بويىنشا  گۋمانيتارلىق كومەك قابىلداۋدىڭ ءۇش بەكەتى اشىلدى.

بۇل كۇندەرى بۇكىل رەسپۋبليكا بويىنشا ءبىر كۇندىك جالاقىسىن زارداپ شەككەندەرگە اۋدارۋ تۋرالى شەشىم قابىلداۋ بويىنشا باستاۋىش پارتيا ۇيىمدارىنىڭ جيىندارى وتۋدە. ونىڭ سىرتىندا پارتيانىڭ بارلىق وڭىرلىك فيليالدارى گۋمانيتارلىق كومەك قابىلداۋ بەكەتتەرىن  ۇيىمداستىردى.

بارلىق دەڭگەيدەگى دەپۋتاتتار، پار­تيانىڭ جاقتاستارى مەن نەمقۇرايلى ەمەس ازاماتتار وتانداستارىنا جان-جاقتى كومەك كورسەتۋ بويىنشا پارتيا باستاماسىنا قولداۋ تانىتۋدا. «Nur Otan» پارتياسىندا گۋ­مانيتارلىق كومەك جيناۋ جالعاسىپ جاتىر.

پارتيا مەن فراكتسيا اراسىنداعى بايلانىس نىعايماق

«Nur Otan» پارتياسى ءتوراعاسىنىڭ  ءبىرىنشى ورىنباسارى  باۋىرجان بايبەك جۇمىس ساپارىمەن باتىس قازاقستان وبلىسىنا باردى. ساپار بارىسىندا ول ايماقتىق پارتيا اكتيۆىمەن كەزدەستى. سونداي-اق بارلىق دەڭگەيدەگى ءماسليحاتتارداعى پارتيا فراكتسياسىنىڭ جۇمىسىن جانداندىرىپ، پارتيا مەن فراكتسيا اراسىنداعى ءوزارا قارىم-قاتىناستى كۇشەيتۋ كەرەكتىگىن ايتتى.

پارتيانىڭ وبلىستىق فيليالىنىڭ كونفەرەنتسياسىندا باۋىرجان بايبەك مەملەكەت باسشىسى قاسىم-جومارت توقاەۆتىڭ سايلاۋالدى تۇعىرناماسى قوعام ءۇشىن بىرىكتىرۋشى ءرول اتقارىپ، مەملەكەتتىك اپپاراتتى ساپالى ءارى ءتيىمدى جۇمىسقا جۇمىلدىرۋ كەرەكتىگىن دە تىلگە تيەك ەتتى. ء«قازىر پارتيا ءۇشىن ەڭ ماڭىزدى ماسەلە – حالىقتىڭ سەنىمىن ارتتىرۋ. سون­دىقتان كۇن تارتىبىندەگى وزەكتى ماسەلەلەردى تالقىلاۋ ىسىندە دەپۋتاتتارمەن قارىم-قاتىناستى قايتا قاراپ، كۇشەيتۋ كەرەك. دەپۋتاتتىق ساۋال­دار حالىقتىڭ الاڭداتقان اسا وزەكتى ماسەلەلەرمەن ۇندەسىپ جاتۋى ءتيىس. وكىنىشكە قاراي ءقازىر فراكتسيالاردىڭ جەرگىلىكتى جەردەگى جۇمىسى كەيبىر تالاپتارعا ساي ەمەس»، – دەدى پارتيا ءتوراعاسىنىڭ ءبىرىنشى ورىنباسارى.

بۇدان باسقا پارتيا حالىقتان كەلىپ تۇسكەن ءاربىر ءوتىنىشتى ءجىتى باقىلاۋعا الىپ، تىكەلەي جۇمىس ىستەيدى. سوندىقتان پارتيا مەملەكەتتىك ورگانداردىڭ حالىقتىڭ وتىنىشتەرىنە جاۋاپ بەرىپ، ماسەلەلەردى وڭ شەشۋ جولىنداعى جۇمىستاردى مۇقيات باقىلاۋعا الۋى ءتيىس. وسىعان بايلانىستى «Nur Otan» پارتياسى ءتوراعاسىنىڭ ءبىرىنشى ورىنباسارى العاشقى جارتىجىلدىقتا پارتيانىڭ ورال قالالىق فيليالىندا قالا اكىمىنىڭ ورىنباسارلارى بىردە ءبىر قابىلداۋ وتكىزبەگەنىن قاتاڭ سىنعا الدى.

سونىمەن قاتار باۋىرجان بايبەك پارتيانىڭ وبلىستىق فيليالىنا كەلىپ تۇسكەن وتىنىشتەر بويىنشا الەۋمەتتىك نىسانداردى ارالادى. قازاقستان پرەزيدەنتى قاسىم-جومارت توقاەۆ ءوزىنىڭ سايلاۋالدى تۇعىرناماسىندا 2023 جىلعا دەيىن اپاتتى جاعدايداعى جانە ءۇش اۋىسىمدا وقىتاتىن مەكتەپ ماسەلەسىن تولىعىمەن شەشۋگە ۋادە بەرگەن ەدى. سوعان بايلانىستى پارتيا بۇل ماسەلەنى قاتاڭ باقىلاۋدا ۇستايدى. سونىڭ اياسىندا باۋىرجان بايبەك باتىس قازاقستان وبلىسىنىڭ اكىمى عالي ەسقاليەۆپەن بىرگە 58 جىل بۇرىن سالىنىپ، بۇگىندە اپاتتى جاعدايدا تۇرعان №31 مەكتەپتىڭ جاي-كۇيىمەن تانىستى. بۇگىندە اتالعان مەكتەپتى ءسۇرىپ تاستاپ، ورنىنا جاڭا ءبىلىم ورداسىن سالۋ تۋرالى شەشىم قابىلدانعان. سوعان وراي بالالار مەن مۇعالىمدەردى ۋاقىتشا جاقىن جەردەگى مەكتەپتەرگە ورنالاستىرماق.

وي مەن ءسوزدىڭ سايىسى

«Nur Otan» پارتياسىنىڭ «Jas Otan» جاستار قاناتى جاستار جىلىنا وراي رەسپۋبليكالىق «Jastar alańy – 2019» پىكىرسايىس ءتۋرنيرىن باستادى. ايتۋلى شارا اقپارات جانە قوعامدىق دامۋ مينيسترلىگى مەن ازاماتتىق باستامالاردى قولداۋ ورتالىعىنىڭ مۇرىندىق بولۋىمەن ۇيىمداستىرىلىپ وتىر.

شارانى ۇيىمداستىرۋداعى باستى ماقسات – قازاقستاندا پىكىرسايىس قوزعالىسىن جانداندىرۋ جانە پىكىرسايىس فەدەراتسياسىن قۇرۋ. «Jas Otan» جاستار قاناتىنىڭ ءتوراعاسى داۋلەت كارىبەكتىڭ ايتۋىنشا، ءتۋرنيردىڭ جالپى جۇلدە قورى – 4 000 000 تەڭگە. پىكىرسايىس تۋرنيرىنە قازاق جانە ورىس ليگاسىنا بارلىق وڭىردەن 18-29 جاس ارالىعىنداعى جاستاردان قۇرالعان 60 كوماندا قاتىسپاق. پىكىرتالاستار قىركۇيەك ايىندا باستالادى. فينالدىق ويىندار تەلەۆيزيالىق فورماتتا وتەدى دەگەن جوسپار بار.

«پىكىرسايىس – جاستار ءۇشىن ترەندكە اينالعان، سىني ويلاۋدى، لوگيكانى،  تۇلعالىق دامۋدى ارتتىرا الاتىن تاپتىرماس مەحانيزمگە اينالدى.  پىكىرسايىس كلۋبتارى ەلىمىزدىڭ ءار ايماعىندا كوپتەپ دامىپ كەلەدى. جاستار 9 شىلدە مەن 8 تامىز ارالىعىندا www.jasotan.com سايتىندا ءوتىنىم قالدىرا  الادى. الەۋمەتتىك جەلىدە پىكىرسايىسقا قاتىستى ايتار وي، ۇسىنىس-پىكىرىن   قالدىرادى. ولاردىڭ قوعامداعى وزگەرىستەرگە ازاماتتىق كوزقاراسى ءاردايىم   ماڭىزدى»، – دەيدى داۋلەت كارىبەك.

سونىمەن قاتار ۇيىمداستىرۋشىلار بريتاندىق پارلامەنتتىك جانە لينكولن دۋگلاس فورماتتارى بويىنشا تۋرنير قاتىسۋشىلارى مەن تورەشىلەرگە ارنالعان ترەنينگتەر مەن ماستەر-كلاستار وتكىزۋدى جوسپارلاپ وتىر. ترەنينگ پەن ماستەر-كلاستارعا قاتىسۋشىلارعا ودان ارى پىكىرسايىس ترەنينگتەرىن وتكىزۋگە مۇمكىندىك بەرەتىن ارنايى ترەنەر سەرتيفيكات بەرىلەدى.

ازاماتتىق باستامالاردى قولداۋ ورتالىعى باسقارماسىنىڭ ءتوراعاسى باتيما مۋكينا «Jastar alańy – 2019» رەسپۋبليكالىق پىكىرسايىس ءتۋرنيرى ارقىلى ۇيىمداستىرۋشىلار پىكىرسايىستى قولداپ قانا قويماي، مەملەكەتتىك قىزمەتكە مىقتى كادرلىق رەزەرۆ دايارلايتىنىن ايتىپ ءوتتى.

جيىندا بلوگەر قالي اقسۇلتاننىڭ اي­تۋىنشا، قازاق جانە ورىس ليگاسىنان بولەك قوعام قايراتكەرلەرى، انشىلەر، بلوگەرلەردىڭ جانە باسقا دا تانىمال تۇلعالاردىڭ قاتىسۋىمەن «جۇلدىزدى ويىن» وتكىزۋ جوسپاردا بار. ءتۋرنيردىڭ فينالدىق ويىندارى تەلەۆيزيالىق فورماتتا ۇيىمداستىرىلماق.

جوبانىڭ ناتيجەسىندە قازاقستاندا العاش رەت پىكىرسايىسشىلاردىڭ  ءوزارا بايلانىس ورناتۋعا، وزەكتى تاقىرىپتاردى تالقىلاپ، پىكىر الماسۋعا مۇمكىندىك بەرەتىن سايت پەن انالوگى جوق ءموبيلدى قوسىمشا ىسكە قوسىلادى.

الماتىدا شىرقالعان Disney اندەرى

Disney كومپانياسىنىڭ ليتسەنزياسىمەن رەسمي كينوكونتسەرتتەر وتەتىن الەمدىك استانالار تىزىمىندە ەندى قازاقستاننىڭ وڭتۇستىك استاناسى دا بار.

العاش رەت وتاندىق ارتىستەر ءDisney-دىڭ كوپشىلىك ىقىلاسىنا بولەنگەن انيماتسيالىق  فيلمدەرىندەگى تانىمال ساۋندترەكتەردى قازاق تىلىندە شىرقادى. دانيار وتەگەن، نۇرمۇحاممەد جاقىپ، ادام، كەنتال، دانەليا تۋلەشوۆا، ەردەن جاقسىبەكوۆ، ينديرا ەدىلباەۆا، جارقىناي شالقار، بالجان بيداش  سيمفونيالىق وركەستردىڭ سۇيەمەلدەۋىمەن جاندى  داۋىستا ءان سالىپ، كورەرمەنگە  ونەرلەرىن پاش ەتتى.

قازاقستان ءۇشىن ارنايى جاسالعان باعدارلاما ديسنەيلىك كينوكونتسەرتتىڭ رەسمي باعدارلاماسىنا «مۇزدى جۇرەك» («حولودنوە سەردتسە»)، «اڭ پاتشاسى ارىستان» («كورول لەۆ»)، «سۋ پەرىسى» («رۋسالوچكا»)، «ارۋ مەن قۇبىجىق»، («كراساۆيتسا ي چۋدوۆيششە») «مۋلان»، «الاددين»، «پوكاحونتاس» سياقتى بارلىعى 22 ءمۋلتفيلمنىڭ كومپوزيتسياسى ەندى.

«بۇگىن ءبىز ءDisney-دىڭ ەڭ ۇزدىك اندەرىن العاش رەت  قازاق تىلىندە ءوز ارتىستەرىمىزدىڭ ورىنداۋىندا تىڭداپ وتىرمىز. بۇل – ءبىزدىڭ استانا كۇنى مەرەكەسىنە وراي بالالارعا جاساعان سىيىمىز. مەن تمد-داعى Walt Disney كومانياسىنا جانە بۇگىن ءبىزدىڭ ارامىزعا وتباسىمەن بىرگە كەلگەن كومپانيا وكىلى يگور ماكاروۆقا راحمەت ايتامىن. مۋزىكا بالالاردىڭ بويىندا مەيىرىم مەن ءپاتريوتيزمدى، ادامگەرشىلىك قاسيەتتەر مەن كىشىپەيىلدىلىكتى قالىپتاستىرادى»، – دەدى «بولاشاق» كق قامقورشىلىق كەڭەسىنىڭ قۇرمەتتى مۇشەسى باۋىرجان بايبەك.

ايتا كەتەيىك، «جۇلدىزدار شەرۋى» قايىرىمدىلىق كينوكونتسەرتىنىڭ اياسىندا 7 ملن تەڭگەدەن استام قارجى جينالدى. جينالعان قاراجات تولىقتاي «بولاشاق»  كورپوراتيۆتىك قورىنىڭ الەۋمەتتىك جوبالارىنا جۇمسالادى.  ء«ار بالا مەكتەپكە بارۋى ءتيىس» جوباسىنىڭ اياسىندا نۇر-سۇلتان، شىمكەنت، ورال، اقتاۋ، اتىراۋ، قىزىلوردا، پاۆلودار، پەتروپاۆل جانە الماتىدا ينكليۋزيانى قولداۋ ءۇشىن 20 كابينەت اشىلدى. اۋتيزم جانە باسقا دا مەنتالدىق سىرقاتى بار 248 بالا مەكتەپكە بارۋعا مۇمكىندىك الدى. 2019 جىلى اقمولا، اقتوبە، شىعىس قازاقستان، جامبىل، قاراعاندى، پاۆلودار، سولتۇستىك قازاقستان جانە تۇركىستان وبلىستارىندا تاعى دا 20 كابينەت اشۋ جوسپارلانعان.

قازاقستانداعى ينكليۋزيۆتى ءبىلىم بەرۋدى جەتىلدىرۋگە جاردەمدەسۋ ماقساتىندا «بولاشاق» كق باستاماسى «Nur Otan» پارتياسىنىڭ تاراپىنان «كەدەرگىسىز كەلەشەك» رەسپۋبليكالىق جوباسىنىڭ اياسىندا قولداۋ تاپتى.

ء

ماجىلىس دەپۋتاتتارى  حالىقپەن كەزدەستى

قازاقستان رەسپۋبليكاسى پارلامەنت ءماجىلىسىنىڭ دەپۋتاتتارى ۆاسيلي ولەينيك جانە گەننادي شيپوۆسكيح «سيلۋمين-ۆوستوك»  جاۋاپكەرشىلىگى شەكتەۋلى سەرىكتەستىگى كاسىپورنىنىڭ قىزمەتكەرلەرىمەن كەزدەسىپ، «Nur Otan» پارتياسىنىڭ ء«ىت مامانداردى دايارلاۋ» جوباسى اياسىندا اشىلعان IT-تەحنولوگيالار جانە ونەركاسىپتىك جابدىققا سەرۆيستىك قىزمەت كورسەتۋ، وقۋ ورتالىعىنىڭ جۇمىسىمەن تانىستى.

ورتالىق زامان تالابىنا ساي جابدىقتالعان. ونداعى جاڭا تەحنولوگيالاردىڭ كومەگىمەن  ءتيىستى جۇمىستاردى بارىنشا جىلدام اتقارۋعا بولادى.

ء

«بىز سايلاۋشىلارمەن كەزدەسۋ بارىسىندا  پارلامەنتتەگى اتقارىلىپ جاتقان جۇمىستاردى تۇسىندىرەمىز. سونىمەن قاتار حالىقتىڭ وي-پىكىرىن تىڭدايمىز. دامىعان 30 مەملەكەتتىڭ قاتارىنا كىرۋ ءۇشىن، ەلباسىنىڭ ەلىمىزدى تسيفرلاندىرۋعا بايلانىستى بەرگەن تاپسىرماسىن تولىعىمەن ورىنداۋىمىز قاجەت. بۇگىنگى تاڭدا قازاقستان ۇكى­مەتىنىڭ اقپاراتتىق تەحنولوگيالاردى يگەرۋدى بارىنشا جىلدامداتۋعا ۇمتىلىپ وتىرعاندىعىن ايتا كەتكىم كەلەدى. IT-تەحنولوگيالاردى جەتىلدىرۋ، IT-ورتالىقتاردى كوپتەپ  اشۋ، ءار سالانى بارىنشا تسيفرلاندىرۋ زامان تالابىنان قالماۋدىڭ باستى العىشارتى بولماق»، – دەيدى قر پارلامەنت ءماجىلىسىنىڭ دەپۋتاتى گەننادي شيپوۆسكيح.

اسەل انۋاربەك


كەلۋ قاينارى: http://www.elarna.net/koru.php?tur=14&id=1021817

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


European Council meetin 12 مينوت
中国哈萨克语广播网 12 مينوت
قازاقستاندىقتاردىڭ قاي 1 ساعات
中国哈萨克语广播网 1 ساعات
تەاتر ونەرى جونىندەگى ك 1 ساعات
中国哈萨克语广播网 1 ساعات
فەرمەرلەردىڭ نارازىلىعى 1 ساعات
ميراس مۇقاش «AQTÓBE» ت 1 ساعات
ينۆەستور رەتىندە كەلەتى 2 ساعات
گەرمانيامەن ءبىلىم بەرۋ 2 ساعات
中国哈萨克语广播网 2 ساعات
الماتىدا ونكولوگتار امە 2 ساعات
اقپارات ءمينيسترى قازاق 2 ساعات
مەركەل: گەرمانيا قازاقس 2 ساعات
ەلوردادا تازالىققا ايرى 2 ساعات
ءبىرقاتار وڭىردە اۆتوجو 2 ساعات
ەلوردانىڭ ءاربىر بەسىنش 2 ساعات
中国哈萨克语广播网 2 ساعات
رەسەي مەن ۋكراينا شيەلە 2 ساعات
New benefits for small 2 ساعات
پاتەر كەزەگىنەن شىعارىل 2 ساعات
ءابىش كەكىلبايۇلى ۇلتتى 2 ساعات
ديماش قۇدايبەرگەن رەسەي 2 ساعات
قازاقستان پرەزيدەنتىنىڭ 3 ساعات
中国哈萨克语广播网 3 ساعات
بەلارۋستە پرەزيدەنت اكى 3 ساعات
ازەربايجاندا كەزەكتەن ت 3 ساعات
مەملەكەت باسشىسى گەرمان 3 ساعات
中国哈萨克语广播网 3 ساعات
قر پرەزيدەنتى: گەرمانيا 3 ساعات